ព័ត៌មាន
ក្រុមវិស្វកម្មសម្តេច តេជោ ហ៊ុន សែន បានចុះសិក្សាទិន្នន័យលម្អិត ពិភាក្សាជាមួយក្រុមការងារឧទ្យាន ហើយនឹងបន្តចុះទៅតាមភូមិសាស្ត្រព័ន្ធជុំវិញ ដើម្បីមើលប្រភពទឹកហូរនិងផ្លូវឆ្លងកាត់ ដើម្បីកសាងស្ពាន ឬដាក់លូ និងកសាងផ្លូវក្នុងពេលឆាប់ៗនេះ។
ការកសាងផ្លូវនេះជាផ្នែកមួយដ៏សំខាន់នៃការអភិរក្សធនធានធម្មជាតិ និងកេរដំណែលវប្បធម៌ដែលមាននៅក្នុងឧទ្យាន។ សូមអរគុណ ដល់សម្តេចនាយករដ្ឋមន្ត្រី ដែលបានផ្តល់គោលការណ៍កាលពីថ្ងៃទី១៨ ខែឧសភា ឆ្នាំ២០១៨ ក្នុងពិធីដាំកូនឈើនៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប។
សូមបញ្ជាក់ថា ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ស្ថិតនៅក្នុងឃុំឆែបពីរ ស្រុកឆែប ខេត្តព្រះវិហារ បង្កើតឡើងក្នុងខែមេសា ឆ្នាំ២០១៤ មានទំហំ ១១ ៤៣៥ ហិកតា ដែលពោពេញទៅដោយ ព្រៃឈើ សត្វព្រៃ និងឡស្លដែកបុរាណមានអាយុកាល១០០០ឆ្នាំ ហើយនិងទំនៀមទម្លាប់ជនជាតិកួយដែលមាននៅទីនោះ។
RAC Media
ប្រភព៖ រូបថត គេហទំព័រហ្វេសប៊ុក សម្តេច នាយករដ្ឋមន្ត្រី ហ៊ុន សែន
