រាជបណ្ឌិត្យសភាកម្ពុជា

កម្មវិធីសន្និសីទអនឡាញលើកទី១ ស្តីពី៖ ការអប់រំ ប្រឹក្សាគរុកោសល្យ បានបិទបញ្ចប់ដោយជោគជ័យ

នៅរសៀលថ្ងៃទី២៣ ខែធ្នូ ឆ្នាំ ២០២០នេះ ឯកឧត្តមបណ្ឌិតសភាចារ្យ សុខ ទូច បានចូលរួមជាអធិបតីបិទកម្មវិធីសន្និសីទអនឡាញលើកទី១ ស្តីពី៖ ការអប់រំ ប្រឹក្សាគរុកោសល្យ ក្រោមប្រធានបទ "ប្រឹក្សាគរុកោសល្យ និងអភិវឌ្ឍន៍ជំនាញវិជ្ជាជីវៈសម្រាប់មន្ត្រីអប់រំ"។

សន្និសីទនេះមានការចូលរួមពីបណ្ដាប្រទេសនានាជុំវិញពិភពលោកចំនួន១៧ រួមមាន៖ កម្ពុជា ថៃ សហរដ្ឋអាម៉េរិក កាណាដា ជប៉ុន ប៉ូតាន ហ្វីលីពីន អង់គ្លេស មីយ៉ាន់ម៉ា កាតា សហព័ន្ធអារ៉ាប់ អាព្រិកខាងត្បូង ប្រេស៊ីល កូរ៉េ នីហ្សេរីយ៉ា អូស្ដ្រាលី និងសឹង្ហបុរី។

វាគ្មិនចូលរួមចំនួន ៧០នាក់ បានធ្វើបទបង្ហាញ ព្រមទាំងអ្នកចូលរួម ដែលបានធ្វើការចុះឈ្មោះចូលរួមតាមរយៈប្រព័ន្ធអនឡាញ ៣០០នាក់។

បើតាមប្រសាសន៍របស់ឯកឧត្តមបណ្ឌិតសភាចារ្យ សុខ ទូច បានបញ្ជាក់ឱ្យដឹងថា តាមរយៈលទ្ធផលនៃសន្និសីទអន្តរជាតិនេះ យើងទទួលបាន៖

១. យើងបានចែករំលែកនូវអ្វីដែលថ្មីជាមួយគ្នា

២. យើងបានក្លាយជាដៃគូ នៃកិច្ចសហប្រតិបត្តិការរវាងគ្នា

៣. ជាគរុកោសល្យថ្មីដែលមានផលប្រយោជន៍ចំពោះសង្គមជាតិ យើងមិនត្រូវដើរចង្អុលទេ តែយើងត្រូវបង្រៀនគ្នាទៅវិញទៅមក

៤. ជាគរុកោសល្យថ្មីដែលមានការរីកចម្រើនខ្ពស់ដែលយើងបានចម្លងតាមនីតិវិធីរបស់គរុកោសល្យនៃប្រទេសនីមួយៗ

RAC Media

  ថ្ងៃពុធ, 23 ធ្នូ 2020 ម៉ោង 07:56 PM

សហគមន៍អ៊ិស្លាមក្រុមកនអ៊ីមុំាសាន់កម្ពុជា នៅភូមិស្រែប្រិយ ឃុំអូរឫស្សី ស្រុកកំពង់ត្រឡាច ខេត្តកំពត់ឆ្នាំង ដោយ ម៉ិល វាសនា, ធន ឆាយពិសិដ្ឋ, ប្រែង ពិសិដ្ឋ

RAC Media

  ថ្ងៃអង្គារ, 22 ធ្នូ 2020 ម៉ោង 04:32 PM

លោកស្រី ឡាយ ហ៊ុនគី ហៅអ្នកស្រី ត្រឹង ងា ទទួលសញ្ញាបត្រនិងឯកសណ្ឋានកិត្តិបណ្ឌិត នៃរាជបណ្ឌិត្យសភាកម្ពុជា

(រាជបណ្ឌិត្យសភាកម្ពុជា)៖ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្រុមប្រឹក្សាបណ្ឌិតសភាចារ្យ បានអញ្ជើញដឹកនាំប្រតិភូបណ្ឌិតសភាចារ្យ ថ្នាក់ដឹកនាំនិងមន្ត្រីរាជការនៃរាជបណ្ឌិត្យសភាកម្ពុជា នាំយកសញ្ញាបត្រកិត្តិបណ្ឌិតផ្នែកអក្សរសាស្ត្រខ្មែរ និងឯកសណ្ឋានកិត្តិបណ្ឌិត នៃរាជបណ្ឌិត្យសភាកម្ពុជា ប្រគល់ជូនដល់លោកស្រី ឡាយ ហ៊ុនគី ហៅអ្នកស្រី ត្រឹង ងា ដល់គេហដ្ឋានផ្ទាល់របស់លោកស្រីនៅរាជធានីភ្នំពេញ នៅវេលាម៉ោង៣រសៀល ថ្ងៃទី២២ ខែធ្នូ ឆ្នាំ២០២០។

លោកស្រី ឡាយ ហ៊ុនគី ហៅអ្នកស្រី ត្រឹង ងា ជាអ្នកនិពន្ធសៀវភៅ «អរិយធម៌ខ្មែរ» និងបានប្រើឈ្មោះថា «អ្នកស្រី ត្រឹង ងា» នៅលើសៀវភៅ ដែលបានបោះពុម្ពតាំងពីឆ្នាំ១៩៧៤មកម្លេះ។ សៀវភៅនេះត្រូវបានសាធារណជនទទួលស្គាល់ថា ជាប្រភពឯកសារដ៏ចម្បងនិងបានចូលរួមចំណែកយ៉ាងសំខាន់សម្រាប់អ្នកសិក្សាថ្នាក់បញ្ចប់ ក៏ដូចជាអ្នកស្រាវជ្រាវនិងយុវជនជំនាន់ក្រោយ ក្នុងការសិក្សារៀនសូត្រ ពង្រីកចំណេះដឹង និងបន្តស្រាវជ្រាវបន្ថែមអំពីវប្បធម៌ និងអរិយធម៌ខ្មែរ។

ដោយមើលឃើញពីការលះបង់ទាំងពេលវេលា កម្លាំងកាយ និងកម្លាំងចិត្ត ជាមួយមនសិការមោះមុតក្នុងការគាំទ្រ និងអភិរក្សវប្បធម៌និងអរិយធម៌ខ្មែរ ក៏ដូចជាការចូលរួមចំណែកបំពេញកាតព្វកិច្ចក្នុងសង្គមនិងសាសនា ព្រមទាំងមានការទទួលស្គាល់ពីមហាជនគ្រប់ស្រទាប់ ជាសក្ខីភាពយ៉ាងច្បាស់ រាជរដ្ឋាភិបាលបានឯកភាព តាមរយៈរាជបណ្ឌិត្យសភាកម្ពុជា បានចេញសេចក្ដីសម្រេចលេខ០៥២/២០ ស.ស.រ. ចុះថ្ងៃទី១៩ ខែតុលា ឆ្នាំ២០២០ ស្ដីពីការប្រគល់សញ្ញាបត្រកិត្តិបណ្ឌិត ផ្នែកអក្សរសាស្ត្រ នៃរាជបណ្ឌិត្យសភាកម្ពុជា ជូនលោកស្រី ឡាយ ហ៊ុនគី ហៅអ្នកស្រី ត្រឹង ងា ដើម្បីជាការតបស្នងចំពោះលោកស្រី ដែលបានបំពេញកាតព្វកិច្ច មានគុណបំណាច់ធំធេងក្នុងបុព្វហេតុជាឧត្ដមប្រយោជន៍នៃសង្គមជាតិ។

គួរបញ្ជាក់ថា លោកស្រី ឡាយ ហ៊ុនគី កើតនៅថ្ងៃទី២៤ ខែវិច្ឆិកា ឆ្នាំ១៩៣៩ នៅភូមិស្រមោច ឃុំព្រះនេត្រព្រះ ស្រុកព្រះនេត្រព្រះ ខេត្តបាត់ដំបង (បច្ចុប្បន្នខេត្តបន្ទាយមានជ័យ)។ គិតចាប់ពីឆ្នាំ១៩៥៧ លោកស្រីបានចាប់ផ្ដើមអាជីពជាគ្រូបង្រៀនជាលើកដំបូង នៅឯខេត្តបាត់ដំបង ហើយមួយឆ្នាំក្រោយមក លោកស្រីបានរៀបអាពាហ៍ពិពាហ៍ជាមួយលោក ត្រឹង ងា ដែលមានស្រុកកំណើតជាអ្នកស្រុកយីងចូវ ខេត្តពលលាវ កម្ពុជាក្រោម។ ក្រោយមក គេបានស្គាល់និងហៅលោកស្រីថា «អ្នកស្រី ត្រឹង ងា» ទៅតាមទម្លាប់បារាំងនាសម័យកាលនោះ។ នៅឆ្នាំ១៩៦២ លោកស្រី បានបន្តការសិក្សានៅវិទ្យាស្ថានជាតិគរុកោសល្យផ្នែកអប់រំសាស្ត្រាចារ្យរហូតដល់ឆ្នាំ១៩៦៦ លោកស្រីបានបញ្ចប់ការសិក្សាថ្នាក់បរិញ្ញាបត្រអក្សរសាស្ត្រខ្មែរ និងក្លាយជាគ្រូបង្រៀនផ្នែកវប្បធម៌និងអរិយធម៌នៅវិទ្យាល័យព្រះស៊ីសុវត្ថិ រហូតបានបោះពុម្ពសៀវភៅអរិយធម៌ខ្មែរនៅឆ្នាំ១៩៧៤។

RAC Media

  ថ្ងៃអង្គារ, 22 ធ្នូ 2020 ម៉ោង 03:52 PM

មូលហេតុនៃបញ្ហាចិននិងអូស្រ្តាលី ដោយ៖ ផាញ់ សារឿន មន្ត្រីវិទ្យាស្ថានសិក្សាចិននៃរាជបណ្ឌិត្យសភាកម្ពុជា

RAC Media

  ថ្ងៃអង្គារ, 22 ធ្នូ 2020 ម៉ោង 02:47 PM

ប្រធានរាជបណ្ឌិត្យសភាកម្ពុជានឹងចូលរួមជាអធិបតីបើកសន្និសីទអន្តរជាតិតាមប្រព័ន្ធអនឡាញលើកទី១ ស្តីពី:ការអប់រំ ប្រឹក្សាគរុកោសល្យ

...រាជបណ្ឌិត្យសភាកម្ពុជា មានកិត្តិយសសូមគោរពជម្រាបជូនសាធារណជន និងប្រព័ន្ធផ្សព្វផ្សាយនានាឱ្យបានជ្រាបថា នៅថ្ងៃចន្ទ ៧កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០ វេលាម៉ោង ៧:០០នាទីព្រឹក ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជានឹងចូលរួមជាអធិបតីបើកសន្និសីទអន្តរជាតិតាមប្រព័ន្ធអនឡាញលើកទី១ ស្តីពី:ការអប់រំ ប្រឹក្សាគរុកោសល្យ ក្រោមប្រធានបទ៖ ប្រឹក្សាគរុកោសល្យ និងអភិវឌ្ឍន៍ជំនាញវិជ្ជាជីវៈសម្រាប់មន្ត្រីអប់រំ ។

សន្និសីទអន្ដរជាតិនឹងរៀបចំធ្វើឡើងរយៈពេល៣ថ្ងៃ គឺថ្ងៃចន្ទ ៧កើត ដល់ថ្ងៃពុធ ៩កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១-២៣ ខែធ្នូ ឆ្នាំ២០២០ ដែលមានការចូលរួមពីបណ្ដាលប្រទេសនានាជុំវិញពិភពលោកចំនួន១៧ ដូចជា កម្ពុជា ថៃ សហរដ្ឋអាម៉េរិក កាណាដា ជប៉ុន ប៉ូតាន ហ្វីលីពីន អង់គ្លេស មីយ៉ាន់ម៉ា កាតា សហព័ន្ធអារ៉ាប់ អាព្រិកខាងត្បូង ប្រេស៊ីល កូរ៉េ នីហ្សេរីយ៉ា អូស្ដ្រាលី និងសឹង្ហបុរី។

សន្និសីទអន្ដរជាតិតាមរយៈប្រព័ន្ធអនឡានលើកទី១នេះ គឺមានការចូលរួមពីវាគ្មិន ចំនួន ៧០នាក់ នឹងត្រូវធ្វើបទបង្ហាញ និងអ្នកចូលរួម ប្រហែល ៣០០នាក់បន្ថែមទៀតដែលបានធ្វើការចុះឈ្មោះចូលរួមតាមរយៈប្រព័ន្ធអនឡាញ។

សន្និសីទអន្តរជាតិនេះរៀបចំឡើងក្នុងគោលបំណងផ្ដោតលើចំណុចសំខាន់ៗដូចជា

១- ផ្ដល់ការពិភាក្សាពីលទ្ធផលនៃការស្រាវជ្រាវពីសហគមន៍អន្ដរជាតិ

២- ណែនាំនូវមាគ៌ាថ្មីទៅរកការអប់រំដែលល្អដោយមានការចូលរួមយ៉ាងសកម្ម និងមានការបង្កើតថ្មី

៣- ចែករំលែកការអនុវត្ដការបង្រៀនល្អៗ និងប្រើលទ្ធផលស្រាវជ្រាវដើម្បីដោះស្រាយបញ្ហានៅសាលារៀន

៤- ចែករំលែកបទពិសោធ និងជំនាញនៃការប្រឹក្សាគរុកោសល្យ

៥- បង្កើតភាពជាដៃគូ និងការសហការ រវាងអ្នកស្រាវជ្រាវនៅជុំវិញពិភពលោក ដើម្បីចីរភាពនៃសហគមន៍អភិវឌ្ឍវិស័យអប់រំនៅកម្ពុជា។

ខុទ្ទកាល័យប្រធានរាជបណ្ឌិត្យសភាកម្ពុជា

សូមអរគុណ !

  ថ្ងៃសៅរ៍, 19 ធ្នូ 2020 ម៉ោង 05:08 PM

រាជបណ្ឌិត្យសភាកម្ពុជារៀបចំវេទិកាពិភាក្សា ស្ដីពី «ប្រវត្តិសាស្ត្រប្រទេសកម្ពុជា»

(រាជបណ្ឌិត្យសភាកម្ពុជា)៖ នាព្រឹកថ្ងៃសុក្រ ៤កើត ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៨ ខែធ្នូ ឆ្នាំ២០២០ នេះ រាជបណ្ឌិត្យសភាកម្ពុជាបានរៀបចំវេទិកាពិភាក្សា ស្ដីពី «ដំណើរការសរសេរប្រវត្តិសាស្ត្រប្រទេស កម្ពុជា» ដែលប្រព្រឹត្តទៅនៅសាលមរតកសិល្បៈខ្មែរ នៃរាជបណ្ឌិត្យសភាកម្ពុជា ក្រោយអធិបតីឯកឧត្ដមបណ្ឌិត សភាចារ្យ សុខ ទូច ប្រធានរាជបណ្ឌិត្យសភាកម្ពុជា។

វេទិកាពិភាក្សានាព្រឹកនេះ មានការអញ្ជើញចូលរួមពី អ្នកជំនាញប្រវត្តិសាស្ត្រ បុរាណវត្ថុវិទ្យា ប្រវត្តិសិល្បៈ សិលាចារឹកវិទ្យា និងអក្សរសាស្ត្រ មកពីស្ថាប័នជាតិនានារួមមាន រាជបណ្ឌិត្យសភាកម្ពុជា ក្រសួងវប្បធម៌ និងវិចិត្រសិល្បៈ ក្រសួងអប់រំ យុវជន និងកីឡា សាកលវិទ្យាល័យភូមិន្ទវិចិត្រសិល្បៈ សាកលវិទ្យាល័យភូមិន្ទភ្នំពេញ គណៈកម្មការជាតិបេតិកភណ្ឌពិភពលោក និងគណៈកម្មការយូណេស្កូកម្ពុជា។

អញ្ជើញថ្លែងក្នុងវេទិកាពិភាក្សានាព្រឹកនេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានមានប្រសាសន៍លើកឡើងថា គម្រោងសរសេរសៀវភៅ ស្ដីពី «ប្រវត្តិសាស្ត្រប្រទេសកម្ពុជា» នេះ គឺជាគម្រោងស្រាវ​ជ្រាវ ដែលធ្វើឡើងក្នុងគោលបំណងរៀបចំឯកសារគោលជាភាសាខ្មែរ ដែលមានឯកភាពជារួម ស្ដីពី «ប្រវត្តិ សាស្ត្រខ្មែរ» និងដែលត្រូវចំណាយរយៈពេល៣ឆ្នាំ ដោយចាប់ផ្ដើមពីឆ្នាំ២០២១ ដល់ឆ្នាំ២០២៣។ តាមការបញ្ជាក់របស់ឯកឧត្ដមបណ្ឌិតសភាចារ្យ សុខ ទូច សៀវភៅប្រវត្តិសាស្ត្រនេះនឹងចងក្រងព្រឹត្តិការណ៍ប្រវត្តិសាស្ត្រខ្មែរចាប់សម័យបុរេប្រវត្តិសាស្ត្រ សម័យមុនអង្គរ សម័យអង្គរ សម័យក្រោយអង្គរ និងសម័យទំនើប។

RAC Media

  ថ្ងៃសុក្រ, 18 ធ្នូ 2020 ម៉ោង 12:18 PM

កិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុជាប្រចាំឆ្នាំ២០២០

នាព្រឹកថ្ងៃពុធ ២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែធ្នូ ឆ្នាំ២០២០ វិទ្យាស្ថានខុងជឺនៃរាជបណ្ឌិត្យសភាកម្ពុជា បានរៀបចំកិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុជាប្រចាំឆ្នាំ តាមរយៈប្រព័ន្ធអនឡាញ ដែលមានសមាសភាព រួមមាន៖ ភាគីកម្ពុជា៖ ១)ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ២)ឯកឧត្តមបណ្ឌិត យង់ ពៅ អគ្គលេខាធិការ ៣)ឯកឧត្តម សូត្រ សំណាង អគ្គលេខាធិការរង ៤)ឯកឧត្តមបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា ៥)កញ្ញា វុធ សុភ័ក្រណា នាយិកាភាគីកម្ពុជានៃវិទ្យាស្ថានខុងជឺរាជបណ្ឌិត្យសភាកម្ពុជា ៦)លោក តាំង ម៉េងឆុង គ្រូបង្រៀនភាសាចិនក្នុងតំបន់។ ភាគីចិន៖ ៧)លោកបណ្ឌិត លាវ ស៊ាវតុង សាកលវិទ្យាធិការសាកលវិទ្យាល័យជីវជាំង ៨)លោក សួយ ស៊ឺអ៊ិ ប្រធានទទួលបន្ទុកកិច្ចការកិច្ចសហប្រតិបត្តិការអន្តរជាតិ ៩)លោកស្រី អ៊ូ ថាវ គ្រូឯកទេសជនជាតិចិន។

កិច្ចប្រជុំផ្តោតសំខាន់លើរបៀបវារៈ ដូចជា៖ ១)ការបោះឆ្នោតជ្រើសរើសសមាជិកក្រុមប្រឹក្សាភិបាលថ្មី និងការផ្លាស់ប្តូរសហនាយកវិទ្យាស្ថានខុងជឺនៃរាជបណ្ឌិត្យសភាកម្ពុជា ២)របាយការណ៍បូកសរុបការងារប្រចាំឆ្នាំ២០២០របស់ កញ្ញា វុធ សុភ័ក្រណា នាយិកាភាគីកម្ពុជាវិទ្យាស្ថានខុងជឺនៃរាជបណ្ឌិត្យសភាកម្ពុជា ៣)របាយការណ៍លើកសំណើគម្រោងឆ្នាំថ្មីរបស់ លោកស្រី អ៊ូ ថាវ គ្រូឯកទេសជនជាតិចិន ៤)ចំណាប់អារម្មណ៍របស់ លោកបណ្ឌិត លាវ ស៊ាវតុង សាកលវិទ្យាធិការសាកលវិទ្យាល័យជីវជាំង ៥)អនុសាសន៍បូកសរុបរបស់ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា។

ក្នុងស្មារតីកិច្ចប្រជុំបានសម្រេចជាឯកច្ឆន្ទ ក្នុងការជ្រើសរើសសមាជិកក្រុមប្រឹក្សាភិបាលថ្មី រួមមាន៖ ភាគីកម្ពុជា៖ ១)ឯកឧត្តមបណ្ឌិតសភាចារ្យ សុខ ទូច ប្រធានក្រុមប្រឹក្សាភិបាល ២)ឯកឧត្តមបណ្ឌិត យង់ ពៅ ជាសមាជិក ៣)ឯកឧត្តម សូត្រ សំណាង ជាសមាជិក ៤)ឯកឧត្តមបណ្ឌិត គិន ភា ជាសមាជិក ៥) លោក តាំង ម៉េងឆុង ជាសមាជិក។ ភាគីចិន៖ ៦)លោកបណ្ឌិត លាវ ស៊ាវតុង អនុប្រធានក្រុមប្រឹក្សាភិបាល ៧)លោក យ៉ាង យ៉ាវហ្វាង ជាសមាជិក ៨)​លោក សួយ ស៊ឺអ៊ិ ជាសមាជិក ៩)លោកស្រី អ៊ូ ថាវ ជាសមាជិក ព្រមទាំងធ្វើការផ្លាស់ប្តូរសហនាយក វិទ្យាស្ថានខុងជឺនៃរាជបណ្ឌិត្យសភាកម្ពុជា ដោយ លោកស្រី អ៊ូ ថាវ ជានាយិកាស្តីទីភាគីចិន និងលោក តាំង ម៉េងឆុង ជានាយកភាគីកម្ពុជា។

នៅក្នុងកិច្ចប្រជុំ លោកបណ្ឌិត លាវ ស៊ាវតុង បានបង្ហាញពីការគាំទ្រ ក្នុងការជ្រើសរើសសមាជិកក្រុមប្រឹក្សា​ភិបាលថ្មី និងការផ្លាស់ប្តូរសហនាយកវិទ្យាស្ថានខុងជឺនៃរាជបណ្ឌិត្យសភាកម្ពុជា ហើយក៏បានលើកឡើងពីការបន្តការជួយនិងគាំទ្រដល់បេសកកម្មការងាររបស់វិទ្យាស្ថានខុងជឺ និងពង្រឹងទំនាក់ទំនង កិច្ចសហប្រតិបត្តិការបន្ថែម ជាពិសេសរវាងសហនាយកថ្មី។ ក្នុងនោះផងដែរ លោកក៏បានសម្តែងនូវការថ្លែងអំណរគុណចំពោះការគាំទ្ររបស់រាជ​បណ្ឌិត្យសភាកម្ពុជា និងកិច្ចខិតខំប្រឹងប្រែងរបស់ថ្នាក់ដឹកនាំ គ្រូបង្រៀន របស់វិទ្យាស្ថានខុងជឺ ដែលនៅតែអាចសម្រេច​បាននូវសមិទ្ធផលការងាររបស់ខ្លួន ទោះបីជាស្ថិតក្នុងដំណាក់កាលកូវីដ១៩ក៏ដោយ។ ជាការឆ្លើយតបនៅក្នុងកិច្ចប្រជុំ ឯកឧត្តមបណ្ឌិតសភាចារ្យ សុខ ទូច បានក្រើនរំឭកដល់សហនាយកថ្មី ត្រូវធ្វើការរាយការណ៍ពីដំណើរការការងារជូនប្រធានរាជបណ្ឌិត្យសភាកម្ពុជា ក៏ដូចជាសមាជិកក្រុមប្រឹក្សាភិបាល និងត្រូវខិតខំប្រឹងប្រែងបណ្តុះបណ្តាលធនធានភាសាចិនឱ្យបានច្រើន ដើម្បីរួមចំណែកក្នុងការបំពេញតម្រូវការសង្គមបច្ចុប្បន្ន ខណៈដែលវិនិយោគិនចិនកាន់តែច្រើនបានមកវិនិយោគនៅប្រទេសកម្ពុជា។ ក្រៅពីនោះ ឯកឧត្តមបណ្ឌិតសភាចារ្យប្រធាន ក៏សង្ឃឹមដែរថា សាកលវិទ្យាល័យជីវជាំង នឹងមានកិច្ចសហប្រតិបត្តិការដោយផ្ទាល់ផ្សេងៗទៀតជាមួយរាជបណ្ឌិត្យសភាកម្ពុជា ក្នុងពេលឆាប់ៗខាងមុខ។

RAC Media

  ថ្ងៃពុធ, 16 ធ្នូ 2020 ម៉ោង 03:37 PM

តម្លៃអច្ចន្តបរមាក្នុងសំណុំទិន្នន័យមួយអថេរ Outliers in Univariate Data ដោយ៖ បណ្ឌិត ម៉ុង ម៉ារ៉ា វិទ្យាស្ថានវិទ្យាសាស្ត្រនិងបច្ចេកវិទ្យា, រាជបណ្ឌិត្យសភាកម្ពុជា

  ថ្ងៃអង្គារ, 15 ធ្នូ 2020 ម៉ោង 11:56 AM

ប្រព័ន្ធធារាសាស្ត្រនៅតំបន់ភាគខាងកើតបន្ទាយលង្វែក ក្នុងឃុំកំពង់ហ្លួង ស្រុកពញាឮ ខេត្តកណ្ដាល ដោយ៖ ផុន កសិកា, ឡេង វិទូ, តាកេត ស័កដា និង សួ ប៉ុណ្ណារ៉ាត់

RAC Media

  ថ្ងៃសៅរ៍, 12 ធ្នូ 2020 ម៉ោង 11:10 AM

បឹងពិតត្រង់ និង កំណាត់ដើមឈើរយឆ្នាំ ដោយ៖ អ្នកស្រី ម៉ិល វាសនា មន្ត្រីស្រាវជ្រាវនៃវិទ្យាស្ថានវប្បធម៌និងវិចិត្រសិល្បៈ រាជបណ្ឌិត្យសភាកម្ពុជា

RAC Media

ប្រភព៖ វិទ្យាស្ថានវប្បធម៌ និងវិចិត្រសិល្បៈ

  ថ្ងៃពុធ, 09 ធ្នូ 2020 ម៉ោង 02:22 PM