ព័ត៌មាន

«ការសិក្សាប្លង់មេអភិវឌ្ឍឧទ្យានឫស្សីត្រឹប»

ថ្ងៃចន្ទ, 02 កក្កដា 2018 ម៉ោង 11:16 PM

អ្នកមើល 16693

ដោយមានកិច្ចសហការរវាងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប នៃរាជបណ្ឌិត្យសភាកម្ពុជា ជាមួយនឹងវិទ្យាស្ថានបរិស្ថានកូរ៉េ (KEI) សិក្ខាសាលាពិគ្រោះយោបល់ស្តីពី «ការសិក្សាបឋមដើម្បីរៀបចំផែនការមេក្នុងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប» បានរៀបចំឡើងនៅសណ្ឋាគារ Green Palace កាលពីព្រឹកម៉ិញនេះ។

ឯកឧត្តមបណ្ឌិតសភាចារ្យ សុខ ទូច បានលើកឡើងពីការបង្កើតឧទ្យាន គុណតម្លៃធម្មជាតិ មរតកវប្បធម៌ និងជាតិពិន្ធុសាសន៍ និងបានរំលឹកឡើងពីសមិទ្ធផលមួយចំនួនដែលឧទ្យានសម្រេចបាន កន្លងមកនេះ រួមមាន៖

- ការបញ្ចប់ទាំងស្រុងនូវការឈូសឆាយដីដាំអំពៅចំនួន ៨៥៥ហិតា ពីក្រុមហ៊ុនចិនបានរំលោភយកទៅធ្វើអាជីវកម្មផ្ទាល់ខ្លួន និងយកមកដាក់ក្រោមការគ្រប់គ្រងរបស់ឧទ្យានឡើងវិញ។

- ការធ្វើអត្តសញ្ញាណកម្មក្បាលដីប្រជាពលរដ្ឋដែលមកតាំងទីលំនៅក្នុងឧទ្យាន ចំនួន ៣១ក្បាលដី និងដីអាស្រ័យផលចំនួន ២៨៤ក្បាលដី។

- ការកំណត់ព្រំសីមា និងបោះបង្គោលព្រំឧទ្យានបន្ថែមចំនួន៥០បង្គោល។

- ការជីកនិងស្តារត្រពាំងធំៗចំនួន ៦កន្លែងក្នុងបរិវេណឧទ្យានសម្រាប់ផ្តល់ជាទីអាស្រ័យរបស់សត្វព្រៃទាំងឡាយ។

- ការធ្វើផែនការដាំកូនឈើ១លានដើម ជាទិសដៅដែលរាជបណ្ឌិត្យសភាកម្ពុជា បានដាក់ចេញ ហើយខាងឧទ្យានបានសង់ថ្នាលបណ្តុះកូនឈើ ៣០×៥០ម. និងដាំបានកូនឈើចំនួន ១២.៥០០ដើមរួចមកហើយ។

- ក្រៅពីនោះយើងបានដាំស្មៅ សំណង់រោងគោដើម្បីត្រៀមចិញ្ចឹមគោសាច់ និងគោទឹកដោះនៅក្នុងឧទ្យានដែលជាចំណែកមួយនៃយុទ្ធសាស្ត្របង្កើតការងារជូនដល់ប្រជាពលរដ្ឋដែលរស់នៅជុំវិញឧទ្យាន។

ឯកឧត្តមបណ្ដិតសភាចារ្យក៏បានគូសបញ្ជាក់ពីចក្ខុវិស័យរបស់ឧទ្យានចំនួន៦ចំណុច៖

១- ប្រែក្លាយឧទ្យានទៅជាកន្លែងសិក្សាស្រាវជ្រាវ ដោយផ្សារភ្ជាប់នឹងការអនុវត្តជាក់ស្តែង។

២- ស្តារនិងបង្កើតគម្របព្រៃឈើឡើងវិញក្នុងផែនការរយៈពេល៦ឆ្នាំដោយដាំកូនឈើឱ្យបាន ១លានដើម។

៣- ប្រែក្លាយតំបន់ឧទ្យានទៅជាតំបន់ទេសចរណ៍បរិស្ថាន វប្បធម៌ និងសិប្បនិម្មិត។

៤- ប្រែក្លាយតំបន់នេះជាតំបន់កសាង និងផលិតឯកសារ។

៥- ប្រែក្លាយឧទ្យានឱ្យទៅជាសួនច្បារសម្រាប់យើងទាំងអស់គ្នា។

៦- កន្លែងផ្តល់ការងារជូនប្រជាជន និងអ្នកស្រាវជ្រាវ។

សូមបញ្ជាក់ថា ឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប មានទីតាំងនៅស្រុកឆែប នៃខេត្តព្រះវិហារ ជាតំបន់ដែលសំបូរដោយជីវចម្រុះជាច្រើនប្រភេទ ដែលត្រូវការរក្សាការពារ ពីការកាប់បំផ្លាញនិងការប្រម៉ាញ់សត្វព្រៃគ្រប់ប្រភេទ៕

ដោយលោក ស្រី សីហា | RAC Media

ការពិភាក្សាកំណត់ព្រំដីបន្ទាន់ពីវាស់វែងរួច

សកម្មភាពជីកស្រះក្នុងតំបន់ឧទ្យានសកម្មភាពចូលរួមដាំដើមឈើរបស់និស្សិតសាកលវិទ្យាល័យខេមរៈ និងវិទ្យាស្ថានខុងជឺ នៅឧទ្យានឫស្សីត្រឹប។

អត្ថបទទាក់ទង

ចំណងទំនាក់ទំនងកម្ពុជា-ចិន ៖ គំរូមិត្តភាពដែកថែប ដោយ៖បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា រាជបណ្ឌិត្យសភាកម្ពុជា

ឆ្នាំ២០២៣ ត្រូវបានកំណត់ជាឆ្នាំមិត្តភាពកម្ពុជា-ចិន ដើម្បីអបអរសាទរខួបលើកទី៦៥ នៃការបង្កើតទំនាក់ទំនងការទូតរវាងកម្ពុជា និងចិន ។ ក្នុងរយៈពេល៦៥ឆ្នាំនេះ ប្រទេសទាំងពីរបានលើកកម្ពស់ និងបីបាច់ថែរក្សាមិត្តភាព «ដ...

ថ្ងៃសៅរ៍, 11 កុម្ភៈ 2023 ម៉ោង 11:39 AM

«ពិធីចុះហត្ថលេខាលើកិច្ចព្រមព្រៀងសហប្រតិបត្តិការស្រាវជ្រាវរួម (MOA) រវាងរាជបណ្ឌិត្យសភាកម្ពុជា និងវិទ្យាស្ថានស្រាវជ្រាវនីតិសាស្ត្រកូរ៉េ (KLRI)»

នៅរសៀលថ្ងៃទី៩ ខែកុម្ភៈ ឆ្នាំ២០២៣ រាជបណ្ឌិត្យសភាកម្ពុជាបានចុះហត្ថលេខាលើកិច្ចព្រមព្រៀងសហប្រតិបត្តិការស្រាវជ្រាវរួម (MOA) រវាងរាជបណ្ឌិត្យសភាកម្ពុជា និងវិទ្យាស្ថានស្រាវជ្រាវនីតិសាស្ត្រកូរ៉េ (KLRI) ដោយផ្ត...

ថ្ងៃព្រហស្បតិ៍, 09 កុម្ភៈ 2023 ម៉ោង 04:48 PM

«ពិធីចុះហត្ថលេខាកំណត់ហេតុ នៃកិច្ចពិភាក្សារវាងរាជបណ្ឌិត្យសភាកម្ពុជា (RAC) ជាមួយក្រុមប្រឹក្សាស្រាវជ្រាវជាតិសម្រាប់ វិទ្យាសាស្ត្រសង្គម មនុស្សសាស្ត្រ និងសេដ្ឋកិច្ច នៃសាធារណរដ្ឋកូរ៉េ (NRC)»

ក្រោយពីបានបំពេញការងារលើកិច្ចការសន្ទនាកម្រិតបច្ចេកទេសអស់រយៈពេល២ថ្ងៃ កន្លងទៅ (ថ្ងៃទី៨ និងទី៩ ខែកម្ភៈ ឆ្នាំ២០២៣) នារសៀលថ្ងៃព្រហស្បតិ៍ ៤រោច ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៩ ខែកុម្ភៈ ឆ្នាំ...

ថ្ងៃព្រហស្បតិ៍, 09 កុម្ភៈ 2023 ម៉ោង 04:42 PM

Cambodia-China Relations, An Iron-clad Role Model for Inter-state Relations

To celebrate the 65th anniversary of the establishment of diplomatic ties between Cambodia and China, 2023 was designated the Year of Cambodia-China Friendship. Over 65 years, both countries have forg...

ថ្ងៃព្រហស្បតិ៍, 09 កុម្ភៈ 2023 ម៉ោង 11:25 AM

[English Below] «ជំនួបរវាងរាជបណ្ឌិត្យសភាកម្ពុជា និងសាកលវិទ្យាល័យឥណ្ឌូនេស៊ី Institut Teknologi Sepuluh Nopember»

នៅថ្ងៃទី៧ ខែកុម្ភៈ ឆ្នាំ២០២៣ វេលាម៉ោង ១៖៣០នាទីរសៀល រាជបណ្ឌិត្យសភាកម្ពុជាបានរៀបចំជំនួបមួយជាមួយនឹងសាកលវិទ្យាល័យឥណ្ឌូនេស៊ី Institut Teknologi Sepuluh Nopemberនៅអគារខេមរវិទូ (បន្ទប់ក្រវ៉ាន់) ក្រោមការដឹកនា...

ថ្ងៃអង្គារ, 07 កុម្ភៈ 2023 ម៉ោង 10:09 PM

បាឋកថាស្តីអំពី «សេចក្តីសង្ខេបពីការធ្វើជាប្រធានអាស៊ានរបស់កម្ពុជា៖ សមិទ្ធផល និងបញ្ហាប្រឈម (Briefing on Cambodia’s ASEAN Chairmanship 2022: Achievements and Challenges)»

នៅថ្ងៃសៅរ៍ ១៤កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៤ ខែកុម្ភៈ ឆ្នាំ២០២៣ វេលាម៉ោង៩៖០០នាទីព្រឹក នៅសាលទន្លេសាប (អគារខេមរវិទូ) មជ្ឈមណ្ឌលបណ្តុះបណ្តាលនិងស្រាវជ្រាវនៃអគ្គលេខាធិការដ្ឋាននៃរាជបណ្ឌិ...

ថ្ងៃសៅរ៍, 04 កុម្ភៈ 2023 ម៉ោង 01:20 PM

រាជបណ្ឌិត្យសភាកម្ពុជា

ព័ត៌មាន

«ការសិក្សាប្លង់មេអភិវឌ្ឍឧទ្យានឫស្សីត្រឹប»

អត្ថបទទាក់ទង

Cambodia-China Relations, An Iron-clad Role Model for Inter-state Relations

[English Below] «ជំនួបរវាងរាជបណ្ឌិត្យសភាកម្ពុជា និងសាកលវិទ្យាល័យឥណ្ឌូនេស៊ី Institut Teknologi Sepuluh Nopember»

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម