ព័ត៌មាន

វិទ្យាស្ថានខុងជឺនៃរាជបណ្ឌិត្យសភាកម្ពុជានិងស្ថានទូតចិនប្រចាំកម្ពុជា រៀបចំកម្មវិធីប្រកួតចម្រៀងចិន «ពាន់រង្វាន់ឯកអគ្គរដ្ឋទូត» ឆ្នាំ២០២៤

2024-11-14 02:36:19 ថ្ងៃព្រហស្បតិ៍, 14 វិច្ឆិកា 2024 ម៉ោង 09:36 AM
អ្នកមើល 10137
post_detail1

(រាជបណ្ឌិត្យសភាកម្ពុជា)៖ នៅថ្ងៃពុធ ១៣ កើត ខែកត្ដិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៤ វេលាម៉ោង ០៣:០០ នាទីរសៀល មានការរៀបចំនូវ កម្មវិធីប្រកួតចម្រៀងចិន «ពាន់រង្វាន់ឯកអគ្គរដ្ឋទូត» ប្រចាំព្រះរាជាណាចក្រកម្ពុជា ឆ្នាំ២០២៤ ដែលប្រព្រឹត្តទៅក្រោមអធិបតីភាពរបស់ឯកឧត្ដម Wang Webin  ឯកអគ្គរដ្ឋទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា និងឯកឧត្ដមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។

កម្មវិធីប្រកួតចម្រៀងចិន «ពាន់រង្វាន់ឯកអគ្គរដ្ឋទូត» ប្រចាំព្រះរាជាណាចក្រកម្ពុជា ឆ្នាំ២០២៤ មានការអញ្ជើញផ្ដល់កិត្តិយសថ្លែងសុន្ទរកថាស្វាគមន៍ដោយឯកឧត្ដមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា និងទទួលបានការអញ្ជើញថ្លែងសុន្ទរកថគន្លឹះដោយ ឯកឧត្ដម វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា ព្រមទាំងទទួលបានកិត្តិយសអញ្ជើញថ្លែងសុន្ទរកថាបើកដោយ ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាអនុប្រធានក្រុមប្រឹក្សាបណ្ឌិតសភាចារ្យនៃរាជបណ្ឌិត្យសភាកម្ពុជា។

អញ្ជើញថ្លែងសុន្ទរកថាស្វាគមន៍ នៅក្នុងកម្មវិធីនេះ ឯកឧត្ដមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា បានគូសបញ្ជាក់ថា ខ្លឹមសារនៃបទចម្រៀងប្រកួតទាំងអស់ សុទ្ធតែបង្កប់នូវមនោសញ្ចេតនានិងក្តីសុបិន្ត និងជាការឆ្លុះបញ្ចាំងពីការធ្វើពិពិធកម្មវប្បធម៌នៃកម្ពុជា-ចិនផងដែរ ដែលជាចំណុចសំខាន់នៃការផ្លាស់ប្ដូររបស់ប្រទេសយើងទាំងពីរ។ ឯកឧត្ដមបណ្ឌិតបានលើកឡើងនូវសុភាសិតមួយឃ្លាដែលបានពោលថា «មិត្តភាពប្រៀបបានដូចដើមឈើ ជួយបាំងខ្យល់បាំងភ្លៀង។ មិត្តភាពប្រៀបបានដូចទន្លេ តែងតែស្រោចស្រពដល់ដួងចិត្តយើងទាំងអស់គ្នា»។  ឯកឧត្ដមបានជូនពរឱ្យដើមឈើនៃមិត្តភាពកម្ពុជា-ចិននៅតែបន្ដរឹងមាំដូចដើមឈើនិងនៅតែបន្ដហូរមិនចេះរីងស្ងួចដូចទឹកទន្លេ។ តាមរយៈនេះ យើងនឹងប្រកៀកស្នាគ្នា រួមចំណែកទាំងកម្លាំងកាយនិងស្មារតីក្នុងការកសាងសហគមន៍ជោគវាសនារួមគ្នា កម្ពុជា-ចិន។

ឯកឧត្ដម វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា បានមានប្រសាសន៍លើកឡើងថា ក្នុងឱកាសពិធីបុណ្យអុំទូកនាពេលខាងមុខនេះ ឯកឧត្ដមពិតជាមានសេចក្ដីសោមនស្សយ៉ាងក្រៃលែង ដែលបានចូលរួមជាអធិបតីនៅក្នុងកម្មវិធីប្រកួតចម្រៀងចិន «ពានរង្វាន់ឯកអគ្គរដ្ឋទូត» នាឱកាសនេះ។ ឯកឧត្ដមបានបន្តថា ឆ្នាំនេះ ជាខួបទី៦៦ឆ្នាំ នៃការភ្ជាប់ទំនាក់ទំនងប្រទេសទាំងពីរ និងជាឆ្នាំនៃការផ្លាស់ប្ដូរប្រជាជននិងប្រជាជន ដែលប្រទេសទាំងពីរកន្លងមកបានគាំទ្រគ្នាទៅវិញទៅមក នៅក្នុងអត្ថន័យមិត្តភាពដែកថែប។ ការជំរុញការផ្លាស់ប្ដូរវប្បធម៌នៃប្រទេសទាំងពីរគឺពិតជាសំខាន់ណាស់ ហើយមានសន្និសីទខេត្ត-ក្រុងមេត្រីភាព កម្ពុជា-ចិន ដែលត្រូវបានរៀបចំឡើងនៅខេត្តសៀមរាប និងកម្មវិធីប្រកួតចម្រៀងចិន «ពានរង្វាន់ឯកអគ្គរដ្ឋទូត»នាឱកាសនេះ។ ឯកឧត្ដមបានបន្ថែមថា ភាសាជាស្ពាន ដើម្បីជំរុញការស្គាល់គ្នា ភាសាគឺជាកម្លាំងចលករដ៏សំខាន់ជំរុញកិច្ចសហប្រតិបត្តិ ហើយភាសាក៏ជាកម្លាំងចលករដ៏សំខាន់នៅក្នុងការជំរុញការស្គាល់នូវអារ្យធម៌ ហើយយើងនឹងជំរុញឱ្យប្រជាជនចិនរៀនភាសាខ្មែរឱ្យបានកាន់តែច្រើន។ ជាមួយនឹងការបង្ហាញក្ដីសង្ឃឹមថា នាពេលខាងមុខ ប្រជាជនចិននឹងចេះភាសាខ្មែរ ហើយប្រជាជនខ្មែរនឹងចេះភាសាចិនកាន់តែច្រើន ជួយយកអាសារ គោរពគ្នាទៅវិញទៅមកឱ្យកាន់តែធំធេង ឯកឧត្ដមសង្ឃឹមថា អ្នកចូលរួមនឹងជំរុញការតភ្ជាប់វប្បធម៌នៃប្រទេសទាំងពីរ ជំរុញកិច្ចសហប្រតិបត្តិការ និងទំនាក់ទំនងប្រទេសទាំងពីរ។

ឯកឧត្ដមបណ្ឌិតសភាចារ្យ ហង់ជួន ណារ៉ុន បានគូសបញ្ជាក់ថា ឯកឧត្ដមពិតជាមានក្ដីសោមនស្ស រំភើបរីករាយ ក្នុងការចូលរួមកម្មវិធីប្រកួតចម្រៀងចិន «ពានរង្វាន់ឯកអគ្គរដ្ឋទូត» ឆ្នាំ២០២៤ ដើម្បីប្រារព្ធឆ្នាំផ្លាស់ប្ដូរប្រជាជនកម្ពុជា-ចិន និងការជំរុញកិច្ចសហប្រតិបត្តិការវិស័យអប់រំរវាងកម្ពុជានិងចិន។ ឯកឧត្ដមបណ្ឌិតសភាចារ្យជឿជាក់ថា ការរៀបចំកម្មវិធីប្រកួតចម្រៀងចិន «ពានរង្វាន់ឯកអគ្គរដ្ឋទូត» គឺជាកម្លាំងចលករមួយដ៏សំខាន់ នៅក្នុងការលើកកម្ពស់ការសិក្សាចិននៅកម្ពុជា និងការផ្លាស់ប្ដូរវប្បធម៌នៃប្រទេសទាំងពីរ ឈានទៅកសាងធនធានយុវជននៃប្រទេសទាំងពីរ ដើម្បីលើកកម្ពស់ទំនាក់ទំនងនៃប្រទេសទាំងពីរ កាន់តែប្រសើរឡើងជាបន្តបន្ទាប់ជាប្រវត្តិសាស្ត្រ។

គួរបញ្ជាក់ផងដែរថា កម្មវិធីប្រកួតចម្រៀងចិន «ពាន់រង្វាន់ឯកអគ្គរដ្ឋទូត» ប្រចាំព្រះរាជាណាចក្រកម្ពុជា ឆ្នាំ២០២៤ នៅក្នុងវគ្គផ្ដាច់ព្រ័ត្រនេះ បេក្ខជនចំនួន១៦រូប បានចូលរួមប្រកួតប្រជែង ដើម្បីក្លាយជាជ័យលាភីលេខមួយ លេខពីរ និងជ័យលាភីលេខ៣ ដែលកម្មវិធីនេះ មានអ្នកចូលរួមទស្សនាប្រមាណជា៥០០នាក់។ ជាលទ្ធផល បេក្ខជនដែលទទួលបានចំណាត់ថ្នាក់លេខ១គឺ កញ្ញា ម៉ា លីនណា ដែលច្រៀងបទចម្រៀងក្រោមចំណងជើងថា "វដ្ដរង្វង់នៃពេលវេលា" ចំណែកបេក្ខជនទទួលបានចំណាត់ថ្នាក់លេខ២មាន២រូបគឺ កញ្ញា រស់ សុផារីយ៉ា និងកញ្ញា ជាវ ម៉េងគីម រីឯជ័យលាភីចំណាត់ថ្នាក់លេខ៣ មាន៣រូបគឺ កញ្ញា ភាន់ សុដារីយ៉ា កញ្ញ ធារស្មីបញ្ញា និងលោក យឹប សុខហេង៕

RAC Media | លឹម សុវណ្ណរិទ្ធ នាយកដ្ឋានទំនាក់ទំនងសាធារណៈ និងពិធីការ

post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail
post_detail

អត្ថបទទាក់ទង

បណ្ឌិត យង់ ពៅ៖ កម្ពុជាត្រូវប្រើយន្តការ ICJ ដើម្បីការពារអធិបតេយ្យភាពជាតិ និងបញ្ចប់ចេតនាទុច្ចរឹតដែលថៃតែងតែប្រើផែនទីឯកតោភាគីដើម្បីឈ្លានពានទឹកដីកម្ពុជា

ជាថ្មីម្ដងទៀត នៅក្នុងសមាជលើកទីមួយរវាងរដ្ឋសភានិងព្រឹទ្ធសភា ប្រមុខរាជរដ្ឋាភិបាលកម្ពុជាបានបង្ហាញឆន្ទៈយ៉ាងច្បាស់លាស់ នៅក្នុងការដោះស្រាយបញ្ហាព្រំដែនជាមួយនឹងប្រទេសថៃ នៅត្រង់ចំណុចប្រាសាទតាមាន់តូច ប្រាសាទតាមា...

2025-06-04 06:53:40   ថ្ងៃពុធ, 04 មិថុនា 2025 ម៉ោង 01:53 PM
បណ្ឌិត យង់ ពៅ៖ កម្ពុជាពិតជាត្រូវការប្រើប្រាស់យន្តការផ្លូវច្បាប់ ការទូត និងយោធា ដើម្បីបញ្ចប់មហិច្ឆតារំលោភអធិបតេយ្យភាពពីអ្នកនយោបាយជ្រុលនិយម និងយោធានិយមរបស់ថៃ

ពាក់ព័ន្ធនឹងការរំលោភអធិបតេយ្យភាពកម្ពុជា ពីសំណាក់ប្រទេសថៃ ជាបន្តបន្ទាប់តាំងពីអតីតកាល​រហូតមកដល់ពេលថ្មីៗនេះ បានបង្ហាញឱ្យឃើញថា មិនខុសពីសៀមនោះទេ ពិសេសអ្នកនយោបាយជាតិនិយមនិងយោធានិយមថៃ នៅតែបន្តចេតនាទុច្ចរឹតរប...

2025-06-02 09:13:20   ថ្ងៃចន្ទ, 02 មិថុនា 2025 ម៉ោង 04:13 PM
បណ្ឌិត យង់ ពៅ៖ កម្ពុជាត្រូវតែបន្តពង្រឹងសមត្ថភាពជាតិ និងអភិវឌ្ឍសមត្ថភាពយោធាដើម្បីការពារអធិបតេយ្យភាពជាតិកម្ពុជា

រូបថតបណ្ឌិត យង់ ពៅ នៅថ្ងៃទី២៩ ខែកក្កដា ឆ្នាំ២០០៨ នៅផ្សារជើងប្រាសាទព្រះវិហារ ដែលក្រោយមកត្រូវទាហាថៃបាញ់ដុតកម្ទេច ហេតុការណ៍ឈ្លានពាន និងបាញ់ប្រហារពីសំណាក់កងទ័ពថៃមកលើកងទ័ពកម្ពុជា នៅព្រឹកថ្ងៃទី២៨ ខែឧសភា ឆ្...

2025-05-30 10:10:01   ថ្ងៃសុក្រ, 30 ឧសភា 2025 ម៉ោង 05:10 PM
បណ្ឌិត យង់ ពៅ៖ ផ្អែកលើច្បាប់អន្តរជាតិ និងប្រវត្តិសាស្ត្រ តំបន់មុំ៣នៃព្រំដែនកម្ពុជា-ថៃ មិនមានតំបន់សទេ ហើយមជ្ឈដ្ឋាននយោបាយថៃមិនគួរបន្តយកបញ្ហាព្រំដែន បង្កើតជារបៀបវារៈនយោបាយឡើយ

នៅព្រឹកព្រលឹមថ្ងៃទី២៨ ខែឧសភា ឆ្នាំ២០២៥ កងទ័ពកម្ពុជា-ថៃ បានប៉ះទង្គិចអាវុធ​គ្នានៅព្រឹកថ្ងៃទី២៨ ខែឧសភា ឆ្នាំ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ដែលកងទ័ពថៃបានធ្វើការបាញ់ប្រហារមុនមកល...

2025-05-28 11:04:44   ថ្ងៃពុធ, 28 ឧសភា 2025 ម៉ោង 06:04 PM
ករណីចាប់ជនល្មើសមិនបាន ត្រូវតែទទួលវិន័យទើបត្រឹមត្រូវ មិនគួរនិយាយពីការផ្ដល់រង្វាន់ដល់សមត្ថកិច្ចចាប់ចោរបាននោះទេ

​ពាក់ព័ន្ធនឹងករណីចោរកម្មដែលមួយរយៈពេលចុងក្រោយនេះ ហាក់មានការកក្រើកខ្លាំង ដែលមហាជនបានដាក់ជាចម្ងល់ ក៏ដូចជាមានការចោទសួរពីសំណាក់អ្នកសារព័ត៌មាន លោកបណ្ឌិត យង់ ពៅ អ្នកវិភាគសង្គមនិងនយោបាយ បានគូសបញ្ជាក់ថា ចំពោះក...

2025-05-23 09:42:29   ថ្ងៃសុក្រ, 23 ឧសភា 2025 ម៉ោង 04:42 PM
Preserving the Old Airport for Public Benefit Is Worth Celebrating both in terms of Historical Value and Concluding its Future Connection to Political Matter

  In response to a journalist's question about Samdech BovorThibadei Prime Minister's announcement regarding the preservation of the Pochentong International Airport as state...

2025-05-21 05:22:46   ថ្ងៃពុធ, 21 ឧសភា 2025 ម៉ោង 12:22 PM

សេចក្តីប្រកាស

សេចក្តីជូនដំណឹងស្តីពីការដាក់ឱ្យដេញថ្លៃជាសាធារណៈ (លើកទី២) ការផ្គត់ផ្គង់ប្រេងឥន្ធនៈប្រចាំឆ្នាំ២០២៥

 ចុចមើល
2025-02-26 03:55:04   ថ្ងៃពុធ, 26 កុម្ភៈ 2025 ម៉ោង 10:55 AM

សេចក្ដីជូនដំណឹង ស្តីពី"ការអញ្ជើញចូលរួមដេញថ្លៃ ការផ្គត់ផ្គង់ប្រេងឥន្ធនៈប្រចាំឆ្នាំ២០២៤ សម្រាប់ជរាជបណ្...

 ចុចមើល
2024-04-08 07:35:30   ថ្ងៃចន្ទ, 08 មេសា 2024 ម៉ោង 02:35 PM

សេចក្ដីជូនដំណឹង ស្តីពីការ ចូលរួមដេញថ្លៃ ផ្គត់ផ្គង់សម្ភារៈអេឡិចត្រូនិកសម្រាប់រាជបណ្ឌិត្យសភាកម្ពុជា ចា...

 ចុចមើល
2023-06-02 14:21:24   ថ្ងៃសុក្រ, 02 មិថុនា 2023 ម៉ោង 09:21 PM

វគ្គថ្មី! បណ្តុះបណ្តាលបច្ចេកទេសនិងវិជ្ជាជីវៈ ជំនាញចុងភៅនៅរាជបណ្ឌិត្យសភាកម្ពុជា ចាប់ពីថ្ងៃទី៤ និង ទី៦...

 ចុចមើល
2023-01-31 03:35:34   ថ្ងៃអង្គារ, 31 មករា 2023 ម៉ោង 10:35 AM

សេចក្ដីជូនដំណឹងពីការរៀបចំដេញថ្លៃផ្គត់ផ្គង់គ្រឿងអេឡិចត្រូនិក នៅរាជបណ្ឌិត្យសភាកម្ពុជា។ កាលបរិច្ឆេទឈ...

 ចុចមើល
2022-09-14 07:59:09   ថ្ងៃពុធ, 14 កញ្ញា 2022 ម៉ោង 02:59 PM

សេចក្ដីជូនដំណឹងពីការរៀបចំទទួលពាក្យដេញថ្លៃផ្គត់ផ្គង់សម្ភារៈសង្ហារឹម នៅរាជបណ្ឌិត្យសភាកម្ពុជា កាលបរិ...

 ចុចមើល
2022-09-14 07:58:12   ថ្ងៃពុធ, 14 កញ្ញា 2022 ម៉ោង 02:58 PM

វគ្គសិក្សាថ្មី សម្រាប់ឆ្នាំសិក្សាថ្មី ឆ្នាំ២០២២-២០២៣ ! សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់ប...

 ចុចមើល
2022-08-22 08:11:47   ថ្ងៃចន្ទ, 22 សីហា 2022 ម៉ោង 03:11 PM

កម្មវិធីតុមូល ស្ដីពី «ធនធានមនុស្ស គឺជាឆ្អឹងខ្នងនៃការអភិវឌ្ឍសង្គមជាតិ» សាលមហោស្រពខេមរវិទូ អគារខេមរវ...

 ចុចមើល
2022-08-03 11:15:00   ថ្ងៃពុធ, 03 សីហា 2022 ម៉ោង 06:15 PM

កិច្ចពិភាក្សាតុមូល ស្ដីពី «ធនធានមនុស្សគឺជាឆ្អឹងខ្នងនៃការអភិវឌ្ឍសង្គមជាតិ» នៅព្រឹក ថ្ងៃទី៤ ខែសីហា ឆ្ន...

 ចុចមើល
2022-07-20 02:42:35   ថ្ងៃពុធ, 20 កក្កដា 2022 ម៉ោង 09:42 AM

សេចក្តីជូនដំណឹងស្តីពី ការអញ្ជើញចូលរួមដេញថ្លៃការផ្គត់ផ្គង់ប្រេងឥន្ទនៈសម្រាប់ឆ្នាំ២០២២ សម្រាប់រាជបណ្ឌិ...

 ចុចមើល
2022-03-02 05:01:03   ថ្ងៃពុធ, 02 មីនា 2022 ម៉ោង 12:01 PM

សេចក្តីជូនដំណឹងស្តីពី ការអញ្ជើញចូលរួមដេញថ្លៃ ការបោះពុម្ភព្រឹត្តិបត្រលេខ១២ សទ្ទានុក្រមភាសាវិទ្យា សទ្ទ...

 ចុចមើល
2021-08-31 13:46:01   ថ្ងៃអង្គារ, 31 សីហា 2021 ម៉ោង 08:46 PM

សេចក្តីជូនដំណឹងស្តីពីការអញ្ជើញចូលរួមដេញថ្លៃសម្រាប់ការផ្គត់ផ្គង់ប្រេងឥន្ធនៈឆមាសទី១ ឆ្នាំ២០២១របស់រាជបណ...

 ចុចមើល
2021-02-26 08:46:19   ថ្ងៃសុក្រ, 26 កុម្ភៈ 2021 ម៉ោង 03:46 PM