ព័ត៌មាន

រាជបណ្ឌិត្យសភាកម្ពុជា ទទួលជំនួបជាមួយក្រុមហ៊ុន EMCAST កូរ៉េ ដើម្បីពិភាក្សាស្វែងរកឱកាសសហការបង្កើតមជ្ឈមណ្ឌលបណ្ដុះបណ្ដាលបច្ចេកវិទ្យា AI សម្រាប់ជាប្រយោជន៍ជំនួយដល់ការងារពលរដ្ឋខ្មែរ

ថ្ងៃព្រហស្បតិ៍, 22 មិថុនា 2023 ម៉ោង 06:20 PM

អ្នកមើល 11287

កាលពីព្រឹកថ្ងៃព្រហស្បត្តិ៍ ៥កើត ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២២ ខែមិថុនា ឆ្នាំ២០២៣ វេលាម៉ោង ០៩:៣០នាទី ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា តំណាងឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំសហការី ទទួលជំនួបក្នុងអង្គប្រជុំជាមួយក្រុមហ៊ុន EMCAST កូរ៉េ ក្នុងគោលបំណងដើម្បីស្វែងរកលទ្ធភាពក្នុងការសហការគ្នាបង្កើតមជ្ឈមណ្ឌលបណ្តុះបណ្តាលបច្ចេកវិទ្យា AI ដល់និស្សិត បុគ្គលិករដ្ឋ ឯកជន ឬអង្គការនានា ដែលមានបំណងចង់ប្រើប្រាស់បច្ចេកវិទ្យាទំនើបជួយដល់ការងារ។

សូមបញ្ជាក់ថា ក្រុមហ៊ុន EMCAST ជាក្រុមហ៊ុនឯកទេសបច្ចេកវិទ្យាដែលបានបង្កើតឡើងនៅក្នុងឆ្នាំ២០០០ និងបានចាប់ផ្តើមគម្រោង STEM (ការឈានទៅរកការបង្កើតថ្មីតាមរយៈការបញ្ចូលគ្នារវាងវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា) នៅក្នុងឆ្នាំ២០១៩។

ក្រុមហ៊ុន EMCAST នេះ នឹងពិនិត្យលទ្ធភាពផ្ដល់ជាការបណ្ដុះបណ្ដាលសិក្សារយៈពេល ៦ខែ ទៅ ៨ខែ។ ការសិក្សាត្រូវបានធ្វើឡើងដោយប្រើប្រាស់បច្ចេកវិទ្យា ដោយអ្នកសិក្សារៀននិងអនុវត្តផ្ទាល់ដោយខ្លួនឯង និងជាក្រុម។ បន្ទាប់ពីសិក្សា ពួកគេនឹងក្លាយជា អ្នកបង្កើតកម្មវិធីវ័យឆ្លាត (Smart Software Developer)៕

អត្ថបទទាក់ទង

រាជបណ្ឌិត្យសភាកម្ពុជារៀបចំវេទិកាពិភាក្សា ស្ដីពី «ប្រវត្តិសាស្ត្រប្រទេសកម្ពុជា»

(រាជបណ្ឌិត្យសភាកម្ពុជា)៖ នាព្រឹកថ្ងៃសុក្រ ៤កើត ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៨ ខែធ្នូ ឆ្នាំ២០២០ នេះ រាជបណ្ឌិត្យសភាកម្ពុជាបានរៀបចំវេទិកាពិភាក្សា ស្ដីពី «ដំណើរការសរសេរប្រវត្តិសាស្ត្រប្...

ថ្ងៃសុក្រ, 18 ធ្នូ 2020 ម៉ោង 12:18 PM

កិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុជាប្រចាំឆ្នាំ២០២០

នាព្រឹកថ្ងៃពុធ ២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែធ្នូ ឆ្នាំ២០២០ វិទ្យាស្ថានខុងជឺនៃរាជបណ្ឌិត្យសភាកម្ពុជា បានរៀបចំកិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុ...