ព័ត៌មាន

កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយ

ថ្ងៃអង្គារ, 29 ឧសភា 2018 ម៉ោង 11:38 PM

អ្នកមើល 17302

កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយនៅថ្ងៃស្អែកនេះគឺ៖

ពេលព្រឹក៖ គណបក្សយុវជនកម្ពុជា Vs គណបក្សខ្មែររួបរួមជាតិ
ពេលរសៀល៖ គណបក្សខ្មែរតែមួយ Vs គណបក្សឆន្ទៈខ្មែរ

សាធារណជន អាចចូលរួមស្តាប់ដោយសេរី នៅរាជបណ្ឌិត្យសភាកម្ពុជា

សូមបញ្ជាក់ថា កម្មវិធីនេះ បានចាប់ដំណើរការមកតាំងពីថ្ងៃទី២៨ ខែឧសភា មកម្លេះ ដែលក្នុងពេលចាប់ផ្តើមនោះ រាជបណ្ឌិត្យសភាកម្ពុជា បានអញ្ជើញគណបក្សនយោបាយចំនួន២០ តែបានឆ្លើយតបចូលរួមត្រឹមតែ១៨គណបក្សនយោបាយប៉ុណ្ណោះ។ ការរៀបចំកម្មវិធីនេះឡើង រាជបណ្ឌិត្យសភាកម្ពុជា បានដើរតួនាទីយ៉ាងសំខាន់ជាអ្នកសម្របសម្រួល អញ្ជើញគណបក្សនយោបាយទាំង១៨គណបក្សនយោបាយ មកបង្ហាញជូនសាធារណជន អំពីកម្មវិធីនយោបាយសំខាន់ៗរបស់គណបក្សខ្លួននៅថ្ងៃទី២៨ ខែឧសភា កាលពីម្សិលម៉ិញនេះ។

តំណាងគណបក្សនយោបាយចូលរួមកម្មវិធីកិច្ចពិភាក្សាពីគោលនយោបាយបក្សនយោបាយ ថ្ងៃ២៨ ខែឧសភា ឆ្នាំ២០១៨

នៅថ្ងៃទី២៩ នេះ មានគណបក្សនយោបាយចំនួន ៤ហើយដែលបានចូលរួម បកស្រាយពីគោលនយោបាយអទិភាព បូករួមការសួរដេញដោយរវាងតំណាងគណបក្សនយោបាយ និងសាធារណជនដែលបានចូលរួមពេញមួយថ្ងៃនេះ គឺ៖

ពេលព្រឹក គណបក្សប្រជាធិបតេយ្យមូលដ្ឋាន ពិភាក្សាដេញដោយតទល់ជាមួយគណបក្សប្រជាជនកម្ពុជា នៅពេលព្រឹក។
ពេលរសៀល គណបក្សហ៊្វុនស៊ីនប៉ិច និង គណបក្សសញ្ជាតិកម្ពុជា បានក្លាយជាដៃគូពិភាក្សាដេញដោលគ្នាពីគោលនយោបាយរបស់គណបក្សខ្លួន។

តំណាងគណបក្សប្រជាជនកម្ពុជា (រូបឆ្វេង) និងតំណាងគណបក្សប្រជាធិបតេយ្យមូលដ្ឋាន (រូបស្តាំ)

តំណាងគណបក្សហ៊ុ្វនស៊ីនប៉ិច (រូបឆ្វេង) និងគណបក្សសញ្ជាតិកម្ពុជា (រូបស្តាំ)

សូមបញ្ជាក់ថា ការពិភាក្សាដេញដោលនេះ ត្រូវធ្វើឡើងដោយមានបង្ហាញជូនពីគោលនយោបាយគណបក្ស ពីយុទ្ធសាស្ត្រដើម្បីសម្រេចឱ្យបាននូវគោលនយោបាយដែលដាក់ចេញមក។ អ្វីដែលសំខាន់នោះគឺ ឯកឧត្តមបណ្ឌិតសភាចារ្យ សុខ ទូច ក្នុងនាមជាអ្នកសម្របសម្រួលដោយផ្ទាល់ បានផ្តល់ឱកាសឱ្យវាគ្មិនតំណាងគណបក្សនយោបាយនីមួយៗ បានសួរដេញដោលគ្នាអំពីការលើកឡើងផ្សេងៗ ក៏ដូចជាការផ្តល់ឱកាសជូនដល់សាធារណជនដែលបានអញ្ជើញមកស្តាប់ដោយផ្ទាល់។

នៅថ្ងៃបន្តបន្ទាប់មកទៀត គឺចាប់ពីថ្ងៃទី៣០ ខែឧសភា រហូតដល់ថ្ងៃទី៤ ខែមិថុនា គឺជាឱកាសដែលគណបក្សនយោបាយផ្សេងទៀតទាំង១៤គណបក្ស នឹងអញ្ជើញចូលរួមជជែកដេញដោលគ្នាតាមកាលវិភាគរៀងគ្នា (សូមពិនិត្យមើលកាលវិភាគ ក្នុងរូបភាពភ្ជាប់ស្រាប់)។ វេទិកានេះ គឺរៀបចំឡើងសម្រាប់សាធារណជនទូទៅដែលមានបំណងចង់ដឹងអំពីគោលនយោបាយរបស់គណបក្ស និងសម្រាប់អ្នកដែលតែងខ្វាយខ្វល់ ហើយត្រូវការសម្រេចចិត្តឱ្យច្បាស់សម្រាប់ថ្ងៃពិសេស ថ្ងៃបោះឆ្នោតថ្ងៃទី២៩ ខែកក្កដា ឆ្នាំ២០១៨ ខាងមុខនេះ។

ព័ត៌មាន និងរូបភាពដោយ ស៊ាង រ៉ូហ្សាត

RAC Media

អត្ថបទទាក់ទង

«កិច្ចប្រជុំប្រចាំខែរបស់វិទ្យាស្ថានជីវសាស្ត្រ វេជ្ជសាស្ត្រ និងកសិកម្ម»

នាព្រឹកថ្ងៃអង្គារ ៣កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៨ ខែមករា ឆ្នាំ២០១៩ វេលាម៉ោង ៩ និង៣០នាទីព្រឹក នៅសាលប្រជុំវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម នៃរាជបណ្ឌិត្យសភាកម្ពុជា ប...

ថ្ងៃអង្គារ, 08 មករា 2019 ម៉ោង 03:17 PM

«ថ្ងៃ៧ មករា មិនមែនជាថ្ងៃសម្រាប់តែគណបក្សប្រជាជនកម្ពុជានោះទេ‌»

ថ្ងៃ៧មករា ត្រូវបានដាក់បញ្ចូលជាថ្ងៃបុណ្យជាតិ ហើយក្រសួង ស្ថាប័នទាំងរដ្ឋនិងឯកជនទូទៅ ត្រូវបានអនុញ្ញាតឱ្យឈប់សម្រាក១ថ្ងៃ។ ថ្ងៃឈប់សម្រាកនេះ គឺសម្រាប់ប្រជាពលរដ្ឋខ្មែរគ្រប់គ្នា ថ្ងៃនេះ គឺមិនមែនសម្រាប់តែជាក...

ថ្ងៃចន្ទ, 07 មករា 2019 ម៉ោង 01:48 PM

«៥៦ឆ្នាំមុន ទង់ជាតិកម្ពុជាដំបូងបានបង្ហូតនៅលើប្រាសាទព្រះវិហារ៖ ៥ មករា ១៩៦៣ - ៥ មករា ២០១៩»

តាមការរំលឹកដល់អតីតកាលរបស់ឯកឧត្តមបណ្ឌិតសភាចារ្យ ស៊ន សំណាង បានឱ្យដឹងថា នៅថ្ងៃទី១៥ ខែមិថុនា ឆ្នាំ១៩៦២ កម្ពុជា បានទទួលជោគជ័យលើករណីប្រាសាទព្រះវិហារដែលបានប្តឹងផ្ដល់ជាមួយប្រទេសសៀម ដែលទន្ទ្រានកាន់កាប់ប...

ថ្ងៃសៅរ៍, 05 មករា 2019 ម៉ោង 12:48 AM

«លោកបណ្ឌិតសភាចារ្យ សុខ ទូច ជូនសារពន្យល់ដល់អ្នកវិភាគមួយចំនួន អំពីវិនិយោគចិននៅកម្ពុជា»

ភ្នំពេញ៖ បច្ចុប្បន្នក្នុងផ្នត់គំនិតប្រជាពលរដ្ឋកម្ពុជាភាគច្រើន មិនថាតែអ្នកនិយាយភាសាចិន ឬ ជាបញ្ញវន្តនោះទេ ច្រើនមានទស្សនបែបអវិជ្ជមាននៅពេលដែលវត្តមានជនជាតិចិន បានហូរចូលមកប្រទេសកម្ពុជា ក្នុងអំឡុងប៉ុន្មានឆ្...

ថ្ងៃសៅរ៍, 05 មករា 2019 ម៉ោង 12:18 AM

«បណ្ឌិតសភាចារ្យ សុខ ទូច៖ ដើម្បីមានឥទ្ធិពលលើប្រទេសមួយ មហាអំណាចត្រូវតែផ្ដល់គុណតម្លៃដល់ប្រទេសនោះឱ្យកាន់តែច្រើន» ដោយ៖ លឹម សុវណ្ណរិទ្ធ

ភ្នំពេញ៖ «ដើម្បីមានឥទ្ធិពលលើប្រទេសមួយ មហាអំណាចត្រូវតែផ្ដល់គុណតម្លៃដល់ប្រទេសនោះឱ្យកាន់តែច្រើន» នេះគឺជាប្រយោគមួយឃ្លាដែលទទួលបានការចាប់អារម្មណ៍ជាខ្លាំងនៅក្នុងអង្គបាឋកថាមួយ ស្ដីពី «រដ្ឋាភិបាលដើមស្រល់» ដែល...

ថ្ងៃសៅរ៍, 05 មករា 2019 ម៉ោង 05:13 PM

«បណ្ឌិតសភាចារ្យ សុខ ទូច៖ តើបញ្ហាសំរាម កែមួយជំនាន់ ឬ កែ៦ខែ!»

ការលើកឡើងនូវប្រសាសន៍ខាងលើនេះឡើង ខណៈដែលឯកឧត្តមសភាចារ្យ សុខ ទូច បានលើកយកបញ្ហាសំរាមដែលកំពុងក្លាយជាបញ្ហាឈឺក្បាលមួយនៅរាជធានីភ្នំពេញ ជាឧទាហរណ៍មួយក្នុងបទបង្ហាញក្នុងបាឋកថាស្តីពី«រដ្ឋាភិបាលដើមស...

ថ្ងៃសៅរ៍, 05 មករា 2019 ម៉ោង 02:42 PM

រាជបណ្ឌិត្យសភាកម្ពុជា

ព័ត៌មាន

កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយ

អត្ថបទទាក់ទង

«កិច្ចប្រជុំប្រចាំខែរបស់វិទ្យាស្ថានជីវសាស្ត្រ វេជ្ជសាស្ត្រ និងកសិកម្ម»

«ថ្ងៃ៧ មករា មិនមែនជាថ្ងៃសម្រាប់តែគណបក្សប្រជាជនកម្ពុជានោះទេ‌»

«៥៦ឆ្នាំមុន ទង់ជាតិកម្ពុជាដំបូងបានបង្ហូតនៅលើប្រាសាទព្រះវិហារ៖ ៥ មករា ១៩៦៣ - ៥ មករា ២០១៩»

«លោកបណ្ឌិតសភាចារ្យ សុខ ទូច ជូនសារពន្យល់ដល់អ្នកវិភាគមួយចំនួន អំពីវិនិយោគចិននៅកម្ពុជា»

«បណ្ឌិតសភាចារ្យ សុខ ទូច៖ តើបញ្ហាសំរាម កែមួយជំនាន់ ឬ កែ៦ខែ!»

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម