រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃចន្ទ, 04 មីនា 2019 ម៉ោង 10:46 AM
ក្រោមជំនួយកិច្ចឧបត្ថម្ភពីសមាគមសប្បុរសធម៌ជនជាតិចិននៅក្រៅប្រទេស «Overseas Chinese Charity Foundation of China (OCCFC)» ដែលបានទទួលអាហារូបករណ៍ផ្តល់ដល់សមាគមមូលនិធិសុខមាភាពសាធារណៈ កម្ពុជា ចិន សម្រាប់រយៈពេល៣ឆ្នាំ ជ្រើសរើសនិស្សិតអាហាររូបករណ៍កម្ពុជា ទៅសិក្សាជំនាញសំខាន់៣ គឺ៖ ផ្នែកអគ្គិសនី, ផ្នែកជួសជុលនិងតម្លើងរថយន្ត និង ផ្នែកគ្រូមតេយ្យភាសាចិន។
និស្សិតដែលត្រូវជ្រើសរើសទៅសិក្សានៅប្រទេសចិនទាំង១១០នាក់ ក្រោមការឧបត្ថម្ភរបស់សមាគមសប្បុរសធម៌ជនជាតិចិននៅក្រៅប្រទេស នឹងត្រូវទទួលបានការសិក្សាភាសាចិនកម្រិតមូលដ្ឋានចំនួន២ខែ នៅវិទ្យាស្ថានខុងជឺ នៃរាជបណ្ឌិត្យសភាកម្ពុជា មុននឹងចេញទៅសិក្សាជំនាញបច្ចេកទេសនៅប្រទេសចិន។ សូមបញ្ជាក់ថា ឧកញ៉ា កែវ មុំ អនុប្រធានសមាគមមូលនិធិសុខមាភាពសាធារណៈកម្ពុជា-ចិន បានជួបពិភាក្សាជាមួយ ឯកឧត្តមបណ្ឌិតសភាចារ្យ សុខ ទូច អំពីការផ្តល់អាហារូបករណ៍ដល់និស្សិតកម្ពុជា និងសុំការសហការជាមួយវិទ្យាស្ថានខុងជឺនៃរាជបណ្ឌិត្យសភាកម្ពុជា ដើម្បីរៀបចំការបណ្តុះបណ្តាលភាសាចិនកម្រិតដំបូងដល់និស្សិតកម្ពុជាទាំងនេះ។ ដោយមានការឯកភាពពីឯកឧត្តមប្រធានរាជបណ្ឌិត្យសភាកម្ពុជា និស្សិតទាំង១១០នាក់ នឹងសិក្សាភាសាចិនរយៈពេល២ខែ មុននឹងបន្តបេសកកម្មរបស់ខ្លួនទៅសិក្សាជំនាញបច្ចេកទេស សម្រាប់យកមកបម្រើជាតិមាតុភូមិកម្ពុជាវិញ។ បើពិនិត្យទៅពេលវេលានៃការបណ្តុះបណ្តាលនេះហាក់ដូចជាតិច តែនិស្សិតដែលទទួលអាហារូបករណ៍ទាំងអស់ សុទ្ធតែធ្លាប់ឆ្លងកាត់ការសិក្សាភាសាចិននេះរួចមកហើយ និងចេះភាសាចិនរួចហើយ។
និស្សិតដែលទទួលបានអាហារូបករណ៍ គឺទទួលបានការឧបត្ថម្ភគាំទ្រច្រើនពីភាគីចិន ដូចជា សំបុត្រយន្តហោះទៅមកកម្ពុជា-ចិនម្តងក្នុង១ឆ្នាំ ថ្លៃសិក្សា កន្លែងស្នាក់នៅ សូម្បីធានារ៉ាប់រងសុខភាព ក្នុងអំឡុងពេលទទួលបានអាហារូបករណ៍ ជាដើម។ ឧកញ៉ា កែវ មុំ បានបញ្ជាក់ថា នឹងខិតខំស្នើសុំអាហារូបករណ៍ពីភាគីចិនបន្ថែមទៀត ដើម្បីចូលរួមចំណែកក្នុងការបណ្តុះបណ្តាលធនធានមនុស្សនៅកម្ពុជា សម្រាប់ចូលរួមក្នុងការអភិវឌ្ឍប្រទេស។ ធនធានមនុស្សជារឿងសំខាន់ជាងគេ អ្នកដែលទៅសិក្សានៅប្រទេសចិន ត្រូវតែធ្វើជាសិស្សគំរូល្អ និងជួយរំឭកដាស់តឿនគ្នា ខិតខំរៀនសូត្រ ជាគំរូដល់សិស្សដែលមកពីបណ្តាប្រទេសអាស៊ានផ្សេងទៀត។ 
(ឧកញ៉ា កែវ មុំ អនុប្រធានសមាគមមូលនិធិសុខមាភាពសាធារណៈ កម្ពុជា ចិន)
បើតាមលោក Xu Dian Wei អគ្គលេខាធិការ «Overseas Chinese Charity Foundation of China (OCCFC)» សមាគមសប្បុរសធម៌ជនជាតិចិននៅក្រៅប្រទេស បានបញ្ជាក់ដែរថា នៅក្នុងកម្មវិធីអាហារូបករណ៍នេះ និស្សិតនឹងចូលរួមរយៈពេល ៣ឆ្នាំ ហើយនៅឆ្នាំនីមួយៗ និស្សិតនឹងត្រូវទទួលការសិក្សា៦ខែនៅគ្រឹះស្ថានសិក្សា និង៦ខែទៀត ត្រូវចុះទៅអនុវត្តផ្ទាល់នៅតាមរោងចក្រសហគ្រាសនានា។ លោក បានបញ្ជាក់ថា និស្សិតដែលបញ្ចប់ការសិក្សា នឹងមានសមត្ថភាពបំពេញការងារជាអ្នកគ្រប់គ្រង តាមជំនាញឯកទេសរបស់ខ្លួន។ និស្សិតកម្ពុជា ដែលទទួលអាហារូបរណ៍ទាំងអស់ អាចដាក់ពាក្យជ្រើសរើសគ្រឹះស្ថានសិក្សា តាមជំនាញ ក្នុងចំណោមគ្រឹះស្ថានសិក្សា ដូចខាងក្រោម៖
១. សាលាបច្ចេកទេសវិស្វកម្មមេកានិច និងអគ្គិសនី (Technical College of Mechanical and Electrical Engineering)
២. សាលាបច្ចេកទេសអភិរក្ស (Conservancy Technical College)
៣. វិទ្យាស្ថានបច្ចេកវិជ្ជា Wuhu (Wuhu Institute of Technology)
៤. សាលាអប់រំក្មេងមិនទាន់គ្រប់អាយុចូលរៀន HEFEI (HEFEI Preschool Education College)
នៅក្នុងពិធីសំណេះសំណាលជាមួយនិស្សិតនេះដែរ ឯកឧត្តមបណ្ឌិតសភាចារ្យ សុខ ទូច បានលើកទឹកចិត្តដល់និស្សិតឱ្យគិតគូរពីជោគវាសនារបស់ខ្លួន ខិតខំសិក្សា ដើម្បីក្លាយជាធនធានមានតម្លៃសម្រាប់ជួយដល់ប្រទេសរបស់ខ្លួន។ តើរៀនជំនាញរួចហើយធ្វើការឱ្យគេ ឬបង្កើតការងារមួយសម្រាប់ខ្លួនឯង និងអ្នកជុំវិញ។ ឧទាហរណ៍ អ្នកទៅរៀនជំនាញគ្រូមតេយ្យភាសាចិន តើរៀនចប់ត្រឡប់មកវិញ ត្រូវទៅធ្វើការឱ្យគេ ឬ បង្កើតការងារខ្លួនឯង? នៅកម្ពុជា មានកូនចៅចិនច្រើនណាស់ ហើយទាំងនេះ សុទ្ធតែជាឱកាសដែលត្រូវចាប់យក។ ឯកឧត្តមបណ្ឌិតសភាចារ្យ ក៏បញ្ជាក់ដែរថា «ធ្វើការឱ្យគេបានប្រាក់ខែរាប់ពាន់ តែបើធ្វើការឱ្យខ្លួនឯង ធ្វើការបានត្រឹម៣០០ដុល្លារ ក៏មានតម្លៃដែរ ហើយការងារនេះ នឹងបង្រៀនយើងឱ្យក្លាយជាសហគ្រិន គ្រប់គ្រងអាជីវកម្មល្អមួយ ល្អជាជាងស៊ីប្រាក់ពីគេ។
សូមបញ្ជាក់ដែរនេះជាកម្មវិធីផ្តល់អាហារូបករណ៍លើកទី២ ហើយបន្ទាប់ពីកម្មវិធីផ្តល់អាហារូបករណ៍លើកទី១ ធ្វើឡើងកាលពីឆ្នាំ២០១៨ កន្លងមកសមាគមមូលនិធិសុខមាភាពសាធារណៈ កម្ពុជា ចិន ជ្រើសរើសបាននិស្សិតចំនួន៤៩នាក់ទៅសិក្សានៅគ្រឹះស្ថានទាំងនោះ។ ដោយឡែកក្នុងឆ្នាំ២០១៩នេះ សមាគមសប្បុរសធម៌ជនជាតិចិននៅក្រៅប្រទេស Overseas Chinese Charity Foundation of China (OCCFC) ផ្តល់ជូនចំនួន២០០នាក់ ប៉ុន្តែសមាគមមូលនិធិសុខមាភាពសាធារណៈ កម្ពុជា ចិន ជ្រើសរើសបាននិស្សិតត្រឹមតែចំនួន១១០នាក់ សម្រាប់ទៅសិក្សាជំនាញទាំងបីខាងលើ។
ពិធីសំណេះសំណាលនេះ បានប្រព្រឹត្តទៅនាព្រឹកថ្ងៃទី៤ ខែមីនា ឆ្នាំ២០១៩ វេលាម៉ោង៩និង០០នាទីព្រឹក នៅសាសនាងនួន អាគារ F នៃរាជបណ្ឌិត្យសភាកម្ពុជា។
RAC Media
ក្រោមកិច្ចសហការរបស់ឯកឧត្តមឡុងឌី ម៉ង់ ឯកអគ្គរាជទូតព្រះរាជណាចក្រកម្ពុជាប្រចាំប្រទេសកូរ៉េ និងមជ្ឈមណ្ឌលបណ្តុះបណ្តាលវិជ្ជាជីវៈថេគូ ឯកឧត្តមបណ្ឌិត្យសភាចារ្យសុខ ទូច បានធ្វើបទបង្ហាញស្តីពី «ដំណើរប្រព្រឹត្តទៅរបស...
ថ្ងៃចន្ទ, 03 មិថុនា 2019 ម៉ោង 02:33 PM
ក្រោមកិច្ចសហប្រតិបត្តិការរវាងរាជបណ្ឌិត្យសភាកម្ពុជា នៃព្រះរាជាណាចក្រកម្ពុជានិងក្រុមប្រឹក្សាជាតិស្រាវជ្រាវសេដ្ឋកិច្ច មនុស្សសាស្ត្រ និងវិទ្យាសាស្ត្រសង្គម នៃសាធារណរដ្ឋកូរ៉េ ឯកឧត្តមសុខ ទូចប្រធានរាជបណ្ឌិត...
ថ្ងៃចន្ទ, 03 មិថុនា 2019 ម៉ោង 02:16 PM
ក្រោយពីអញ្ជើញជាវាគ្មិនក្នុងវេទិកាស្តីពីគោលនយោបាយសម្លឹងមកទិសខាងត្បូងរួចមក ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំប្រតិភូរាជបណ្ឌិត្យសភាកម្ពុជាទៅទស្សនាមជ្ឈមណ្ឌល Soeng wingpo ក...
ថ្ងៃសៅរ៍, 01 មិថុនា 2019 ម៉ោង 12:08 PM
«មានទាំងបញ្ហាប្រឈមនិងឱកាសសម្រាប់កូរ៉។ មានបញ្ហាប្រឈមមួយចំនួនដូចជា៖ កូរ៉េត្រូវប្រកួតជាមួយយន្តការពិភពលោកដែលមានស្រាប់ ប្រជាជនកូរ៉េនិងប្រជាជនអាស៊ានហាក់មិនសូវយល់ពីគោលនយោបាយថ្មីនេះ គម្លាតសេដ្ឋកិច្ច អ្នកវិនិ...
ថ្ងៃសុក្រ, 31 ឧសភា 2019 ម៉ោង 10:42 AM
កាលពីថ្ងៃពុធ ទី២៩ ខែឧសភា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានដឹកនាំប្រជុំដើម្បីពិនិត្យ ពិភាក្សា និង អនុម័តបច្ចេកសព្ទគណ:កម្មការគីមីវិទ្យា និងរូបវិទ្យា បានចំន...
ថ្ងៃព្រហស្បតិ៍, 30 ឧសភា 2019 ម៉ោង 03:36 PM
ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំប្រតិភូរាជបណ្ឌិត្យសភាកម្ពុជា ជួប ពិភាក្សាការងារនិងចែករំលែកបទពិសោធជាមួយអភិបាលរងក្រុង ជេជូ នៅសាលាក្រុងជេជូ កាលពីថ្ងៃទី២៩ ខែឧសភា ឆ្នាំ២០...
ថ្ងៃព្រហស្បតិ៍, 30 ឧសភា 2019 ម៉ោង 09:45 AM
