ព័ត៌មាន

«កម្ពុជានឹងមានជ្ឍមណ្ឌលវិទ្យាសាស្ត្រនិងបច្ចេកវិទ្យានុយក្លេអ៊ែរ...»

ថ្ងៃពុធ, 29 សីហា 2018 ម៉ោង 06:05 PM

អ្នកមើល 10298

កាលព្រឹកថ្ងៃអង្គារ ២រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ត្រូវនឹងថ្ងៃទី២៨ ខែសីហា ឆ្នាំ២០១៨ នៅទីស្តីការក្រសួងបរិស្ថាន អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព (ក.ជ.អ.ច.) បានរៀបចំកិច្ចប្រជុំក្រុមការងាររួមគ្នារវាង កម្ពុជា-រុស្ស៊ី សម្រាប់សម្របសម្រួលកិច្ចសហប្រតិបត្តិការក្នុងការប្រើប្រាស់ថាមពលនុយក្លេអ៊ែរដើម្បីបម្រើឱ្យគោលបំណងសន្តិភាព។

កិច្ចប្រជុំនេះត្រូវបានប្រព្រឹត្តឡើងក្រោមអធិបតីភាពឯកឧត្តម ទិន ពន្លក ប្រធានក្រុមការងារថ្នាក់ជាតិ និងជាអគ្គលេខាធិការនៃអគ្គលេខាធិការដ្ឋានក.ជ.អ.ច. និងលោក GONCHARUK Artem ប្រធានគណៈប្រតិភូ Rosatom (សហព័ន្ធរុស្ស៊ី) ដើម្បីពិនិត្យ និងពិភាក្សាលើសេចក្តីពា្រងកិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលសហព័ន្ធរុស្ស៊ីស្តីពី «កិច្ចសហប្រតិបត្តិការក្នុងការសាងសង់មជ្ឈមណ្ឌលវិទ្យាសាស្រ្ត និងបច្ចេកវិទ្យានុយក្លេអ៊ែរ» នៅលើទឹកដីនៃព្រះរាជាណាចក្រកម្ពុជា។ គោលបំណងនៃកចិ្ចប្រជុំនេះបានផ្តោតទៅលើបញ្ហាសំខាន់ៗមួយចំនួនពាក់ព័ន្ធនឹងការរៀបចំពិភាក្សាគ្នាចំពោះគម្រោង IGA ការដឹកជញ្ជូននិងការលើកលែងពន្ធសម្ភារៈបរិក្ខារសាងសង់ ផែនការអភិវឌ្ឍន៍ធនធានមនុស្ស និងផែនការនៃការផ្សារភ្ជាប់ទំនាក់ទំនងគ្នារួម។

ស្ថិតនៅក្នុងដំណើរពង្រាងខ្លឹមសារក្នុងកិច្ចព្រមព្រៀងដើម្បីបង្កើតកិច្ចសហប្រតិបត្តិការសាងសង់មជ្ឈមណ្ឌលស្រាវជ្រាវវិទ្យាសាស្ត្រ និងបច្ចេកវិទ្យានុយក្លេអ៊ែរនៅកម្ពុជា ដែលបានចងក្រងឡើងរហូតដល់១៨ប្រការ ក្នុងនោះមានខ្លឹមសារសំខាន់ៗដែលពាក់ព័ន្ធនឹងការដឹកជញ្ជូន រួមទាំងការលើកលែងពន្ធផងនោះ ជាលទ្ធផលភាគីទាំងពីរបានពង្រាងសេចក្តីដោយធ្វើកំណែរ ខ្លឹមសារខ្លះៗតាមប្រការនីមួយៗ បន្ទាប់អំពីកំណត់បង្ហាញយោបល់ពីក្រសួងសេដ្ឋកិច្ចនិងហិរញ្ញវត្ថុនៃព្រះរាជាណាចក្រកម្ពុជា ក្នុងនោះមាន៖

គ្មានការដាក់ស្នើសុំកិច្ចសន្យាចាំបាច់នៅក្នុងសេចក្តីសន្និដ្ឋានកិច្ចសន្យាពាក់ព័ន្ធជាមួយនឹង IGA (ប្រការ៤)
គ្មានការបង់ថ្លៃជាគោល (ប្រការ៦)
ការធ្វើឱ្យខូចខាតនុយក្លេអ៊ែររបស់ប្រតិបត្តិករក្នុងកំឡុងពេលសាងសង់ (ប្រការ១១)
ការលើកលែងពន្ធ (ប្រការ១២)
ត្រង់ប្រការទី១៤ ក្រុមប្រឹក្សាជាតិអភិវឌ្ឍន៍ដោយចីរភាព នឹងធ្វើការពិភាក្សាជាមួយនឹងអ្នកច្បាប់បន្ត និងទទួលការប្រឹក្សាយោបល់ជាមួយស្ថាប័នពាក់ព័ន្ធ អង្គភាពរដ្ឋាភិបាល ស្តីពីអ្នកទទួលខុសត្រូវខាងភាគីរបស់កម្ពុជាដោយយោងតាម IGA ហើយនឹងរៀបចំសេចក្តីស្នើសុំរៀបចំ (ប្រការ ៦)។

រីឯខ្លឹមសារនៃកិច្ចភិភាក្សាគ្នាក្នុងផែនការទំនាក់ទំនងរវាងភាគីទាំងពីរបានព្រមព្រៀងគ្នាថា៖

បង្កើតព្រឹត្តិការណ៍លើកទីមួយដែលនឹងត្រូវធ្វើនៅក្នុងខែវិច្ឆិកា ឆ្នាំ២០១៨ ស្របតាមទម្រង់មេរៀនស្តីពី បច្ចេកទេសនុយក្លេអ៊ែរនៅក្នុង ITC។
ក្រុមប្រឹក្សាជាតិអភិវឌ្ឍន៍ដោយចីរភាព ព្រមព្រៀងបកប្រែខ្លឹមសារនុយក្លែអ៊ែរ ABC រហូតដល់ចុងខែកញ្ញា ឆ្នាំ២០១៨ ហើយភាគីខាងរុស្ស៊ី នឹងរៀបចំធ្វើបទបង្ហាញនៅក្នុងកំឡុងពេលផ្តល់មេរៀននាខែវិច្ឆិកា ឆ្នាំ២០១៨ ខាងមុខនេះ។
ភាគីខាងរុស្ស៊ី បានត្រៀមគោលជំហរជាស្រេចដើម្បីរៀបចំព្រឹត្តិការណ៍ផ្សេងៗទៀតដែលស្ថិតនៅក្រោមផែនការទំនាក់ទំនងរួមគ្នាមួយ ( ថ្ងៃវិទ្យាសាស្ត្រប្រើប្រាស់នុយក្លេអ៊ែរ កិច្ចពិភាក្សាជាក្រុម និងរៀបចំជាអត្ថបទព័ត៌មានខ្លី)។
ក្រុមប្រឹក្សាជាតិអភិវឌ្ឍន៍ដោយចីរភាព នឹងរៀបចំពេលវេលាសមរម្យដើម្បីព្រឹត្តិការណ៍ទាំងអស់នោះ និងរៀបចំបញ្ជីឈ្មោះសមាសភាព អ្នកជំនាញក្នុងស្រុក សាស្រ្តាចារ្យ ថ្នាក់ដឹកនាំដែលពាក់ព័ន្ធបានចូលរួមជាភាគី។
ភាគីទាំងពីរក៏បានសម្រេចផងដែរថានឹងមានកិច្ចពិភាក្សាលើកទី៣បន្តទៀតក្រោមភាពជាដៃគូ ចំណងការទូតជាមួយគ្នា ដើម្បីពិនិត្យមើលពីដំណើរការវិវឌ្ឍនៃ IGA នឹងដើម្បីបានបញ្ចប់កិច្ចពិភាក្សា ដែលគ្រោងនឹងធ្វើជាដំណាក់កាលបន្តក្នុងខែវិច្ឆិកា នៅក្រុងព្រះសីហនុ។

ប្រភពព័ត៌មាន៖ ឯកឧត្តមបណ្ឌិត នុត សម្បត្តិ ប្រធានវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម នៃរាជបណ្ឌិត្យសភាកម្ពុជា។

RAC Media

អត្ថបទទាក់ទង

វេទិកាកម្រិតខ្ពស់នៃធនាគារខួរក្បាលកម្ពុជា-ចិន លើកទី៤ បានបិទបញ្ចប់ដោយជោគជ័យ ជាមួយនឹងធាតុចូលដែលមានអត្ថន័យស្ថាបនា ទទួលបានពីកិច្ចពិភាក្សាស៊ីជម្រៅប្រកបលក្ខណៈវិទ្យាសាស្ត្រ

វេទិកាកម្រិតខ្ពស់នៃធនាគារខួរក្បាលកម្ពុជា-ចិន លើកទី៤ ស្ដីពី«ក្របខណ្ឌកិច្ចសហប្រតិបត្តិការត្បូងពេជ្រ: ទំព័រថ្មីនៃសហគមន៍កម្ពុជា-ចិន ដែលមានអនាគតរួមគ្នាក្នុងយុគសម័យថ្មី» ដែលបានចាប់ផ្ដើមកាលពីថ្ងៃ...

ថ្ងៃអង្គារ, 25 មីនា 2025 ម៉ោង 10:14 PM

ឯកឧត្ដមបណ្ឌិត យង់ ពៅ អនុប្រធានក្រុមការងាររាជរដ្ឋាភិបាលចុះមូលដ្ឋានឃុំអណ្ដូងពោធិ៍ អញ្ជើញប្រគល់ឯកសណ្ឋានជូនប្រជាការពារ និងឧបករណ៍ប្រើប្រាស់ជូនដល់រដ្ឋបាលឃុំអណ្ដូងពោធិ៍

(ខេត្តកំពង់ធំ)៖ នៅព្រឹកថ្ងៃទី២៣ ខែមីនា ឆ្នាំ២០២៥ ឯកឧត្ដមបណ្ឌិត យង់ ពៅ អនុប្រធានក្រុមការងាររាជរដ្ឋាភិបាលចុះមូលដ្ឋានឃុំអណ្ដូងពោធិ៍ តំណាងឯកឧត្ដមបណ្ឌិតសភាចារ្យ សុខ ទូច ប្រធានក្រុមការងាររាជរដ្ឋាភិបាលចុះជួយ...

ថ្ងៃអាទិត្យ, 23 មីនា 2025 ម៉ោង 11:03 AM

បណ្ឌិត យង់ ពៅ៖ កម្ពុជាមានភាពចាំបាច់នៅក្នុងការពង្រឹងសមត្ថភាពយោធាជើងទឹក ដើម្បីល្បាតនិងការពារដែនសមុទ្រក្នុងអធិបតេយ្យភាពរបស់ខ្លួន ស្របរដ្ឋធម្មនុញ្ញ និងច្បាប់អន្តរជាតិ

ក្រោយបើកការដ្ឋានសាងសង់បានជិត៣ឆ្នាំ កម្ពុជាគ្រោងនឹងសម្ពោធដាក់ឱ្យប្រើប្រាស់មូលដ្ឋានសមុទ្ររាមកងទ័ពជើងទឹករបស់ខ្លួនក្នុងជំហានទី១ នៅដើមខែមេសា ឆ្នាំ២០២៥ខាងមុខនេះ។ ក្នុងឱកា...

ថ្ងៃព្រហស្បតិ៍, 20 មីនា 2025 ម៉ោង 10:41 AM

បណ្ឌិត យង់ ពៅ៖ ព្រឹត្តិការណ៍ ១៨ មីនា បាននាំកម្ពុជាធ្លាក់ចូលក្នុងភ្លើងសង្គ្រាម ដែលអ្នកនយោបាយខ្មែរគួរតែរៀនសូត្រនិងបញ្ចៀសឱ្យផុតពីការរងគ្រោះដោយសារការប្រកួតប្រជែងរបស់មហាអំណាច

ឆ្លើយតបទៅនឹងសំណួររបស់អ្នកសារព័ត៌មាន លោកបណ្ឌិត យង់ ពៅ អ្នកជំនាញវិទ្យាសាស្ត្រនយោបាយបានលើកឡើងថា គិតមកដល់ពេលនេះ ព្រឹត្តិការណ៍ទម្លាក់សម្ដេចព្រះនរោត្ដមសីហនុពីតំណែងប្រមុខរដ...

ថ្ងៃអង្គារ, 18 មីនា 2025 ម៉ោង 04:30 PM

បណ្ឌិត យង់ ពៅ៖ រឿងចរាចរណ៍ត្រូវដោះស្រាយដោយឈ្វេងយល់ឱ្យដល់ឫសគល់នៃបញ្ហា

ឆ្លើយតបទៅនឹងសំណួររបស់អ្នកសារព័ត៌មាន អំពីបញ្ហាចរាចរណ៍ និងការរិះគន់ពីសាធារណជនចំពោះការរៀបចំចរាចរណ៍នោះ លោកបណ្ឌិត យង់ ពៅ អ្នកវិភាគបញ្ហាសង្គមនិងនយោបាយ បានលើកឡើងថា ប្រជាពលរ...

ថ្ងៃអង្គារ, 11 មីនា 2025 ម៉ោង 03:14 PM

មូលន័យសង្ខេបនិងរូបភាពនៃសៀវភៅ «ម៉ូតសក់ក្នុងសិល្បៈខ្មែរ សម័យមុនអង្គរនិងសម័យអង្គរ» ដោយ៖ លោក ប្រែង ពិសិដ្ឋ និងលោកស្រី ម៉ិល វាសនា

តាមរយៈស្នាដៃសិល្បៈខ្មែរ ជាពិសេសចម្លាក់ដែលបានបន្សល់ទុកដោយបុព្វបុរសខ្មែរ យើងអាចសិក្សាបាននូវម៉ូតសក់ទាំងឡាយនៅក្នុងសង្គមខ្មែរបុរាណ ជាពិសេសនៅសម័យអង្គរដែលមានអរិយធម៌ដ៏រុងរឿងបំផុតនៅក្នុងប្រវត្តិសាស្ត្រកម្ពុជា...