ព័ត៌មាន

វេទិកាចំហ ស្តីពី «សក្តានុពល និងបញ្ហាប្រឈមនៃការវិនិយោគនៅកម្ពុជា»

2018-07-13 05:02:53 ថ្ងៃសុក្រ, 13 កក្កដា 2018 ម៉ោង 12:02 PM
អ្នកមើល 17575
post_detail

នៅព្រឹកថ្ងៃសុក្រ ១កើត ខែទុតិយសាឍ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី១៣ ខែកក្កដា ឆ្នាំ២០១៨ រាជបណ្ឌិត្យសភាកម្ពុជាបានរៀបចំវេទិកាចំហស្តីពី «សក្តានុពល និងបញ្ហាប្រឈមនៃការវិនិយោគនៅកម្ពុជា» ដោយមានការចូលរួមពីថ្នាក់ដឹកនាំ មន្ត្រីរាជការ និស្សិត និងកម្មសិក្សាការីមកពីសាលាភូមិន្ទរដ្ឋបាល សរុបចំនួន ១៤៦នាក់។

ឯកឧត្តមបណ្ឌិតសភាចារ្យ សោម សុមុនី ប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា បានថ្លែងពី ការរីកចម្រើនរបស់ប្រទេសមួយគេតែងសំឡឹងទៅលើកត្តាបួន គឺ ច្បាប់ នយោបាយ ហេដ្ឋារចនាសម្ព័ន្ធ និងផលិតកម្ម។ វិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា បានរួមចំណែកក្នុងការអភិវឌ្ឍសង្គមជាមួយរាជរដ្ឋាភិបាល តាមរយៈការប្រឹងប្រែងបំពេញការងារតាមភារកិច្ចនិងតួនាទីរបស់ខ្លួន។


ទន្ទឹមគ្នានោះដែរ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានអញ្ជើញជាអធិបតីក្នុងការបើកកម្មវិធីនោះ ដោយបានថ្លែងបញ្ជាក់ថា ការវិនិយោគបាននាំឱ្យមានការងារ និងចង្វាក់ផលិតកម្មនៅក្នុងប្រទេស។ ការវិនិយោគត្រូវពឹងផ្អែកលើកត្តាបី គឺ (១) សេដ្ឋកិច្ចពឹងផ្អែកលើចំណេះដឹង, (២) សេដ្ឋកិច្ច​ពឹងផ្អែកលើផលិតផល និង (៣)សេដ្ឋកិច្ចពឹងផ្អែកលើសក្តានុពលនៃបច្ចេកវិជ្ជា។ 

ឯកឧត្តម បញ្ជាក់ថែមថា សេដ្ឋកិច្ចកម្ពុជា បច្ចុប្បន្ននេះ ពឹងផ្អែកខ្លាំងលើ ចំណេះដឹង និងផលិតផល។ អ្នកទេសចរម្នាក់ ដែលមកទស្សនានៅកម្ពុជា បានចំណាយច្រើន ហើយយើងត្រូវរិះគិតថា យើងត្រូវទាក់ទាញអ្នកទេសចរឱ្យបានច្រើនដោយរបៀបណា? ការពឹងផ្អែកលើទេសចរធម្មជាតិ ឬទេសចរវប្បធម៌ គឺមិនទាន់គ្រប់គ្រាន់នោះទេ។ សូមក្រឡេកទៅមើល ប្រទេសសិង្ហបុរី ប្រទេសតូច ខ្សត់ធនធានធម្មជាតិ តែគេអាចទាក់ទាញទេសចរមកបានច្រើន គឺដោយសារអី? គឺសិង្ហបុរី បានបង្កើតឡើងតំបន់ទេសចរសិប្បនិមិត្ត។ ដូច្នេះ កម្ពុជាយើង ក៏ត្រូវគិតគូរពីបញ្ហានេះដែរ។

ឆ្លៀតឱកាសនោះដែរ ឯកឧត្តមបណ្ឌិតសភាចារ្យ បានសំណូមពរឱ្យអ្នកចូលរួមទាំងអស់ លើកឡើងនូវសំណួរ ដើម្បីឱ្យវាគ្មិនកិត្តិយស បានស្រាយបំភ្លឺ និងដើម្បីវេទិកាពិភាក្សានេះ កាន់តែផុសផុលឡើង។សូមបញ្ជាក់ដែរថា វេទិកាពិភាក្សានេះ ជាផ្នែកមួយនៃការអនុវត្តគម្រោងស្រាវជ្រាវឆ្នាំ២០១៨ របស់លោកបណ្ឌិត គី សេរីវឌ្ឍន៍ អនុប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យសភាកម្ពុជា អំពីសក្តានុពល និងបញ្ហាប្រឈម នៃការវិនិយោគនៅកម្ពុជា។ 

RAC Media


អត្ថបទទាក់ទង

បណ្ឌិត យង់ ពៅ៖ ការចូលរួមរបស់ប្រតិភូកងយោធពលខេមរភូមិន្ទកម្ពុជា ក្នុងក្បួនព្យុហយាត្រាដើម្បីអបអរកម្មវិធីខួបទី៥០នៃការបង្រួបបង្រួមជាតិវៀតណាម បញ្ជាក់ពីកិច្ចសហប្រតិបត្តិការយោធា និងបានរំឭកពីការរួមចំណែកដ៏សំខាន់របស់កម្ពុជានៅក្នុងការបង្រួបបង្រួមជាតិវៀតណាម

ឆ្លើយតបទៅនឹងសំណួររបស់អ្នកសារព័ត៌មាន អំពីករណីដែលភាគីវៀតណាមបានអញ្ជើញកងទ័រកម្ពុជាចូលរួមដង្ហែព្យុហយាត្រារបស់ខ្លួន ដើម្បីអបអរកម្មវិធីខួបទី៥០នៃការបង្រួបបង្រួមជាតិវៀតណាមនោះ លោកបណ្ឌិត យង់ ពៅ អ្នកជំនាញវិទ្យាសា...

2025-04-29 09:19:36   ថ្ងៃអង្គារ, 29 មេសា 2025 ម៉ោង 04:19 PM
ឯកឧត្ដមបណ្ឌិត យង់ ពៅ ដឹកនាំការប្រជុំពិនិត្យលទ្ធផលការងារប្រចាំត្រីមាសទី១ ឆ្នាំ២០២៥ នៃរាជបណ្ឌិត្យសភាកម្ពុជាំ និងដាក់ទិសការងារនៅត្រីមាសបន្ទាប់

(រាជបណ្ឌិត្យសភាកម្ពុជា)៖ នៅថ្ងៃអង្គារ ៣កើត ខែពិសាខ ឆ្នាំម្សាញ់ សប្ដស័ក ព.ស. ២៥៦៨ ត្រូវនឹងថ្ងៃទី២៩ ខែមេសា ឆ្នាំ២០២៥ វេលាម៉ោង ៩:០០នាទីព្រឹក នៅបន្ទប់ក្រវាន់ អគារខេមរវិទូនៃរាជបណ្ឌិត្យសភាកម្ពុជា ឯកឧត្តមបណ្...

2025-04-29 08:32:55   ថ្ងៃអង្គារ, 29 មេសា 2025 ម៉ោង 03:32 PM
រាជបណ្ឌិត្យសភាកម្ពុជាបើកទូលាយសម្រាប់ការចូលរួមរបស់បញ្ញវន្តនិងអ្នកសិក្សាស្រាវជ្រាវ ក្នុងសន្និសីទអន្តរជាតិលើកទី១៣ រវាងរាជបណ្ឌិត្យសភាកម្ពុជា បណ្ឌិត្យសភាវិទ្យាសាស្ត្រសង្គមឡាវ​ បណ្ឌិត្យសភាវិទ្យាសាស្ត្រសង្គមវៀតណាម និងវិទ្យាស្ថានបរិស្ថានកូរ៉េ

(រាជបណ្ឌិត្យសភាកម្ពុជា)៖ នៅរសៀលថ្ងៃទី២៨ ខែមេសា ឆ្នាំ២០២៥ ឯកឧត្ដមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា បានដឹកនាំការប្រជុំណែនាំ និងផ្ដល់អនុសាសន៍ដល់បេក្ខជនដែលជាប់ការវាយតម្លៃជ្រើសរើសជាប់ជាស្ថាព...

2025-04-28 08:33:18   ថ្ងៃចន្ទ, 28 មេសា 2025 ម៉ោង 03:33 PM
បណ្ឌិត យង់ ពៅ៖ ដំណើរទស្សនកិច្ចផ្លូវការរបស់នាយករដ្ឋមន្ត្រីថៃនៅកម្ពុជា ស្របទៅនឹងកាលៈទេសៈដើម្បីដោះស្រាយបញ្ហាប្រឈមមួយចំនួន ហើយឆ្លើយតបទៅនឹងភាពចាំបាច់នៃកិច្ចសហប្រតិបត្តិរវាងប្រទេសទាំងពីរ

លោកជំទាវ ផែថងថាន ស៊ីណាវ៉ាត្រា នាយករដ្ឋមន្ត្រីនៃព្រះរាជាណាចក្រថៃបានដឹកនាំគណៈប្រតិភូជាន់ខ្ពស់ថៃ អញ្ជើញមកដល់អាកាសយានដ្ឋានអន្តរជាតិភ្នំពេញ នាព្រឹកថ្ងៃទី២៣ ខែមេសា ឆ្នាំ២០២៥ ដើម្បីបំពេញទស្សនកិច្ចផ្លូវការនៅព...

2025-04-23 08:01:43   ថ្ងៃពុធ, 23 មេសា 2025 ម៉ោង 03:01 PM
ពេលដែលដំរីជល់គ្នា ងាប់ស្រមោចសង្អារ

ដោយ : បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា ការប្រកួតប្រជែងខាងភូមិសាស្ត្រនយោបាយនិងសេដ្ឋកិច្ចកាន់តែខ្លាំងឡើងរវាងសហរដ្ឋអាម៉េរិកនិងចិន បានកើនឡើងហួសពីការប្រជ...

2025-04-23 00:23:32   ថ្ងៃពុធ, 23 មេសា 2025 ម៉ោង 07:23 AM
វិទ្យាស្ថានសិក្សាចិន នៃរាជបណ្ឌិត្យសភាកម្ពុជានឹងរៀបចំសិក្ខាសាលាផ្សព្វផ្សាយលទ្ធផលអង្កេត ស្តីពី «ទស្សនៈសាធារណជនចំពោះការផ្សាយពាណិជ្ជកម្មគ្រឿងស្រវឹង»

(រាជបណ្ឌិត្យសភាកម្ពុជា)៖ នៅព្រឹកថ្ងៃព្រហស្បតិ៍ ១២រោច ខែចេត្រ ឆ្នាំម្សាញ់ ឆស័ក ព.ស.២៥៦៨ ត្រូវនឹងថ្ងៃទី២៤ ខែមេសា ឆ្នាំ២០២៥ ខាងមុខនេះ វិទ្យាស្ថានសិក្សាចិន នៃរាជបណ្ឌិត្យសភាកម្ពុជា ដោយមានកិច្ចសហការជាមួយនឹង...

2025-04-22 07:10:56   ថ្ងៃអង្គារ, 22 មេសា 2025 ម៉ោង 02:10 PM

សេចក្តីប្រកាស