រាជបណ្ឌិត្យសភាកម្ពុជា

«ឱកាសការងារក្របខណ្ឌ​ ក ចំនួន១៧កន្លែង នៅរាជបណ្ឌិត្យសភាកម្ពុជា»

ចូលឆ្នាំថ្មី ឆ្នាំ២០២០នេះ រាជបណ្ឌិត្យសភាកម្ពុជា សូមជូនដំណឹងដល់សាធារណជនទូទៅដែលតែងស្រឡាញ់ការងារជាមន្ត្រីរាជការ មេត្តាជ្រាបថា រាជបណ្ឌិត្យសភាកម្ពុជា បានទទួលការអនុញ្ញាតពីរាជរដ្ឋាភិបាលតាមរយៈទីស្តីការគណរដ្ឋមន្ត្រី ប្រកាសជ្រើសរើសមន្ត្រីក្របខណ្ឌ«ក» ចំនួន១៧នាក់ ចូលបម្រើការងារនៅរាជបណ្ឌិត្យសភាកម្ពុជា។

យោងតាមសេចក្តីប្រកាសនេះ សាធារណជនអាចអញ្ជើញមកទំនាក់ទំនងនៅផ្នែករដ្ឋបាលនិងហិរញ្ញវត្ថុដោយផ្ទាល់ ដើម្បីទិញពាក្យសុំសិទ្ធិចូលរួមប្រឡង ចាប់ពីថ្ងៃទី១៣ ខែមករា តទៅ និងឈប់ទទួលពាក្យ នៅថ្ងៃទី២០ ខែកុម្ភៈ ឆ្នាំ២០២០ វេលាម៉ោង ១៧ៈ០០នាទី ជាកំណត់កាលវេលាចុងក្រោយ។

រាជបណ្ឌិត្យសភាកម្ពុជា សូមធ្វើការលើកទឹកចិត្តសាធារណជនដែលស្រឡាញ់ការងាររាជការ និងមានបំណងប្រឡងចូលបម្រើការងារជាមន្ត្រីរាជការនៅរាជបណ្ឌិត្យសភាកម្ពុជា សូមរួសរាន់រៀបចំបែបបទ ដាក់ពាក្យប្រឡងឱ្យបានមុនថ្ងៃទី២០ ខែកុម្ភៈ ឆ្នាំ២០២០ ជាកំណត់។

សូមបញ្ជាក់៖ ការប្រឡងជ្រើសរើសមន្ត្រីរាជការ នឹងរៀបចំឡើងដោយរាជបណ្ឌិត្យសភាកម្ពុជាផ្ទាល់ សម្រឹតសម្រាំងជ្រើសយកអ្នកមានសមត្ថភាពពិត ស្រឡាញ់ការងាររាជការពិត និយាយរួមអ្នកមានចំណេះជាងគេ នឹងជាប់ក្នុងការប្រឡងនេះ។

RAC Media

  ថ្ងៃចន្ទ, 13 មករា 2020 ម៉ោង 07:24 PM

សក្ដានុពលវប្បធម៌និងប្រវត្តិសាស្ត្រ នៅជួរភ្នំគុក នៅខេត្តពោធិ៍សាត់

ក្រុមការងាររាជបណ្ឌិត្យសភាកម្ពុជា សហការជាមួយមន្ទីរវប្បធម៌និងវិចិត្រសិល្បៈខេត្តពោធិ៍សាត់ ព្រះសង្ឃ និងអាជ្ញាធរដែនដីចុះសិក្សាផ្ទាល់ទីតាំងស្ថានីយបុរាណវិទ្យា និងប្រវត្តិសាស្ត្រ នៅជួរភ្នំគុគ ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់

ដោយ៖ ផុន កសិកា, ហឿង សុធារស់ និង តាកេត ស័កដា

នៅថ្ងៃសៅរ៍ ២រោច ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១១ ខែមករា ឆ្នាំ២០២០ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំក្រុមការងារជំនាញប្រវត្តិសាស្ត្រ និង បុរាណវត្ថុវិទ្យា ដែលមានលោកបណ្ឌិត ផុន កសិកា ប្រធានស្ដីទីវិទ្យាស្ថានមនុស្សសាស្ត្រនិងវិទ្យាសាស្ត្រសង្គម, លោក ហឿង សុធារស់ ប្រធានផ្នែកបុរាណវិទ្យានៃវិទ្យាស្ថានវប្បធម៌និងវិចិត្រសិល្បៈ និងកញ្ញា តាកេត ស័កដា មន្ត្រីស្ម័គ្រចិត្តនៃវិទ្យាស្ថានវប្បធម៌និងវិចិត្រសិល្បៈ ចុះសិក្សាស្រាវជ្រាវវាយតម្លៃពីសក្តានុពលស្ថានីយបុរាណវិទ្យា និងប្រវត្តិសាស្ត្រ (និយាមការ : x: 48P 0426143, Y: 1370116) ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់។

ស្ថានភាពភូមិសាស្ត្រនៃតំបន់នោះគឺជាទីតាំងភ្នំដែលមានព្រៃប្រឹក្សា ដើមឈើដុះច្រើន ព្រមទាំងមានថ្មធម្មជាតិ​ផុស​អណ្ដែត​ពី​ដី​ដែល​ជាប្រភេទសិលាបន្ទុះភ្នំភ្លើង ឬសិលាម៉ាក់ម៉ា ដែលកើតចេញពីបន្ទុះភ្នំភ្លើងបណ្ដាលពីការកករឹងនៃម៉ាក់ម៉ានៅពេលចុះត្រជាក់។ ក្រៅពីសិលាម៉ាក់ម៉ា យើងសង្កេតឃើញមានសិលាកម្ទេចកំណដែលជាប្រភេទកើតឡើងពីការចាក់គរជាស្រទាប់នៃកម្ទេច​កំណ ឬកម្ទេចចាក់គរ ដោយសារការដឹកជញ្ជូនរបស់ទឹកនិងខ្យល់។ នៅទីនោះក៏មានសិលាបាសាល់ដែរ។ នៅប្រទេស​កម្ពុជា​សិលាបាសាល់មានច្រើននៅតំបន់ខ្ពង់រាបខេត្តកំពង់ចាម។ ប្រភេទសិលាបាសាល់ច្រើនមានវាយនភាពប្រហោង ឬមានរន្ធ​ច្រើន។ កាលពីសម័យហ្វូណនក្នុងរចនាបថភ្នំដា ខ្មែរបុរាណក៏បានយកថ្មបាសាល់មកសង់ជាប្រាសាទ ដូចនៅប្រាសាទអាស្រម​​មហាឫស្សីនៅខេត្តតាកែវ និងប្រាសាទហាន់ជ័យនៅខេត្តកំពង់ចាម។ យើងសង្កេតឃើញថា សិលាដែលមាននៅទីនោះ មាន​រូបរាងប្លែកៗពីគ្នា មានជាលក្ខណៈផ្ទាំងតូច ឬធំ។ ផ្ទាំងធំៗមើលទៅដូចជារូបរាងអ្វីមួយដែលអាចធ្វើឱ្យគេច្រឡំថាជាស្នាដៃមនុស្ស​កែច្នៃសិលានេះបន្ថែម។ ប៉ុន្តែ រូបរាងទាំងអស់គឺជាធម្មជាតិរបស់ថ្មដែលកាលពីដំណើរនៃការផ្ទុះភ្នំភ្លើង ម៉ាក់ម៉ាបានហៀរចេញ​ពី​ស្រទាប់ផែនដី និងចុះត្រជាក់តាមទីតាំងផ្សេងៗ ហើយក៏ចេញជារូបរាងផ្សេងៗគ្នាបែបនេះ។

ប៉ុន្ដែនៅទីតាំងមួយ មានផ្ទាំងថ្មជាប្រភេទសិលាប្រែកំណើត (មិនស្គាល់ឈ្មោះពិតប្រាកដ) មានស្មាមដាប់យកថ្ម ហាក់ដូចជា​ទី​យក​ថ្មសម័យបុរាណ។ បើទីនេះជាស្ថានីយយកថ្មមែន នេះបង្ហាញថាជាទីតាំងមានមនុស្សមករស់នៅក្នុងសម័យកាលណាមួយ។

នៅមានបដិមាព្រះពុទ្ធឆ្លាក់លើផ្ទាំងថ្មធម្មជាតិមានប្រវែង ៦,៦០ម៉ែត្រ និងប្រវែងដងខ្លួនព្រះពុទ្ធ២,៥០ម៉ែត្រ ព្រះសិរបែរទៅទិសខាងកើត ដែលព្រះសិរទ្រដោយព្រះហស្ដខាងឆ្វេង។ ចម្លាក់ព្រះពុទ្ធបដិមាស្លៀកសំពត់ តែមិនគ្រងស្បង់ជីពរទេ។ ចំណែក ភ្នួងសក់គេរចនាកេសាដោយបួងពីរជាន់។ នៅជិតព្រះបាទមានស្នាមរន្ធសរសរសម្រាប់ដាក់សរសរសង់រោងប្រក់ពីលើការពារចម្លាក់ព្រះពុទ្ធ និងសម្រាប់ជាទីម្លប់ដល់ពុទ្ធសាសនិកដែលមកគោរពបូជាផងដែរ។ ជាការសន្និដ្ឋានបណ្ដោះអាសន្ន ចម្លាក់ព្រះពុទ្ធនេះប្រហែលកសាងនៅសម័យក្រោយ ប៉ុន្តែក្រុមការងារក៏មិនអាចវាយតម្លៃពេលវេលាពិតប្រាកដពេលណាដែលរូបព្រះពុទ្ធត្រូវបានគេឆ្លាក់នោះទេ។

នៅពីមុខចម្លាក់ព្រះពុទ្ធ មានផ្ទាំងសិលាឆ្លាក់គំនូររូបមនុស្សក្នុងកាយវិការឱនឈ្ងោកមើលអ្វីមួយ និងគំនូររូបសត្វដំរី មានមនុស្សជិះពីលើ។ យ៉ាងណា ទឹកដៃនិងសម្រស់នៃគំនូរ ហាក់មិនមានមាត្រដ្ឋានជាក់លាក់។ តាមការសង្កេត ស្នាមគំនូរទាំងពីរនេះ ក្រុមការងារមិនអាចសន្និដ្ឋានថាជាស្នាមចម្លាក់សម័យបុរាណ ឬ គេគូសនៅសម័យក្រោយៗថ្មីៗទេ។

ភស្ដុតាងចុងក្រោយផ្សេងទៀតដែលយើងបានឃើញមាននៅស្ថានីយ៍ គឺកុលាលភាជន៍ចំនួន២។ កុលាលភាជន៍ទាំងពីរមានរូបរាងជាថូ ធ្វើពីដីដុត ជាប្រភេទកុលាលភាជន៍រឹង (stoneware) មានស្រទាប់រលោង។ តាមការវិភាគជាបឋម កុលាលភាជន៍ទាំងពីរផលិតនៅសម័យអង្គរ ក្នុងសម័យកាលយ៉ាងហោចណាស់ចាប់ពីសតវត្សរ៍ទី១២-១៣។

ជាសន្និដ្ឋាន ស្ថានីយនេះមានសក្តានុពលធនធានធម្មជាតិមានដូចជាព្រៃឈើ សត្វព្រៃ ផ្ទាំងសិលាដែលមានរូបរាងប្លែកៗ និងធនធានវប្បធម៌ដែលមានរូបចម្លាក់ព្រះពុទ្ធ គំនូរលើផ្ទាំងថ្ម និងកុលាលភាជន៍នាសម័យអង្គរ។

  ថ្ងៃអាទិត្យ, 12 មករា 2020 ម៉ោង 01:41 PM

«សន្តិភាពធានានូវការអភិវឌ្ឍគុណភាពជីវិតរស់នៅរបស់ប្រជាជន»

(តាកែវ)៖ ថ្លែងក្នុងពិធីមីទ្ទីញរំលឹកខួបលើកទី៤១ឆ្នាំ នៃទិវាជ័យជម្នះ ៧ មករា (៧/១/១៩៧៩-៧/១/២០២០) នៅក្នុងឃុំត្រពាំងធំខាងជើង ស្រុកត្រាំកក់ ខេត្តតាកែវ ឯកឧត្តមបណ្ឌិត យង់ ពៅ ប្រធានក្រុមការងារថ្នាក់ជាតិចុះមូលដ្ឋានឃុំត្រពាំងធំខាងជើងបានមានប្រសាសន៍លើកឡើងថា សន្តិភាពធានានូវការអភិវឌ្ឍគុណភាពជីវិតរស់នៅរបស់ប្រជាជន។ ហេតុដូចនេះ ប្រជាជនទាំងអស់ចូលរួមថែរក្សា ដើម្បីធានាការអភិវឌ្ឍជីវិតរស់នៅប្រកបដោយចីរភាព។

នៅព្រឹកថ្ងៃទី១០ ខែមករា ឆ្នាំ២០២០នេះ ឯកឧត្តមបណ្ឌិត យង់ ពៅ ប្រធានក្រុមការងារថ្នាក់ជាតិចុះមូលដ្ឋានឃុំត្រពាំងធំខាងជើង ស្រុកត្រាំកក់ ខេត្តតាកែវ បានដឹកនាំសមាជិក និង សមាជិកាអញ្ជើញជាអធិបតីក្នុងពិធីមីទ្ទីញរំលឹកខួបលើកទី៤១ឆ្នាំ នៃទិវាជ័យជម្នះ ៧ មករា ជាមួយបងប្អូនប្រជាពលរដ្ឋ អាជ្ញាធរមូលដ្ឋាន និងសិស្សានុសិស្សនៅក្នុងឃុំត្រពាំងធំខាងជើងចូលរួមប្រមាណ ១០៤នាក់ដើម្បីអបអរសាទរខួបជ័យជម្នះថ្ងៃទី៧ ខែមករា លើកទី៤១។

ថ្លែងក្នុងពិធីមីទ្ទីញរំលឹកខួបលើកទី៤១ឆ្នាំ នៃទិវាជ័យជម្នះ ៧ មករានេះ ឯកឧត្តមបណ្ឌិត យង់ ពៅបានមានប្រសាសន៍លើកទឹកចិត្តប្រជាពលរដ្ឋឱ្យខិតខំសាមគ្គីគ្នា និងចូលរួមថែរក្សាសុខសន្តិភាពដែលរកបានដោយកម្រ នាពេលនេះ។ ឯកឧត្តមបណ្ឌិតបានមានប្រសាសន៍បន្ថែមថា បច្ចុប្បន្ននេះ ប្រជាជនកម្ពុជាទូទាំងប្រទេសបាននិងកំពុងរស់នៅយ៉ាងសុខដុមរមនាក្រោមម្លប់នៃសុខសន្តិភាព និងការអភិវឌ្ឍ ហើយយើងទាំងអស់គ្នានៅតែចងចាំជានិច្ចនូវអតីតកាលដ៏ឈឺចាប់ និងខ្មៅងងឹតបំផុតរបស់ជាតិដែលបណ្តាលមកពីភ្លើងសង្គ្រាម និងអំពើប្រល័យពូជសាសន៍ដ៏សាហាវបំផុត កាលពីអតីតកាល។

ឱកាសថ្លែងនៅក្នុងពិធីនេះ ឯកឧត្តមបណ្ឌិតប្រធានក្រុមការងារចុះមូលដ្ឋានឃុំត្រពាំងធំខាងជើង និងប្រជាពលរដ្ឋរស់នៅក្នុងភូមិ ឃុំបានអបអរសាទរយ៉ាងក្លៀវក្លារ ចំពោះការខិតខំប្រឹងប្រែងធ្វើពលិកម្មគ្រប់បែបយ៉ាងដើម្បីស្វែងរកសន្តិសុខយ៉ាងលំបាក និងធានាការអភិវឌ្ឍលើគ្រប់វិស័យជូនប្រជាជន និងជាតិមាតុភូមិទូទាំងប្រទេស។

ប្រជាជនរស់នៅឃុំត្រពាំងធំខាងជើងបានមើលឃើញថា វឌ្ឍនភាពជាតិក្នុងរយៈពេល៤១ឆ្នាំកន្លងមកនេះ និងបង្ហាញនូវទស្សនចក្ខុវិស័យដ៏មុតស្រួចក្នុងដឹកនាំនាវាកម្ពុជាឆ្ពោះទៅត្រើយវឌ្ឍនភាព និងវិបុលភាពជានិច្ចនិរន្តរយ៉ាងប្រាកដ។

ក្នុងឱកាសនេះដែរ ក្រុមការងារថ្នាក់ជាតិចុះមូលដ្ឋានឃុំត្រពាំងធំខាងជើង បានចែកទឹកដោះគោ តេជោ សែន ឫស្សីត្រឹប ជូនប្អូនៗសិស្សានុសិស្សចំនួន៥សាលា និងប្រជាពលរដ្ឋមកពី១១ភូមិនៅទូទាំង ឃុំត្រពាំងធំខាងជើង ស្រុកត្រាំកក់ ខេត្តតាកែវ ព្រមទាំងឧបត្ថម្ភសម្ភារៈសិក្សាដល់ប្អូនៗសិស្សានុសិស្សផងដែរ៕

RAC Media

  ថ្ងៃសុក្រ, 10 មករា 2020 ម៉ោង 01:06 PM

អត្ថបទ ស្ដីពី ការដំឡើង «របាំច្បោះជ័រ»

ស្រាវជ្រាវនិងចងក្រងដោយ៖ ផុន កសិកា, ប្រែង ពិសិដ្ឋ, លោកស្រីម៉ិល វាសនា, យ៉ាន់ វិភារតន៍, តាកេត ស័កដា វិទ្យាស្ថានវប្បធម៌និងវិចិត្រសិល្បៈនៃរាជបណ្ឌិត្យសភាកម្ពុជា។

RAC Media

  ថ្ងៃពុធ, 08 មករា 2020 ម៉ោង 03:01 PM

«៧ មករា» ព្រឹត្តិការណ៍ប្រវត្តិសាស្ត្រដែលកូនខ្មែរត្រូវចងចាំ

ថ្ងៃទី៧ ខែមករា ឆ្នាំ២០២០ ស្អែកនេះជាខួបលើកទី៤១ នៃទិវាជ័យជម្នះលើរបបប្រល័យពូជសាសន៍កម្ពុជាធិបតេយ្យ នៅថ្ងៃទី៧ ខែមករា ឆ្នាំ១៩៧៩។ ក្នុងបទសម្ភាសន៍មួយជាមួយទីភ្នាក់ងារសារព័ត៌មានកម្ពុជា (AKP) លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា បានមានប្រសាសន៍ថា « ៧ មករា» អាចនិយាយបានថា ជាថ្ងៃរស់រានមានជីវិតជាថ្មី ថ្ងៃកំណើតនៃការអភិវឌ្ឍ និងជាប្រភពកំណើតនៃសន្តិភាពនៅកម្ពុជាផងដែរ ក្រោយពេលដែលភ្លើងសង្រ្គាមស៊ីវិលបានឆាបឆេះតាំងពីដើមឆ្នាំ១៩៧០ មក។

លោកបណ្ឌិតបានឱ្យដឹងថា ថ្ងៃ ៧ មករា គឺនៅតែជាថ្ងៃដែលមានអត្ថន័យជាប្រវត្តិសាស្រ្តសម្រាប់ប្រជាជាតិកម្ពុជាទាំងមូល ពីព្រោះនរណាក៏ទទួលស្គាល់ ។ នរណាដែលបដិសេធ «ថ្ងៃ៧មករា» គឺអ្នកនោះជាអ្នកដែលបដិសេធការ រស់រានមានជីវិតរបស់ខ្លួននិងក្រុមគ្រួសាររបស់ខ្លួន ។ លោកបណ្ឌិតបានបន្តថា អ្នកដែលកើតមុនឆ្នាំ១៩៧៩ គឺអ្នកទាំងអស់នោះ គឺសុទ្ធតែបានយកកំណើតជាថ្មីនៅថ្ងៃទី៧ ខែមករា ឆ្នាំ១៩៧៩។ លោកបណ្ឌិតបានបញ្ជាក់ថា «ទោះអ្នកសា្រវជ្រាវណាបកស្រាយយ៉ាងណាក៏ដោយ ប៉ុន្តែសម្រាប់ខ្ញុំ ក្នុងឋានៈជាអ្នកសិក្សាស្រាវជ្រាវមួយរូប គឺនៅតែផ្តល់តម្លៃនូវសច្ចភាពខ្ពស់ចំពោះថ្ងៃ ៧ មករា នេះ»។

លោកបណ្ឌិតបានបញ្ជាក់បន្តទៀតថា «ខ្ញុំបានកើតមុនរបបខ្មែរក្រហមហើយក្លាយជាកុមារនៅក្នុងរបបខ្មែរក្រហម ក្រោយមក ក្លាយជាកុមារនិងជាយុវជននៅក្នុងសម័យក្រោយរំដោះ( ក្រោយថ្ងៃ ៧ មករា ) ដូច្នេះតាមអ្វីដែលខ្ញុំបានឃើញ ខ្ញុំគឺជាសាក្សីម្នាក់ដែលបានឃើញការរីកចម្រើននៃការអភិវឌ្ឍប្រទេសកម្ពុជា»។

លោកបណ្ឌិតបានបន្តថា «យើងដឹងហើយ យើងពិតជាពិបាកនៅក្នុងការប្រៀបធៀបណាស់អំពីការរីកចម្រើន ប៉ុន្តែ យើងអាចប្រៀបធៀបតែនៅក្នុងគ្រួសារយើង ក៏អាចដឹងបានដែរថា តើពីឆ្នាំ១៩៧៩ មកដល់ឥឡូវនេះ តើមានការប្រែប្រួល ការផ្លាស់ប្តូរអ្វីខ្លះ នៅក្នុងសង្គមគ្រួសារបស់ខ្លួន កុំនិយាយដល់ការអភិវឌ្ឍ និងការរីកចម្រើន របស់ប្រទេសជាតិ»។

លោកបានបន្តទៀតថា អ្វីដែលលោកអាចនិយាយបានមុនគេ គឺយើងទទួលបានមកវិញនូវសិទ្ធិរស់រានមានជីវិត គឺជារឿងមួយដ៏សំខាន់ដែលនៅក្នុងសម័យខ្មែរក្រហមសូម្បីតែសិទ្ធិនៅការស់រានមានជីវិត គ្មានផង ជីវិតរបស់យើងមិន មែនជារបស់យើងទេ គឺជីវិតយើងផ្ញើជាមួយនឹងអង្គការ ដែលមិនដឹងថា តើនៅពេលណាអង្គការដកហូតជីវិតយើងនោះទេ។ ហើយអង្គការជានរណា ក៏មិនស្គាល់ដែរ។

លោកបានសង្កត់ធ្ងន់អំពីមុខងារបស់អង្គការនៅក្នុងសម័យខ្មែរក្រហមថា «យើងគ្រាន់តែយកត្រី យកដំឡូងដែលយើងរកបានទៅហូប ក៏អង្គការបានបេះយកជីវិតរបស់យើងដែរ»។ លោកបណ្ឌិតបានបន្តទៀតថា សព្វថ្ងៃនេះ គឺយើងមានសិទ្ធិសេរីភាពសព្វបែបយ៉ាង រាប់តាំងពីប្រពៃណីទំនៀមទម្លាប់ ប្រពៃណី សាសនា ដែលយើងអាចរៀបចំប្រពៃណី សព្វយ៉ាងដែលនៅក្នុងសម័យខ្មែរក្រហម គឺមិនមានទាល់តែសោះ រាប់តាំងការអប់រំឡើង។ បច្ចុប្បន្ននេះ ការអប់រំរបស់យើង មានតាំងពីកម្រិតកុមារតូច ថ្នាក់បឋម រហូតដល់ឧត្តមសិក្សានិង ក្រោយឧត្តមសិក្សា គឺយើងឃើញថា មានច្រើនណាស់។ ទាំងអស់នេះ គឺជាអ្វីដែលយើងបានឃើញអំពីការប្រែប្រួលនៃសិទ្ធិផ្នែកសា្មរតី រីឯផ្នែករូបវ័ន្តវិញ យើងបានឃើញហើយ។ អ្វីដែលយើងបានឃើញនៅពេលនេះ មិនមែនជាការប្រទានរបស់អាទិទេពទេ គឺវាកើតឡើង ពីការខិតខំប្រឹងប្រែង ក្រោមការដឹកនាំរបស់រាជរដ្ឋាភិបាល ដោយយើងឃើញរាប់តាំងពីហេដ្ឋារចនាសម្ព័ន្ធរូបវ័ន្ត ។

លោកបណ្ឌិតបានបន្តថា ពីមុន នៅពេលដែលយើងចង់ធ្វើដំណើរនៅទូទាំងប្រទេស តើយើងត្រូវចំណាយពេលប៉ុណ្ណា ឥឡូវនេះ យើងធ្វើដំណើទៅតាមបណ្តាខេត្តនៅទូទាំងប្រទេស គឺសុទ្ធតែអាចវិលល្ងាចបានទាំងអស់។ លោកបណ្ឌិតបានបញ្ជាក់ថា «ស្ពាន ផ្លូវ ថ្នល់ សាលារៀន មន្ទីរពេទ្យ វត្តអារាម គឺជាភស្តុតាងដែលមិនអាចបដិសេធបានទេ នូវសមិទ្ធផលក្រោយ ៧ មករា ១៩៧៩»។

លោកបានបន្តទៀតថា ភ្នំពេញនាពេលរាត្រី តើនៅសម័យកាលណា ដែលយើងអាចឃើញភ្នំពេញមានសម្រស់ និងមានការរីកចម្រើនបែបនេះ។ ភ្នំពេញឥឡូវ រីកធំសឹងជិតពីរដងនៃសម័យសង្គមរាស្ត្រនិយម និងមានសំណង់អាគារធំៗ ខ្ពស់ស្កឹមស្កៃរាប់មិនអស់។ មួយទៀត យើងមើលអំពីការរីកចម្រើននៃសេដ្ឋកិច្ច យើងមើលអំពីស្ថេរភាពនៃម៉ាក្រូសេដ្ឋកិច្ច ។ យើងមានកំណើនសេដ្ឋកិច្ច នៅក្នុងរង្វង់ ៧ ភាគរយ ជាងមួយទស្សវត្សរ៍ ហើយ បើនិយាយអំពីប្រាក់ចំណូលរបស់ពលរដ្ឋ គឺយើងធ្លាប់មានត្រឹមតែ ១០០ ដុល្លារ តែឥឡូវនេះ គឺបានជិត ២០០០ ដុល្លារ ហើយ នៅក្នុងមនុស្សម្នាក់ ។ ជាចក្ខុវិស័យរបស់រាជរដ្ឋាភិបាល គឺយើងនឹងក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅក្នុងឆ្នាំ២០៣០ និងក្លាយជាប្រទេសដែលមានប្រាក់ចំណូលខ្ពស់នៅក្នុងឆ្នាំ២០៥០ ។

លោកបណ្ឌិតបានបន្តទៀតថា «ទាំងអស់នេះ គឺជាសូចនាករដែលអាចវាស់វែងបានអំពីការរីកចម្រើន អ្វីដែលការអភិវឌ្ឍរបស់ប្រទេសកម្ពុជាក្រោយថ្ងៃរំដោះ ៧ មករា ១៩៧៩»។

លោកបណ្ឌិត គិន ភា បានផ្តល់អនុសាសន៍ទាក់ទិននឹងថ្ងៃជាប្រវត្តិសាស្រ្តនេះថា «សម្រាប់ខ្ញុំ សូមផ្តាំដល់ប្រជាពលរដ្ឋនិងយុវជន ឱ្យចេះផ្តល់តម្លៃនូវសច្ចភាពប្រវត្តិសាស្រ្ត ។ គេតែងនិយាយថា ផឹកទឹកឱ្យនឹកប្រភព ជ្រកម្លប់ឱ្យនឹកអ្នកដាំ។ ដូច្នេះ បើមិនបានចូលរួមចំណែកចូលរួមកសាងនូវសុខដុមភាព សូមកុំឱ្យជាតិយើងបែកបាក់ កុំឱ្យជាតិយើង ជួប ភ័យយន្តរាយធ្លាក់ទៅដល់សង្រ្គាមទៅបានហើយ។ យើងគួរតែដើរទៅតាមរដ្ឋធម្មនុញ្ញ ក្រោមការដឹកនាំ របស់រាជរដ្ឋា ភិបាល និងក្រោមម្លប់ព្រះមហាក្សត្រ ដើម្បីវឌ្ឍនភាព ស្ថិរភាព និងសន្តិភាព របស់កូនចៅយើងទៅថ្ងៃមុខទៀត»។

RAC Media

  ថ្ងៃចន្ទ, 06 មករា 2020 ម៉ោង 02:24 PM

ឯកឧត្ដមបណ្ឌិត យង់ ពៅ ដឹកនាំកិច្ចប្រជុំតាមដានការងារ ភារកិច្ច និងយុទ្ធសាស្ត្រលើកកម្ពស់ប្រសិទ្ធភាពការងាររបស់ក្រុមការងារព័ត៌មាននៃរាជបណ្ឌិត្យសភាកម្ពុជា (RAC Media) ដោយ៖ លឹម សុវណ្ណរិទ្ធ

ភ្នំពេញ៖ នៅព្រឹកថ្ងៃចន្ទ ១២កើត ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី០៦ ខែមករា ឆ្នាំ២០២០ នេះ នៅបន្ទប់ក្រវាន់ អគារ F នៃរាជបណ្ឌិត្យសភាកម្ពុជា មានកិច្ចប្រជុំតាមដានការងារនិងភារកិច្ច និងយុទ្ធសាស្ត្រលើកកម្ពស់ប្រសិទ្ធភាពការងាររបស់ក្រុមការងារព័ត៌មាននៃរាជបណ្ឌិត្យសភាកម្ពុជា (RAC Media) ដែលដឹក នាំកិច្ចប្រជុំដោយឯកឧត្ដមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា។

នៅក្នុងកិច្ចប្រជុំនាព្រឹកនេះបានប្រព្រឹត្តទៅដោយមានការចូលរួមពីឯកឧត្ដម សូត្រ សំណាង អនុប្រធានក្រុមការងារព័ត៌មាននៃរាជបណ្ឌិត្យសភាកម្ពុជា, លោក ហេង វីរិទ្ធ លេខាធិការក្រុមការងារព័ត៌មាននៃរាជបណ្ឌិត្យសភាកម្ពុជា និងសមាជិកជាច្រើនរូបទៀតនៃក្រុមការងារព័ត៌មាននៃរាជបណ្ឌិត្យសភាកម្ពុជា សរុបចំនួន១៤ រូប។

ឯកឧត្ដមបណ្ឌិត យង់ ពៅ បានមានប្រសាសន៍លើកឡើងអំពី ចំណុចខ្វះខាតមួយចំនួនតូចដែលកើតមានឡើងក្នុងការបំពេញការងារប្រចាំថ្ងៃដែលត្រូវកែតម្រូវ សមិទ្ធផលការងារ និងព្រមទាំងលើកទឹកចិត្តដល់សមាជិកក្រុមការងារ ដែលបានខិតខំបំពេញការងាររយៈពេលពេញ១ឆ្នាំកន្លងទៅនេះ និងបានជំរុញឱ្យបន្តការខិតខំប្រឹងប្រែងតាមតួនាទីនិងភារកិច្ចការងារ ដែលអង្គភាពបានប្រគល់ជូនតាមរយៈសេចក្ដីសម្រេចលេខ ៧០៩/១៧/របសកកន្លងមកនេះ៕

RAC Media

  ថ្ងៃចន្ទ, 06 មករា 2020 ម៉ោង 12:48 PM

ឯកឧត្ដមបណ្ឌិតសភាចារ្យ សុខ ទូច៖ ថ្នាក់ដឹកនាំនិងមន្ត្រីរាជការ រាជបណ្ឌិត្យសភាកម្ពុជាត្រូវបង្កើនប្រសិទ្ធភាពការងារ ពិសេសបង្កើនស្នាដៃស្រាវជ្រាវឱ្យឆ្លើយតបនឹងបញ្ហាអាទិភាពរបស់សង្គមជាតិ

ភ្នំពេញ៖ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានថ្លែងជំរុញដូច្នេះ នៅក្នុងកិច្ចប្រជុំរួមនៃរាជបណ្ឌិត្យសភាកម្ពុជា ដែលបានប្រព្រឹត្តទៅចាប់ពីម៉ោង ៩:០០ នាទី ដល់ម៉ោង ១១:២២ នាទី ព្រឹកថ្ងៃសុក្រ ៩កើត ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី០៣ ខែមករា ឆ្នាំ២០២០ នេះ នៅសាលប្រជុំអគារឥន្ទ្រទេវី នៃរាជបណ្ឌិត្យសភាកម្ពុជា។

នៅកិច្ចប្រជុំរួមនៃរាជបណ្ឌិត្យសភាកម្ពុជានាព្រឹកនេះ មានការអញ្ជើញចូលរួមពីឯកឧត្ដមបណ្ឌិតសភាចារ្យអនុប្រធានរាជណ្ឌិត្យសភាកម្ពុជា ឯកឧត្ដមបណ្ឌិតអគ្គលេខាធិការ អគ្គលេខាធិការរង ឯកឧត្ដមបណ្ឌិត លោកបណ្ឌិតប្រធានវិទ្យាស្ថាន ថ្នាក់ដឹកនាំ និងមន្ត្រីវិទ្យាស្ថានទាំង៦ និងស្ថាប័នឧបសម្ព័ន្ធទាំងអស់នៃរាជបណ្ឌិត្យសភាកម្ពុជា។

នៅក្នុងកិច្ចប្រជុំរួមនាដើមឆ្នាំ២០២០ នេះ ឯកឧត្ដមបណ្ឌិតសភាចារ្យ ប្រធានរាជបណ្ឌិត្យសភាកម្ពុជា បានគូសបញ្ជាក់អំពី ការប្រែក្លាយស្ថាប័នស្រាវជ្រាវជាន់ខ្ពស់របស់ជាតិមួយនេះ ទៅជាគ្រឹះស្ថានសាធារណៈរដ្ឋបាល ដែលប្រការនេះវាទាមទារឱ្យថ្នាក់ដឹកនាំនិងមន្ត្រីរាជការគ្រប់លំដាប់ថ្នាក់នៃរាជបណ្ឌិត្យសភាកម្ពុជា ចូលរួមបំពេញការងារឱ្យកាន់តែសកម្មនិងមានប្រសិទ្ធភាពបន្ថែមទៀត ដោយមានភារកិច្ចថ្មីនិងសំខាន់ៗជាច្រើនទៀតដែលថ្នាក់ដឹកនាំនិងមន្ត្រីរាជការនៃរាជបណ្ឌិត្យសភាកម្ពុជាត្រូវបំពេញ ស្របតាមលក្ខន្តិកៈរាជបណ្ឌិត្យសភាកម្ពុជាជាគ្រឹះស្ថានសាធារណៈរដ្ឋបាល។ លើសពីនេះទៅទៀត ឯកឧត្ដមបណ្ឌិតសភាចារ្យក៏បានសង្កត់ធ្ងន់ថា នាពេលឆាប់ៗខាងមុខនេះ នឹងមានការស្នើតែងតាំងថ្មីចំពោះមន្ត្រីរាជការទាំងឡាយណាដែលបានខិតខំបំពេញតួនាទីភារកិច្ចរបស់ខ្លួន ពិសេសមន្ត្រីរាជការដែលមានស្នាដៃស្រាវជ្រាវឆ្លើយតបទៅនឹងតម្រូវការនិងចំណុចអាទិភាពជាក់ស្ដែងរបស់សង្គមជាតិ។

គួរបញ្ជាក់ផងដែរថា រាជបណ្ឌិត្យសភាកម្ពុជាបានក្លាយជាគ្រឹះស្ថានសាធារណៈរដ្ឋបាល តាមរយៈព្រះរាជក្រឹត្យលេខ នស/រកត/១២១៩/១៩៦២ ចុះថ្ងៃព្រហស្បតិ៍ ១កើត ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៦ ខែធ្នូ ឆ្នាំ២០១៩។ រាជបណ្ឌិត្យសភាកម្ពុជា ជាគ្រឹះស្ថានសាធារណៈរដ្ឋបាលស្ថិតក្រោមអាណាព្យាបាលបច្ចេកទេសនៃទីស្តីការគណៈរដ្ឋមន្ត្រីនិងស្ថិតក្រោមអាណាព្យាបាលហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ។

RAC Media | លឹម សុវណ្ណរិទ្ធ

  ថ្ងៃសុក្រ, 03 មករា 2020 ម៉ោង 04:01 PM

Challenges for Cambodian Workers in Thailand

By: Sam Seun, Researcher of Royal Academy of Cambodia
Email: samseun77@gmail.com

  ថ្ងៃសុក្រ, 03 មករា 2020 ម៉ោង 03:38 PM

«រាជបណ្ឌិត្យសភាកម្ពុជា ប្រែក្លាយជាគ្រឹះស្ថានសាធារណៈរដ្ឋបាល»

(រាជធានីភ្នំពេញ)៖ រាជបណ្ឌិត្យសភាកម្ពុជាបានក្លាយជាគ្រឹះស្ថានសាធារណៈរដ្ឋបាល ជាផ្លូវការហើយ តាមរយៈព្រះរាជក្រឹត្យលេខ នស/រកត/១២១៩/១៩៦២ ចុះថ្ងៃព្រហស្បតិ៍ ១កើត ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៦ ខែធ្នូ ឆ្នាំ២០១៩។ រាជបណ្ឌិត្យសភាកម្ពុជា (រ.ប.ស.ក.) ជាគ្រឹះស្ថានសាធារណៈរដ្ឋបាលស្ថិតក្រោមអាណាព្យាបាលបច្ចេកទេសនៃទីស្តីការគណៈរដ្ឋមន្ត្រីនិងស្ថិតក្រោមអាណាព្យាបាលហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ។

ដោយបានទ្រង់យល់សេចក្តីក្រាបបង្គំទូលថ្វាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណា ចក្រកម្ពុជា បានឡាយព្រះហស្តលេខាលើព្រះរាជក្រឹត្យលេខ នស/រកត/១២១៩/១៩៦២ស្តីពី ការបង្កើតរាជបណ្ឌិត្យ សភាកម្ពុជា ជាគ្រឹះស្ថានសាធារណៈរដ្ឋបាល ដែលមានអាសយដ្ឋានបច្ចុប្បន្នស្ថិតនៅមហាវិថីសហព័ន្ធរុស្សី ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ។

យោងតាមព្រះរាជក្រឹត្យថ្មី រាជបណ្ឌិត្យសភាកម្ពុជា (រ.ប.ស.ក.) មានបេសកកម្មដឹកនាំគ្រប់គ្រង អភិវឌ្ឍការសិក្សាស្រាវជ្រាវវិទ្យាសាស្រ្ត បច្ចេកវិទ្យា បច្ចេកទេស បណ្តុះបណ្តាល និងអភិវឌ្ឍធនធានបញ្ញាញាណជាន់ខ្ពស់របស់ជាតិ។

តាមរយៈព្រះរាក្រឹត្យដដែលនេះ រាជបណ្ឌិត្យសភាកម្ពុជា មានភារកិច្ចជាអាទិ៍ ដូចតទៅ៖

- គ្រប់គ្រងនិងពង្រីកការស្រាវជ្រាវវិទ្យាសាស្រ្តលើគ្រប់វិស័យ

- ធ្វើកិច្ចសហប្រតិបត្តិការលើផ្នែកស្រាវជ្រាវជាមួយក្រសួង ស្ថាប័ន អង្គការជាតិ និងអន្តរជាតិ ព្រមទាំងដៃគូអភិវឌ្ឍនានាដែលមានគោលបំណងដូចគ្នា

- រៀបចំវេទិកាវិទ្យាសាស្រ្តលើគ្រប់វិស័យដើម្បីផ្តល់ធាតុចូលក្នុងការរួមចំណែកអភិវឌ្ឍប្រទេស

- បណ្តុះបណ្តាលដើម្បីអភិវឌ្ឍធនធានមនុស្សលើគ្រប់វិស័យ

- ប្រមូល ចងក្រង បោះពុម្ពផ្សាយ និងតម្កល់ឯកសារ ស្នាដៃស្រាវជ្រាវនិងរបកគំហើយនានា

- ប្រមូលផ្តុំកម្លាំងបញ្ញាញាណរបស់ជាតិនិងអន្តរជាតិ ដើម្បីជំរុញការអភិវឌ្ឍប្រទេស

- លើកសំណើជូនគ្រឿងឥស្សរិយយសឬគោរមងារវិទ្យាសាស្រ្តដល់ឥស្សរជនឆ្នើមជាតិនិងអន្តរជាតិ

- អភិរក្សនិងអភិវឌ្ឍការប្រើប្រាស់ភាសានិងអក្សរខ្មែរប្រកបដោយនិរន្តរភាព ព្រមទាំងរក្សាបាននូវអត្តសញ្ញាណជាតិខ្មែរ

- ស្រាវជ្រាវ អភិរក្ស និងអភិវឌ្ឍធនធានធម្មជាតិនិងវប្បធម៌

- ចូលរួមចំណែកនិងធ្វើកិច្ចសហប្រតិបត្តិការក្នុងការការពារកម្មសិទ្ធិបញ្ញាខាងផ្នែកវិទ្យាសាស្រ្តគ្រប់វិស័យ

- ពិនិត្យនិងវាយតម្លៃស្នាដៃស្រាវជ្រាវវិទ្យាសាស្រ្តជាន់ខ្ពស់

- អនុវត្តភារកិច្ចផ្សេងៗទៀតដែលទីស្តីការគណៈរដ្ឋមន្ត្រីនិងរាជរដ្ឋាភិបាលប្រគល់ជូន៕

សូមទាញយកព្រះរាជក្រឹត្យលេខ នស/រកត/១២១៩/១៩៦២ ស្តីពី ការបង្កើតរាជបណ្ឌិត្យសភាកម្ពុជា ជាគ្រឹះស្ថានសាធារណៈរដ្ឋបាល តាមរយៈតំណភ្ជាប់ខាងក្រោមដើម្បីស្វែងយល់លំអិតបន្ថែម៖

  ថ្ងៃព្រហស្បតិ៍, 02 មករា 2020 ម៉ោង 11:11 AM

Vietnam Predicts The Future!

Vietnam became a full member of ASEAN on 28 July 1995. Vietnam’s accession to the various ASEAN agreements demonstrates her commitment to economic cooperation in the region, to the opening up of her economy and to trade liberalization. Her current impressive economic growth testifies to this vigorous drive toward reforming her economy.

Vietnam is the country which I appreciate the most since this country knows what they have to do and knows the ways where they have to go for the betterment or good fate of the country. Vietnam shares borders with three countries: Cambodia (southwest), China (north), and Laos (northwest).

Vietnam is the country which has been implementing the very smart foreign policies toward all countries in the world such as the US, Canada, EU, Japan, ASEAN countries, and including China. Sometimes we may heard about the conflicts between China and Vietnam on many different Medias, but if we look at the trades between the two countries is very high. Do you know the amount of trade Relations Between China and Vietnam? 

Developmental state’ strategies in Asia were based on strategic planning –something very different from the kind of command central planning which the Vietnamese bureaucracy is used to. A change towards strategic planning practices would require capacity building and institutional reforms along lines contrasting with the so-called ‘modern governance’ promoted by the international agencies. The political mandate for the implementation of such extraordinary state functions in market guidance was a result of the need by capitalist forces to protect their long-term interests in a situation of crisis.

The political mandate for state-led industrialization along a ‘Developmental State’ model in Vietnam would require a different kind of political consensus – something that is currently barely visible in the country. Central to the possibility of implementing a ‘Developmental State’ kind of economic policy will be dependence on the role of the national elites, i.e. on the choice to act as a national bourgeoisie or to pursue integration into a transnational alliance of capitalist forces.

Vietnam is the very Smart Country and has the very specific strategies to develop the country. For the first step of development in Cambodia, I personally encourage Cambodia to follow through the experiences of Vietnam: Cambodian Government and Cambodian citizens should pay high attention to agricultural products through inspiring citizens to grow vegetables and other useful herbs, and then the government should facilitate markets for farmers to sell their products. Cambodia is too far away from Vietnam, in terms of development and social infrastructure as well as the feeling of nationalism.  

Owing to the history of Cambodia and Vietnam, some of Cambodian citizens don’t like Vietnamese citizens or Vietnamese products, but Cambodian people are the strong supporters of Vietnamese products since Cambodian people do not grow vegetables or herbs by themselves, many Cambodian farmers just like to buy vegetables and herbs from the markets in their location although they have big free land. Many Cambodian citizens are very Lazy and they always Angry at Persons who criticize them, for instance, there are many people reacted strongly toward Academician SOK Touch, president of Royal Academy of Cambodia due to he said Cambodian people are Lazy. If there is No Market to sell the products, why don’t just grow vegetables to eat in families?

I appreciate Vietnam in this article, it does not mean that I do not like other countries, with all respect to all countries in the world which are the good friends of Cambodia but I think there are so many steps and so many things that Cambodia needs to do for the development of Cambodia, and sometimes I reckon Cambodia should pay attention to legacies that consisted in their her hands is better than looking for something which is still in the bush. 

(Dr. Seun Sam is the Public Relations Official of Royal Academy of Cambodia. Meaning in this article is his personal idea, it is not the reflection of Royal Academy of Cambodia. You can reach him through his personal email: samseun77@gmail.com)

RAC Media

  ថ្ងៃពុធ, 01 មករា 2020 ម៉ោង 09:28 PM