រាជបណ្ឌិត្យសភាកម្ពុជា

ការប្រតិបត្តិជំនឿអ្នកតាក្នុងសង្គមខ្មែរ ដោយ៖ លោកបណ្ឌិត ហែម ឡាច មន្ត្រីនាយកដ្ឋាននីតិសាស្រ្ត នៃវិទ្យាស្ថាន​​មនុស្សសាស្រ្ត​​​​និងវិទ្យាសាស្រ្តសង្គម

ជំនឿលើអ្នកតានេះមានប្រវត្តិតាំងពីយូរយារណាស់មកហើយ តាំងពីប្រទេសយើងពុំទាន់បាន បង្កើតរដ្ឋទៅទៀត ពោលគឺមុនពេលមានវត្តមានព្រះថោង នាងនាគ ឬហ៊ុន ទៀន លីវ យី ពោលគឺមុនមានឥទ្ធិពលឥណ្ឌា និងចិនចូល​មកក្នុងទឹកដីកម្ពុជា។ អ្នកតាមាននៅពាសពេញគ្រប់ទីកន្លែងតាមជំនឿរបស់ម្ចាស់ស្រុក។ ប្រភពអ្នកតាទាំងអស់នោះមានលក្ខណៈខុសៗគ្នា។ អ្នកតាខ្លះមានប្រភពដើមមកពី តួអង្គប្រវត្តិសាស្ត្រ ខ្លះទៀតមានប្រភពពីបុគ្គលដែលមានមហិទ្ធិឫទ្ធិកាលពីអ្នកនោះនៅមានអាយុជីវិត។

លោកបណ្ឌិត អាំង ជូលាង អ្នកជំនាញ នរវិទ្យានៃសាកលវិទ្យាល័យភូមិន្ទវិចិត្រសិល្បៈបានបញ្ជាក់ថា អ្នកតាមាននៅគ្រប់ទីកន្លែងក្នុងទឹកដីកម្ពុជា ហើយបង្កប់នូវអប៉ីជំនឿដល់ប្រជាជនកម្ពុជាចាប់ពីទីក្រុងដល់ជនបទ។ អ្នកតាមិនគ្រាន់តែជាវិញ្ញាណមានលក្ខណៈសាមញ្ញប៉ុណ្ណោះទេ ប៉ុន្តែក៏ជាកម្លាំង ឬថាមពលពិសេសដែលអាចជួយខាងស្មារតីដល់មនុស្សក្នុងសហគមន៍ថែមទៀត។ អ្នកតា ឬលោកយាយត្រូវបានសន្មតឆ្លាក់ពីថ្ម ឈើ ដីឥដ្ឋ និង វត្ថុផ្សេងៗទៀតដាក់នៅលើទីទួលខ្ពស់មានប្រក់ស្លឹកស័ង្កសី ឬ ប្រក់ក្បឿងតាមលទ្ធភាពអ្នកភូមិនិយមចូលចិត្ត។ ចម្លាក់នៃរូបកាយអ្នកតានេះគេផ្សារភ្ជាប់ជាមួយបុព្វបុរស ឬបុគ្គលដែលខ្លាំងពូកែ ជួយការពារភូមិស្រុកឱ្យបានក្សេមក្សាន្ត និងអាចជ្រើស​រើសយកឈ្មោះបុគ្គលនោះជាឈ្មោះទីកន្លែង ដូចជាភូមិ ឃុំ ស្រុក ខេត្ត។ ដូច្នេះ គេត្រូវដាប់ឆ្លាក់រូបអ្នកតានេះស្របគ្នាជាមួយសម្ភារៈនិងរូបកាយបុគ្គល ឬវីរបុរសដែលបានស្លាប់ទៅហើយ ហើយគេក៏សន្មតថា អ្នកទាំងនោះស្លាប់តែរូប​កាយ តែព្រលឹងនៅតែតាមថែទាំកូនចៅក្នុងភូមិស្រុកបន្តទៀត។ ក្រៅពីការជឿលើព្រលឹងជីដូន ជីតានេះ ប្រជាជនខ្មែរក៏នៅតែគោរព និងឱ្យតម្លៃទៅដល់បរិស្ថានជុំវិញខ្លួនមានដូចជាព្រៃព្រឹក្សា ទេសភាពធម្មជាតិ ភ្នំ ទន្លេ បឹងបួ ផែន​ដី។ល។ ដោយគេសន្មតថា ជាវត្ថុមានជីវិតមានសក្តានុពល និងអំណាច ហើយចេះការពារមនុស្ស ផ្តល់ប្រយោជន៍ដល់មនុស្សក្នុងសហគមន៍។ ក្នុងការគោរពនិងដឹងគុណនេះគេសន្មតថា វត្ថុទាំងអស់នោះជាអ្នកតាហើយតែងតែបន់ស្រន់បួងសួងដាក់សំណែនសុំសេចក្តីសុខពីអ្នកតានោះ។

សូមចូលអានខ្លឹមសារបន្ថែម និងមានអត្ថបទច្រើនទៀតតាមរយៈតំណភ្ជាប់ដូចខាងក្រោម៖

http://rac.gov.kh/researchs-categories/9/researchs?page=3

  ថ្ងៃសុក្រ, 17 កុម្ភៈ 2023 ម៉ោង 03:08 PM

ឯកឧត្តមបណ្ឌិត យង់ ពៅ ៖ «ការរៀបចំវគ្គបណ្តុះបណ្តាលគ្រូបង្រៀនភាសាចិន មានតម្លៃ និងស្របតាមស្ថានភាពរបស់កម្ពុជា ដែលកំពុងត្រូវការអ្នកចេះភាសាចិន បំពេញការងារជាគ្រូបង្រៀន នៅតាមគ្រឹះស្ថានអប់រំសាធារណៈ នៅពេលបច្ចុប្បន្ននេះ»

(រាជបណ្ឌិត្យសភាកម្ពុជា)៖ ឯកឧត្តមបណ្ឌិត យង់ ពៅ តំណាងឯកឧត្ដមបណ្ឌិតសភាចារ្យ សុខ ទូច និងជាអគ្គលេខាធិការនៃរាជបណ្ឌិត្យសភាកម្ពុជា បានអញ្ជើញចូលរួមជាអធិបតីក្នុងពិធីបើក«សិក្ខាសាលាបណ្តុះបណ្តាលគ្រូបង្រៀនភាសាចិនបម្រុងប្រចាំឆ្នាំ២០២៣» នាព្រឹកថ្ងៃចន្ទ ទី១៣ ខែកុម្ភៈ ឆ្នាំ ២០២៣ តាមប្រព័ន្ធអនឡាញ ដោយមានការចូលរួមពីលោក ហ៊ូ ជឺភីង អនុប្រធាន មជ្ឈមណ្ឌលសហប្រតិបត្តិការភាសានៃក្រសួងអប់រំនៃសាធារណរដ្ឋប្រជាមានិតចិន លោក ឡី ឈីលី សាកលវិទ្យាធិការរងសាកលវិទ្យាល័យគរុកោសល្យចិនខាងកើត លោក លីន យួយហ៊ួរ ភារធារីស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា លោកគ្រូអ្នកគ្រូបង្រៀនភាសាចិនបម្រុង ព្រមទាំងសិស្សានុសិស្សជំនាញគរុកោសល្យភាសាចិន។

នៅក្នុងសុន្ទរកថាបើកសិក្ខាសាលានេះ ឯកឧត្ដមបណ្ឌិត យង់ ពៅ បានរំលឹកឡើងពីទំនាក់ទំនងរវាងកម្ពុជា និង សាធារណរដ្ឋប្រជាមានិតចិន គឺជាចំណងទាក់ទងមិត្តដែកថែប ហើយអ្វីដែលគួរកត់សម្គាល់នៃទំនាក់ទំនងថ្មីៗ គឺលទ្ធផលនៃដំណើរទស្សនកិច្ចរបស់សម្ដេចតេជោនាយករដ្ឋមន្ត្រី បានបង្កើតនូវ«កិច្ចសហប្រតិបត្តិការ​ត្បូងពេជ្រ» ដែលបានផ្ដោតលើវិស័យសំខាន់ប្រាំ គឺនយោបាយ, ផលិតកម្ម, កសិកម្ម, ថាមពល និងសន្តិសុខ។ ទាំងនេះ បានធ្វើឱ្យសេចក្ដីត្រូវការក្នុងការសិក្សាភាសាចិន រឹតតែមានសារៈសំខាន់ឡើងថែមទៀត ស្របពេលដែលសន្ទុះនៃដំណើរមកកាន់ប្រទេសកម្ពុជារបស់ទេសចរ និងវិនិយោគិនចិន មានកាន់តែច្រើនឡើង។ ឯកឧត្តមអគ្គលេខាធិការបានបញ្ជាក់ថែមទៀតថា ក្រុមហ៊ុនវិនិយោគ ត្រូវការធនធានធ្វើការងារដែលចេះភាសាចិន រីឯទេសចរចិន ក៏ត្រូវការមគ្គុទេសន៍ភាសាចិន ចំណែកទីកន្លែងផ្ដល់សេវាកម្មផ្សេងៗនៅតំបន់ទេសចរណ៍ ក៏រឹតតែត្រូវការអ្នកចេះភាសាចិន។ ដូច្នេះការបណ្ដុះបណ្ដាលភាសាចិន ពិតជាមានតម្រូវការនិងមានសារៈសំខាន់បំផុតនាពេលបច្ចុប្បន្ននេះ។

ជាមួយគ្នានេះ ឯកឧត្តមអគ្គលេខាធិការ ក្នុងនាមជាមន្ត្រីជាន់ខ្ពស់នៃរាជបណ្ឌិត្យសភាកម្ពុជា បានបញ្ជាក់ពីវត្តមាននៃវិទ្យាស្ថានគរុកោសល្យភាសាចិន នៅរាជបណ្ឌិត្យសភាកម្ពុជា តាំងពីឆ្នាំ២០២០មក ដែលបានបណ្ដុះបណ្ដាលគ្រូភាសាចិន ក្នុងកម្រិតថ្នាក់បរិញ្ញាបត្រ រហូតដល់បច្ចុប្បន្ន ចំនួនជាង ២០០នាក់ ដោយមានការទទួលស្គាល់ពីមជ្ឈមណ្ឌលសហប្រតិបត្តិការភាសានៃក្រសួងអប់រំចិន។

សូមបញ្ជាក់ថា វគ្គបណ្តុះបណ្តាលគ្រូបង្រៀនភាសាចិនបម្រុង ប្រចាំឆ្នាំ២០២៣ សហការរៀបចំដោយសាកលវិទ្យាល័យគរុកោសល្យចិនខាងកើត និងរាជបណ្ឌិត្យសភាកម្ពុជា ដែលទទួលបានការឧបត្ថម្ភគាំទ្រពីមជ្ឈមណ្ឌលសហប្រតិបត្តិការភាសានៃក្រសួងអប់រំចិន ដែលប្រព្រឹត្តទៅចាប់ពីថ្ងៃទី១៣ ដល់ថ្ងៃទី១៩ ខែកុម្ភៈ ឆ្នាំ ២០២៣ តាមប្រព័ន្ធអនឡាញ Zoom។

  ថ្ងៃចន្ទ, 13 កុម្ភៈ 2023 ម៉ោង 03:19 PM

ចំណងទំនាក់ទំនងកម្ពុជា-ចិន ៖ គំរូមិត្តភាពដែកថែប ដោយ៖បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា រាជបណ្ឌិត្យសភាកម្ពុជា

ឆ្នាំ២០២៣ ត្រូវបានកំណត់ជាឆ្នាំមិត្តភាពកម្ពុជា-ចិន ដើម្បីអបអរសាទរខួបលើកទី៦៥ នៃការបង្កើតទំនាក់ទំនងការ​ទូត​រវាងកម្ពុជា និងចិន ។ ក្នុងរយៈពេល៦៥ឆ្នាំនេះ ប្រទេសទាំងពីរបានលើកកម្ពស់ និងបីបាច់ថែរក្សាមិត្តភាព «ដែកភាព» ដែលមិនអាចបំបែកបាន ដែលបានឆ្លងកាត់ព្យុះភ្លៀងជាច្រើន និងជម្នះការលំបាកជាច្រើន។

មិត្តភាពរវាងកម្ពុជា និងចិន ត្រូវបានចាក់ឫសគោលការណ៍បច្ចសីលាសន្តិសហវិជ្ជមាន៖ ការគោរពអធិបតេយ្យភាពនិងបូរណភាពទឹកដីគ្នាទៅវិញទៅមក ការមិនឈ្លានពានគ្នាទៅវិញទៅមក ការមិនជ្រៀតជ្រែកក្នុងកិច្ចការផ្ទៃក្នុងរបស់គ្នាទៅវិញទៅមក សមភាពនិងការផ្តល់ផលប្រយោជន៍គ្នាទៅវិញទៅមក និងសន្តិសហវិជ្ជមាន។ ប្រទេសទាំងពីរកំពុងរួមគ្នាដោះស្រាយបញ្ហាប្រឈមរួមនិងជាសកល ពង្រឹងទំនាក់ទំនងនៅគ្រប់កម្រិត និងគ្រប់វេទិកាទាំងអស់ និងលើកកម្ពស់ការយោគយល់គ្នាកាន់តែស៊ីជម្រៅ ដើម្បីធានាថាប្រទេសទាំងពីរបន្តសមិទ្ធិផលដ៏អស្ចារ្យនៅថ្នាក់ជាតិ ថ្នាក់តំបន់ និងពិភពលោក។

នៅក្នុងសន្និសីទសារព័ត៌មានប្រចាំថ្ងៃមុនដំណើរទស្សនកិច្ចលើកដំបូងរបស់សម្តេចនាយករដ្ឋមន្ត្រី ហ៊ុន សែន ទៅកាន់ប្រទេសចិន ចាប់តាំងពីឆ្នាំ ២០២០ អ្នកនាំពាក្យក្រសួងការបរទេសចិនបានសង្កត់ធ្ងន់ថា «កម្ពុជានិងចិនជាអ្នកជិតខាងគ្នាជាប្រពៃណីនិងជាមិត្តដែកថែប ខណៈដែលមិត្តភាពរវាងប្រទេសទាំងពីរត្រូវបានបង្កើតដោយមេដឹកនាំជំនាន់មុននៃប្រទេសទាំងពីរ បានឆ្លងកាត់ការសាកល្បងនៃពេលវេលា និងបានរីកចម្រើនកាន់តែខ្លាំងឡើងពីមួយថ្ងៃទៅមួយថ្ងៃ»។

តបតាមការអញ្ជើញរបស់នាយករដ្ឋមន្ត្រីចិន លោក លី ខឺឈាង សម្តេចនាយករដ្ឋមន្រ្តី ហ៊ុន សែន បានបំពេញទស្សនកិច្ចផ្លូវការនៅប្រទេសចិន ចាប់ពីថ្ងៃទី ៩ ដល់ ១១ ខែកុម្ភៈ។ សម្តេចបានទៅបំពេញទស្សនកិច្ចចុងក្រោយនៅប្រទេស​ចិនក្នុងខែកុម្ភៈ ឆ្នាំ២០២០ ខណៈដែលស្ថានភាពជំងឺរាតត្បាតកូវីដ-១៩ ទាំងនៅកម្ពុជានិងនៅចិនមានភាពធ្ងន់ធ្ងរ ដែលនេះបង្ហាញពីការគាំទ្រដ៏រឹងមាំរបស់កម្ពុជាចំពោះប្រទេសចិន។ សម្តេចតេជោ ហ៊ុន សែន ក្លាយជាមេដឹកនាំបរទេស​ដំបូងគេដែលត្រូវបានទទួលដោយប្រទេសចិនក្រោយបុណ្យចូលឆ្នាំថ្មីចន្ទគតិ ឆ្នាំ២០២៣។

ភាគីទាំងពីរមានសុទិដ្ឋិនិយមខ្ពស់ថា ដំណើរទស្សនកិច្ចរបស់សម្តេច នឹងលើកកម្ពស់កិច្ចសហប្រតិបត្តិការរវាងប្រទេសទាំងពីរ និងជំរុញការអភិវឌ្ឍឱ្យកាន់តែស៊ីជម្រៅលើគ្រប់វិស័យ។ ក្រសួងការបរទេសនិងសហប្រតិបត្តិការអន្តរជាតិកម្ពុជា បានគូសបញ្ជាក់ថា ដំណើរទស្សនកិច្ចរបស់សម្តេចតេជោ ហ៊ុន សែន នឹងផ្តល់ឱកាសសម្រាប់រដ្ឋាភិបាលទាំងពីរជំរុញបន្ថែមទៀតនូវកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយ, កិច្ចព្រមព្រៀងពាណិជ្ជកម្មសេរីកម្ពុជា-ចិន និងជំរុញការកសាងសហគមន៍កម្ពុជា-ចិន ដែលមានអនាគតរួមគ្នា ដើម្បីផលប្រយោជន៍រួមនៃប្រទេសទាំងពីរ និងប្រជាជនទាំងពីរ។

អ្នកនាំពាក្យក្រសួងការបរទេសចិន លោកស្រី ម៉ៅ នីង ក៏បានថ្លែងនូវការវាយតម្លៃខ្ពស់ចំពោះដំណើរទស្សនកិច្ចរបស់សម្តេចតេជោ ហ៊ុន សែន ដោយកត់សម្គាល់ថា ដំណើរទស្សនកិច្ចនេះនឹងជំរុញឱ្យមានការរីកចម្រើនកាន់តែខ្លាំងឡើងក្នុងការកសាងសហគមន៍ចិន-កម្ពុជា ដែលមានអនាគតរួមគ្នា និងបន្តទំនាក់ទំនងមិត្តភាពចិន-កម្ពុជាពីមួយជំនាន់ទៅមួយជំនាន់។

ទាំងទង្វើនិងពាក្យសម្តី កម្ពុជានិងចិនបានឈរប្រកៀកស្មាគ្នាគ្រប់កាលៈទេសៈ ហើយផ្តល់សារៈសំខាន់យ៉ាងខ្លាំងទៅ​លើការរក្សាពហុភាគីនិយមពិតប្រាកដ ប្រជាធិបតេយ្យភាវូបនីយកម្មនៃទំនាក់ទំនងអន្តរជាតិ និងការអភិវឌ្ឍអភិបាលកិច្ចពិភពលោកឆ្ពោះទៅរកយុត្តិធម៌និងសមធម៌កាន់តែប្រសើរ។ ប្រទេសទាំងពីរក៏ប្រកាន់ខ្ជាប់យ៉ាងម៉ឺងម៉ាត់នូវបទដ្ឋានជាមូលដ្ឋាននៃទំនាក់ទំនងអន្តរជាតិ ការពារភាពត្រឹមត្រូវ និងយុត្តិធម៌អន្តរជាតិ និងប្រឆាំងគ្រប់ទម្រង់នៃអនុត្តរភាព នយោបាយអំណាច ឯកតោភាគីនិយម និងភាពផ្តាច់មុខនិយម ផ្នត់គំនិតសង្រ្គាមត្រជាក់ ការជ្រៀតជ្រែកក្នុងកិច្ចការផ្ទៃក្នុងរបស់ប្រទេសដទៃ និងស្តង់ដារទ្វេ។

កម្ពុជាតែងតែប្រកាន់ខ្ជាប់នូវគោលនយោបាយចិនតែមួយ និងប្រឆាំងរាល់សកម្មភាពឬការការអត្ថាធិប្បាយណាដែលបំផ្លាញអធិបតេយ្យភាពនិងបូរណភាពទឹកដីរបស់ប្រទេសចិន គ្រប់ទម្រង់នៃសកម្មភាពបំបែកខ្លួនសំដៅប្រកាស «ឯករាជ្យតៃវ៉ាន់» និងទម្រង់នៃការជ្រៀតជ្រែកពីខាងក្រៅចូលក្នុងកិច្ចការផ្ទៃក្នុងនៃរដ្ឋអធិបតេយ្យ។ កម្ពុជាគាំទ្ររាល់កិច្ចខិតខំប្រឹងប្រែងរបស់ចិន ដើម្បីការពារផលប្រយោជន៍ស្នូល និងសម្រេចឱ្យបាននូវការបង្រួបបង្រួមជាតិឡើងវិញរបស់ចិន។

កម្ពុជាគាំទ្រនិងចូលរួមយ៉ាងសកម្មនៅក្នុងគំនិតផ្តួចផ្តើមអភិវឌ្ឍន៍សកលរបស់ប្រទេសចិន ស្របតាមការប្តេជ្ញាចិត្តរបស់ខ្លួនចំពោះការអនុវត្តរបៀបវារៈឆ្នាំ២០៣០ របស់អង្គការសហប្រជាជាតិសម្រាប់ការអភិវឌ្ឍប្រកបដោយចីរភាព។ កម្ពុជាគាំទ្រសំណើគំនិតផ្តួចផ្តើមសន្តិសុខសកលរបស់ចិន និងត្រៀមខ្លួនជាស្រេចដើម្បីធ្វើការជាមួយប្រទេស​ចិនលើអភិបាលកិច្ចសន្តិសុខពិភពលោកឆ្ពោះទៅរកសន្តិសុខរួម ទូលំទូលាយ សហប្រតិបត្តិការ និងនិរន្តរភាព។

ភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជានិងចិន មិនគួរជាការរារាំងកម្ពុជាមិនឱ្យមានទំនាក់ទំនងល្អជាមួយប្រទេសឬមហាអំណាចផ្សេងទៀតនោះទេ ហើយក៏មិនធ្វើឱ្យកម្ពុជាប្រឈមនឹងហានិភ័យដែរ។ ទំនាក់ទំនងល្អរវាងប្រទេសទាំងពីរ តែងតែឈរលើគោលការណ៍ស្មើភាព និងស្មើសិទ្ធិ គោរពផលប្រយោជន៍គ្នាទៅវិញទៅមក និងប្រកាន់ខ្ជាប់នូវគោលការណ៍មិនជ្រៀតជ្រែកកិច្ចការផ្ទៃក្នុងរបស់ផងគ្នា។

ចំណងមិត្តភាពពិសេសនិងមិនអាចបំបែកបានរវាងកម្ពុជានិងចិន គឺជា «គំរូពិសេស» នៃទំនាក់ទំនងអន្តររដ្ឋ ដែលអាចយកទៅអនុវត្តទាំងក្នុងតំបន់និងពិភពលោក។ នៅក្នុងឆ្នាំនៃមិត្តភាពកម្ពុជា-ចិននេះ ការប្តេជ្ញាចិត្តដ៏មុតមាំ និងការខិតខំប្រឹងប្រែងដ៏ធំធេងរបស់ថ្នាក់ដឹកនាំ និងប្រជាជននៃប្រទេសទាំងពីរ បានបង្ហាញឱ្យឃើញយ៉ាងច្បាស់ ថា ទាំងកម្ពុជានិងចិនពិតជាបានទទួលស្គាល់ថា ការកសាងសហគមន៍កម្ពុជា-ចិន ដែលមានអនាគតរួមគ្នា គឺជាការពិត៕

RAC Media

ប្រភព៖ វិទ្យាស្ថានទំនាក់ទំនងអន្តរជាតិនៃកម្ពុជា

  ថ្ងៃសៅរ៍, 11 កុម្ភៈ 2023 ម៉ោង 11:39 AM

«ពិធីចុះហត្ថលេខាលើកិច្ចព្រមព្រៀងសហប្រតិបត្តិការស្រាវជ្រាវរួម (MOA) រវាងរាជបណ្ឌិត្យសភាកម្ពុជា និងវិទ្យាស្ថានស្រាវជ្រាវនីតិសាស្ត្រកូរ៉េ (KLRI)»

នៅរសៀលថ្ងៃទី៩ ខែកុម្ភៈ ឆ្នាំ២០២៣ រាជបណ្ឌិត្យសភាកម្ពុជាបានចុះហត្ថលេខាលើកិច្ចព្រមព្រៀងសហប្រតិបត្តិការស្រាវជ្រាវរួម (MOA) រវាងរាជបណ្ឌិត្យសភាកម្ពុជា និងវិទ្យាស្ថានស្រាវជ្រាវនីតិសាស្ត្រកូរ៉េ (KLRI) ដោយផ្តោតលើវិស័យសំខាន់ៗដូចខាងក្រោម៖

១. ការអនុវត្តការស្រាវជ្រាវនិងការរៀបចំសិក្ខាសាលារួមគ្នា។

២. ការធ្វើបទបង្ហាញពីកម្មវិធីសិក្សាផ្នែកច្បាប់របស់កូរ៉េនិងកម្មវិធីសិក្សាអប់រំដោយភាគី KLRI និងចូលរួមនៅក្នុងកម្មវិធីនេះដោយភាគីរាជបណ្ឌិត្យសភាកម្ពុជា (RAC)។

៣. ភាគីរាជបណ្ឌិត្យសភាកម្ពុជាចូលរួម និងធ្វើបទបង្ហាញនៅក្នុងកម្មវិធីបណ្តាញព័ត៌មានច្បាប់អាស៊ីដែលបានរៀបចំឡើងដោយភាគីវិទ្យាស្ថានស្រាវជ្រាវនីតិសាស្ត្រកូរ៉េ (KLRI)។

៤. ការបញ្ជូនអ្នកស្រាវជ្រាវទៅសិក្សានិងផ្លាស់ប្តូរបទពិសោធគ្នាទៅវិញទៅមក។

៥. ការចែករំលែកស្នាដៃនៃការស្រាវជ្រាវ ព័ត៌មាននិងស្នាដៃសិក្សាផ្សេងៗ។

៦. ការសហការលើវិស័យផ្សេងៗទៀតដែលជាប្រយោជន៍រួមដល់ភាគីទាំងពីរ។

  ថ្ងៃព្រហស្បតិ៍, 09 កុម្ភៈ 2023 ម៉ោង 04:48 PM

«ពិធីចុះហត្ថលេខាកំណត់ហេតុ នៃកិច្ចពិភាក្សារវាងរាជបណ្ឌិត្យសភាកម្ពុជា (RAC) ជាមួយក្រុមប្រឹក្សាស្រាវជ្រាវជាតិសម្រាប់ វិទ្យាសាស្ត្រសង្គម មនុស្សសាស្ត្រ និងសេដ្ឋកិច្ច នៃសាធារណរដ្ឋកូរ៉េ (NRC)»

ក្រោយពីបានបំពេញការងារលើកិច្ចការសន្ទនាកម្រិតបច្ចេកទេសអស់រយៈពេល២ថ្ងៃ កន្លងទៅ (ថ្ងៃទី៨ និងទី៩ ខែកម្ភៈ ឆ្នាំ២០២៣) នារសៀលថ្ងៃព្រហស្បតិ៍ ៤រោច ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៩ ខែកុម្ភៈ ឆ្នាំ២០២៣ នៅសាលទន្លេសាប អគារខេមរវិទូនៃរាជបណ្ឌិត្យសភាកម្ពុជា ក្នុងនាមប្រតិភូក្រុមការងាររាជបណ្ឌិត្យសភាកម្ពុជា ការចុះហត្ថលេខាលើកំណត់ហេតុកិច្ចពិភាក្សាជាមួយលោកបណ្ឌិត Cho Byung Duk អគ្គនាយកក្រុមប្រឹក្សាស្រាវជ្រាវជាតិសម្រាប់វិទ្យាសាស្ត្រសង្គម មនុស្សសាស្ត្រ និងសេដ្ឋកិច្ច (NRC) ក្នុងនាមប្រតិភូមកពីសាធារណរដ្ឋកូរ៉េ។ លទ្ធផលភាគីទាំងពីរបានឯកភាពលើ ៤ចំណុច ដូចខាងក្រោម៖

ទី១៖ ការកសាងសមត្ថភាពតាមរយៈកម្មវិធីសិក្ខាសាលាអន្តរជាតិ

ប្រតិភូរាជបណ្ឌិត្យសភាកម្ពុជារ និង ប្រតិភូ NRC នឹងអញ្ជើញចូលរួមកម្មវិធីសិក្ខាសាលានៅសាធារណរដ្ឋកូរ៉េ នៅខែមីនា ឆ្នាំ២០២៣ ដែលជាចំណែកមួយនៃកម្មវិធីកសាងសមត្ថភាព រៀបចំឡើងដោយ NRC។ ក្រៅពីកម្មវិធីសិក្ខាសាល គណៈប្រតិភូរាជបណ្ឌិត្យសភាព នឹងមានជំនួបជាមួយអ្នកឯកទេសធ្វើគោលនយោបាយ នៅកូរ៉េផងដែរ។

ទី២៖ ការកសាងសមត្ថភាពតាមរយៈកម្មវិធីបណ្តុះបណ្តាលថ្នាក់ក្រោយបរិញ្ញាបត្រ

នៅក្នុងកម្មវិធីនេះ ភាគី NRC និង RAC នឹងបន្តបញ្ជូននិស្សិតកម្ពុជាទៅសិក្សានៅសាធារណរដ្ឋកូរ៉េស្របតាមកិច្ចព្រមព្រៀងរួមគ្នា។

ទី៣៖ ការស្រាវជ្រាវរួមរវាងស្ថាប័នទាំងពីរ

ភាគី NRC និង RAC បានឯកភាពគ្នាចាប់ផ្តើមការស្រាវជ្រាវរួមគ្នាចាប់ពីខែឧសភា ឆ្នាំ២០២៣ បន្តពីការស្រាវជ្រាវរួម ពីឆ្នាំមុន។ ការស្រាវជ្រាវរួមនឹងចែកចេញជាពីរផ្នែក គឺការស្រាវជ្រាវគោលនយោបាយ និងការស្រាវជ្រាវស្ថាប័ន។ ភាគីទាំងពីរក៏បានឯកភាពគ្នាផងដែរថា វិទ្យាស្ថានស្រាវជ្រាវនីតិសាស្ត្រកូរ៉េ (KLRI) ជាទីភ្នាក់ងារធ្វើការងារដោយផ្ទាល់លើគម្រោងនេះ។

ទី៤៖ សិក្ខាសាលាអន្តរជាតិ

ភាគី NRC និង RAC បានឯកភាពគ្នា រៀបចំសិក្ខាសាលានៅឯសាធារណរដ្ឋកូរ៉េនៅខែមីនា និងវេទិកាសាកលកូរ៉េឆ្នាំ២០២៣ (GKF) នៅខែវិច្ឆិកាឆ្នាំ២០២៣។ សិក្ខាសាលាអន្តរជាតិរបស់ NRC នឹងជាព្រឹត្តិការណ៍ដ៏សំខាន់មួយនៃសប្តាហ៍សហការអភិវឌ្ឍន៍រួមគ្នា ដែលបានកំណត់ដោយខុទ្ទកាល័យនាយករដ្ឋមន្ត្រីកូរ៉េ៕

  ថ្ងៃព្រហស្បតិ៍, 09 កុម្ភៈ 2023 ម៉ោង 04:42 PM

Cambodia-China Relations, An Iron-clad Role Model for Inter-state Relations

To celebrate the 65th anniversary of the establishment of diplomatic ties between Cambodia and China, 2023 was designated the Year of Cambodia-China Friendship. Over 65 years, both countries have forged and nurtured an unbreakable, “ironclad” friendship that has weathered many storms and overcome many difficulties.

The friendship between Cambodia and China is rooted in the five principles of peaceful coexistence: mutual respect for each other’s territorial integrity and sovereignty, mutual non-aggression, mutual non-interference in each other’s internal affairs, equality and mutual benefit, and peaceful co-existence. The two countries are jointly addressing common and global challenges, strengthening contacts at all levels and across all platforms, and deepening mutual understanding to ensure they continue great achievements at national, regional and global levels.

In a daily briefing ahead of Cambodian Premier Hun Sen’s first visit to China since 2020, the Chinese Foreign Ministry’s spokesperson emphasised that, “Cambodia and China have traditionally been close neighbors and iron-clad friends while friendship forged by the older generation of the leaders of the two countries has stood the test of time and grown from strength to strength”.

At the invitation of Chinese Premier Li Keqiang, Cambodian Premier Hun Sen is paying an official visit to China from the 9th to 11th of February 2023. Premier Hun Sen last visited China in February 2020 when the pandemic situation in both Cambodia and China was still grave demonstrating Cambodia’s strong support for China. Premier Hun Sen becomes the first foreign leader to be hosted by China following the 2023 Lunar New Year.

Both sides are highly optimistic that Premier Hun Sen’s visit to China will further boost cooperation to new highs and deepen development in all fields of Cambodia-China relations. The Cambodian Ministry of Foreign Affairs and International Cooperation highlighted that PM Hun Sen’s visit to China would offer an opportunity for both governments to further advance the Comprehensive Strategic Partnership of Cooperation, the Cambodia-China Free Trade Agreement (CCFTA) and bolster the building of a Cambodia-China Community of a shared future for the mutual benefit of the two nations and their people.

Chinese Foreign Ministry’s spokesperson Mao Ning also spoke highly of PM Hun Sen’s visit noting it would be an opportunity to push for even greater progress in the building of the China-Cambodia community with a shared future and carry forward the China-Cambodia friendship from generation to generation.

In deeds and words, Cambodia and China have stood together through thick and thin and attach great importance to upholding genuine multilateralism, democratization of international relations, and development of global governance towards greater justice and equity, and firmly uphold the basic norms of international relations, safeguard international fairness and justice, and oppose all forms of hegemonism, power politics, unilateralism and exclusivity, Cold War mentality, interference in other countries’ internal affairs and double standards.

Cambodia has always maintained its unwavering adherence to the One-China policy and opposition to any actions or remarks undermining China’s sovereignty and territorial integrity, any form of separatist activities seeking “Taiwan independence”, and to external interference in the internal affairs of sovereign states under any pretext. Cambodia supports every Chinese effort to safeguard core interests and achieve national reunification.

Cambodia supports and actively participates in China’s Global Development Initiative (GDI), in line with its commitment to the implementation of the United Nations 2030 Agenda for Sustainable Development. Cambodia supports China’s proposal of the Global Security Initiative (GSI), and stands ready to work with China on global security governance towards common, comprehensive, cooperative and sustainable security.

The comprehensive strategic partnership between Cambodia and China should not be a barrier for Cambodia to have good relations with other countries or powers, nor does it put the Kingdom at risk. The healthy relations between the two countries have always been based on the principle of equal rights and equal footing, respecting one another's interests and adhering to the principle of non-interference.

Cambodia-China’s special and unbreakable ties are a “unique role model” of interstate relations that can be replicated both regionally and globally. In this Year of Cambodia-China Friendship to celebrate the 65th year of diplomatic ties, the strong commitment and great efforts made by the leaders and peoples of the two countries underpin the mutual knowledge that the building of the Cambodia-China community with a shared future is a reality.

By Kin Phea, PhD
Director General, International Relations Institute of Cambodia,
Royal Academy of Cambodia

February 09, 2023

  ថ្ងៃព្រហស្បតិ៍, 09 កុម្ភៈ 2023 ម៉ោង 11:25 AM

[English Below] «ជំនួបរវាងរាជបណ្ឌិត្យសភាកម្ពុជា និងសាកលវិទ្យាល័យឥណ្ឌូនេស៊ី Institut Teknologi Sepuluh Nopember»

នៅថ្ងៃទី៧ ខែកុម្ភៈ ឆ្នាំ២០២៣ វេលាម៉ោង ១៖៣០នាទីរសៀល រាជបណ្ឌិត្យសភាកម្ពុជាបានរៀបចំជំនួបមួយជាមួយនឹងសាកលវិទ្យាល័យឥណ្ឌូនេស៊ី Institut Teknologi Sepuluh Nopemberនៅអគារខេមរវិទូ (បន្ទប់ក្រវ៉ាន់) ក្រោមការដឹកនាំដោយ ឯកឧត្តមបណ្ឌិត ឈឹត វណ្ណឬទ្ធ ជំនួសការរាជបណ្ឌិត្យសភាកម្ពុជា។

ក្នុងពិធីជំនួបនេះ អ្នកតំណាងសាកលវិទ្យាល័យឥណ្ឌូនេស៊ី Institut Teknologi Sepuluh Nopember លោកស្រី Octaviyanti Dwi Wahyurini អ្នកគ្រប់គ្រងជាន់ខ្ពស់ និងលោកស្រី Desy Kurniawati បុគ្គលិកផ្នែកការិយាល័យនិស្សិតអន្តរជាតិ បានរៀបរាប់ដោយសង្ខេបពីសាកលវិទ្យាល័យ Institut Teknologi Sepuluh Nopember និងបង្ហាញពីវត្ថុបំណង និងចំណុចសម្រាប់កិច្ចសហប្រតិបត្តិការជាមួយរាជបណ្ឌិត្យសភាកម្ពុជា។

ជាទីបញ្ចប់ រាជបណ្ឌិត្យសភាកម្ពុជា និងសាកលវិទ្យាល័យឥណ្ឌូនេស៊ី Institut Teknologi Sepuluh Nopember បានឯកភាពពិនិត្យមើលលទ្ធភាពនៃកិច្ចសហប្រតិបត្តិការ និងព្រៀងឯកសារដើម្បីចុះអនុស្សារណៈយោគយល់នាពេលដ៏ខ្លីខាងមុខនេះ ដើម្បីរឹតចំណងទំនាក់ទំនង និងកិច្ចសហប្រតិបត្តិការលើចំណុចដែលស្របចក្ខុវិស័យគ្នា។ 

"Meeting between the Royal Academy of Cambodia and the Institut Teknologi Sepuluh Nopember, Indonesian University"

On February 7, 2023, at 1:30 pm, the Royal Academy of Cambodia organized a meeting with the Institut Teknologi Sepuluh Nopember at the Khemeravito Building (Room: Kravan) led by H.E. Dr. Chhit Vannarith, assistant to the Royal Academy of Cambodia.

In the meeting, the representatives of the Institut Teknologi Sepuluh Nopember, Ms. Octaviyanti Dwi Wahyurini, Senior Manager, and Ms. Desy Kurniawati, International Student Office staff, briefed the historical background of the Institut Teknologi Sepuluh Nopember and outlined the objectives and points for the possible collaborations with the Royal Academy of Cambodia.

In the end, the Royal Academy of Cambodia and the Institut Teknologi Sepuluh Nopember agreed to explore the possibility of cooperation and draft a memorandum of understanding in the near future to strengthen ties and cooperation on the mutual visions.

  ថ្ងៃអង្គារ, 07 កុម្ភៈ 2023 ម៉ោង 10:09 PM

បាឋកថាស្តីអំពី «សេចក្តីសង្ខេបពីការធ្វើជាប្រធានអាស៊ានរបស់កម្ពុជា៖ សមិទ្ធផល និងបញ្ហាប្រឈម (Briefing on Cambodia’s ASEAN Chairmanship 2022: Achievements and Challenges)»

នៅថ្ងៃសៅរ៍ ១៤កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៤ ខែកុម្ភៈ ឆ្នាំ២០២៣ វេលាម៉ោង៩៖០០នាទីព្រឹក នៅសាលទន្លេសាប (អគារខេមរវិទូ) មជ្ឈមណ្ឌលបណ្តុះបណ្តាលនិងស្រាវជ្រាវនៃអគ្គលេខាធិការដ្ឋាននៃរាជបណ្ឌិត្យសភាកម្ពុជា បានរៀបចំបាឋកថាមួយស្តីអំពី «សេចក្តីសង្ខេបពីការធ្វើជាប្រធានអាស៊ានរបស់កម្ពុជា៖ សមិទ្ធផល និងបញ្ហាប្រឈម (Briefing on Cambodia’s ASEAN Chairmanship 2022: Achievements and Challenges)»។ នៅក្នុងកម្មវិធីបាឋកថាដ៏មានអត្ថន័យនេះ មានការចូលរួមពីវាគ្មិនកិត្តិយស ឯកឧត្តមបណ្ឌិត សភាចារ្យ សុក ស៊ីផាន់ណា ទីប្រឹក្សាជាន់ខ្ពស់នៃរដ្ឋាភិបាលកម្ពុជា និងអ្នកសម្របសម្រួលឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា។

គួរបញ្ជាក់ផងដែរថា នៅក្នុងកម្មវិធីបាឋកថានេះ មានអ្នកចូលរួមសុរបចំនួន ១៤១នាក់ ក្នុងនោះរួមមាន៖

-និស្សិតថ្នាក់បណ្ឌិតមកពីរាជបណ្ឌិត្យសភាកម្ពុជាមានចំនួន ៥៥នាក់

-និស្សិតថ្នាក់បរិញ្ញាជាន់ខ្ពស់មកពីរាជបណ្ឌិត្យសភាកម្ពុជាមានចំនួន ៣៥នាក់

-និស្សិតមកសាកលវិទ្យាល័យភូមិន្ទនីតិសាស្រ្តនិងសេដ្ឋកិច្ច (RULE)មានចំនួន ៧នាក់

-និស្សិតសាកលវិទ្យាល័យអាស៊ី-អ៊ឺរ៉ុប (AEU)មានចំនួន ៩នាក់

-និស្សិតមកសាលាភូមិន្ទរដ្ឋបាល (ERA)មានចំនួន ១១នាក់

-មន្រ្តីរាជបណ្ឌិត្យសភាកម្ពុជាមានចំនួន ១០នាក់

-និងសមាជិកសហភាពសហព័ន្ធយុវជនកម្ពុជាមានចំនួន ១៤នាក់

ជាចុងក្រោយកម្មវិធីបាឋកថានេះ បានបញ្ចប់ទៅប្រកបដោយភាពជោគជ័យ និងការចាប់អារម្មណ៍ខ្លាំងពីសំណាក់អ្នកចូលរួមទាំងអស់ ដោយមានការសាកសួរសំណួរជាច្រើនពីអ្នកចូលរួម ទាក់ទងនឹងសមិទ្ធផលកន្លងមក និងបញ្ហាប្រឈមមួយចំនួនបន្ទាប់ពីកម្ពុជាបានធ្វើជាប្រធានអាស៊ាន។

  ថ្ងៃសៅរ៍, 04 កុម្ភៈ 2023 ម៉ោង 01:20 PM

ឯកឧត្ដមបណ្ឌិត យង់ ពៅ៖ ផែនការយុទ្ធសាស្ត្របីឆ្នាំរបស់រាជបណ្ឌិត្យសភាកម្ពុជា គឺជាផែនការយុទ្ធសាស្ត្រដែលកើតចេញពីថ្នាក់ដឹកនាំនិងមន្ត្រីរាជការទាំងអស់គ្នា ហើយទាមទារឱ្យមានការចូលរួមអនុវត្តពីគ្រប់គ្នាដើម្បីប្រសិទ្ធភាព

(រាជបណ្ឌិត្យសភាកម្ពុជា)៖ នៅព្រឹកថ្ងៃសុក្រ ១៣ កើត ខែមាឃ ឆ្នាំខាល ព.ស. ២៥៦៦ ត្រូវនឹងថ្ងៃទី៣ ខែកុម្ភៈ ឆ្នាំ២០២៣នេះ ក្នុងឱកាសថ្លែងសុន្ទរកថាបើក និងប្រកាសដាក់ឱ្យអនុវត្តជាផ្លូវការផែនការយុទ្ធសាស្ត្របីឆ្នាំ របស់រាជបណ្ឌិត្យសភាកម្ពុជា ឯកឧត្ដមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជាបានមានប្រសាសន៍សង្កត់ធ្ងន់ថា​ ផែនការយុទ្ធសាស្ត្របីឆ្នាំរបស់រាជបណ្ឌិត្យសភាកម្ពុជា គឺជាផែនការយុទ្ធសាស្ត្ររបស់យើងទាំងអស់គ្នា ដែលថ្នាក់ដឹកនាំវិទ្យាស្ថានចំណុះ និងស្ថាប័នឧបសម្ព័ន្ធ និងមន្ត្រីរាជការនៃរាជបណ្ឌិត្យសភាកម្ពុជាទាំងអស់ ត្រូវចូលរួមអនុវត្តឱ្យមានប្រសិទ្ធភាព។

បើតាមការគូសបញ្ជាក់របស់ឯកឧត្ដមបណ្ឌិត យង់ ពៅ ផែនការយុទ្ធសាស្ត្របីឆ្នាំរបស់រាជបណ្ឌិត្យសភាកម្ពុជា គឺជាផែនការយុទ្ធសាស្ត្រដែលកើតចេញពីធាតុចូលដែលទទួលបានពីការសម្ភាសន៍ថ្នាក់ដឹកនាំ និងមន្ត្រីរាជការនៃរាជបណ្ឌិត្យសភាកម្ពុជា ដើម្បីស្វែងយល់ឱ្យបានជាក់លាក់ និងស៊ីជម្រៅ អំពីដំណើរការប្រព្រឹត្តទៅ និងស្ថានភាពជាក់ស្ដែងនៃការអនុវត្តការងារនៅតាមវិទ្យាស្ថាន អង្គភាពឧបសម្ព័ន្ធ និងអង្គភាពក្រោមឱវាទទាំងអស់នៃរាជបណ្ឌិត្យសភាកម្ពុជា ដើម្បីធ្វើការវាយតម្លៃ និងដាក់ចេញនូវផែនការយុទ្ធសាស្ត្របីឆ្នាំរបស់រាជបណ្ឌិត្យសភាកម្ពុជាឱ្យមានប្រសិទ្ធភាពខ្ពស់បំផុត ឆ្លើយតបទៅនឹងទស្សនវិស័យ បេសកកម្ម និងគោលដៅរបស់រាជបណ្ឌិត្យសភាកម្ពុជា។

ឯកឧត្ដមបណ្ឌិតអគ្គលេខាធិការ បានគូសបញ្ជាក់បន្ថែមទៀតថា ផែនការយុទ្ធសាស្ត្របីឆ្នាំរបស់រាជបណ្ឌិត្យសភាកម្ពុជា មានលក្ខណៈជាផែនការយុទ្ធសាស្ត្ររបស់ស្ថាប័នមេសម្រាប់វិទ្យាស្ថាន អង្គភាពឧបសម្ព័ន្ធ និងអង្គភាពក្រោមឱវាទទាំងអស់នៃរាជបណ្ឌិត្យសភាកម្ពុជា។ ផែនការយុទ្ធសាស្ត្រនេះ នឹងជាកាតាលីករដ៏សំខាន់ដើម្បីជំរុញការលូតលាស់មួយដ៏រឹងមាំ និងសុខដុមនីយកម្មរបស់រាជបណ្ឌិត្យសភាកម្ពុជា ដោយផ្ដើមចេញពីការដោះស្រាយបញ្ហាសំខាន់ៗនានាក្នុងរយៈពេល៣ឆ្នាំបន្ទាប់ និងរយៈពេលខាងមុខបន្តទៀត។

ជាមួយគ្នានេះ ឯកឧត្ដមបណ្ឌិត យង់ ពៅ បានគូសបញ្ជាក់បន្ថែមផងដែរថា ការយល់ដឹង និងអនុវត្តឱ្យបានតាមផែនការយុទ្ធសាស្ត្រនេះពីសំណាក់ថ្នាក់ដឹកនាំ និងមន្ត្រីទាំងអស់នៃរាជបណ្ឌិត្យសភាកម្ពុជាក្នុងស្មារតីសាមគ្គីភាពខ្ពស់បំផុត គឺជាភាពចាំបាច់ក្នុងការជំរុញឱ្យគ្រប់អង្គភាពទាំងអស់វិវឌ្ឍឆ្ពោះទៅមុខព្រមជាមួយគ្នា៕

RAC Media | លឹម សុវណ្ណរិទ្ធ

  ថ្ងៃសុក្រ, 03 កុម្ភៈ 2023 ម៉ោង 02:25 PM

[ENGLISH BELOW]: «វគ្គថ្មី! បណ្តុះបណ្តាលបច្ចេកទេសនិងវិជ្ជាជីវៈ ជំនាញចុងភៅនៅរាជបណ្ឌិត្យសភាកម្ពុជា»

រាជបណ្ឌិត្យសភាកម្ពុជា មានកិត្តិយសសូមជម្រាបជូនសាធារណៈជនដែលមានបំណងចូលរៀនវគ្គថ្មី បណ្តុះបណ្តាលបច្ចេកទេសនិងវិជ្ជាជីវៈ ជំនាញចុងភៅនៅរាជបណ្ឌិត្យសភាកម្ពុជា មេត្តាជ្រាបថា វគ្គថ្មីជំនាញចុងភៅ នឹងចាប់ផ្តើមតាមកាលបរិច្ឆេទដូចខាងក្រោម៖

១.វេនសៅរ៍-អាទិត្យ (មួយថ្ងៃពេញ) ៖ ចូលរៀនថ្ងៃទី៤ ខែកុម្ភៈ ឆ្នាំ២០២៣

២.វេនចន្ទ-ព្រហស្បតិ៍ (៨:០០ព្រឹក-១២:០០ថ្ងៃត្រង់)៖ ចូលរៀនថ្ងៃចន្ទ ទី៦ ខែកុម្ភៈ ឆ្នាំ២០២៣

អាស្រ័យដូចបានជម្រាបជូនខាងលើ សម្រាប់សាធារណជនដែលមានចំណាប់អារម្មណ៍លើវគ្គថ្មី បណ្តុះបណ្តាលបច្ចេកទេសនិងវិជ្ជាជីវៈ ជំនាញចុងភៅ សូមទាក់ទងមកតាម៖

-អាសយដ្ឋាន៖ មហាវិថីសហព័ន្ធរុស្ស៊ី សង្កាត់អូរបែកក្អម ខណ្ឌសែនសុខ រាជធានីភ្នំពេញ

-ទំព័រហ្វេសប៊ុក៖ រាជបណ្ឌិត្យសភាកម្ពុជា និងមជ្ឈមណ្ឌលបណ្តុះបណ្តាល និងស្រាវជ្រាវនៃរាជបណ្ឌិត្យសភាកម្ពុជា

-លេខទូរសព្ទ៖ ០៩៧-៨-២៦៥-៤៧៩/ ០៧៨-៤២៤-២៨១

សូមអរគុណ!

NEW COOKERY COURSE!

Royal Academy of Cambodia would like to announce that the upcoming technical and vocational training on cookery course will commence SOON as follows:

-Saturday-Sunday course commences on February 4, 2023

-Monday-Thursday course commences on February 6, 2023

For those who are interested in our program, please contact us at:

Address: Russian Boulevard, Sangkat Obek Kaom, Khan Sen Sok, Phnom Penh

H/P: 097-8-265-479 078-424-281

  ថ្ងៃពុធ, 01 កុម្ភៈ 2023 ម៉ោង 02:42 PM