Royal Academy of Cambodia
ក្រោយពីអញ្ជើញជាវាគ្មិនក្នុងវេទិកាស្តីពីគោលនយោបាយសម្លឹងមកទិសខាងត្បូងរួចមក ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំប្រតិភូរាជបណ្ឌិត្យសភាកម្ពុជាទៅទស្សនាមជ្ឈមណ្ឌល Soeng wingpo កោះជេជូ។
Soeng wingpo ជាកន្លែងសិក្សាស្រាវជ្រាវបច្ចេកវិទ្យាកសិកម្មបច្ចុប្បន្ន ក្នុងមជ្ឈមណ្ឌលនេះមានកន្លែងសិក្សាពីគុណភាពដី ការបង្កាត់ពូជរុក្ខជាតិហូបផ្លែ និងការបណ្តុះបណ្តាលកសិករផងដែរ។ ជារៀងរាល់ឆ្នាំ មជ្ឈមណ្ឌលបានបណ្តុះបណ្តាលកសិករកូរ៉េបានចំនួន ៧ ០០០នាក់។
ដោយទឹកមុខញញឹមស្វាគមន៍នឹងវត្តមានប្រតិភូរាជបណ្ឌិត្យសភាកម្ពុជា លោកប្រធានមជ្ឈមណ្ឌលបាន ពន្យល់ដល់ប្រតិភូរាជបណ្ឌិត្យសភាកម្ពុជាថា «នៅតំបន់កោះជេជូ ក៏ដូចជាកូរ៉េទាំងមូល គេចែកឧស្សាហកម្មជា៣ដំណាក់កាល គឺពេលដែលកសិករដាំដំណាំបានផល គេហៅថាឧស្សាហកម្មទី១។ នៅពេលកសិករយកផលិតផលកសិកម្មទៅកែច្នៃគេហៅថាជាឧស្សហកម្មទី២ ចំណែកឧស្សហកម្មទី៣ គឺសំដៅដល់ការផ្តល់សេវាការងារធ្វើជូនប្រជាពលរដ្ឋ ដែលបានបានមានក្នុងឧស្សាហកម្មទី១ និងឧស្សហកម្មទី២»។ លោកបានបន្តទៀតថា «ដើម្បីឱ្យកសិករសិក្សាស្វែងយល់បាន មជ្ឈមណ្ឌលប្រើប្រាស់វិធីសាស្ត្រ៣យ៉ាងគឺ ទី១. បង្ហាញនូវផលិតផលកសិកម្មដើម្បីឱ្យអ្នកទេសចរ ឬ អ្នកមកលេងបេះស្លឹកតែ រួមគ្នា។ ទី២. យើងនាំគាត់ឱ្យជ្រលក់ក្រណាត់ពណ៌ដើម្បីចងលម្អ និងទី៣. នាំភ្ញៀវបេះផ្លែឈើ គោលបំណងគឺដើម្បីទាក់ទាញចិត្តគាត់ឱ្យចូលចិត្តនិងកសិកម្ម»។
មជ្ឈមណ្ឌលកសិកម្ម មានសរុប១៧០កន្លែងនៅទូទាំងប្រទេសកូរ៉េ ហើយបច្ចេកវិទ្យាក៏ត្រូវបណ្តុះបណ្តាលជូនដល់កសិករនៅជនបទ រហូតមកដល់ពេលនេះ កសិករមានជីវភាពប្រសើរឡើងច្រើន។ បច្ចុប្បន្ននេះ កសិករនៅកោះជេជូនេះ អាចរកចំណូលបានរហូត ៥២ ០០០ដុល្លារអាម៉េរិកក្នុងមួយឆ្នាំ (នេះបើគិតតែទៅលើការប្រមូលផលពីដើមក្រូចមួយមុខប៉ុនណោះ)។
សូមរំឭកជូនថា ប្រតិភូរាជបណ្ឌិត្យសភាកម្ពុជាត្រូវបំពេញទស្សនកិច្ចនៅសាធារណរដ្ឋកូរ៉េចាប់ពីថ្ងៃទី២៨ ខែឧសភា ដល់ថ្ងៃទី៥ ខែមិថុនា ឆ្នាំ២០១៩ ។ ដំណើរទស្សនកិច្ចនៅកោះជេជូ នឹងត្រូវបញ្ចប់និងបន្តបេសកកម្មទៅកាន់តំបន់ក្វាងជូ ថេគូ និងសេអ៊ូល ជាបន្តទៀត ក្នុងរយៈពេលសរុបចំនួន០៥ថ្ងៃ។
RAC Media | ខែក វីរៈ
ភ្នំពេញ៖ នៅព្រឹកថ្ងៃសុក្រ ៣កើត ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៩ ខែវិច្ឆិកា ឆ្នាំ២០១៩ វេលាម៉ោង ៨:៣០នាទីព្រឹកនេះ រាជបណ្ឌិត្យសភាកម្ពុជា បានរៀបចំសិក្ខាសាលាមួយស្ដីពី «ការវិវត្តនៃរចនាបថនិង...
កាលពីរសៀល ថ្ងៃពុធ ទី២៧ ខែវិច្ឆិកា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាព ឯកឧត្តមបណ្ឌិត ហ៊ាន សុខុម បានដឹកនាំអង្គប្រជុំរួម ដើម្បីពិនិត្យបច្ចេកសព្ទបរិស្ថាននិងធនធានធម្មជាតិ ស្នើដោយក្រសួង...
នៅពីក្រោយនៃកិច្ចប្រជុំកំពូលរវាងថ្នាក់ដឹកនាំ អាស៊ាន និងកូរ៉េ ក្រុមអ្នកស្រាវជ្រាវមកពីប្រទេសអាស៊ាន និងសាធារណរដ្ឋកូរ៉េ បានជួបជុំគ្នាដើម្បីស្វែងរកយុទ្ធសាស្ត្រនិងបានផ្លាស់ប្តូរទស្សនកិច្ចគ្នាជុំវិញការបង្កើនក...
ថ្ងៃទី២៦ ខែវិច្ឆិកា ឆ្នាំ២០១៩ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានចូលរួមប្រជុំចង្អៀតរវាងអ្នកស្រាវជ្រាវ និងអ្នកយុទ្ធសាស្ត្ររបស់កូរ៉េ និងអាស៊ាន បានស្នើកម្ពុជាធ្វើជាម្ចាស់ផ្ទះរៀប...
លោកបណ្ឌិត ផុន កសិកា ប្រធានស្តីទីវិទ្យាស្ថានមនុស្សសាស្ត្រនិងវិទ្យាសាស្ត្រសង្គម ឯកឧត្តម លោក លោកស្រីបណ្ឌិតជា អនុប្រធានវិទ្យាស្ថាន ជំនួយការរាជបណ្ឌិត្យសភាកម្ពុជា លេខាអចិន្ត្រៃយ៍ ប្រធាន អនុប្រធានផ្នែក មន...
ភ្នំពេញ៖ នៅព្រឹកថ្ងៃពុធ ១កើត ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៧ ខែវិច្ឆិកា ឆ្នាំ២០១៩ នេះ មានកិច្ចប្រជុំរួមមួយរវាងប្រធាន អនុប្រធាន និងសមាជិកនៃគណៈកម្មការនិងអនុគណៈកម្មការរៀបចំសិក្ខាសា លាស...