រាជបណ្ឌិត្យសភាកម្ពុជា

«ការសិក្សាអង្កេតបឋមអំពីម៉ូដសក់ផ្នួងមួយនៃចម្លាក់អប្សរនៅប្រាសាទអង្គវត្ត» ដោយ៖ ដោយ នូ ចាន់សុភី, ម៉ិល វាសនា, ប្រែង ពិសិដ្ឋ

RAC Media

ប្រភព៖ ប្រែង ពិសិដ្ឋ (វិទ្យាស្ថានវប្បធម៌និងវិចិត្រសិល្បៈ នៃរាជបណ្ឌិត្យសភាកម្ពុជា)។

  ថ្ងៃព្រហស្បតិ៍, 23 មករា 2020 ម៉ោង 02:39 PM

«កិច្ចប្រជុំដើម្បីពិនិត្យ ពិភាក្សា និងអនុម័តពាក្យរបស់គណៈកម្មការព័ត៌មានវិទ្យា និងពិភាក្សា អនុម័តបច្ចេកសព្ទ បរិស្ថាននិងធនធានធម្មជាតិ...»

កាលពីរសៀលថ្ងៃពុធ ១៣រោច ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២២ ខែមករា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើក កិច្ចប្រជុំដើម្បីពិនិត្យ ពិភាក្សា និងអនុម័តពាក្យ «បញ្ញាសិប្បនិម្មិត» ជាភាសាអង់គ្លេស «artificial intelligence» និងភាសាបារាំង «intelligence artificielle (f.)» របស់គណៈកម្មការព័ត៌មានវិទ្យា តបតាមសំណើរបស់ប្រធានរាជបណ្ឌិត្យសភាកម្ពុជា ដើម្បីយកពាក្យនេះ ទៅប្រើប្រាស់នៅក្នុង អនុក្រឹត្យស្ដីពីការរៀបចំ និងការប្រព្រឹត្តទៅនៃរាជបណ្ឌិត្យសភាកម្ពុជា។ បន្ទាប់មក អង្គប្រជុំបាន បន្តបន្តពិនិត្យ ពិភាក្សា និង អនុម័តបច្ចេកសព្ទ បរិស្ថាននិងធនធានធម្មជាតិស្នើដោយក្រសួងបរិស្ថាន បានចំនួន៧ពាក្យ ដែលមានសេចក្តីពន្យល់លម្អិតដូចខាងក្រោម៖

  ថ្ងៃព្រហស្បតិ៍, 23 មករា 2020 ម៉ោង 12:21 PM

«មន្ត្រីរាជបណ្ឌិត្យសភាកម្ពុជាត្រូវតែជាមន្ត្រីដែលមានសមត្ថភាពសកម្ម សីលធម៌ និងគោរពវិជ្ជាជីវៈពិតប្រាកដ ដើម្បីចូលរួមអភិវឌ្ឍជាតិ»

(រាជបណ្ឌិត្យសភាកម្ពុជា)៖ មន្ត្រីរាជបណ្ឌិត្យសភាកម្ពុជាត្រូវតែជាមន្ត្រីដែលមានសមត្ថភាពសកម្ម សីលធម៌ និងគោរពវិជ្ជាជីវៈពិតប្រាកដ ដើម្បីចូលរួមអភិវឌ្ឍជាតិឱ្យកាន់តែចម្រើន។ នេះជាប្រសាសន៍ក្រើនរម្លឹកថ្នាក់ដឹកនាំវិទ្យាស្ថាន និងអង្គភាពឧបសម្ព័ន្ធចំណុះរាជបណ្ឌិត្យសភាកម្ពុជារបស់ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា នៅព្រឹកថ្ងៃពុធ ១៣រោច ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២២ ខែមករា ឆ្នាំ២០២០។

ថ្លែងក្នុងឱកាសអញ្ជើញដឹកនាំកិច្ចប្រជុំពិភាក្សាត្រួតពិនិត្យសេចក្តីព្រាងអនុក្រឹត្យស្តីពី ការរៀបចំនិងការប្រព្រឹត្តទៅរបស់រាជបណ្ឌិត្យសភាកម្ពុជា ដែលបានប្រព្រឹត្តទៅនៅក្នុងសាលប្រជុំ អគារឥន្ទ្រទេវី ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានប្រសាសន៍ថា ការតែងតាំងថ្នាក់ដឹកនាំ និងមន្ត្រីតាមវិទ្យាស្ថាន និងអង្គភាពឧប សម្ព័ន្ធចំណុះរាជបណ្ឌិត្យសភាកម្ពុជាទាំងអស់ឡើងវិញត្រូវតែផ្អែកតាមជំនាញដែលពួកគេបានសិក្សា ហើយពួកគេត្រូវ តែមានសមត្ថភាពសកម្ម សីលធម៌ និងគោរពវិជ្ជាជីវៈពិតប្រាកដឱ្យស័ក្តិសមឋានៈជាមន្ត្រី និងអ្នកសិក្សាស្រាវជ្រាវបម្រើការងារក្នុងស្ថាប័នវិទ្យាសាស្ត្រជាន់ខ្ពស់ជាតិ ដើម្បីចូលរួមអភិវឌ្ឍជាតិឱ្យកាន់តែចម្រើន ។

ចំពោះឯកឧត្តមបណ្ឌិតសភាចារ្យប្រធានរាជបណ្ឌិត្យសភាកម្ពុជា មន្ត្រីដែលមានសមត្ថភាព ការផ្តួចផ្តើមគំនិតការច្នៃប្រ ឌិត និងចក្ខុវិស័យវែងឆ្ងាយក្នុងវិស័យវិទ្យាសាស្រ្តគឺជាធនធានបញ្ញវន្តមួយដ៏សំខាន់ដែលមានគំនិតមិនចេះរីងស្ងួត ដើម្បីចូលរួមលើកកម្ពស់ការសិក្សាស្រាវជ្រាវ ក្នុងការអភិវឌ្ឍប្រទេសជាតិឱ្យកាន់តែរីកចម្រើនប្រកបដោយនិរន្តរភាពសម្រាប់មនុស្សជំនាន់ក្រោយ។

ឯកឧត្តមបណ្ឌិតសភាចារ្យបានមានប្រសាសន៍សង្កត់ធ្ងន់ថា ចាប់ពីពេលនេះតទៅ រាជបណ្ឌិត្យសភាកម្ពុជាត្រូវតែធ្វើការកំណែទម្រង់រៀបចំតែងតាំងមន្ត្រីទាំងអស់ឡើងវិញឱ្យសមស្របតាមចំណេះជំនាញ សមត្ថភាពរបស់ពួកគេ ដើម្បីជំរុញ​​ការងារវិទ្យាសាស្រ្ត ស្របនឹងសម័យសកលភាវូបនីយកម្មបច្ចេកវិទ្យាវិទ្យាសាស្រ្ត ៤.០។

សូមជម្រាបជូនថា រាជបណ្ឌិត្យសភាកម្ពុជា (រ.ប.ស.ក.) ជាគ្រឹះស្ថានសាធារណៈរដ្ឋបាលស្ថិតក្រោមអាណាព្យាបាលបច្ចេកទេសនៃទីស្តីការគណៈរដ្ឋមន្ត្រីនិងស្ថិតក្រោមអាណាព្យាបាលហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ។ រ.ប.ស.ក. មានបេសកកម្មដឹកនាំគ្រប់គ្រង អភិវឌ្ឍការសិក្សាស្រាវជ្រាវវិទ្យាសាស្រ្ត បច្ចេកវិទ្យា បច្ចេកទេស បណ្តុះបណ្តាល និងអភិវឌ្ឍធនធានបញ្ញាញាណជាន់ខ្ពស់របស់ជាតិ។

រាជបណ្ឌិត្យសភាកម្ពុជាមានភារកិច្ចជាអាទិ៍ ដូចតទៅ៖

- គ្រប់គ្រងនិងពង្រីកការស្រាវជ្រាវវិទ្យាសាស្រ្តលើគ្រប់វិស័យ

- ធ្វើកិច្ចសហប្រតិបត្តិការលើផ្នែកស្រាវជ្រាវជាមួយក្រសួង ស្ថាប័ន អង្គការជាតិ និងអន្តរជាតិ ព្រមទាំងដៃគូអភិវឌ្ឍនានាដែលមានគោលបំណងដូចគ្នា

- រៀបចំវេទិកាវិទ្យាសាស្រ្តលើគ្រប់វិស័យដើម្បីផ្តល់ធាតុចូលក្នុងការរួមចំណែកអភិវឌ្ឍប្រទេស

- បណ្តុះបណ្តាលដើម្បីអភិវឌ្ឍធនធានមនុស្សលើគ្រប់វិស័យ

- ប្រមូល ចងក្រង បោះពុម្ពផ្សាយ និងតម្កល់ឯកសារ ស្នាដៃស្រាវជ្រាវនិងរបកគំហើយនានា

- ប្រមូលផ្តុំកម្លាំងបញ្ញាញាណរបស់ជាតិនិងអន្តរជាតិ ដើម្បីជំរុញការអភិវឌ្ឍប្រទេស

- លើកសំណើជូនគ្រឿងឥស្សរិយយសឬគោរមងារវិទ្យាសាស្រ្តដល់ឥស្សរជនឆ្នើមជាតិនិងអន្តរជាតិ

- អភិរក្សនិងអភិវឌ្ឍការប្រើប្រាស់ភាសានិងអក្សរខ្មែរប្រកបដោយនិរន្តរភាព ព្រមទាំងរក្សាបាននូវអត្តសញ្ញាណជាតិខ្មែរ

- ស្រាវជ្រាវ អភិរក្ស និងអភិវឌ្ឍធនធានធម្មជាតិនិងវប្បធម៌

- ចូលរួមចំណែកនិងធ្វើកិច្ចសហប្រតិបត្តិការក្នុងការការពារកម្មសិទ្ធិបញ្ញាខាងផ្នែកវិទ្យាសាស្រ្តគ្រប់វិស័យ

- ពិនិត្យនិងវាយតម្លៃស្នាដៃស្រាវជ្រាវវិទ្យាសាស្រ្តជាន់ខ្ពស់

- អនុវត្តភារកិច្ចផ្សេងៗទៀតដែលទីស្តីការគណៈរដ្ឋមន្ត្រីនិងរាជរដ្ឋាភិបាលប្រគល់ជូន៕

RAC Media | រឿន ភារុន

  ថ្ងៃពុធ, 22 មករា 2020 ម៉ោង 12:23 PM

«កិច្ចប្រជុំដើម្បីពិនិត្យ ពិភាក្សានិងអនុម័តបច្ចេកសព្ទរបស់គណ:កម្មការភាសាវិទ្យា»

កាលពីព្រឹកថ្ងៃអង្គារ និងរសៀលថ្ងៃអង្គារ ១២រោច ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២១ ខែមករា ឆ្នាំ២០២០ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារីបានបើកកិច្ចប្រជុំដើម្បីពិនិត្យ ពិភាក្សានិងអនុម័តបច្ចេកសព្ទរបស់គណ:កម្មការភាសាវិទ្យាដោយអនុម័តពាក្យបានចំនួន១២ ដែលមានសេចក្តីពន្យល់លម្អិតដូចខាងក្រោម៖

RAC Media

  ថ្ងៃពុធ, 22 មករា 2020 ម៉ោង 11:00 AM

«ឯកឧត្តមបណ្ឌិតសភាចារ្យ សុខ ទូច ត្រូវបានតែងតាំងជាប្រធានរាជបណ្ឌិត្យសភាកម្ពុជាជាថ្មី ឋានៈស្មើរដ្ឋមន្ត្រី»

(រាជធានីភ្នំពេញ)៖ ដោយបានទ្រង់យល់សេចក្តីក្រាបបង្គំទូលថ្វាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានឡាយព្រះហស្តលេខាលើព្រះរាជក្រឹត្យលេខ នស/រកត/០១២០/០៧១ ចុះថ្ងៃទី១៨ ខែមករា ឆ្នាំ២០២០ ត្រាស់បង្គាប់តែងតាំងនិងផ្តល់ឋានៈឯកឧត្តមបណ្ឌិតសភាចារ្យ សុខ ទូច ជាប្រធានរាជបណ្ឌិត្យសភាកម្ពុជាជាថ្មី បន្ទាប់ពីរាជបណ្ឌិត្យសភាកម្ពុជាបានក្លាយជាគ្រឹះស្ថានសាធារណៈរដ្ឋបាល។

តាមរយៈព្រះរាជក្រឹត្យលេខ នស/រកត/០១២០/០៧១ខាងលើ ឯកឧត្តមបណ្ឌិតសភាចារ្យ សុខ ទូច ជាប្រធានរាជបណ្ឌិត្យសភាកម្ពុជា មានឋានៈស្មើ រដ្ឋមន្ត្រី។

សូមជម្រាបជូនថា រាជបណ្ឌិត្យសភាកម្ពុជាបានក្លាយជាគ្រឹះស្ថានសាធារណៈរដ្ឋបាល តាមរយៈព្រះរាជក្រឹត្យលេខ នស/រកត/១២១៩/១៩៦២ ចុះថ្ងៃព្រហស្បតិ៍ ១កើត ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៦ ខែធ្នូ ឆ្នាំ២០១៩។ ហើយផ្អែកតាមមាត្រា១៨នៃព្រះរាជក្រឹត្យបានតម្រូវឱ្យមានការតែងតាំងប្រធានរាជបណ្ឌិត្យសភាកម្ពុជាឡើងវិញយ៉ាងយូរ១ខែ ក្រោយពីការចូលជាធរមាននៃព្រះរាជក្រឹត្យនេះ។

សូមជម្រាបជូនផងដែរថា រាជបណ្ឌិត្យសភាកម្ពុជា (រ.ប.ស.ក.) ជាគ្រឹះស្ថានសាធារណៈរដ្ឋបាលស្ថិតក្រោមអាណាព្យាបាលបច្ចេកទេសនៃទីស្តីការគណៈរដ្ឋមន្ត្រីនិងស្ថិតក្រោមអាណាព្យាបាលហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ។ ហើយ រ.ប.ស.ក. មានបេសកកម្មដឹកនាំគ្រប់គ្រង អភិវឌ្ឍការសិក្សាស្រាវជ្រាវវិទ្យាសាស្រ្ត បច្ចេកវិទ្យា បច្ចេកទេស បណ្តុះបណ្តាល និងអភិវឌ្ឍធនធានបញ្ញាញាណជាន់ខ្ពស់របស់ជាតិ។

តាមរយៈព្រះរាក្រឹត្យដដែលនេះ រាជបណ្ឌិត្យសភាកម្ពុជា មានភារកិច្ចជាអាទិ៍ ដូចតទៅ៖

- គ្រប់គ្រងនិងពង្រីកការស្រាវជ្រាវវិទ្យាសាស្រ្តលើគ្រប់វិស័យ

- ធ្វើកិច្ចសហប្រតិបត្តិការលើផ្នែកស្រាវជ្រាវជាមួយក្រសួង ស្ថាប័ន អង្គការជាតិ និងអន្តរជាតិ ព្រមទាំងដៃគូអភិវឌ្ឍនានាដែលមានគោលបំណងដូចគ្នា

- រៀបចំវេទិកាវិទ្យាសាស្រ្តលើគ្រប់វិស័យដើម្បីផ្តល់ធាតុចូលក្នុងការរួមចំណែកអភិវឌ្ឍប្រទេស

- បណ្តុះបណ្តាលដើម្បីអភិវឌ្ឍធនធានមនុស្សលើគ្រប់វិស័យ

- ប្រមូល ចងក្រង បោះពុម្ពផ្សាយ និងតម្កល់ឯកសារ ស្នាដៃស្រាវជ្រាវនិងរបកគំហើយនានា

- ប្រមូលផ្តុំកម្លាំងបញ្ញាញាណរបស់ជាតិនិងអន្តរជាតិ ដើម្បីជំរុញការអភិវឌ្ឍប្រទេស

- លើកសំណើជូនគ្រឿងឥស្សរិយយសឬគោរមងារវិទ្យាសាស្រ្តដល់ឥស្សរជនឆ្នើមជាតិនិងអន្តរជាតិ

- អភិរក្សនិងអភិវឌ្ឍការប្រើប្រាស់ភាសានិងអក្សរខ្មែរប្រកបដោយនិរន្តរភាព ព្រមទាំងរក្សាបាននូវអត្តសញ្ញាណជាតិខ្មែរ

- ស្រាវជ្រាវ អភិរក្ស និងអភិវឌ្ឍធនធានធម្មជាតិនិងវប្បធម៌

- ចូលរួមចំណែកនិងធ្វើកិច្ចសហប្រតិបត្តិការក្នុងការការពារកម្មសិទ្ធិបញ្ញាខាងផ្នែកវិទ្យាសាស្រ្តគ្រប់វិស័យ

- ពិនិត្យនិងវាយតម្លៃស្នាដៃស្រាវជ្រាវវិទ្យាសាស្រ្តជាន់ខ្ពស់

- អនុវត្តភារកិច្ចផ្សេងៗទៀតដែលទីស្តីការគណៈរដ្ឋមន្ត្រីនិងរាជរដ្ឋាភិបាលប្រគល់ជូន៕

  ថ្ងៃអង្គារ, 21 មករា 2020 ម៉ោង 03:56 PM

«អាហារូបករណ៍សិក្សាជាន់ខ្ពស់អន្តរជាតិ សម្រាប់ឆ្នាំ២០២០-២០២១ នៅសាធារណរដ្ឋកូរ៉េ»

  ថ្ងៃអង្គារ, 21 មករា 2020 ម៉ោង 09:51 AM

«បញ្ញវន្តដែលមានសមត្ថភាពពិតប្រាកដគឺជាធនធានចម្បង ដើម្បីចូលរួមអភិវឌ្ឍសង្គមជាតិ»

(រាជបណ្ឌិត្យសភាកម្ពុជា)៖ ថ្លែងក្នុងកិច្ចពិភាក្សាដែលមានការផ្សាយផ្ទាល់តាមបណ្តាញសង្គមហ្វេសប៊ុកពីរាជបណ្ឌិត្យសភាកម្ពុជា នៅវេលា ម៉ោង៦ល្ងាចថ្ងៃទី២០ ខែមករា ឆ្នាំ២០២០នេះ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានមានប្រសាសន៍ឲ្យតម្លៃខ្ពស់ទៅលើធនធានមនុស្សដែលមានគុណភាព ចំណេះជំនាញសមត្ថភាពពិតប្រាកដ គឺជាធនធានចម្បង ដើម្បីអភិវឌ្ឍជាតិ។

ឯកឧត្តមបណ្ឌិតសភាចារ្យបានមានប្រសាសន៍ប្រៀបធៀបលើកឡើងអំពី ប្រព័ន្ធអប់រំ និងការប្រមូលផ្តុំប្រើប្រាស់ធនធានមនុស្សរបស់ប្រទេសមួយចំនួនក្នុងតំបន់អាស៊ី ដើម្បីអភិវឌ្ឍប្រទេសជាតិឲ្យរីកចម្រើន ក្នុងនោះ រួមមាន ប្រទេសសិង្ហបុរី ម៉ាឡេស៊ី ថៃ វៀតណាម តៃវ៉ាន់ កូរ៉េខាងត្បូង និងប្រទេសជប៉ុន។ ដើម្បីទទួលបានធនធានមនុស្សប្រកបដោយគុណភាព ឯកឧត្តមបណ្ឌិតសភាចារ្យប្រធានរាជបណ្ឌិត្យសភាកម្ពុជាបានមានប្រសាសន៍ថា កម្ពុជាត្រូវតែពង្រឹងគុណភាពប្រព័ន្ធអប់រំចាប់ពីកម្រិតបឋមសិក្សារហូតដល់ថ្នាក់ឧត្តមសិក្សា ដោយត្រូវបណ្តុះបណ្តាលទាំងលើទ្រឹស្តី និងការអនុវត្តទ្រឹស្តីជាក់លាក់ ដើម្បីឲ្យពួកគេមានចំណេះជំនាញមូលដ្ឋានច្បាស់លាស់ពិតប្រាកដ និងគំនិតទូលំទូលាយ ក្នុងសម័យសកលភាវូបនីយកម្មបច្ចេកវិទ្យា ៤.0 នាពេលនេះ។

លើសពីនេះ ដើម្បីឲ្យធនធានមនុស្សមានសមត្ថភាព និងក្រមសីលធម៌វិជ្ជាជីវៈថែមទៀត ឯកឧត្តមបណ្ឌិតសភាចារ្យបានមានប្រសាសន៍បន្ថែមថា មាតាបិតា អាណាព្យាបាលរបស់សិស្សានុសិស្សផ្ទាល់ត្រូវតែមានភារកិច្ចចាំបាច់ក្នុងការអប់រំផ្តល់ភាពជាគម្រូល្អៗដល់កូនចៅរបស់ខ្លួនពួកគេផ្ទាល់ បន្ទាប់ពីការអប់រំរបស់លោកគ្រូ អ្នកគ្រូ សាស្ត្រាចារ្យនៅតាមគ្រឹះស្ថានសិក្សានានា និង គោលនយោបាយលើកកម្ពស់ប្រព័ន្ធអប់រំជាតិប្រកបដោយគុណភាពត្រឹមត្រូវច្បាស់លាស់។

«ធនធានមនុស្សមានគុណភាពនាំឲ្យជាតិមានការអភិវឌ្ឍរីកចម្រើនរឹងមាំ»។ នេះជាប្រសាសន៍លើកឡើងរបស់ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ថ្លែងក្នុងកិច្ចពិភាក្សាស្តីពី អ្វីជាធនធានចម្បងដើម្បីអភិវឌ្ឍជាតិ។

ជាចុងបញ្ចប់ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានប្រកាសលើកឡើងយ៉ាងច្បាស់លាស់ថា រាជបណ្ឌិត្យសភាកម្ពុជាស្វាគមន៍អ្នកវិទ្យាសាស្រ្តដែលមានសមត្ថភាពពីគ្រប់ទិសទីមកបង្ហាញចំណេះដឹង និងស្នាដៃ ដើម្បីចូលរួមអភិវឌ្ឍសង្គមជាតិឱ្យកាន់តែរីកចម្រើនប្រកដដោយនិរន្តរភាពដល់ខ្មែរជំនាន់ក្រោយ។

ឯកឧត្តមបណ្ឌិតសភាចារ្យប្រធានរាជបណ្ឌិត្យសភាកម្ពុជាបានប្រកាសដល់សាធារណជន និងបញ្ញវន្តដែលសមត្ថភាពមកពីគ្រប់ទិសទីដែលមានបំណងចង់បង្ហាញចំណេះដឹង និងស្នាដៃរបស់ខ្លួន សូមអញ្ជើញទាក់ទងមករាជបណ្ឌិត្យសភាកម្ពុជា និងឯកឧត្តមបណ្ឌិតសភាចារ្យផ្ទាល់។ ឯកឧត្តមបណ្ឌិតសភាចារ្យបានមានប្រសាសន៍យ៉ាងមុតមាំថា រាជបណ្ឌិត្យសភាកម្ពុជាស្វាគមន៍បញ្ញវន្តដែលមានសមត្ថភាពគ្រប់កម្រិត ដើម្បីបង្ហាញចំណេះដឹង សមត្ថភាព និងស្នាដៃចូលរួមអភិវឌ្ឍសង្គមជាតិ។ ហើយតាមរយៈរាជបណ្ឌិត្យសភាកម្ពុជាដែលជាស្ថាប័នសិក្សាស្រាវជ្រាវជាន់ខ្ពស់ជាតិខ្មែរ ពួកគេនឹងទទួលបានកេរ្តិ៍ឈ្មោះការតែងតាំង និងការផ្តល់សញ្ញាបត្រ ស្របតាមចំណេះដឹង និងសមត្ថភាពរបស់ពួកគេយ៉ាងប្រាកដ៕

RAC Media

  ថ្ងៃចន្ទ, 20 មករា 2020 ម៉ោង 09:49 PM

ស្រះដំរី នៃដែនដី «មហេន្ទ្របរព័ត» ក្នុងរាជ្យព្រះបាទជ័យវរ្ម័នទី២..

(ភ្នំគូលេន)៖ ថ្ងៃទី១៧ ខែមករា ឆ្នាំ២០២០ ឯកឧត្តមបណ្ឌិត យង់ ពៅ អគ្គលេខធិការនៃរាជបណ្ឌិត្យសភាកម្ពុជាបានបន្តដឹកនាំក្រុមការងារស្រាវជ្រាវនៅស្រះដំរី នៅមហេន្ទ្របរព័ត (ភ្នំគូលេន ) ដើម្បីសិក្សាស្វែងយល់អំពីប្រវត្តិសាស្ត្រ និងធនធានវប្បធម៌នៅតំបន់ភ្នំគូលេនដែលត្រូវបានកសាងក្នុងរាជ្យព្រះបាទជ័យវរ្ម័នទី២ នៅឆ្នាំ ៨០២ គឺមានរយៈពេល១២១៨ឆ្នាំកន្លងផុតទៅហើយ។

ការសិក្សាស្វែងយល់នៅថ្ងៃទី១៧ ខែមករា ឆ្នាំ២០២០ គឺនៅទីតាំងមួយឈ្មោះថាស្រះដំរី ស្ថិតក្នុងឃុំខ្នងភ្នំ ស្រុកស្វាយលើ ខេត្តសៀមរាប។ នៅស្រះដំរីមានបដិមាសត្វដំរីដ៏ធំមួយ, បដិមាសត្វតោចំនួនធំចំនួនពីរ បដិមាសត្វមានរូបរាងដូចសត្វកង្កែបផង និងដូចសត្វខ្លាផង (អ្នកស្រុកខ្លះថាជាសត្វកង្កែប ប៉ុន្តែអ្នកស្រុកខ្លះថាមិនមែនកង្កែបទេ ព្រោះមានត្រចៀក), បដិមាសត្វគោ និង បដិមាសត្វពស់។ បដិមាសត្វទាំងនោះឆ្លាក់លើថ្មជាប់នឹងភ្នំតែម្ដង មានទំហំធំៗ និងមានប្រវែង៖

-សត្វដំរីមាន បណ្តោយ៥ម៉ែត្រ និង កម្ពស់៣,៧៥ម៉ែត្រ។ បដិមាបែរមុខទៅស្រះដែលមានសំណង់ថ្មបាយក្រោមសង់នៅតាមមាត់ស្រះ។

-សត្វកង្កែប ឬ ខ្លា មានបណ្តោយ២,៦០ម៉ែត្រ ទទឹង១,១០ម៉ែត្រ។

-សត្វតោទី១ (ជាប់សត្វកង្កែប ឬ ខ្លា) មានបណ្តោយ៣,៩០ម៉ែត្រ ទទឹង១,៦០ម៉ែត្រ កម្ពស់២,៤៥ម៉ែត្រ។

-សត្វតោទី២ មានបណ្តោយ ២,៦០ម៉ែត្រ ទទឹង ១,៦០ម៉ែត្រ និង កម្ពស់ ២,៥០ម៉ែត្រ។

-សត្វគោមាន បណ្តោយ ៣,៣០ម៉ែត្រ ទទឹង ១,៧០ម៉ែត្រ និង កម្ពស់ ១,២០ម៉ែត្រ។

-សត្វពស់ (ពុំអាចវាស់បាន ព្រោះឆ្លាក់លើផ្ទាំងថ្មខ្ពស់)។

បដិមាសត្វដំរី និងសត្វផ្សេងៗទៀតមានលក្ខណៈពិសេសដែលឆ្លាក់លើផ្ទាំងថ្មធម្មជាតិ និងមានទំហំធំៗលើសពីចម្លាក់នានាដែលមានកន្លងមក។ ដូច្នេះហើយ ទីតាំងស្រះដំរីគួរត្រូវបានធ្វើការសិក្សាស្រាវជ្រាវឱ្យកាន់តែស៊ីជម្រៅតាមបែបបុរាណវត្ថុវិទ្យា ដើម្បីស្វែងរកភស្ដុតាង និង ទិន្នន័យប្រវត្តិសាស្ត្របន្ថែមទៀត។

RAC Media|  | តាកេត ស័កដា

  ថ្ងៃសៅរ៍, 18 មករា 2020 ម៉ោង 12:03 PM

«វិទ្យាស្ថានខុងជឺ នៃរាជបណ្ឌិត្យសភាកម្ពុជា រៀបចំកម្មវិធីអបអរពិធីបុណ្យចូលឆ្នាំប្រពៃណីចិន»

ភ្នំពេញ៖ នៅល្ងាចថ្ងៃព្រហស្បតិ៍ ៧រោច ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៦ ខែមករា ឆ្នាំ២០២០ នេះ នៅវិទ្យាស្ថានខុងជឺ នៃរាជបណ្ឌិត្យសភាកម្ពុជា មានរៀបចំកម្មវិធីអបអរពិធីបុណ្យចូលឆ្នាំប្រពៃណីចិន ដែលប្រព្រឹត្តទៅចាប់ពីម៉ោង ៤:៣០ នាទីរសៀល ដែលមានការអញ្ជើញចូលរួមពីសំណាងនាយកភាគីចិន និងនាយិកាភាគីខ្មែរ របស់វិទ្យាស្ថានខុងជឺ នៃរាជបណ្ឌិត្យបណ្ឌិត្យសភាកម្ពុជា ព្រមទាំងបុគ្គលិក និងសិស្សដែលសិក្សាភាសាចិននៅវិទ្យាស្ថាននេះសរុបជាង ១០០នាក់។

នៅក្នុងកម្មវិធីអបអរពិធីបុណ្យចូលឆ្នាំប្រពៃណីចិននេះ មានការលេងល្បែងកម្សាន្តចំនួន១០ផ្សេងៗគ្នាដូចជា ល្បែងចាក់សោរ ល្បែងគប់ព្រួញ ល្បែងឈរជើងមួយ ល្បែងលោតកអន្ទាក់ ល្បែងអានអក្សរ ល្បែងរកអក្សរ ល្បែងដណ្ដើមកៅអី ល្បែងគប់ថង់សំណាង ល្បែងទាត់សី និងល្បែងគំនូរទឹកខ្មៅ។ ដោយឡែក សម្រាប់អ្នកចូលរួមលេងល្បែងកម្សាន្តដែលបានឈ្នះចំនួន ៦ ល្បែងកម្សាន្ត នឹងឱកាសចូលរួមការចាប់រង្វាន់ផ្សងសំណាង ដែលរង្វាន់ធំគឺអាហារូបករណ៍សិក្សាឥតគិតថ្លៃវគ្គ១រង្វាន់ និងរង្វាន់ផ្សេងៗទៀត។

គួរបញ្ជាក់ថា វិទ្យាស្ថានខុងជឺ នៃរាជបណ្ឌិត្យសភាកម្ពុជា តែងតែប្រារព្ធកម្មវិធីអបអរពិធីបុណ្យចូលឆ្នាំប្រពៃណីចិននេះ ជារៀងរាល់ឆ្នាំ ដើម្បីបង្កបរិយាកាសរីករាយនិងស្និទ្ធស្នាលរវាងថ្នាក់ដឹកនាំ បុគ្គលិក និងសិស្សសិក្សាភាសាចិននៅវិទ្យាស្ថានដែលទទួលបានការឧបត្ថម្ភនិងគាំទ្រពីសាធារណរដ្ឋប្រជាមានិតចិននេះ។

សូមជម្រាបថាផងដែរថា នៅក្នុងឆ្នាំសិក្សា២០១៨-២០១៩ វិទ្យាស្ថានខុងជឺ នៃរាជបណ្ឌិត្យសភាកម្ពុជា មានថ្នាក់បង្រៀនភាសាចិនចំនួន ២៣ កន្លែង នៅទូទាំង ៩ ខេត្ត-រាជធានី និងមានកំណើនសិស្សសិក្សាភាសាចិនរហូតដល់ប្រមាណជា ១៥,០០០ នាក់ នៅទូទាំងប្រទេស និងមានចំនួនប្រមាណជា ៣,០០០ នាក់ ដែលបានសិក្សានៅវិទ្យាស្ថានខុងជឺនៃរាជបណ្ឌិត្យសភាកម្ពុជាផ្ទាល់៕

RAC Media | លឹម សុវណ្ណរិទ្ធ

  ថ្ងៃព្រហស្បតិ៍, 16 មករា 2020 ម៉ោង 08:02 PM

ឯកឧត្ដមបណ្ឌិតសភាចារ្យ សុខ ទូច ទទួលជួបពិភាក្សាការងារជាមួយនឹងមន្ត្រីក្រសួងការបរទេសសហរដ្ឋអាម៉េរិក និងមន្ត្រីស្ថានទូតសហរដ្ឋអាម៉េរិកប្រចាំព្រះរាជាណាចក្រកម្ពុជា

ភ្នំពេញ៖ នៅរសៀលថ្ងៃព្រហស្បតិ៍ ៧រោច ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៦ ខែមករា ឆ្នាំ២០២០ នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងក្រុមការងារ បានទទួលជួបពិភាក្សាការងារជាមួយនឹងមន្ត្រីក្រសួងការបរទេស និងមន្ត្រីស្ថានទូតសហរដ្ឋអាម៉េរិក ដែលដឹកនាំដោយលោកស្រី Elizabeth Robbins។

ក្នុងជំនួបពិភាក្សាដែលប្រព្រឹត្តទៅនៅបន្ទប់ស្លឹករឹត នៃរាជបណ្ឌិត្យសភាកម្ពុជា មន្ត្រីក្រសួងការបរទេសសហរដ្ឋអាម៉េរិក ក៏ដូចជាមន្ត្រីស្ថានទូតសហរដ្ឋអាម៉េរិកប្រចាំព្រះរាជាណាចក្រកម្ពុជា បានសម្ដែងការគួរសម និងពិភាក្សាគ្នាការងារជាមួយនឹងឯកឧត្ដមបណ្ឌិតសភាចារ្យប្រធានរាជបណ្ឌិត្យសភាកម្ពុជា ទៅលើដំណើរការប្រព្រឹត្តទៅនៃរាជបណ្ឌិត្យសភាកម្ពុជា បេសកកម្ម ទស្សនវិស័យ និងសមិទ្ធផលនានាដែលរាជបណ្ឌិត្យសភាកម្ពុជាបានសម្រេចបាន និងដែលកំពុងបំពេញបន្ត៕

RAC Media | លឹម សុវណ្ណរិទ្ធ

  ថ្ងៃព្រហស្បតិ៍, 16 មករា 2020 ម៉ោង 05:36 PM