ព័ត៌មាន
«ការត្រៀមលក្ខណៈបើកបវេសនកាលវគ្គសិក្សាថ្មី...»
កាលពីព្រឹកថ្ងៃចន្ទ ៦រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៥ ខែកុម្ភៈ ឆ្នាំ២០១៩ វេលាម៉ោង ៨:៣០នាទីព្រឹក នៅផ្នែកបណ្តុះបណ្តាលនិងស្រាវជ្រាវមានកិច្ចប្រជុំមួយស្តីពី «ការត្រៀមលក្ខណៈបើកបវេសនកាលវគ្គសិក្សាថ្មី» ដែលនឹងប្រព្រឹត្តទៅនៅថ្ងៃទី២ ខែមីនា ឆ្នាំ២០១៩ខាងមុខនេះ។
គិតមកត្រឹមថ្ងៃនេះ វគ្គសិក្សាថ្មីនេះទទួលនិស្សិតមកចុះឈ្មោះចូលរៀនបានចំនួន៖
១-ថ្នាក់បរិញ្ញាបត្រជាន់ខ្ពស់ មាននិស្សិតចំនួន៣៤នាក់ លើ៨មុខជំនាញ
២-ថ្នាក់បណ្ឌិត មាននិស្សិត៣៧នាក់ លើ៩មុខជំនាញ។
កិច្ចប្រជុំនេះត្រូវបានដឹកនាំប្រជុំដោយឯកឧត្តម សូត្រ សំណាង អគ្គលេខាធិការរងនៃរាជបណ្ឌិត្យសភាកម្ពុជាទទួលបន្ទុកផ្នែកបណ្តុះបណ្តាលនិងស្រាវជ្រាវ។
RAC Media
