ព័ត៌មាន

ឯកឧត្ដមបណ្ឌិត សយ រាសី៖ គ្រប់មុខជំនាញទាំងអស់សុទ្ធតែមានសារៈសំខាន់ តែត្រូវជ្រើសរើសមុខជំនាញដែលខ្លួនពេញចិត្ត និងអាចបន្តឈានឆ្ពោះទៅកាន់អនាគតដែលខ្លួនចង់បាន

2020-09-30 09:29:45 ថ្ងៃពុធ, 30 កញ្ញា 2020 ម៉ោង 04:29 PM
អ្នកមើល 12337
post_detail

(រាជបណ្ឌិត្យសភាកម្ពុជា)៖ នៅក្នុងកិច្ចពិភាក្សាតុមូល ស្ដីពី «សារៈសំខាន់នៃការជ្រើសរើសមុខជំនាញសិក្សានៅឧត្ដមសិក្សា និងក្រោយឧត្ដមសិក្សា» ដែលប្រព្រឹត្តទៅនៅព្រឹកថ្ងៃអង្គារ ១២កើត ខែអស្សុជ ឆ្នាំជូត ព.ស. ២៥៦៤ ត្រូវនឹងថ្ងៃទី២៩ ខែកញ្ញា ឆ្នាំ២០២០ ឯកឧត្ដមបណ្ឌិត សយ រាសី សមាជិកបម្រុងនៃរាជបណ្ឌិត្យសភាកម្ពុជា បានចែក រំលែកទស្សនៈដល់អ្នកចូលរួមក្នុងកិច្ចពិភាក្សាតុមូល និងយុវជនដែលនឹងត្រូវសម្រេចចិត្តជ្រើសរើសមុខជំនាញសិក្សានៅឧត្ដមសិក្សា នាពេលខាងមុខនេះថា «គ្រប់មុខជំនាញទាំងអស់សុទ្ធតែមានសារៈសំខាន់ តែត្រូវជ្រើសរើសមុខជំនាញដែលខ្លួនពេញចិត្តនិងអាចបន្តឆ្ពោះទៅកាន់អនាគតដែលខ្លួនចង់បាន»។

ឯកឧត្ដមបណ្ឌិត សយ រាសី ដែលមានជំនាញរដ្ឋបាលសាធារណៈ បានមានប្រសាសន៍ថា ដើម្បីជ្រើសរើសមុខជំនាញសម្រាប់សិក្សាបានត្រឹមត្រូវ គេអាចពិនិត្យមើលទៅលើសមត្ថភាព និងជំនាញរបស់ខ្លួន ក៏ដូចជាតម្រូវការទីផ្សារការ ងារផងដែរ ប៉ុន្តែការជំរុញទឹកចិត្តឱ្យយើងសម្រេចបានជោគជ័យបន្ថែមទៀតលើការសិក្សាមុខជំនាញនោះ គឺត្រូវផ្ដោត លើអ្វីដែលខ្លួនចង់រៀន និងមានលទ្ធភាពអាចរៀនមុខជំនាញនោះទៅបាន ដោយមិនមែនផ្អែកទាំងស្រុងទៅតាមការផ្ដល់យោបល់ពីអ្នកដទៃនោះឡើយ។

ឯកឧត្ដមបណ្ឌិត បានគូសបញ្ជាក់បន្ថែមទៀតថា ការសម្រេចជ្រើសរើសរៀនមុខជំនាញអ្វីក៏សំខាន់ដែរ ប៉ុន្តែយុវជនត្រូវចោទសួរខ្លួនឯងវិញថា តើជំនាញនោះយើងអាចយកមកប្រើប្រាស់បានដែរឬទេ? ឯកឧត្ដមបណ្ឌិតបានមានប្រសាសន៍បន្ថែមថា យុវជនត្រូវចងចាំថា ការសិក្សារៀនសូត្រគឺដើម្បីជោគជ័យ ដែលភាពជោគជ័យនិងសេចក្ដីសុខរបស់ខ្លួន គឺប្រែប្រួលទៅតាមបុគ្គលខ្លួនឯងជាអ្នកកំណត់ថាត្រូវដើរទៅតាមផ្លូវណាមួយ និងការវិវត្តរបស់បុគ្គលខ្លួនដែលផ្លាស់ប្ដូរទៅតាមកាលៈទេសៈ៕

RAC Media | លឹម សុវណ្ណរិទ្ធ


អត្ថបទទាក់ទង

«ពិនិត្យតុល្យការសាងសង់អគារខេមរវិទូ នៃរាជបណ្ឌិត្យសភាកម្ពុជា»

អគារខេមរវិទូដែលមានទំហំផ្ទៃសរុប ១៦ ១១៨ម៉ែត្រការ៉េសរុបចំនួន ៤ជាន់របស់រាជបណ្ឌិត្យសភាកម្ពុជាដែលជាចំណងដៃដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាត្រូវបានសាងសង់ស...

2020-05-25 13:18:31   ថ្ងៃចន្ទ, 25 ឧសភា 2020 ម៉ោង 08:18 PM
«ថ្ងៃនេះគឺជាខួប១ឆ្នាំនៃការនាំគោចូលឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប»

នៅថ្ងៃទី២៥ ខែឧសភា ឆ្នាំ២០២០នេះ គឺជាខួប១ឆ្នាំនៃការនាំគោចូលឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹបដើម្បីផលិតទឹកដោះគោ តេជោ សែន ឫស្សីត្រឹបដែលជាផលិតផលជាតិដែលកើតចេញពីការស្រាវជ្រាវ ការចិញ្ចឹម និងពិសោធ...

2020-05-25 08:12:37   ថ្ងៃចន្ទ, 25 ឧសភា 2020 ម៉ោង 03:12 PM
«ឯកឧត្តមបណ្ឌិតសភាចារ្យ សុខ ទូច អញ្ជើញចូលជួបពិភាក្សាការងារ និងយកទឹកដោះគោ តេជោសែនឫស្សីត្រឹប ជូនអភិបាលនៃគណៈអភិបាលខេត្តព្រះវិហារ»

(ខេត្តព្រះវិហារ)៖ នៅព្រឹកថ្ងៃអង្គារ ១៣រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែឧសភា ឆ្នាំ២០២០ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានអញ្ជើញចូលជួបឯកឧត្តម ប្រាក់ សុវណ្...

2020-05-19 05:02:09   ថ្ងៃអង្គារ, 19 ឧសភា 2020 ម៉ោង 12:02 PM
ទិដ្ឋភាពទូទៅនៃអក្សរសិល្ប៍ខ្មែរសង្ខេប ដោយ៖ លោក ឃិន យ៉ង់ លេខាអចិន្ត្រៃយ៍វិទ្យាស្ថានមនុស្សសាស្ត្រនិងវិទ្យាសាស្ត្រសង្គមនៃរាជបណ្ឌិត្យសភាកម្ពុជា

អក្សរសិល្ប៍ខ្មែរចែកជាពីរប្រភេទធំៗគឺអក្សរសិល្ប៍ប្រជាប្រិយ និង អក្សរសិល្ប៍សំណេរ ឬហៅថាអក្សរសិល្ប៍ចំណារ។១-អក្សរសិល្ប៍ប្រជាប្រិយអក្សរសិល្ប៍ប្រជាប្រិយមានតាំងពីសម័យបុព្វកាលមក គឺមានតាំងពីសម័យកកើតមនុស្ស មានភាស...

2020-05-18 07:59:45   ថ្ងៃចន្ទ, 18 ឧសភា 2020 ម៉ោង 02:59 PM
«ឧទ្យានរាជបណ្ឌិត្យសភាកម្ពុជា តេជោ សែន ប្ញស្សីត្រឹប៖ សមិទ្ធផល២ឆ្នាំ ក្រោយសម្តេចតេជោ ហ៊ុន សែន អញ្ជើញជាអធិបតីដ៏ខ្ពង់ខ្ពស់ដាំដើមឈើ»

(រាជបណ្ឌិត្យសភាកម្ពុជា)៖ នៅថ្ងៃទី១៨ ខែឧសភា ឆ្នាំ២០២០នេះ គឺជាខួប២ឆ្នាំ (២០១៨-២០២០)ដែលសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីដាំ...

2020-05-18 05:30:35   ថ្ងៃចន្ទ, 18 ឧសភា 2020 ម៉ោង 12:30 PM
ឧស្សាហកម្មសណ្ឋាគារនិងភោជនីយដ្ឋានកម្ពុជាក្នុងដំណាក់កាលកូវីដ ១៩ ដោយ៖ លោក ហៃ សុគន្ធា មន្រ្តីស្រាវជ្រាវវិទ្យាស្ថានមនុស្សសាស្រ្តនិងវិទ្យាសាស្រ្តសង្គមនៃរាជបណ្ឌិត្យសភាកម្ពុជា

RAC Mediaប្រភព៖ វិទ្យាស្ថានមនុ...

2020-05-18 05:05:45   ថ្ងៃចន្ទ, 18 ឧសភា 2020 ម៉ោង 12:05 PM

សេចក្តីប្រកាស