រាជបណ្ឌិត្យសភាកម្ពុជា

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និង រូបវិទ្យា »

ថ្ងៃពុធ ៨កើត ខែមាឃ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ បានបន្តប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និង រូបវិទ្យា បានចំនួន០៣ពាក្យ ដូចខាងក្រោម៖

RAC Media

  ថ្ងៃពុធ, 13 កុម្ភៈ 2019 ម៉ោង 10:50 PM

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្បិ៍»

ថ្ងៃអង្គារ ៨កើត ខែមាឃ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធបតីភាពឯកឧត្តមបណ្ឌិត ជួរ គារី បានបន្តដឹកនាំប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្បិ៍ បានចំនួន ០៤ពាក្យ ដូចខាងក្រោម៖

  ថ្ងៃអង្គារ, 12 កុម្ភៈ 2019 ម៉ោង 11:27 PM

សម្ដេចតេជោ៖ កម្ពុជាមិនត្រូវយកឯករាជភាពនិងអធិបតេយ្យទៅដោះដូរនឹងអ្វីមួយឡើយ

ចុះផ្សាយថ្ងៃទី១២ ខែកុម្ភៈ ឆ្នាំ២០១៩ ម៉ោង ១០ : ៤០ នាទី

ភ្នំពេញ៖ «កម្ពុជាមិនអាចរំពឹងលើជំនួសបរទេសតែមួយមុខទេ ហើយកម្ពុជាក៏មិនត្រូវយកឯករាជភាពនិងអធិប តេយ្យភាពរបស់ខ្លួនទៅដោះដូរជាថ្នូរនឹងអ្វីមួយនោះដែរ។» សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានគូសបញ្ជាក់យ៉ាងដូច្នេះនៅលើទំព័រហ្វេសប៊ុកផ្លូវរបស់សម្ដេច នាព្រឹកថ្ងៃទី១២ ខែកុម្ភៈ ឆ្នាំ២០១៩នេះ។

នៅក្នុងសារដែលបានផ្ញើជូនជនរួមជាតិ ដោយបានសួរសុខទុក្ខជនរួមជាតិផងដែរនោះ សម្ដេចតេជោបានគូសបង្ហាញពីការបង្កើនប្រសិទ្ធភាពក្នុងការប្រមូលពន្ធ និងបញ្ជាក់អំពីរីកចម្រើនសេដ្ឋកិច្ចរបស់កម្ពុជាដែលបានដើរចេញពីស្ថាន ភាពដែលត្រូវបានគេហ៊ុមព័ទ្ធដោយទារុណកម្ម និងការកៀបសង្កត់នាពេលអតីតកាល។ កំណើនសេដ្ឋកិច្ចដែលកម្ពុជាសម្រេចបានក្នុងរង្វង់៧% ដែលជាគុណសម្បត្តិនិងជាចំណុចលេចធ្លោមួយរបស់កម្ពុជា បានធ្វើឱ្យរាជរដ្ឋាភិបាលបានដាក់គោលដៅនាំកម្ពុជាឆ្ពោះទៅក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានប្រាក់ចំណូលកម្រិតខ្ពស់នៅឆ្នាំ២០៥០។

ក្នុងន័យ បង្ហាញអំពីការចូលរួមចំណែករបស់ប្រជាពលរដ្ឋ ក្នុងវឌ្ឍនភាពសេដ្ឋកិច្ចជាតិ សម្ដេចតេជោបានបន្តលើកឡើង ដោយបានថ្លែងអំណរគុណដោយឡែកដល់បងប្អូនអាជីវករ ពាណិជ្ជករ និងវិយោគគិន ដែលបានបំពេញកាតព្វកិច្ចបង់ពន្ធ និងបានពង្រីកទំហំពាណិជ្ជកម្ម និងវិនិយោគឱ្យកាន់តែធំឡើងនៅក្នុងប្រទេសជាតិ។

ជាការពិត វឌ្ឍនភាពសេដ្ឋកិច្ចរបស់កម្ពុជាក៏មានការចូលរួមចំណែកមួយផ្នែកណាមួយផងដែរពីជំនួយបរទេស នៅគ្រាដែលកម្ពុជាកំពុងកសាងសក្ដានុពលរបស់ខ្លួនលើវិស័យសេដ្ឋកិច្ច ប៉ុន្តែទោះជាយ៉ាងនេះក្ដី កម្ពុជាមិនអាចដើម្បីតែចង់បានជំនួយបរទេស ត្រូវយកឯករាជភាពនិងអធិបតេយ្យភាពរបស់ខ្លួន ទៅដោះដូរនោះទេ។ សម្ដេចបានសង្កត់ធ្ងន់ថា «កម្ពុជាមិនអាចរំពឹងលើជំនួយបរទេសតែមួយមុខទេ ហើយកម្ពុជាក៏មិនត្រូវយកឯករាជភាព និងអធិបតេយ្យភាពរបស់ខ្លួនទៅដោះដូរជាថ្នូរនឹងអ្វីមួយនោះដែរ។ ប៉ុន្តែយើងចង់ធ្វើជាមិត្តល្អជាមួយបណ្តាប្រទេសដៃគូនានា ដែលចង់ឃើញកម្ពុជាកាន់តែរីកចម្រើនទៅមុខពិតប្រាកដដោយគ្មានការជ្រៀតជ្រែកកិច្ចការផ្ទៃក្នុងប្រទេសជាតិ។»៕

RAC Media | លឹម សុវណ្ណរិទ្ធ

  ថ្ងៃអង្គារ, 12 កុម្ភៈ 2019 ម៉ោង 10:47 AM

«កម្ពុជាជាប់លេខ១ ក្នុងនាមជាប្រទេសទីតាំងល្អដែលមានការចំណាយតិចបំផុតសម្រាប់និវត្តជនបរទេស» ដោយ៖ ផាញ់ សារឿន

ភ្នំពេញ៖ នៅក្នុងរយៈពេល៤ឆ្នាំជាប់គ្នាកម្ពុជាបន្តឈរនៅចំណាត់ថ្នាក់លេខ១ ក្នុងនាមជាទីតាំងល្អដែលមានការចំណាយតិចបំផុតសម្រាប់និវត្តជនបរទេស ពោលគឺនៅប្រទេសកម្ពុជាដោយគ្រាន់តែចំណាយប្រាក់១២៥០ដុល្លារក្នុង១ខែ។ នេះបើយោងតាមការចុះផ្សាយរបស់គេហរទំព័រព័ត៌មាន international living ចុះផ្សាយនៅថ្ងៃទី២៩ ខែមករា ឆ្នាំ២០១៩ និងគេហរទំព័ត៌មានថ្មីៗនៅថ្ងៃទី១១ ខែកុម្ភៈ ឆ្នាំ២០១៩។

យោងតាមប្រភពដដែលបានបញ្ជាក់ថា កម្ពុជាជាប់ចំណាត់ថ្នាក់លេខ១ វៀតណាមជាប់ចំណាត់ថ្នាក់លេខ២ និងថៃជាប់ចំណាត់ថ្នាក់លេខ៣ ចំណែកឯប្រទេសនៅតំបន់អាមេរិកខាងត្បូង ប៉េរូ និងបូលីវី ស្ថិតនៅចំណាត់ថ្នាក់លេខ៤ និង លេខ៥។

ដោយឡែកតាមការចុះផ្សាយរបស់គេហរទំព័រព័ត៌មានភ្នំពេញប៉ុស្តិ៍ ចុះផ្សាយថ្ងៃទី១២ ខែកុម្ភៈ ឆ្នាំ២០១៩ ថា ក្នុង​ចំណោម​ប្រទេស​ចំនួន ​២៥ ​ដែល​ស្ថិត​ក្នុង​តារាង​របស់​សន្ទស្សន៍​ ​Annual Global Retirement Index នៅឆ្នាំ ២០១៩ ​បាន​ផ្តោត​លើ​សូចនាករ​ចំនួន ​៤ រួម​មាន ហិរញ្ញវត្ថុ ​សុខភាព​ ជីវិត​កម្សាន្ត ​និង​អភិបាលកិច្ច​ ​ហើយសម្រាប់​សូចនាករ​ទាំង ​៤ ​នេះ ​គឺ​ត្រូវ​​​ចែក​ចេញ​ជា​ ១៣ ​ប្រភេទ​រួម​មាន​ការ​​ទិញ ​និង​វិនិយោគ ការ​ជួល​ អត្ថប្រយោជន៍​ និង ការ​ចុះ​ភាគរយ ​ទិដ្ឋាការ ​និង ​ការ​ស្នាក់​នៅ ការ​ចំណាយ​សម្រាប់​រស់​នៅ សម្រប​​ខ្លួន​ទៅ​ស្ថានភាព​ថ្មី​ ការ​កម្សាន្ត ​និង ​ភាព​ងាយ​ស្រួល​ក្នុង​ការ​ទទួល​បាន​សេវាកម្ម​ ការ​ថែទាំ​សុខភាព ​ការ​កម្សាន្ត​ប្រកប-​ដោយ​ផាសុកភាព ​ការ​អភិវឌ្ឍ​ អាកាសធាតុ ​អភិបាលកិច្ច និង​ឱកាស​។

​RAC Media | ផាញ់ សារឿន

  ថ្ងៃអង្គារ, 12 កុម្ភៈ 2019 ម៉ោង 10:28 AM

សេចក្តីជូនព័ត៌មានស្តីពី​ «ការស្នើសុំមូលនិធិស្រាវជ្រាវ ដែលនឹងផ្តល់ជូនដល់ស្ថាប័នស្រាវជ្រាវនានានៅក្នុងព្រះរាជាណាចក្រកម្ពុជា...»

បេក្ខជនចាប់អារម្មណ៍ សូមអញ្ជើញមកទំនាក់ទំនងនៅមជ្ឈមណ្ឌលស្រាវជ្រាវអាស៊ី នៃរាជបណ្ឌិត្យសភាកម្ពុជា ឬ ទាក់ទងតាមលេខ៖ ០១២ ៩៩៦ ០៣៣ ឬ ០៨១ ៤១៤ ៣៥៨។

  ថ្ងៃចន្ទ, 11 កុម្ភៈ 2019 ម៉ោង 01:55 PM

«ផ្លូវក្រវាត់ឧទ្យាន និងហេដ្ឋារចនាសម្ព័ន្ធផ្ទៃក្នុងឧទ្យាន នឹងចាប់ផ្តើមកសាងក្នុងពេលឆាប់ៗនេះ Boundary roads for conservation will be built soon...» ដោយ៖ ស្រី សីហា

ក្រុមវិស្វកម្មសម្តេច តេជោ ហ៊ុន សែន បានចុះសិក្សាទិន្នន័យលម្អិត ពិភាក្សាជាមួយក្រុមការងារឧទ្យាន ហើយនឹងបន្តចុះទៅតាមភូមិសាស្ត្រព័ន្ធជុំវិញ ដើម្បីមើលប្រភពទឹកហូរនិងផ្លូវឆ្លងកាត់ ដើម្បីកសាងស្ពាន ឬដាក់លូ និងកសាងផ្លូវក្នុងពេលឆាប់ៗនេះ។

ការកសាងផ្លូវនេះជាផ្នែកមួយដ៏សំខាន់នៃការអភិរក្សធនធានធម្មជាតិ និងកេរដំណែលវប្បធម៌ដែលមាននៅក្នុងឧទ្យាន។ សូមអរគុណ ដល់សម្តេចនាយករដ្ឋមន្ត្រី ដែលបានផ្តល់គោលការណ៍កាលពីថ្ងៃទី១៨ ខែឧសភា ឆ្នាំ២០១៨ ក្នុងពិធីដាំកូនឈើនៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប។

សូមបញ្ជាក់ថា ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ស្ថិតនៅក្នុងឃុំឆែបពីរ ស្រុកឆែប ខេត្តព្រះវិហារ បង្កើតឡើងក្នុងខែមេសា ឆ្នាំ២០១៤ មានទំហំ ១១ ៤៣៥ ហិកតា ដែលពោពេញទៅដោយ ព្រៃឈើ សត្វព្រៃ និងឡស្លដែកបុរាណមានអាយុកាល១០០០ឆ្នាំ ហើយនិងទំនៀមទម្លាប់ជនជាតិកួយដែលមាននៅទីនោះ។

RAC Media

ប្រភព៖ រូបថត គេហទំព័រហ្វេសប៊ុក សម្តេច នាយករដ្ឋមន្ត្រី ហ៊ុន សែន

  ថ្ងៃអាទិត្យ, 10 កុម្ភៈ 2019 ម៉ោង 04:14 PM

សហគមន៍ខ្មែរអ‍៊ិស្លាម(ជ្វា)នៅខេត្តកំពត - ករណីសិក្សា ៖ ឃុំព្រៃថ្នង ស្រុកទឹកឈូ ខេត្តកំពត ដោយ៖ ម៉ិល វាសនា មន្ត្រីវិទ្យាស្ថានវប្បធម៌ និងវិចិត្រសិល្បៈ

នៅកម្ពុជា នៅពេលគេលើកឡើងអំពីសាសនិកគោរពប្រតិបត្តិសាសនាអ‍៊ិស្លាម គឺគេតែងគិតសំដៅដល់​ជន​ជាតិ​ចាមដែលមានប្រភពកំណើតនៅប្រទេសចម្ប៉ា ហើយដែលបានធ្វើអន្តោប្រវេសន៍មករស់នៅក្នុងដែន​រដ្ឋ​កម្ពុជា​​​នៅអំឡុងសតវត្សរ៍ទី១៥ បន្ទាប់ពីប្រទេសនេះត្រូវវាយយកគ្រប់គ្រងដោយវៀតណាម។ ប៉ុន្តែ វាពុំមែនបែបនេះឡើយ។ នៅមានជនជាតិទីទៃពីជន​ជាតិ​ចាម​ដែល​គោរព​ប្រតិបត្តិសាសនាអ‍៊ិស្លាម ហើយដែលបានមករស់នៅក្នុងដែនរដ្ឋកម្ពុជាដែរ នោះគឺ​ជាជនជាតិជ្វាដែលបានធ្វើអន្តោប្រវេសន៍ពីកោះជ្វា ប្រទេសឥណ្ឌូនេស៊ី មករស់នៅ​កម្ពុជាតាមតំបន់មាត់សមុទ្រ ជាពិសេសនៅខេត្តកំពត។ មានឯកសារបញ្ជាក់ថា ជ្វា ប្រហែលមករស់នៅក្នុងកម្ពុជានៅតាំងពីសតវត្សទី១៣។

អត្ថបទនេះនឹងព្យាយាមបកស្រាយបញ្ជាក់លើអំណះអំណាងខាងលើ តាមរយៈការសិក្សាស្រាវជ្រាវលើសហគមន៍សាសនិកអ‍៊ិស្លាម នៅឃុំព្រៃថ្នង ស្រុកទឹកឈូ ខេត្តកំពត ដែលជាឃុំមានសាសនិកអ‍៊ិស្លាមរស់នៅច្រើនជាងគេក្នុងខេត្តកំពត ហើយការសិក្សាស្រាវជ្រាវនេះ គឺផ្តោតលើប្រវត្តិ ទំនៀមទម្លាប់ប្រពៃណី និងការប្រតិបត្តិសាសនាអ‍៊ិស្លាមរបស់សហគមន៍នេះ។

លោក-លោកស្រី ចាប់អារម្មណ៍ពីខ្លឹមសារនៃអត្ថបទស្រាវជ្រាវ និងចង់ដឹងបន្ថែមពីសាសនិកអ‍៊ិស្លាមនៅឃុំព្រៃថ្នង ស្រុកទឹកឈូ ខេត្តកំពត សូមចូលទៅគេហទំព័រនៃរាជបណ្ឌិត្យសភាកម្ពុជា ឬ ទាញយកអត្ថបទទាំងស្រុង ពី៖ http://rac.apppeppers.com/royal-academy/research/attachments/original/56.pdf?1549621087

RAC Media

  ថ្ងៃសុក្រ, 08 កុម្ភៈ 2019 ម៉ោង 05:31 PM

«ក្រុមហ៊ុនដែលមានមូលដ្ឋាននៅសហរដ្ឋអាម៉េរិកពង្រីកប្រតិបត្តិការទីផ្សារនៅកម្ពុជា»

ភ្នំពេញ៖ Crown Holdings Inc ជាក្រុមហ៊ុនផលិតផលសម្រាប់ការវេចខ្ចប់ដែលមានមូលដ្ឋាននៅសហរដ្ឋអាម៉េរិក ហើយនៅខែមករា បានដាក់ដំណើរការខ្សែចង្វាក់ផលិតផលសម្បកកំប៉ុងទី៣របស់ខ្លួននៅរាជធានីភ្នំពេញ ប៉ុន្តែក្រុមហ៊ុនមិនទាន់បញ្ជាក់លម្អិតពីចង្វាក់ផលិតកម្មថ្មីនៅឡើយទេ ថាមាន សមត្ថភាពផលិតកម្ម ដើមទុនវិនិយោគ ឬទីតាំងជាក់លាក់នោះទេ។ នេះបើយោងតាមការផ្សាយព័ត៌មាននៅគេហទំព័រភ្នំពេញប៉ុស្តិ៍ នៅថ្ងៃទី០៨ ខែកុម្ភៈ ឆ្នាំ២០១៩។

យោងតាមប្រភពដដែល បានបញ្ជាក់ថា ក្រុមហ៊ុន Crown បានចូលមកកម្ពុជាដំបូងកាលពីឆ្នាំ២០០៧ ជាមួយនឹងចង្វាក់ផលិតតែមួយគត់នៅក្រុងព្រះសីហនុ ហើយដល់ពាក់កណ្ដាលឆ្នាំ២០១៦ Crown ប្រតិបត្តិការរោងចក្រផលិត៣នៅកម្ពុជា ២ នៅរាជធានីភ្នំពេញ និង១ នៅខេត្តព្រះសីហនុ។

RAC Media | ផាញ់ សារឿន

  ថ្ងៃសុក្រ, 08 កុម្ភៈ 2019 ម៉ោង 03:37 PM

«ដំណឹងអាហាររូបករណ៍សិក្សាជាន់ខ្ពស់អន្តរជាតិឆ្នាំ ២០១៩-២០២០»

សូមជម្រាបជូនអ្នកស្រាវជ្រាវ និងសាធារណជនទាំងអស់មេត្តាជ្រាបថា, 

មជ្ឈមណ្ឌលស្រាវជ្រាវអាស៊ី (Asia Research Center) នៃរាជបណ្ឌិត្យសភាកម្ពុជា ដោយទទួលបានការឧបត្ថម្ភពីវិទ្យាស្ថានជ័យសម្រាប់ការសិក្សាជាន់ខ្ពស់ (មូលនិធីកូរ៉េសម្រាប់ការសិក្សាជាន់ខ្ពស់) ដល់មជ្ឈមណ្ឌលស្រាវជ្រាវអាស៊ីនៃរាជបណ្ឌិត្យសភាកម្ពុជា ចាប់ពីឆ្នាំ២០០៤ដល់បច្ចុប្បន្ន។ មជ្ឍមណ្ឌលស្រាវជ្រាវអាស៊ី សូមជម្រាបជូនអ្នកស្រាវជ្រាវជាតិ និងសាធារណៈជនទូទៅនូវ «កម្មវិធីអាហាររូបករណ៍សិក្សាជាន់ខ្ពស់អន្តរជាតិឆ្នាំ២០១៩-២០២០» នៅសាធារណរដ្ឋកូរ៉េ ដែលមានរយៈពេលដូចខាងក្រោម ៖

១. សម្រាប់រយៈពេល ១ឆ្នាំ៖ 

• ពីថ្ងៃទី១ ខែកញ្ញា ឆ្នាំ២០១៩ ដល់ថ្ងៃទី៣១ ខែសីហា ឆ្នាំ២០២០ ២

សម្រាប់រយៈពេល ៦ខែ៖ 

• ពីថ្ងៃទី១ ខែកញ្ញា ឆ្នាំ២០១៩ ដល់ថ្ងៃទី២៩ ខែកុម្ភៈ ឆ្នាំ២០២០
• ពីថ្ងៃទី១ ខែមីនា ឆ្នាំ២០២០ ដល់ថ្ងៃទី៣១ ខែសីហា ឆ្នាំ២០២០

លក្ខខណ្ឌកម្រិតវប្បធម៌៖ សញ្ញាបត្រថ្នាក់បណ្ឌិត (PhD)

  ថ្ងៃសុក្រ, 08 កុម្ភៈ 2019 ម៉ោង 03:36 PM

សរុបព័ត៌មានប្រចាំសប្តាហ៍៖ «បច្ចេកសព្ទចំនួន ៧ ត្រូវបានអនុម័ត នៅសប្តាហ៍ទី១ ក្នុងខែកុម្ភៈ ឆ្នាំ២០១៩ ដោយក្រុមប្រឹក្សាជាតិភាសាខ្មែរ(ក.ជ.ភ.ខ)នៃរាជបណ្ឌិត្យសភាកម្ពុជា»

បច្ចេកសព្ទចំនួន ៧ ត្រូវបានអនុម័ត នៅសប្តាហ៍ទី១ ក្នុងខែកុម្ភៈ  ឆ្នាំ២០១៩នេះ​ ក្នុងនោះមាន៖
- បច្ចេកសព្ទគណៈ កម្មការអក្សរសិល្ប៍  ចំនួន០៣ពាក្យ ដែលបានបន្តប្រជុំពិនិត្យ ពិភាក្សា និងអនុម័ត នាថ្ងៃអង្គារ ១កើត ខែមាឃ ឆ្នាំច សំរឹទ្ធិស័ក ព.ស.២៥៦២ មានដូចជា ១. វត្ថុវិស័យ  ២. វត្ថុវិស័យនិយម ៣. ប្រធានអារម្មណ៍។
- បច្ចេកសព្ទគណ:កម្មការគីមីវិទ្យា និង រូបវិទ្យា ចំនួន០៤ ពាក្យ ដែលបានបន្តប្រជុំពិនិត្យ ពិភាក្សានិងអនុម័ត នាថ្ងៃពុធ ២កើត ខែមាឃ ឆ្នាំច សំរឹទ្ធិស័ក ព.ស.២៥៦២ មានដូចជា ១. ការបំបែក ២. ដំណកអំបិល ៣. ស៊ីនេទិកគីមី ៤.​ គីមីជីវៈ/ជីវគីមីវិទ្យា។

សទិសន័យ៖
១-វត្ថុវិស័យ អ.objective បារ. Objectif ៖ វត្ថុ បញ្ហា បាតុភូត ព្រឹត្តិការណ៍សត្យានុមតិ ដែលមានអត្ថិភាពនៅក្រៅខ្លួនអ្នកនិពន្ធ ហើយ​ត្រូវបានឆ្លុះបញ្ចាំងតាមរយៈស្នាដៃអក្សរសិល្ប៍ សិល្បៈ។
ឧទាហរណ៍ -ព្រឹត្តិការណ៍ក្នុងរឿងភូមិតិរច្ឆាន -ព្រឹត្តិការណ៍ក្នុងរឿងទុំទាវ
២-វត្ថុវិស័យនិយម អ.objectivism បារ. Objectivisme៖ ទស្សនៈដែលផ្ដល់តម្លៃទៅលើវត្ថុវិស័យក្នុងការបង្កើតស្នាដៃអក្សរសិល្ប៍ សិល្បៈ ដោយ​អ្នក​និពន្ធ​ពុំបានបង្ហាញពីជំហរ ទស្សនៈរបស់ខ្លួនក្នុងការពន្យល់​អំពីបុព្វហេតុ​នៃវត្ថុវិស័យ​នោះ​ឡើយ​។
ករណីដូចជាក្នុងដំណើររឿងមួយ អ្នកនិពន្ធរៀបរាប់អំពីទុក្ខវេទនារបស់ប្រជាជន តែគាត់​ពុំបានបង្ហាញទស្សនៈឬជំហរផ្ទាល់ខ្លួនអំពីមូលហេតុដែលនាំឱ្យប្រជាជនរងទុក្ខនោះទេ។
៣-ប្រធានអារម្មណ៍៖ គំនិត ទស្សនៈ ជំហរ អារម្មណ៍របស់អ្នកអាន អ្នកស្ដាប់ អ្នកទស្សនា ដែល​កើត​ឡើង​ក្នុងពេលទទួលរូបភាព ហេតុការណ៍ រឿងរ៉ាវផ្សេងៗក្នុងស្នាដៃអក្សរសិល្ប៍ សិល្បៈ។
៤- ការបំបែក អ. dissociation បារ.dissociation (f.)៖ លំនាំទូទៅមួយដែលក្នុងនោះ សមាសធាតុមួយត្រូវបាន ញែកឬបែកជាភាគល្អិតតូចៗជាង (ដូចជា ម៉លេគុល តូចជាង អាតូម អ៊ីយ៉ុងឬរ៉ាឌីកាល់) ជាធម្មតាវាអាចជាលំនាំត្រឡប់វិញបាន។
ឧទាហរណ៍ ពេលរលាយក្នុងទឹកអំបិល NaCl ត្រូវបានបំបែកជាអ៊ីយ៉ុងវិជ្ជមាន Na+និងអ៊ីយ៉ុងអវិជ្ជមាន Cl’ ។
 NaCl ⇋  Na+Cl’
៥- ដំណកអំបិល អ. desalination បារ. Dessalement(m.) / désalinisation(f.)៖ លំនាំនៃការដកបរិមាណអំបិលនៃបណ្តាសារធាតុរ៉ែ ចេញពីទឹកសមុទ្រ ទឹកប្រៃឬសារធាតុណាមួយ។
៦- ស៊ីនេទិកគីមី អ. Chemical kinetics បារ. Cinétique  Chimiques (f.)៖ ការសិក្សាពីកម្រិតល្បឿន និងចលនាការនៃប្រតិកម្មគីមី។
៧- គីមីជីវៈ/ ជីវគីមីវិទ្យា អ. biochemistry  បារ. Biochemie (f.)៖ វិទ្យាសាស្រ្តសិក្សាអំពីសមាសធាតុ និងលំនាំគីមីក្នុងភាវៈរស់។

RAC Media

 - សកម្មភាព ប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្ប៍ ក្រោមអធិបតីភាពឯកឧត្តមបណ្ឌិត ជួរ គារី

- សកម្មភាព ប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និង រូបវិទ្យា ក្រោមអធិបតីភាពឯកឧត្តមបណ្ឌិត ហ៊ាន សុខុម

  ថ្ងៃសុក្រ, 08 កុម្ភៈ 2019 ម៉ោង 12:07 PM