រាជបណ្ឌិត្យសភាកម្ពុជា

សរុបព័ត៌មានប្រចាំសប្តាហ៍«បច្ចេកសព្ទចំនួន៣០ ត្រូវបានអនុម័ត នៅសប្តាហ៍ទី២ ក្នុងខែមេសា ឆ្នាំ២០១៩»

បច្ចេកសព្ទចំនួន៣០ ត្រូវបានអនុម័ត នៅក្នុងសប្តាហ៍ទី២ ក្នុងខែមេសា  ឆ្នាំ២០១៩នេះ ក្នុងនោះមាន៖
-បច្ចេកសព្ទគណៈ កម្មការអក្សរសិល្ប៍  ចំនួន០៣ ត្រូវបានអនុម័ត កាលពីថ្ងៃអង្គារ ៥កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ដោយក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម  ក្នុងនោះមាន៖ ១. និមិ្មតកម្ម ២. តថនិយមសង្គមនិយម ៣. សមូហកម្មអក្សរសិល្ប៍។
-បច្ចេកសព្ទគណៈកម្មការគីមីវិទ្យា និង រូបវិទ្យា ចំនួន២៧ ត្រូវបានអនុម័ត កាលពីថ្ងៃពុធ ៦កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម ក្នុងនោះមាន៖ ១. សេលេញ៉ូម  ២. ឌុបញ៉ូម  ៣. ស៊ីបរហ្សូម ៤. បូរ្យ៉ូម ៥. អាស្យូម ៦.ម៉េតនែរ្យ៉ូម ៧- ដាមស្តាដចូម ៨- រ៉ង់ហ្សេញ៉ូម ៩- កូពែនីស្យូម ១០- នីអូញ៉ូម១១- ភ្លេរ៉ូវ្យ៉ូម១២- មូស្កូវ្យ៉ូម  ១៣- លីវែម៉ូរ្យ៉ូម  ១៤- តេនេស១៥- អូហ្កានេសុង ១៦- អេទ្បិចត្រូអវិជ្ជមាន ១៧- អេទ្បិចត្រូវិជ្ជមាន ១៨- លោហៈធ្ងន់១៩- លោហៈស្រាល ២០- លោហៈឆ្លង  ២១- រូបធាតុ ២២- អគ្គិសនី ២៣- ចរន្តអគ្គិសនី ២៤- សៀគ្វីអគ្គិសនី២៥- ចរន្តជាប់ ២៦- ចរន្តឆ្លាស់ ២៧- ខួប 

សទិសន័យ៖

១- និមិ្មតកម្ម អ. Creation បារ. Création៖ ការបង្កើតស្នាដៃអក្សរសិល្ប៍ សិល្បៈ ដោយសំយោគរវាងអនុកម្ម និង នវកម្ម។ឧទាហរណ៍៖ រឿងកុលាបប៉ៃលិន ជានិម្មិតកម្ម មួយដែលមានជីវភាពសង្គមនៅ ប៉ៃលិនជាអនុកម្ម និងទស្សនៈផ្សះផ្សារវណ្ណៈដោយមានអាពាហ៍ពិពាហ៍រវាងកម្មករ និងកូនថៅកែត្បូងជានវកម្ម ។
២- តថនិយមសង្គមនិយម អ. socialist realism  បារ. réalisme socialiste ៖ និន្នាការក្នុងការបង្កើត​ស្នាដៃអក្សរសិល្ប៍ សិល្បៈ ដោយឆ្លុះបញ្ចាំងជីវភាពរស់នៅរបស់វណ្ណៈកម្មករ កសិករក្នុងគោលបំណងបម្រើ​មនោគមវិជ្ជា ​សង្គមនិយម។ឧទាហរណ៍៖
‑រឿងគ្រូបង្រៀនស្រុកស្រែ របស់អ្នកនិពន្ធ អ៊ឹម ថុក ។
-រឿងលុះដែកថែបលត់រួចហើយ របស់អ្នកនិពន្ធ នីកូឡៃអូសស្ត្រូវស្គី (Nikolay Ostrovsky)។
៣- សមូហកម្មអក្សរសិល្ប៍ អ. literary collection   បារ. collection littéraire៖ បណ្តុំនៃស្នាដៃអក្សរសិល្ប៍របស់អ្នកនិពន្ធមួយក្រុម ដែលបានតាក់​តែង​ ​​ស្នាដៃផ្សេងៗគ្នា ដើម្បីផ្សព្វផ្សាយក្នុងកម្មវិធីណាមួយ។
ឧទាហរណ៍៖ សមូហកម្មប្រលោមលោកថ្ងៃសៅរ៍ បង្កើតឡើងដោយអ្នកនិពន្ធមួយ ក្រុមហើយចេញផ្សាយរៀងរាល់ថ្ងៃសៅរ៍ នាសម័យសាធារណរដ្ឋខ្មែរ។
៤- សេលេញ៉ូម  អ. selenium បារ. sélénium (m.)៖ ធាតុគីមីទី៣៤ក្នុងតារាងខួប​ដែល​មាននិមិត្តសញ្ញា​ Se ធាតុអំហ្វូទែមានម៉ាសអាតូម 78.96 ខ.អ.។
៥- ឌុបញ៉ូម  អ. dubnium បារ. dubnium (m.)៖ ធាតុគីមីទី១០៥ក្នុងតារាងខួបដែលមាននិមិត្តសញ្ញា Db ជាលោហៈឆ្លង មានម៉ាសអាតូម 262 ខ.អ.។
៦- ស៊ីបរហ្សូម អ. seaborgium បារ. seaborgium (m.) ៖ ធាតុគីមីទី១០៦ក្នុងតារាងខួបដែលមាននិមិត្តសញ្ញា Sg ជាលោហៈឆ្លងមានម៉ាសអាតូម 266 ខ.អ.។
៧- បូរ្យ៉ូម អ. bohrium បារ. bohrium (m.)៖ ធាតុគីមីទី១០៧ក្នុងតារាងខួបដែលមាននិមិត្តសញ្ញា Bh ជាលោហៈឆ្លងមានម៉ាសអាតូម 264 ខ.អ.។
៨- អាស្យូម   អ. hassium បារ. Hassium (m.) ៖ ធាតុគីមីទី១០៨ក្នុងតារាងខួបដែលមាននិមិត្តសញ្ញា Hs ជាលោហៈឆ្លង មានម៉ាសអាតូម 269 ខ.អ។
៩- ម៉េតនែរ្យ៉ូម អ. meitnerium  បារ. meitnerium (m.)៖ ធាតុគីមីទី១០៩ក្នុងតារាងខួបដែលមាននិមិត្តសញ្ញា Mt ជាលោហៈឆ្លងមានម៉ាសអាតូម 278 ខ.អ.។
១០- ដាមស្តាដចូម  អ. darmstadtium  បារ. darmstadtium (m.)៖ធាតុគីមីទី១១០ក្នុងតារាងខួបដែលមាននិមិត្តសញ្ញា Ds ជាលោហៈឆ្លង មានម៉ាសអាតូម 281 ខ.អ.។
១១- រ៉ង់ហ្សេញ៉ូម អ. roentgenium  បារ. roentgenium (m.)៖ ធាតុគីមីទី១១១ក្នុងតារាងខួបដែលមាននិមិត្តសញ្ញា Rg ជាលោហៈឆ្លង មានម៉ាសអាតូម 280 ខ.អ.។
១២- កូពែនីស្យូម  អ. copernicium  បារ. copernicium (m.)៖ ធាតុគីមីទី១១២ក្នុងតារាងខួបដែលមាននិមិត្តសញ្ញា Cn ជាលោហៈឆ្លងមានម៉ាសអាតូម 285 ខ.អ.។
១៣- នីអូញ៉ូម អ. nihonium បារ. nihonium (m.)៖ ធាតុគីមីទី១១៣ក្នុងតារាងខួបដែលមាននិមិត្តសញ្ញា Nh ជាលោហៈមានម៉ាសអាតូម 286 ខ.អ.។
១៤- ភ្លេរ៉ូវ្យ៉ូម អ. flerovium បារ. flérovium (m.)៖ ធាតុគីមីទី១១៤ក្នុងតារាងខួបដែលមាននិមិត្តសញ្ញា Fl ជាលោហៈមានម៉ាសអាតូម 289 ខ.អ.។
១៥- មូស្កូវ្យ៉ូម  អ. Moscovium បារ. moscovium (m.)៖ ធាតុគីមីទី១១៥ក្នុងតារាងខួបដែលមាននិមិត្តសញ្ញា Mc ជាលោហៈមានម៉ាសអាតូម 286 ខ.អ.។
១៦- លីវែម៉ូរ្យ៉ូម  អ. livermorium បារ. livermorium (m.)៖ ធាតុគីមីទី១១៦ក្នុងតារាងខួបដែលមាននិមិត្តសញ្ញា Lv ជាលោហៈមានម៉ាសអាតូម 293 ខ.អ.។
១៧- តេនេសអ. tennessine បារ. tennesse (m.)៖ ធាតុគីមីទី១១៧ក្នុងតារាងខួបដែលមាននិមិត្តសញ្ញា Ts ជាលោហៈ មានម៉ាសអាតូម 294 ខ.អ.។
១៨- អូហ្កានេសុង អ. oganesson បារ. oganesson (m.)៖ ធាតុគីមីទី១១៨ក្នុងតារាងខួបដែលមាននិមិត្តសញ្ញា Og ជាឧស្ម័ន កម្រ មានម៉ាសអាតូម 294 ខ.អ.។
១៩- អេទ្បិចត្រូអវិជ្ជមាន អ. electronegativity បារ. électronégativité (f.)៖ លក្ខណៈគីមីដែលបង្ហាញអំពីទំនោររបស់អាតូមក្នុងការទាញយកគូ អេទ្បិចត្រុងទៅជិតខ្លួនរបស់វា។
២០- អេទ្បិចត្រូវិជ្ជមាន អ. electropositivity បារ. électroposivité (f.)៖ លក្ខណៈគីមីដែលបង្ហាញអំពីទំនោររបស់អាតូមក្នុងការបោះបង់គូ   អេទ្បិចត្រុងរបស់វា។
២១- លោហៈធ្ងន់ អ. heavy metals បា. métaux lourds (m.)៖  លោហៈដែលមានដង់ស៊ីតេធំជាង 4g/cm3 ។២២- លោហៈស្រាល អ. light metals បា. métaux légers  (m.)៖ លោហៈដែលមានដង់ស៊ីតេតូចជាង 4g/cm3 ។

២៥- អគ្គិសនី អ. electricity បារ. électricité (f.)៖ សំណុំនៃបាតុភូតរូបដែលទាក់ទងនឹងវត្តមានបន្ទុកអគ្គិសនីនិងចលនា ​របស់វា។
២៦- ចរន្តអគ្គិសនី អ. electric current បារ. courant électrique (m.)៖ លំហូរនៃបន្ទុកអគ្គិសនីតាមខ្សែចម្លង។២៧- សៀគ្វីអគ្គិសនី អ. electrical circuit  បារ. circuit électrique (m.)៖ បង្គុំនៃគ្រឿងអគ្គិសនីដែលតភ្ជាប់គ្នាបង្កើតបានជាគន្លងឱ្យចរន្តអគ្គិសនីឆ្លងកាត់។
២៨- ចរន្តជាប់ អ. direct current (DC) បារ. courant continu (m.)៖ ចរន្តអគ្គិសនីដែលផ្លាស់ទីតាមទិសដៅតែមួយ។
២៩- ចរន្តឆ្លាស់ អ. alternating current (AC) បារ. courant alternatif (m.)៖ ចរន្តអគ្គិសនីដែលផ្លាស់ទីឆ្លាស់គ្នាតាមខួបមួយទៀងទាត់។
៣០- ខួប អ. period បារ. période (f.)៖ រយៈពេលមួយវដ្តនៃព្រឹត្តិការណ៍ដែលកើតទ្បើង។ ខួបតាងដោយអក្សរ T​ មានខ្នាតគិតជាវិនាទី។

RAC Media

  ថ្ងៃសៅរ៍, 13 មេសា 2019 ម៉ោង 09:46 PM

«កិច្ចប្រជុំជាមួយបណ្ឌិត្យសភាវិទ្យាសាស្ដ្រសង្គម សៀង ហៃ»

ប្រធានរាជបណ្ឌិត្យសភាកម្ពុជា ឯកឧត្តមបណ្ឌិតសភាចារ្យ សុខ ទូច បានទទួលជួបពិភាក្សាជាលក្ខណៈទ្វេភាគីជាមួយ ថ្នាក់ដឹកនាំនៃបណ្ឌិត្យសភាវិទ្យាសាស្ដ្រសង្គម សៀង ហៃ។
ជំនួបនេះបានធ្វើឡើងនៅ ព្រឹកថ្ងៃសុក្រ ៨កើត ខែចេត្រ ឆ្នាំច សំរឹទ្ធិស័ក ព.ស. ២៥៦២ ត្រូវនឹង ថ្ងៃទី១២ ខែមេសា ឆ្នាំ២០១៩  នៅសាលសឹ្លករឹតនៃរាជបណ្ឌិត្យសភាកម្ពុជា។
ភាគីខាងកម្ពុជារួមមាន៖
-ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា
-ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម
-លោកស្រីបណ្ឌិត ព្រុំ ទេវី អនុប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គម
-កញ្ញា វុធ សុភក្រណា ព្រមទាំងមន្ត្រីខុទ្ទកាល័យរាជបណ្ឌិត្យសភាកម្ពុជាផងដែរ។
រីឯភាគីខាងបណ្ឌិត្យសភាសង្គម សៀង ហៃ រួមមាន៖
-លោកសាស្ត្រាចារ្យ  Quan Heng ជាអនុប្រធានបណ្ឌិត្យសភាវិទ្យាសាស្ត្រសង្គមសៀងហៃ និងជាប្រធានវិទ្យាស្ថានសេដ្ឋកិច្ចសាកលលោក នៃបណ្ឌិត្យសភាវិទ្យាសាស្ត្រសង្គមសៀងហៃ
-លោក Sheng lei ប្រធានផ្នែកសិក្សាសេដ្ឋកិច្ចតំបន់ នៃវិទ្យស្ថានសេដ្ឋកិច្ចសាកលលោក ព្រមទាំងមន្ត្រីស្រាវជ្រាវជាច្រើនរូបទៀតរបស់វិទ្យាស្ថានសេដ្ឋកិច្ចសាកលលោក។
គោលបំណងនៃជំនួបគឺ៖
- ពិភាក្សាកិច្ចការស្រាវជ្រាវ ស្តីពីអត្ថប្រយោជន៍ផ្នែកសេដ្ឋកិច្ច នយោបាយ ពាណិជ្ជកម្ម ហេដ្ឋារចនាសម័ន្ធរបស់គោលនយោបាយ ផ្លូវមួយ ខ្សែរក្រវាត់ មួយ។ ករណីសិក្សារវាង ចិនជាមួយកម្ពុជា និងជាមួយមីយ៉ាន់ម៉ា។
-ណែនាំ និងធ្វើការពិភាក្សាជាលក្ខណៈអន្តរជាតិ ដោយផ្អែកលើប្រធានបទ « ការអភិវឌ្ឍសេដ្ឋកិច្ចនៅអាស៊ី»
-ពង្រីការសហការអន្តរជាតិ រវាងបណ្ឌិត្យសភាសង្គមសៀង ហៃ ជាពិសេសជាមួយបណ្តាប្រទេសនៅអាស៊ាន។

សូមបញ្ជាក់ថា រវាង រាជបណ្ឌិត្យសភាកម្ពុជា និង បណ្ឌិត្យសភាវិទ្យាសាស្ត្រសង្គមសៀង ហៃ កន្លងមកក៏ធ្លាប់មានជំនួបម្តងរួចមកហើយខណៈដែលមានវត្តមានដំណើរទស្សនៈកិច្ចរបស់ ឯកឧត្តម បណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា នៅបណ្ឌិត្យសភាវិទ្យាសាស្ត្រសង្គមសៀង ហៃ កាលពី ថ្ងៃទី ៩ មករា ឆ្នាំ ២០១៨កន្លងទៅ ដែលដំណើរទស្សនៈកិច្ចនោះ បានពិភាក្សាលើខ្លឹសារចំនួន៣ ធំៗរួមមាន៖
១-ការសិក្សាស្រវាជ្រាវលើទំនាក់ទំនងរវាង កម្ពុជា ចិន៖ សង្គម សេដ្ឋកិច្ច នយោបាយ ។ល។
២-ការផ្លាស់ប្តូរអ្នកស្រាវជ្រាវ
៣-ការសហការលើការស្រាវជ្រាវ លើបញ្ហា អ្នកវិនិយោគ នៅកម្ពុជា ជាពិសេសនៅក្នុងក្រុង ព្រះស៊ី ហនុ។

RAC Media

  ថ្ងៃសៅរ៍, 13 មេសា 2019 ម៉ោង 07:24 PM

«ប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និង រូបវិទ្យា»

កាលពីថ្ងៃពុធ ៦កេីត ខែចេត្រ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ បានបន្តប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និង រូបវិទ្យា បានចំនួន២៧ពាក្យ ដូចខាងក្រោម៖

  ថ្ងៃសុក្រ, 12 មេសា 2019 ម៉ោង 07:23 PM

«ប្រជុំពិនិត្យ ពិភាក្សា និងអនុម័តបច្ចេកសព្ទគណ:កម្មការអក្សរសិល្ប៍»

កាលពីថ្ងៃអង្គារ ៥កេីត ខែចេត្រ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាព​ឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ បានបន្តដឹកនាំប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការអក្សរសិល្ប៍បានចំនួន០៣ពាក្យ ដូចខាងក្រោម៖

  ថ្ងៃពុធ, 10 មេសា 2019 ម៉ោង 05:52 PM

សរុបព័ត៌មានប្រចាំសប្តាហ៍«បច្ចេកសព្ទចំនួន៤១ ត្រូវបានអនុម័ត នៅសប្តាហ៍ទី១ ក្នុងខែមេសា ឆ្នាំ២០១៩»

បច្ចេកសព្ទចំនួន៤១ ត្រូវបានអនុម័ត នៅសប្តាហ៍ទី១ ក្នុងខែមេសា  ឆ្នាំ២០១៩នេះ ក្នុងនោះមាន៖
- បច្ចេកសព្ទគណៈ កម្មការអក្សរសិល្ប៍  ចំនួន០៣ បានអនុម័តកាលពីថ្ងៃអង្គារ ១៣រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី  រួមមាន៖ ១. ដំណោះស្រាយបញ្ហា ២. នវកម្ម ៣. អនុកម្ម។
-បច្ចេកសព្ទគណ:កម្មការគីមីវិទ្យា និង រូបវិទ្យា ចំនួន៣៨ ត្រូវបានអនុម័ត កាលពីថ្ងៃពុធ ១៤រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម រួមមាន៖១- អុលម្ញ៉ូម ២- អ៊ែប្យូម ៣- ទុយល្យ៉ូម ៤- អ៊ីទែប្យូម  ៥- លុយតេស្យូម ៦- អាហ្វញ៉ូម ៧- តង់តាល  ៨- តង់ស្តែន ៩- រេញ៉ូម ១០- អូសម៉្ញូម ១១- អ៊ីរីដ្យូម១២- ប្លាទីន ១៣- មាស ១៤- បារត១៥- តាល្យ៉ូម ១៦- សំណ១៧- ប៊ីស៊្មុត​១៨- ប៉ូឡូញ៉ូម ១៩- អាស្តាត២០- រ៉ាដុង ២១- ហ្រ្វង់ស្យូម ២២- រ៉ាដ្យូម​ ២៣- អាក់ទីញ៉ូម ២៤- តូរ្យ៉ូម ២៥- ប្រូតាក់ទីញ៉ូម ២៦- អ៊ុយរ៉ាញ៉ូម២៧- ណិបទុយញ៉ូម ២៨- ព្លុយតូញ៉ូម ២៩- អាម៉េរីស្យូម ៣០- គុយរ្យ៉ូម ៣១- ប៊ែកេល្យ៉ូម  ៣២- កាលីហ្វ័រញ៉ូម  ៣៣- អាញស្តាញ៉ូម  ៣៤- ហ៊្វែម៉្ញូម  ៣៥- ម៉ិនដេលេវ្យ៉ូម ៣៦- ណូបេល្យ៉ូម ៣៧- ឡរ៉ិនស្យូម៣៨- រុយទែហ្វ័រដ្យូម។

សទិសន័យ៖
១. ដំណោះស្រាយ៖ ការបញ្ចប់វិវាទរបស់តួអង្គទៅតានគំនិត ឬទស្សនៈរបស់អ្នកនិពន្ធ។
ឧទាហរណ៍ក្នុងរឿងរាមកេរិ៍ខ្សទី១ ដំណោះស្រាយវិតបត្តិរាជបល្ល័ង  គឺអ្នកនិពន្ធបានយកពាក្យសត្យ ជាមូលដ្ឋាន ដោយឱ្យតួអង្គព្រះ​រាម​យាងចូលព្រៃបួសជាតាបសរយៈពេល១៤ ឆ្នាំ និងឱ្យបុត្រនាងកៃកេសីគ្រងរាជមុន។ (...) ឱ្យទៅនៅនាព្រៃអាធ្វា  បួសកាន់សីល ជាឫស្សីបានបួនដណ្ដប់ឆ្នាំ។ ឱ្យសាងសិល្បសាស្ត្រកិច្ចកម្ម ស្រេចឱ្យទៅនាំ វឹងមកចូលថ្កានព្រះនគរ។
............................​​​         ....................................       .................................       .........................................

ដងនោះព្រះលក្ស្មណ៍ជាអនុជា ក្រាបវរបាទា  សម្តេចព្រះរាមនរបតី។
ព្រះរាមព្រះអនុជចក្រី រួមរាជមេត្រី ក៍ស្តេចនៅចយាត្រាចាំ(១)។ (...)
២. អនុកម្ម៖ ការត្រាប់តាម ការចម្លងតាមនូវអ្វីដែលានរួចហើយ នៅក្នុងវណ្ណកម្មអក្សរសិល្បិ៍ សិល្បៈក្នុងជីវភាពសង្គមមនុស្ស និងក្នុងធម្មជាតិដើម្បីបង្កើតនិមិត្តកម្មថ្មីមួយទៀត។
ឧទាហរណ៍៖
-ស្នាដៃរឿងរាមកេរិ៍ អ្នករៀបរៀងបានយកលំនាំតាមរឿងរាមាតយណៈ។
-រឿងគូលីកំណែន អ្នកនិពន្ធបានយកជីវភាពសង្គមខ្មែរ ក្រោមការត្រួតត្រារបស់បារាំង ជប៉ុន មកបង្ហាញក្នុងស្នាដៃ។
-របាំក្ងោក សិល្បករសម្តែងតាមលំនាំធ្មជាតិនៃសត្វក្ងោក។
៣. នវកម្ម៖ ការបង្កើតថ្មី នូវគំនិត ទស្សនៈ បញ្ហា  រចនាបទ ពាក្យពេចន៍ ឃ្លាប្រយោជន៍ វិធី តែងនិពន្ធ ប្លែកពីអ្វីដែលមានរួចហើយ ក្នុងអក្សរសិល្បិ៍ សិល្បៈ ក្នុងជីវភាពសង្គមមនសុ្ស ក្នុងធ្មជាតិ។
ឧទាហរណ៍ នរសិង្ហ ក្នុងទេវកថាអវតារបស់ព្រះវិស្ណុ ដែលមានខ្លួនជាមនសុ្ស ក្បាលជាសិង្ហ។ តួអង្គបែបនេះក្នុងធម្មជាតិមិនមានទេ មានន័យថា មនុស្សនិងសិង្ហរស់នៅដាច់ពីគ្នា  តែត្រូវអ្នកនិពន្ធបង្កើតតួអង្គតែមួយទៅវិញក្នុងស្នាដៃអក្សរសិល្បិ៍។
៤- អុលម្ញ៉ូម  អ. holmium  បារ. holmium (m.) ៖ធាតុគីមីទី៦៧ក្នុងតារាងខួប​ដែល​​មាននិមិត្តសញ្ញា​ Ho ជាលោហៈ  ក្រុមទ្បង់តានីដ មានម៉ាសអាតូម​ 164.93032 ខ.អ.។
៥- អ៊ែប្យូម  អ. erbium  បារ. erbium (m.)៖ ធាតុគីមីទី៦៨ក្នុងតារាងខួប​ដែល​​មាននិមិត្តសញ្ញា​ Er ជាលោហៈ ក្រុមទ្បង់តានីដ មានម៉ាសអាតូម​ 167.259 ខ.អ.។
៦- ទុយល្យ៉ូម អ. thulium  បារ. thulium (m.)៖ ធាតុគីមីទី៦៩ក្នុងតារាងខួប​ដែល​​មាននិមិត្តសញ្ញា​ Tm ជាលោហៈ ក្រុមទ្បង់តានីដ មានម៉ាសអាតូម 168.93421 ខ.អ.។
៧- អ៊ីទែប្យូម  អ. ytterbium  បារ. ytterbium (m.)៖ ធាតុគីមីទី៧០ក្នុងតារាងខួប​ដែល​​មាននិមិត្តសញ្ញា​ Yb ជាលោហៈ ក្រុមទ្បង់តានីដ មានម៉ាសអាតូម​ 173.04 ខ.អ.។
៨- លុយតេស្យូម អ. lutetium  បារ. lutécium (m.)៖ ធាតុគីមីទី៧១ក្នុងតារាងខួប​ដែល​មាននិមិត្តសញ្ញា​ Lu ជាលោហៈ ក្រុមទ្បង់តានីដ មានម៉ាសអាតូម​ 174.9668 ខ.អ.។
៩- អាហ្វញ៉ូម  អ. hafnium  បារ. hafnium (m.)៖ ធាតុគីមីទី៧២ក្នុងតារាងខួប​ដែល​មាននិមិត្តសញ្ញា​ Hf ជាលោហៈឆ្លង មានម៉ាសអាតូម​ 178.49 ខ.អ.។
១០- តង់តាល អ. tantalum  បារ. tantale (m.)៖ ធាតុគីមីទី៧៣ក្នុងតារាងខួប​ដែល​​មាននិមិត្តសញ្ញា​ Ta ជាលោហៈឆ្លង មានម៉ាសអាតូម​ 180.94788 ខ.អ.។
១១. តង់ស្តែន  អ. tungsten បារ. tungstène (m.)៖ ធាតុគីមីទី៧៤ក្នុងតារាងខួប​ដែល​​មាននិមិត្តសញ្ញា​ W ជាលោហៈឆ្លង មានម៉ាសអាតូម 183.84 ខ.អ.។
១២- រេញ៉ូម  អ. rhenium  បារ. rhénium (m.)៖ ធាតុគីមីទី៧៥ក្នុងតារាងខួប​ដែល​​មាននិមិត្តសញ្ញា​ Re ជាលោហៈឆ្លង មានម៉ាសអាតូម​ 186.207 ខ.អ.។
១៣- អូសម៉្ញូម  អ. osmium ​បារ. osmium (m.)៖ ធាតុគីមីទី៧៦ក្នុងតារាងខួប​ដែល​​មាននិមិត្តសញ្ញា​ Os ជាលោហៈឆ្លង មានម៉ាសអាតូម​ 190.23 ខ.អ.។
១៤- អ៊ីរីដ្យូម   អ. iridium បារ. iridium (m.)៖ធាតុគីមីទី៧៧ក្នុងតារាងខួប​ដែល​​មាននិមិត្តសញ្ញា​ Ir ជាលោហៈឆ្លង មានម៉ាសអាតូម​ 192.217 ខ.អ.។
១៥- ប្លាទីន  អ. platinum បារ. platine (m.)៖ធាតុគីមីទី៧៨ក្នុងតារាងខួប​ដែល​​មាននិមិត្តសញ្ញា​ Pt ជាលោហៈឆ្លង មានម៉ាសអាតូម​ 195.084 ខ.អ.។
១៦- មាស  អ. gold  បារ. or (m.)៖ ធាតុគីមីទី៧៩ក្នុងតារាងខួប​ដែល​​មាននិមិត្តសញ្ញា​ Au ជាលោហៈឆ្លង មានម៉ាសអាតូម​ 196.9666 ខ.អ.។
១៧- បារត  អ. mercury បារ. Mercure៖ ធាតុគីមីទី៨០ក្នុងតារាងខួប​ដែល​​មាននិមិត្តសញ្ញា​ Hg ជាលោហៈឆ្លង មានម៉ាសអាតូម​ 200.59 ខ.អ.។
១៨- តាល្យ៉ូម អ. thallium បារ. thallium (m.)៖ធាតុគីមីទី៨១ក្នុងតារាងខួប​ដែល​​មាននិមិត្តសញ្ញា​ Tl ជាលោហៈឆ្លងមានម៉ាសអាតូម​ 204.3833 ខ.អ.។
១៩- សំណ  អ. lead បារ. plomb (m.)៖ធាតុគីមីទី៨២ក្នុងតារាងខួប​ដែល​​មាននិមិត្តសញ្ញា​ Pb ជាលោហៈមានម៉ាសអាតូម 207.2 ខ.អ.។
២០- ប៊ីស៊្មុត អ. bismuth  បារ. bismuth (m.)៖ ធាតុគីមីទី៨៣ក្នុងតារាងខួប​ដែល​​មាននិមិត្តសញ្ញា​ Bi ជាលោហៈមានម៉ាសអាតូម​ 208.9804 ខ.អ.។
២១- ប៉ូឡូញ៉ូម  អ. polonium បារ. polonium (m.)៖ធាតុគីមីទី៨៤ក្នុងតារាងខួប​ដែល​​មាននិមិត្តសញ្ញា​ Po ជាធាតុអំហ្វូទែ មានម៉ាសអាតូម 209 ខ.អ.។
២២- អាស្តាត  អ. astatine បារ. astate (m.)៖ ធាតុគីមីទី៨៥ក្នុងតារាងខួប​ដែល​​មាននិមិត្តសញ្ញា​ At ជាអលោហៈក្រុមអាទ្បូហ្សែន មានម៉ាសអាតូម​ 210 ខ.អ.។
២៣- រ៉ាដុង   អ. radon  បារ. radon (m.)៖ ធាតុគីមីទី៨៦ក្នុងតារាងខួបដែលមាននិមិត្តសញ្ញា Rn ជាឧស្ម័ន​កម្រ មានម៉ាសអាតូម 222 ខ.អ. ។
២៤- ហ្រ្វង់ស្យូម អ. francium  បារ. francium (m.)៖ ធាតុគីមីទី៨៧ក្នុងតារាងខួបដែលមាននិមិត្តសញ្ញា Fr ជាលោហៈអាល់កាទ្បាំង មានម៉ាសអាតូម 223 ខ.អ.។
២៥- រ៉ាដ្យូម  អ. radium  បារ. radium (m.)៖ ធាតុគីមីទី៨៨ក្នុងតារាងខួបដែលមាននិមិត្តសញ្ញា Ra ជាលោហៈអាល់កាឡាំងដី/អាល់កាលីណូទែរ៉ឺ មានម៉ាសអាតូម 226 ខ.អ.។
២៦- អាក់ទីញ៉ូម  អ. actinium  បារ. actinium (m.)៖ ធាតុគីមីទី៨៩ក្នុងតារាងខួបដែលមាននិមិត្តសញ្ញា Ac ជាលោហៈក្រុមអាក់ទីនីដ មានម៉ាសអាតូម 227 ខ.អ.។
២៧- តូរ្យ៉ូម  អ. thorium បារ. thorium (m.)៖ ធាតុគីមីទី៩០ក្នុងតារាងខួប​ដែល​​មាននិមិត្តសញ្ញា​ Th ជាលោហៈក្រុមអាក់ទីនីដ មានម៉ាសអាតូម​ 232.03806 ខ.អ.។
២៨- ប្រូតាក់ទីញ៉ូម   អ. Protactinium បារ. protactinium (m.)៖ ធាតុគីមីទី៩១ក្នុងតារាងខួប​ដែល​​មាននិមិត្តសញ្ញា​ Pa ជាលោហៈក្រុមអាក់ទីនីដ មានម៉ាសអាតូម​ 231.03588 ខ.អ.។
២៩- អ៊ុយរ៉ាញ៉ូម អ. uranium  បារ. uranium (m.)៖ ធាតុគីមីទី៩២ក្នុងតារាងខួបដែលមាននិមិត្តសញ្ញា U ជាលោហៈក្រុមអាក់ទីនីដ មានម៉ាសអាតូម 238.02891 ខ.អ.។
៣០- ណិបទុយញ៉ូម   អ. neptunium  បារ. neptunium (m.)៖ធាតុគីមីទី៩៣ក្នុងតារាងខួបដែលមាននិមិត្តសញ្ញា Np ជាលោហៈក្រុមអាក់ទីនីដ មានម៉ាសអាតូម 237 ខ.អ.។
៣១- ព្លុយតូញ៉ូម  អ. plutonium  បារ. plutonium (m.)៖ ធាតុគីមីទី៩៤ក្នុងតារាងខួបដែលមាននិមិត្តសញ្ញា Pu ជាលោហៈក្រុមអាក់ទីនីដ មានម៉ាសអាតូម 244 ខ.អ.។
៣២- អាម៉េរីស្យូម  អ. americium បារ. américium (m.)៖ ធាតុគីមីទី៩៥ក្នុងតារាងខួបដែលមាននិមិត្តសញ្ញា Am ជាលោហៈក្រុមអាក់ទីនីដ មានម៉ាសអាតូម 243 ខ.អ.។
៣៣- គុយរ្យ៉ូម   អ. curium បារ. curium (m.)៖ធាតុគីមីទី៩៦ក្នុងតារាងខួបដែលមាននិមិត្តសញ្ញា Cm ជាលោហៈក្រុមអាក់ទីនីដ មានម៉ាសអាតូម 247.0703 ខ.អ.។
៣៤- ប៊ែកេល្យ៉ូម   អ. berkelium បារ. berkélium (m.)៖ ធាតុគីមីទី៩៧ក្នុងតារាងខួបដែលមាននិមិត្តសញ្ញា Bk ជាលោហៈក្រុមអាក់ទីនីដ មានម៉ាសអាតូម 247.0703 ខ.អ.។
៣៥- កាលីហ្វ័រញ៉ូម  អ. californium បារ. californium (m.)៖ ធាតុគីមីទី៩៨ក្នុងតារាងខួបដែលមាននិមិត្តសញ្ញា Cf ជាលោហៈក្រុមអាក់ទីនីដ មានម៉ាសអាតូម 251.0796 ខ.អ.។
៣៦- អាញស្តាញ៉ូម  អ. einsteinium បារ. einsteinium (m.)៖ធាតុគីមីទី៩៩ក្នុងតារាងខួបដែលមាននិមិត្តសញ្ញា Es ជាលោហៈក្រុមអាក់ទីនីដ មានម៉ាសអាតូម 252.083 ខ.អ.។
៣៧- ហ៊្វែម៉្ញូម  អ. fermium បារ. fermium (m.)៖ ធាតុគីមីទី១០០ក្នុងតារាងខួបដែលមាននិមិត្តសញ្ញា Fm ជាលោហៈ ក្រុមអាក់ទីនីដ មានម៉ាសអាតូម 257.0951 ខ.អ.។
៣៨- ម៉ិនដេលេវ្យ៉ូម  អ. mendelevium បារ. endélévium (m.)៖ ធាតុគីមីទី១០១ក្នុងតារាងខួបដែលមាននិមិត្តសញ្ញា Md ជាលោហៈ ក្រុមអាក់ទីនីដ មានម៉ាសអាតូម 258.1 ខ.អ.។
៣៩- ណូបេល្យ៉ូម  អ. nobelium បារ. nobélium (m.)៖ ធាតុគីមីទី១០២ក្នុងតារាងខួបដែលមាននិមិត្តសញ្ញា No ជាលោហៈ ក្រុមអាក់ទីនីដ មានម៉ាសអាតូម 259.1009ខ.អ.។
៤០- ឡរ៉ិនស្យូម អ. lawrencium  បារ. lawrencium (m.)៖ ធាតុគីមីទី១០៣ក្នុងតារាងខួបដែលមាននិមិត្តសញ្ញា Lr ជាលោហៈក្រុមអាក់ទីនីដ មានម៉ាសអាតូម 262.11 ខ.អ.។
៤១- រុយទែហ្វ័រដ្យូម អ. rutherfordium បារ. rutherfordium (m.)៖ ធាតុគីមីទី១០៤ក្នុងតារាងខួបដែលមាននិមិត្តសញ្ញា Rf ជាលោហៈឆ្លងមានម៉ាសអាតូម 267 ខ.អ.។

(១) ពុទ្ធសាសនបណ្ឌិតៈ រឿងរាមកេរិ៍ខ្សែទី១ ភ្នំពេញ ការផ្សាយរបស់ពុទ្ធសាសនបណ្ឌិតៈ ព.ស.២៥៣៩ គ.ស. ១៩៩៥ ទំព័រ ៣៨- ៣៩។

RAC Media 

  ថ្ងៃចន្ទ, 08 មេសា 2019 ម៉ោង 07:30 PM

«វិមានរំឭកដល់អ្នកស្លាប់ក្នុងសង្គ្រាមលោកលើកទី១» - ភាគទី៦ - វគ្គទី១ ដោយ៖ លោកស្រី ស៊ន ច័ន្ទអមរា មន្ត្រីលេខាធិការដ្ឋាននៃក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជា

 ពិធីសម្ពោធវិមានរំឭកដល់អ្នកស្លាប់ក្នុងសង្គ្រាមលោកលើកទី១ (https://sopheak.wordpress.com/2015/11/30)

  ថ្ងៃចន្ទ, 08 មេសា 2019 ម៉ោង 02:34 PM

«ប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និង រូបវិទ្យា »

ថ្ងៃពុធ ១៤រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ បានបន្តដឹកនាំប្រជុំពនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និង រូបវិទ្យា បានចំនួន៣៨ពាក្យ ដូចខាងក្រោម៖

RAC Media

  ថ្ងៃសៅរ៍, 06 មេសា 2019 ម៉ោង 12:11 AM

«ពិធីប្រកាសមុខតំណែងថ្មី ដល់ថ្នាក់ដឹកនាំនិងមន្ត្រីរាជការ ៩រូប»

ឆ្លៀតក្នុងឱកាសនៃពិធីអបអរសាទរបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព.ស. ២៥៦៣ នៅរសៀលថ្ងៃនេះ ថ្នាក់ដឹកនាំ និង មន្ត្រីរាជការ ចំនួន ៩រូប ទទួលបានកិត្តិយសក្នុងការប្រកាសមុខតំណែងថ្មី ចំពោះមុខថ្នាក់ដឹកនាំ និងមន្ត្រីរាជការនៃរាជបណ្ឌិត្យសភាកម្ពុជា រួមមាន៖

១. ជំនួយការរាជបណ្ឌិត្យសភាកម្ពុជា ចំនួន ៧រូប គឺ៖ ឯកឧត្តមបណ្ឌិត អ៊ុំ ប៉ុម, ឯកឧត្តមបណ្ឌិត ឈិត វណ្ណឫទ្ធិ, លោកជំទាវបណ្ឌិត សៀង ហ៊ុយ, ឯកឧត្តមបណ្ឌិត កង ឱម, លោកជំទាវ កែវ ណារុំ, ឯកឧត្តម ត្រឹង លីម, និងឯកឧត្តម ស៊ឹម សៀងប៉ាវ តែងតាំងដោយព្រះរាជក្រឹត្យលេខ នស/រកត/០២១៩/២៨១ ចុះថ្ងៃទី២២ ខែកុម្ភៈ ឆ្នាំ២០១៩។

២. ឯកឧត្តមបណ្ឌិត ប៊ី សុខគង់ ជាអនុប្រធានក្រុមប្រឹក្សាជាតិភាសាខ្មែរ តែងតាំងដោយព្រះរាជក្រឹត្យលេខ នស/រកត/០២១៩/២៨២ ចុះថ្ងៃទី២២ ខែកុម្ភៈ ឆ្នាំ២០១៩

៣. លោកបណ្ឌិត ជា ចន្ថា ជាអនុប្រធានឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប តែងតាំងដោយអនុក្រឹត្យលេខ ២០៧ អនក្រ.តត ចុះថ្ងៃទី២០ ខែកុម្ភៈ ឆ្នាំ២០១៩។

ឆ្លៀតក្នុងឱកាសនេះដែរ ឯកឧត្តមបណ្ឌិតសភាចារ្យ សុខ ទូច បានផ្តែផ្តាំដល់មន្ត្រីរាជការដែលទើបទទួលតួនាទីថ្មី ខិតខំប្រើចំណេះជំនាញជួយដល់ស្ថាប័ន និងជាតិ។ រាជបណ្ឌិត្យសភាកម្ពុជា​ ផ្តល់ឱកាសដល់មន្ត្រី និងបញ្ញវន្ត ដោយមិនប្រកាន់វ័យ។ ដូច្នេះមន្ត្រីដែលខិតខំបំពេញការងារ មានស្នាដៃ នឹងទទួលបានការលើកទឹកចិត្ត ហើយសូមទុករាជបណ្ឌិត្យសភាកម្ពុជា ជាកន្លែងរក្សាស្នាដៃរបស់ខ្លួនតទៅ។

សូមបញ្ជាក់ថា ជំនួយការទាំង៧រូបនៃរាជបណ្ឌិត្យសភាកម្ពុជា ត្រូវចូលបំពេញការងារទទួលបន្ទុកជួយតាមវិទ្យាស្ថានជំនាញ ទៅតាមឯកទេសរបស់ខ្លួន ហើយទាំងនេះ ក៏បង្ហាញពីការយកចិត្តទុកដាក់ដល់ដំណើរការប្រព្រឹត្តទៅរបស់វិទ្យាស្ថានចំណុះ ពីថ្នាក់ដឹកនាំនៃស្ថាប័នស្រាវជ្រាវជាតិនេះដែរ។

RAC Media

  ថ្ងៃព្រហស្បតិ៍, 04 មេសា 2019 ម៉ោង 03:44 PM

«ប្រជុំពិនិត្យ ពិភាក្សា និង អនុម័តបច្ចេកសព្ទគណៈកម្មការអក្សរសិល្ប៍»

ថ្ងៃអង្គារ ១៣រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបន្តដឹកនាំប្រជុំពិនិត្យ ពិភាក្សា និង អនុម័តបច្ចេកសព្ទគណៈកម្មការអក្សរសិល្ប៍ បានចំនួន០៣ពាក្យ ដូចខាងក្រោម៖

  ថ្ងៃពុធ, 03 មេសា 2019 ម៉ោង 09:12 PM

«វិមានរំឭកដល់អ្នកស្លាប់ក្នុងសង្គ្រាមលោកលើកទី១» - ភាគទី៥ - វគ្គទី៣ ដោយ៖ លោកស្រី ស៊ន ច័ន្ទអមរា មន្ត្រីលេខាធិការដ្ឋាននៃក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជា

នៅក្នុងវគ្គទី៣ ដែលជាវគ្គបញ្ចប់នៃភាគទី៥នេះ យើងសូមបង្ហាញអំពីលិខិតរបស់លោកឡឺរេស៊ីដង់ សុប៉េរីយ៉ើរ និងលោកឡឺរេស៊ីដង់ក្រុមមឿង ចំនួន២ច្បាប់ផ្ញើទៅកាន់លោកសេនាប្រមុខ សុព រួមទាំងលិខិតឆ្លើយតបរបស់លោកសេនាប្រមុខ សុព ដែលមានខ្លឹមសារដើម និងកែសម្រួលដូចខាងក្រោម៖

  ថ្ងៃចន្ទ, 01 មេសា 2019 ម៉ោង 06:14 PM