ព័ត៌មាន

«សកម្មភាពជាទម្លាប់របស់អគ្គលេខាធិការ ចុះត្រួតពិនិត្យការងារមន្ត្រីរាជបណ្ឌិត្យសភាកម្ពុជា»

ថ្ងៃព្រហស្បតិ៍, 16 សីហា 2018 ម៉ោង 05:39 PM

អ្នកមើល 18302

សកម្មភាពនេះ សឹងក្លាយជាទម្លាប់រៀងរាល់ថ្ងៃរបស់ឯកឧត្តមអគ្គលេខាធិការទៅហើយ ដែលបានចុះពិនិត្យអំពីសកម្មភាពការងាររបស់មន្ត្រី នៅតាមវិទ្យាស្ថាននិងស្ថាប័នឧបសម្ព័ន្ធរបស់រាជបណ្ឌិត្យសភាកម្ពុជា។ បើតាមប្រសាសន៍របស់ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានមានប្រសាសន៍ក្នុងកិច្ចប្រជុំកាលពីថ្ងៃទី១៤ ខែសីហា កន្លងទៅថា ក្នុងនាមជាថ្នាក់ដឹកនាំម្នាក់ ការចុះទៅសួរទុក្ខមន្ត្រីតាមអង្គភាពសាម៉ី ជាកិច្ចការដែលត្រូវធ្វើដើម្បីលើកទឹកចិត្តដល់មន្ត្រីក្នុងពេលបំពេញភារកិច្ច ហើយនេះក៏ជាចំណែកមួយក្នុងការពង្រឹងវិន័យការងារនៅក្នុងស្ថាប័នរាជបណ្ឌិត្យសភាកម្ពុជាផងដែរ។

ការចុះត្រួតពិនិត្យការងារតាមអគារ បានក្លាយជាទម្លាប់ប្រចាំថ្ងៃរបស់ឯកឧត្តមបណ្ឌិត យង់ ពៅ អគ្គលេខាធិការ និងមន្ត្រីនៃខុទ្ទកាល័យនៃរាជបណ្ឌិត្យសភាកម្ពុជាទៅហើយ គឺពេលខ្លះ ចុះពិនិត្យការងារនៅពេលព្រឹក ពេលខ្លះក៏ទៅពេលល្ងាច ហើយពេលខ្លះទៀត ក៏ធ្វើឡើងពេលព្រឹកផង និងល្ងាចផង។ និយាយរួម គោលបំណងនៃការចុះត្រួតពិនិត្យ គឺដើម្បីពិនិត្យមើលពីប្រសិទ្ធភាពក្នុងការបំពេញភារកិច្ចរបស់មន្ត្រីរាជបណ្ឌិត្យសភាកម្ពុជា ស្របតាមគោការណ៍ណែនាំលេខ ៨២៨/របសក ចុះថ្ងៃ សុក្រ ១៣កើត ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១ខែធ្នូ ឆ្នាំ២០១៧ ស្តីពី «ការអនុវត្តការពង្រឹងវិន័យនិងវត្តមាន បម្រើការ ងាររបស់មន្ត្រីរាជាការនៃរាជបណ្ឌិត្យសភាកម្ពុជា»។

យ៉ាងណាម៉ិញ ឯកឧត្តមបណ្ឌិតសភារ្យ សុខ ទូច ប្រធានរាជបណ្ឌិត្យសភាកម្ពុជា បានក្រើនរំលឹកដល់មន្ត្រីឱ្យខិតខំបំពេញភារកិច្ចរបស់ខ្លួនតាមមុខនាទី នៅតាមវិទ្យាស្ថាននិងស្ថាប័នឧបសម្ព័ន្ធនីមួយៗផងដែរ។ ការគោរពវិន័យ ការបំពេញភារកិច្ចរបស់មន្ត្រីតាមមុខនាទីរបស់ខ្លួន ជាកាតព្វកិច្ចដែលមន្ត្រីរាជការត្រូវធ្វើ ដើម្បីជំរុញប្រសិទ្ធភាពការងារ និងសមិទ្ធផលសម្រាប់ស្ថាប័នរបស់ខ្លួន។ សូមបញ្ជាក់ថា កន្លងមកនេះថ្នាក់ដឹកនាំនៃរាជបណ្ឌិត្យសភាកម្ពុជា បានប្តេជ្ញាជំរុញប្រសិទ្ធភាពការងារនៅក្នុងរដ្ឋដែលជាធនាគារខួរក្បាលរបស់ជាតិ ឱ្យក្លាយជាស្ថាប័នឈានមុខមួយក្នុងវិស័យសិក្សាស្រាវជ្រាវ ព្រោះថា ការសិក្សាស្រាវជ្រាវតាមវិស័យជំនាញនីមួយៗ ជាភារកិច្ចស្នូលរបស់ថ្នាក់ដឹកនាំនិងមន្ត្រីនៅតាមវិទ្យាស្ថាន និងស្ថាប័នឧបសម្ព័ន្ធនៃរាជបណ្ឌិត្យសភាកម្ពុជា។ ក្រៅពីនេះ រាជបណ្ឌិត្យសភាកម្ពុជា ក៏ជាថ្នាលបណ្តុះបណ្តាលធនធានមនុស្សសម្រាប់រួមចំណែកក្នុងការផ្តល់នូវធាតុចូល បំពេញបន្ថែមសម្រាប់ជួយដល់កិច្ចការអភិវឌ្ឍប្រទេសជាតិឱ្យកាន់តែប្រសើរឡើងថែមទៀត។

RAC Media

អត្ថបទទាក់ទង

The Enduring Ripples of Disputed Borders: A Lesson from Thailand and Cambodia

By Mr. Sar Vichana The recent flare-up along the Thailand-Cambodia border, culminating in the tragic death of a Cambodian soldier, serves as a stark reminder that unresolved historical grievances can...

ថ្ងៃអាទិត្យ, 08 មិថុនា 2025 ម៉ោង 06:00 PM

A Modern Nation Should Respect International Laws

By Dr. Seun Sam, Policy analyst of RAC In the 21st century, the legitimacy and stability of the global order rest firmly on the foundation of international law. From the United Nations Charter to var...

ថ្ងៃអាទិត្យ, 08 មិថុនា 2025 ម៉ោង 05:58 PM

ឯកឧត្តមបណ្ឌិត យង់ ពៅ អញ្ជើញប្រគល់កូនឈើដល់រដ្ឋបាលឃុំអណ្ដូងពោធិ៍ ប្រគេនកូនឈើដល់វត្តហេមវន្តព្រះនិព្វាន និងដាំកូនឈើ នៅបឹងទំនប់ជីវភាព

(ខេត្តកំពង់ធំ)៖ នាព្រឹកថ្ងៃអាទិត្យ ១៣ កើត ខែជេស្ឋ ឆ្នាំម្សាញ់ សប្ដស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែមិថុនា ឆ្នាំ២០២៥ ឯកឧត្តមបណ្ឌិត យង់ ពៅ អនុប្រធានទី១ ក្រុមការងាររាជរដ្ឋាភិបាលចុះមូលដ្ឋានឃុំអណ្ដូងព...

ថ្ងៃអាទិត្យ, 08 មិថុនា 2025 ម៉ោង 01:04 PM

Why can’t two neighbouring Buddhist Kingdoms co-exist peacefully?

By Kin Phea, PhD Director General of the International Relations Institute of Cambodia Cambodia and Thailand are predominantly Buddhist neighbouring kingdoms that share deep historical, cult...

ថ្ងៃសៅរ៍, 07 មិថុនា 2025 ម៉ោង 09:33 PM

បណ្ឌិត យង់ ពៅ៖ កម្ពុជាត្រូវប្រើយន្តការ ICJ ដើម្បីការពារអធិបតេយ្យភាពជាតិ និងបញ្ចប់ចេតនាទុច្ចរឹតដែលថៃតែងតែប្រើផែនទីឯកតោភាគីដើម្បីឈ្លានពានទឹកដីកម្ពុជា

ជាថ្មីម្ដងទៀត នៅក្នុងសមាជលើកទីមួយរវាងរដ្ឋសភានិងព្រឹទ្ធសភា ប្រមុខរាជរដ្ឋាភិបាលកម្ពុជាបានបង្ហាញឆន្ទៈយ៉ាងច្បាស់លាស់ នៅក្នុងការដោះស្រាយបញ្ហាព្រំដែនជាមួយនឹងប្រទេសថៃ នៅត្រង់ចំណុចប្រាសាទតាមាន់តូច ប្រាសាទតាមា...

ថ្ងៃពុធ, 04 មិថុនា 2025 ម៉ោង 01:53 PM

បណ្ឌិត យង់ ពៅ៖ កម្ពុជាពិតជាត្រូវការប្រើប្រាស់យន្តការផ្លូវច្បាប់ ការទូត និងយោធា ដើម្បីបញ្ចប់មហិច្ឆតារំលោភអធិបតេយ្យភាពពីអ្នកនយោបាយជ្រុលនិយម និងយោធានិយមរបស់ថៃ

ពាក់ព័ន្ធនឹងការរំលោភអធិបតេយ្យភាពកម្ពុជា ពីសំណាក់ប្រទេសថៃ ជាបន្តបន្ទាប់តាំងពីអតីតកាលរហូតមកដល់ពេលថ្មីៗនេះ បានបង្ហាញឱ្យឃើញថា មិនខុសពីសៀមនោះទេ ពិសេសអ្នកនយោបាយជាតិនិយមនិងយោធានិយមថៃ នៅតែបន្តចេតនាទុច្ចរឹតរប...