ព័ត៌មាន

«ការសិក្សាប្លង់មេអភិវឌ្ឍឧទ្យានឫស្សីត្រឹប»

ថ្ងៃច័ន្ទ, 02 កក្កដា 2018, 04:16 PM

ដោយមានកិច្ចសហការរវាងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប នៃរាជបណ្ឌិត្យសភាកម្ពុជា ជាមួយនឹងវិទ្យាស្ថានបរិស្ថានកូរ៉េ (KEI) សិក្ខាសាលាពិគ្រោះយោបល់ស្តីពី «ការសិក្សាបឋមដើម្បីរៀបចំផែនការមេក្នុងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប» បានរៀបចំឡើងនៅសណ្ឋាគារ Green Palace កាលពីព្រឹកម៉ិញនេះ។

ឯកឧត្តមបណ្ឌិតសភាចារ្យ សុខ ទូច បានលើកឡើងពីការបង្កើតឧទ្យាន គុណតម្លៃធម្មជាតិ មរតកវប្បធម៌ និងជាតិពិន្ធុសាសន៍ និងបានរំលឹកឡើងពីសមិទ្ធផលមួយចំនួនដែលឧទ្យានសម្រេចបាន កន្លងមកនេះ រួមមាន៖

- ការបញ្ចប់ទាំងស្រុងនូវការឈូសឆាយដីដាំអំពៅចំនួន ៨៥៥ហិតា ពីក្រុមហ៊ុនចិនបានរំលោភយកទៅធ្វើអាជីវកម្មផ្ទាល់ខ្លួន និងយកមកដាក់ក្រោមការគ្រប់គ្រងរបស់ឧទ្យានឡើងវិញ។

- ការធ្វើអត្តសញ្ញាណកម្មក្បាលដីប្រជាពលរដ្ឋដែលមកតាំងទីលំនៅក្នុងឧទ្យាន ចំនួន ៣១ក្បាលដី និងដីអាស្រ័យផលចំនួន ២៨៤ក្បាលដី។

- ការកំណត់ព្រំសីមា និងបោះបង្គោលព្រំឧទ្យានបន្ថែមចំនួន៥០បង្គោល។

- ការជីកនិងស្តារត្រពាំងធំៗចំនួន ៦កន្លែងក្នុងបរិវេណឧទ្យានសម្រាប់ផ្តល់ជាទីអាស្រ័យរបស់សត្វព្រៃទាំងឡាយ។

- ការធ្វើផែនការដាំកូនឈើ១លានដើម ជាទិសដៅដែលរាជបណ្ឌិត្យសភាកម្ពុជា បានដាក់ចេញ ហើយខាងឧទ្យានបានសង់ថ្នាលបណ្តុះកូនឈើ ៣០×៥០ម. និងដាំបានកូនឈើចំនួន ១២.៥០០ដើមរួចមកហើយ។

- ក្រៅពីនោះយើងបានដាំស្មៅ សំណង់រោងគោដើម្បីត្រៀមចិញ្ចឹមគោសាច់ និងគោទឹកដោះនៅក្នុងឧទ្យានដែលជាចំណែកមួយនៃយុទ្ធសាស្ត្របង្កើតការងារជូនដល់ប្រជាពលរដ្ឋដែលរស់នៅជុំវិញឧទ្យាន។

ឯកឧត្តមបណ្ដិតសភាចារ្យក៏បានគូសបញ្ជាក់ពីចក្ខុវិស័យរបស់ឧទ្យានចំនួន៦ចំណុច៖

១- ប្រែក្លាយឧទ្យានទៅជាកន្លែងសិក្សាស្រាវជ្រាវ ដោយផ្សារភ្ជាប់នឹងការអនុវត្តជាក់ស្តែង។

២- ស្តារនិងបង្កើតគម្របព្រៃឈើឡើងវិញក្នុងផែនការរយៈពេល៦ឆ្នាំដោយដាំកូនឈើឱ្យបាន ១លានដើម។

៣- ប្រែក្លាយតំបន់ឧទ្យានទៅជាតំបន់ទេសចរណ៍បរិស្ថាន វប្បធម៌ និងសិប្បនិម្មិត។

៤- ប្រែក្លាយតំបន់នេះជាតំបន់កសាង និងផលិតឯកសារ។

៥- ប្រែក្លាយឧទ្យានឱ្យទៅជាសួនច្បារសម្រាប់យើងទាំងអស់គ្នា។

៦- កន្លែងផ្តល់ការងារជូនប្រជាជន និងអ្នកស្រាវជ្រាវ។

សូមបញ្ជាក់ថា ឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប មានទីតាំងនៅស្រុកឆែប នៃខេត្តព្រះវិហារ ជាតំបន់ដែលសំបូរដោយជីវចម្រុះជាច្រើនប្រភេទ ដែលត្រូវការរក្សាការពារ ពីការកាប់បំផ្លាញនិងការប្រម៉ាញ់សត្វព្រៃគ្រប់ប្រភេទ៕

ដោយលោក ស្រី សីហា | RAC Media

ការពិភាក្សាកំណត់ព្រំដីបន្ទាន់ពីវាស់វែងរួច

សកម្មភាពជីកស្រះក្នុងតំបន់ឧទ្យានសកម្មភាពចូលរួមដាំដើមឈើរបស់និស្សិតសាកលវិទ្យាល័យខេមរៈ និងវិទ្យាស្ថានខុងជឺ នៅឧទ្យានឫស្សីត្រឹប។

អត្ថបទទាក់ទង

រាជបណ្ឌិត្យសភាកម្ពុជា បន្តផ្ដល់ជូននូវទឹកដោះគោស្រស់ តេជោសែន ឫស្សីត្រឹប ដល់កុមារកំព្រា និងកុមារមានពិការភាពដល់អង្គការ និងមណ្ឌលកុមារកំព្រាចំនួន៣កន្លែងនៅរាជធានីភ្នំពេញ

(រាជធានីភ្នំពេញ)៖ នៅថ្ងៃទី១៩ ខែឧសភា ឆ្នាំ២០២៤ តាមការណែនាំរបស់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ក្រុមការងារនៃរាជបណ្ឌិត្យសភាកម្ពុជាបានបន្តផ្ដល់ទឹកដោះគោស្រស់តេជោសែន ឫស្សីត្រឹប សរុ...

Mon, 20,05,2024, 07:24 AM

ទស្សនៈប្រធានវិស័យនិយម (The subjectivism) ដោយ៖ បណ្ឌិត ក្តាន់ ធុល មន្ត្រីនាយកដ្ឋានទស្សនវិជ្ជានិងសង្គមវិជ្ជា វិទ្យាស្ថានមនុសាស្ត្រនិងវិទ្យាសង្គម រាជបណ្ឌិត្យសភាកម្ពុជា

វត្ថុទាំងឡាយ នៅក្នុងធម្មជាតិ ឬក៏ ហៅម្យ៉ាងទៀតថាវត្ថុធម្មជាតិ (natural things) ក៏បាន។ វត្ថុទាំងឡាយនេះសុទ្ធតែ មាន គុណភាព (quality) ផ្ទាល់របស់ពួកវា ប៉ុន្តែ មនុស្សទាំងឡាយមានការយល់ដឹង អំពី ទីតាំងគុណភាព (qua...

Mon, 20,05,2024, 03:41 AM

រាជបណ្ឌិត្យសភាកម្ពុជាបន្តផ្ដល់ទឹកដោះគោស្រស់ជូនកុមារកំព្រា កុមារមានពិការភាព នៅមណ្ឌលកុមារកំព្រា២កន្លែងនៅរាជធានីភ្នំពេញ

(រាជធានីភ្នំពេញ)៖ ថ្ងៃសៅរ៍ ១១ កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី១៨ ខែឧសភា ឆ្នាំ២០២៤ តាមការណែនាំពីសំណាក់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រ...

Sun, 19,05,2024, 03:20 AM

អត្ថិភាពទស្សនវិជ្ជាខ្មែរក្នុងវិស័យផ្សេងៗក្នុងសង្គមខ្មែរ ដោយ ៖ បណ្ឌិត ប៉ាន់ វុត្ថា ប្រធានស្ដីទីនាយកដ្ឋានទស្សនវិជ្ជានិងសង្គមវិជ្ជា នៃវិទ្យាស្ថានមនុស្សសាស្រ្តនិងវិទ្យាសាស្រ្តសង្គម រាជបណ្ឌិត្យសភាកម្ពុជា

គ្រប់វិស័យទាំងអស់សុទ្ធតែមានទស្សនវិជ្ជានៅក្នុនោះ ព្រោះវាមានចំណោទបញ្ហា ទ្រឹស្តី គំនិត និងវិធីដោះស្រាយបញ្ហា ជាលក្ខណៈទស្សនវិជ្ជា ហើយគោលបំណង នៃការប្រតិបត្តិក្នុងគ្រប់វិស័យទាំងអស់សុទ្ធតែតម្រង់ទៅរកទស្សនវិជ្ជ...

Fri, 17,05,2024, 07:33 AM

ការឡើងកម្ដៅភពផែនដី Global Warming ដោយ៖ លោក ហៃ សុគន្ធា ប្រធានស្តីទីនាយកដ្ឋានភូមិវិទ្យានិងនគរូបនីយកម្ម នៃវិទ្យាស្ថានមនុស្សសាស្រ្តនិងវិទ្យាសាស្រ្តសង្គម

សីតុណ្ហភាពមធ្យមនៅលើភពផែនដី នៅក្នុងពេលបច្ចុប្បន្ននេះ កំពុងតែមានការកើនឡើងខ្លាំង និងលឿនជាងអ្វីដែលមនុស្សធ្លាប់បានសង្កេតតាមលក្ខណៈធម្មជាតិ បើធៀបទៅនឹង កាលពីពេលមុនៗ។ ក្រុមអ្នកវិទ្យាសាស្រ្តរបស់អង្គការ សហប្រជាជ...

Fri, 17,05,2024, 03:01 AM

ប្រវត្តិនិងវិវត្តន៍របស់ស្ថាប័នព្រឹទ្ធសភានៃព្រះរាជាណាចក្រកម្ពុជា ពីឆ្នាំ១៩៩៩ ដល់ឆ្នាំ២០២៤ ដោយ៖ បណ្ឌិត ហែម ឡាច ប្រធានស្ដីទីនាយកដ្ឋាននីតិសាស្ត្រ វិទ្យាស្ថានមនុសាស្ត្រនិងវិទ្យាសាស្ត្រសង្គម រាជបណ្ឌិត្យសភាកម្ពុជា

ក្រោយការបោះឆ្នោតជាសកលជ្រើសតាំងតំណាងរាស្ត្រនីតិកាលទី២ នាថ្ងៃទី២៦ ខែកក្កដា ឆ្នាំ១៩៩៨ វិបត្តិនយោបាយផ្ទៃក្នុងមួយបានកើតឡើង។ ដើម្បីដោះស្រាយវិបត្តិនេះ កិច្ចប្រជុំកំពូលរវាងថ្នាក់ដឹកនាំជាន់ខ្ពស់នៃគណបក្សនយោបាយទ...