រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃព្រហស្បតិ៍, 16 សីហា 2018 ម៉ោង 05:39 PM
សកម្មភាពនេះ សឹងក្លាយជាទម្លាប់រៀងរាល់ថ្ងៃរបស់ឯកឧត្តមអគ្គលេខាធិការទៅហើយ ដែលបានចុះពិនិត្យអំពីសកម្មភាពការងាររបស់មន្ត្រី នៅតាមវិទ្យាស្ថាននិងស្ថាប័នឧបសម្ព័ន្ធរបស់រាជបណ្ឌិត្យសភាកម្ពុជា។ បើតាមប្រសាសន៍របស់ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានមានប្រសាសន៍ក្នុងកិច្ចប្រជុំកាលពីថ្ងៃទី១៤ ខែសីហា កន្លងទៅថា ក្នុងនាមជាថ្នាក់ដឹកនាំម្នាក់ ការចុះទៅសួរទុក្ខមន្ត្រីតាមអង្គភាពសាម៉ី ជាកិច្ចការដែលត្រូវធ្វើដើម្បីលើកទឹកចិត្តដល់មន្ត្រីក្នុងពេលបំពេញភារកិច្ច ហើយនេះក៏ជាចំណែកមួយក្នុងការពង្រឹងវិន័យការងារនៅក្នុងស្ថាប័នរាជបណ្ឌិត្យសភាកម្ពុជាផងដែរ។ 
ការចុះត្រួតពិនិត្យការងារតាមអគារ បានក្លាយជាទម្លាប់ប្រចាំថ្ងៃរបស់ឯកឧត្តមបណ្ឌិត យង់ ពៅ អគ្គលេខាធិការ និងមន្ត្រីនៃខុទ្ទកាល័យនៃរាជបណ្ឌិត្យសភាកម្ពុជាទៅហើយ គឺពេលខ្លះ ចុះពិនិត្យការងារនៅពេលព្រឹក ពេលខ្លះក៏ទៅពេលល្ងាច ហើយពេលខ្លះទៀត ក៏ធ្វើឡើងពេលព្រឹកផង និងល្ងាចផង។ និយាយរួម គោលបំណងនៃការចុះត្រួតពិនិត្យ គឺដើម្បីពិនិត្យមើលពីប្រសិទ្ធភាពក្នុងការបំពេញភារកិច្ចរបស់មន្ត្រីរាជបណ្ឌិត្យសភាកម្ពុជា ស្របតាមគោការណ៍ណែនាំលេខ ៨២៨/របសក ចុះថ្ងៃ សុក្រ ១៣កើត ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១ខែធ្នូ ឆ្នាំ២០១៧ ស្តីពី «ការអនុវត្តការពង្រឹងវិន័យនិងវត្តមាន បម្រើការ ងាររបស់មន្ត្រីរាជាការនៃរាជបណ្ឌិត្យសភាកម្ពុជា»។ 
យ៉ាងណាម៉ិញ ឯកឧត្តមបណ្ឌិតសភារ្យ សុខ ទូច ប្រធានរាជបណ្ឌិត្យសភាកម្ពុជា បានក្រើនរំលឹកដល់មន្ត្រីឱ្យខិតខំបំពេញភារកិច្ចរបស់ខ្លួនតាមមុខនាទី នៅតាមវិទ្យាស្ថាននិងស្ថាប័នឧបសម្ព័ន្ធនីមួយៗផងដែរ។ ការគោរពវិន័យ ការបំពេញភារកិច្ចរបស់មន្ត្រីតាមមុខនាទីរបស់ខ្លួន ជាកាតព្វកិច្ចដែលមន្ត្រីរាជការត្រូវធ្វើ ដើម្បីជំរុញប្រសិទ្ធភាពការងារ និងសមិទ្ធផលសម្រាប់ស្ថាប័នរបស់ខ្លួន។ សូមបញ្ជាក់ថា កន្លងមកនេះថ្នាក់ដឹកនាំនៃរាជបណ្ឌិត្យសភាកម្ពុជា បានប្តេជ្ញាជំរុញប្រសិទ្ធភាពការងារនៅក្នុងរដ្ឋដែលជាធនាគារខួរក្បាលរបស់ជាតិ ឱ្យក្លាយជាស្ថាប័នឈានមុខមួយក្នុងវិស័យសិក្សាស្រាវជ្រាវ ព្រោះថា ការសិក្សាស្រាវជ្រាវតាមវិស័យជំនាញនីមួយៗ ជាភារកិច្ចស្នូលរបស់ថ្នាក់ដឹកនាំនិងមន្ត្រីនៅតាមវិទ្យាស្ថាន និងស្ថាប័នឧបសម្ព័ន្ធនៃរាជបណ្ឌិត្យសភាកម្ពុជា។ ក្រៅពីនេះ រាជបណ្ឌិត្យសភាកម្ពុជា ក៏ជាថ្នាលបណ្តុះបណ្តាលធនធានមនុស្សសម្រាប់រួមចំណែកក្នុងការផ្តល់នូវធាតុចូល បំពេញបន្ថែមសម្រាប់ជួយដល់កិច្ចការអភិវឌ្ឍប្រទេសជាតិឱ្យកាន់តែប្រសើរឡើងថែមទៀត។
RAC Media
រូបថតបណ្ឌិត យង់ ពៅ នៅថ្ងៃទី២៩ ខែកក្កដា ឆ្នាំ២០០៨ នៅផ្សារជើងប្រាសាទព្រះវិហារ ដែលក្រោយមកត្រូវទាហាថៃបាញ់ដុតកម្ទេច ហេតុការណ៍ឈ្លានពាន និងបាញ់ប្រហារពីសំណាក់កងទ័ពថៃមកលើកងទ័ពកម្ពុជា នៅព្រឹកថ្ងៃទី២៨ ខែឧសភា ឆ្...
ថ្ងៃសុក្រ, 30 ឧសភា 2025 ម៉ោង 05:10 PM
នៅព្រឹកព្រលឹមថ្ងៃទី២៨ ខែឧសភា ឆ្នាំ២០២៥ កងទ័ពកម្ពុជា-ថៃ បានប៉ះទង្គិចអាវុធគ្នានៅព្រឹកថ្ងៃទី២៨ ខែឧសភា ឆ្នាំ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ដែលកងទ័ពថៃបានធ្វើការបាញ់ប្រហារមុនមកល...
ថ្ងៃពុធ, 28 ឧសភា 2025 ម៉ោង 06:04 PM
ពាក់ព័ន្ធនឹងករណីចោរកម្មដែលមួយរយៈពេលចុងក្រោយនេះ ហាក់មានការកក្រើកខ្លាំង ដែលមហាជនបានដាក់ជាចម្ងល់ ក៏ដូចជាមានការចោទសួរពីសំណាក់អ្នកសារព័ត៌មាន លោកបណ្ឌិត យង់ ពៅ អ្នកវិភាគសង្គមនិងនយោបាយ បានគូសបញ្ជាក់ថា ចំពោះក...
ថ្ងៃសុក្រ, 23 ឧសភា 2025 ម៉ោង 04:42 PM
In response to a journalist's question about Samdech BovorThibadei Prime Minister's announcement regarding the preservation of the Pochentong International Airport as state...
ថ្ងៃពុធ, 21 ឧសភា 2025 ម៉ោង 12:22 PM
ដោយ បណ្ឌិត ឈត ប៊ុនថង អនុប្រធានវិទ្យាស្ថានទំនាក់ទំនងអន្តរជាតិនៃកម្ពុជា ប្រទេសកម្ពុជា គឺជាប្រទេសមួយដែលសម្បូរធនធានធម្មជាតិនិងសក្តានុពលកសិកម្ម កំពុងប្រឈមនឹងការសម្រេចចិត្តដ៏ស្មុគស្មាញមួយ ពោលគឺ ថាតើ កម្ព...
ថ្ងៃអង្គារ, 20 ឧសភា 2025 ម៉ោង 03:27 PM
ឆ្លើយតបទៅនឹងសំណួររបស់អ្នកសារព័ត៌មាន អំពីការប្រកាសរបស់សម្ដេចធិបតីនាយករដ្ឋមន្ត្រីអំពីការរក្សាទុកអាកាសយានដ្ឋានអន្តរជាតិពោធិ៍ចិនតុង ជាទ្រព្យសម្បត្តិរដ្ឋ និងជាផលប្រយោជន៍សម្រាប់ប្រជាពលរដ្ឋ លោកបណ្ឌិង យង់ ពៅ...
ថ្ងៃអង្គារ, 20 ឧសភា 2025 ម៉ោង 03:16 PM
