រាជបណ្ឌិត្យសភាកម្ពុជា

ដោយ៖ លោក ខែក វីរៈ

កិច្ចព្រមព្រៀង ស្តីពីការអនុវត្តនៃមជ្ឈមណ្ឌលសិក្សាស្រាវជ្រាវអាស៊ី នៃរាជបណ្ឌិត្យសភាកម្ពុជា ដែលបានបង្កើតឡើងនៅថ្ងៃទី ១១ ខែធ្នូ ឆ្នាំ ២០០៤។ ជំនួបរវាងភាគីទាំងពីរ ​បានជួបនិងចុះអនុស្សរណៈ​យោគយល់គ្នា កាលពីថ្ងៃទី១៩ ខែធ្នុ ម្សិលម៉ិញនេះ ដែលបានព្រមព្រៀងលើចំណុចដូចខាងក្រោម៖ 

១. កិច្ចព្រមព្រៀងដែលបានធ្វើឡើងកាលពីថ្ងៃទី១១ ខែធ្នូ ឆ្នាំ ២០០៤ ហើយត្រូវបានបន្ត និងធ្វើឱ្យមានប្រសិទ្ធភាពឡើងវិញចាប់ពីថ្ងៃទី១១ខែធ្នូ ឆ្នាំ ២០១៦ នៅពេលនេះត្រូវបានបន្តសុពលភាពរហូតដល់ថ្ងៃទី៣១ ខែធ្នូ ឆ្នាំ ២០១៩។ 

២. នៅកំឡុងពេលនៃការអនុវត្តកិច្ចព្រមព្រៀងដែលបានលើកឡើងខាងលើ មូលនិធិកូរ៉េសម្រាប់ការសិក្សាជាន់ខ្ពស់ នឹងផ្តល់ថវិកាសម្រាប់ការអនុវត្តគោលដៅរបស់មជ្ឈមណ្ឌលសិក្សាស្រាវជ្រាវអាស៊ី នៃរាជបណ្ឌិត្យសភាកម្ពុជា។ 

៣. មូលនិធិកូរ៉េសម្រាប់ការសិក្សាជាន់ខ្ពស់ នឹងផ្តល់ថវិកាគាំទ្ររហូតដល់ ៨០,០០០ USD (ប្រាំបីម៉ឺនដុល្លាអាមេរិក) ជាថវិកាប្រចាំឆ្នាំសម្រាប់មជ្ឈមណ្ឌល។ ថវិកាសម្រាប់កម្មវិធីផ្លាស់ប្តូរអ្នកសិក្សាស្រាវជ្រាវ នឹងត្រូវបានអនុវត្តដោយឡែក។ 

៤. មជ្ឈមណ្ឌលសិក្សាស្រាវជ្រាវអាស៊ី នៃរាជបណ្ឌិត្យសភាកម្ពុជា នឹងធ្វើរបាយការណ៍ហិរញ្ញវត្ថុ របាយការណ៍រដ្ឋបាល និងរបាយការណ៍ស្រាវជ្រាវប្រចាំឆ្នាំ ដាក់ទៅមូលនិធិកូរ៉េសម្រាប់ការសិក្សាជាន់ខ្ពស់។

ក្រៅពីរបៀបវារៈដែលបានលើកឡើងខាងលើ លក្ខខណ្ឌ និងកិច្ចសន្យាជាលាយលក្ខអក្សរ ដែលបានធ្វើឡើងក្នុងកិច្ចព្រមព្រៀងកាលពីថ្ងៃទី១១ខែធ្នូ ឆ្នាំ២០០៤ នឹងនៅតែមានសុពលភាពរហូតដល់មានការពិនិត្យការកែប្រែឡើងវិញ។ ភាគីទាំងពីរបានធ្វើកិច្ចព្រមព្រៀងនេះជាពីរច្បាប់ ដោយមានការចុះហត្ថលេខាទទួលស្គាល់ពីភាគីទាំងសងខាង។

RAC Media