Royal Academy of Cambodia
(រាជបណ្ឌិត្យសភាកម្ពុជា)៖ នៅរសៀលថ្ងៃចន្ទ ៨កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៦ ខែសីហា ឆ្នាំ២០២១ ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជាបានដឹកនាំមន្ត្រីចំណុះអគ្គលេខាធិការដ្ឋានដាំដុះកូនដើមឈើផ្កាខ្មែរចំនួន២៩ដើមបន្ថែមទៀត ដើម្បីលើកកម្ពស់បរិស្ថានធម្មជាតិនៅក្នុងបរិវេណស្ថាប័នសិក្សាស្រាវជ្រាវជាន់ខ្ពស់ជាតិខ្មែរ។
កូនដើមឈើផ្កាខ្មែរដែលត្រូវបានដាំដុះនៅខាងក្រោយអគារខេមរវិទូនៃរាជបណ្ឌិត្យសភាកម្ពុជារួមមាន៖ កូនដើមព្នៅចំនួន៦ដើម ( ព្នៅពងមាន់ ៣ដើម និងព្នៅសណ្តាយ ៣ដើម ) កូនអង្គាបុស្បចំនួន ៦ដើមលៀបស្លឹកតូច ៥ដើម អសោកចំនួន៤ដើម ព្កុល ២ដើម និងកូនសំរ៉ងចំនួន ៦ដើម។
ក្នុងឱកាសនេះ ឯកឧត្តមបណ្ឌិត យង់ ពៅ បានថ្លែងអំណរគុណចំពោះលោក ណៅ សុខ សប្បុរសជនខ្មែរម្នាក់រស់នៅក្នុងរាជធានីភ្នំពេញដែលបានផ្តល់កូនដើមឈើផ្កាទាំងនេះជាលើកទីពីរដល់រាជបណ្ឌិត្យសភាកម្ពុជា ដើម្បីចូលរួមដាំដុះលើកកម្ពស់បរិស្ថានធម្មជាតិក្នុងស្ថាប័នសិក្សាស្រាវជ្រាវបញ្ញវន្តជាន់ខ្ពស់ជាតិខ្មែរ។ ឯកឧត្តមបណ្ឌិតបានមានប្រសាសន៍ថា រាជបណ្ឌិត្យសភាកម្ពុជាសូមស្វាគមន៍សប្បុរសជនជាតិ និងអន្តរជាតិដែលមានគោលបំណងជួយជ្រោមជ្រែងស្ថាប័នសិក្សាស្រាវជ្រាវបញ្ញវន្តជាន់ខ្ពស់ជាតិខ្មែរ។
សូមរម្លឹកថា កាលពីថ្ងៃទី៣០ ខែតុលា ឆ្នាំ២០១៩ កន្លងមក លោក ណៅ សុខ បានផ្តល់ដើមឈើផ្កាខ្មែរចំនួន១២ប្រភេទសរុបចំនួន ៤៥ដើម ដើម្បីចូលរួមដាំដុះលើកកម្ពស់បរិស្ថានធម្មជាតិនៅក្នុងរាជបណ្ឌិត្យសភាកម្ពុជាផងដែរ៕
RAC Media / រឿន ភារុន
នៅព្រឹកថ្ងៃទី១ ខែកុម្ភៈ ឆ្នាំ២០២១នេះ យោធាមីយ៉ាន់ម៉ា បានចាប់ឃុំខ្លួនទីប្រឹក្សារដ្ឋលោកស្រី អ៊ុង សាន ស៊ូជី និងប្រធានាធិបតី ព្រមទាំងមន្រ្តីជាន់ខ្ពស់ជាច្រើននាក់។ យ៉ាងណាមិញ មុនរដ្ឋប្រហារនេះកើតឡើង អគ្គមេបញ្ជ...
នៅដើមឆ្នាំ ២០២១នេះ ប្រទេសភូមា ឬមីយ៉ាន់ម៉ា គឺជាប្រទេសមួយដែលមានភាពល្បីល្បាញ និងបានទាក់ទាញការចាប់អារម្មណ៍ជាអន្តរជាតិ ដោយសារតែប្រទេសនេះមានរដ្ឋប្រហារមួយដែលបានទំលាក់រដ្ឋាភិបាលរបស់លោកស្រី អ៊ុង សានស៊ូជី និងសម...
(រាជបណ្ឌិត្យសភាកម្ពុជា)៖ នៅថ្ងៃពុធ ១៣រោច ខែមាឃ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១០ ខែកុម្ភៈ ឆ្នាំ២០២១ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានអញ្ជើញដឹកនាំកិច្ចប្រជុំ ដើម្បីត្...