ព័ត៌មាន

«ពិធីបើកការដ្ឋានជីកប្រឡាយព្រំដីនៅឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប»

ថ្ងៃចន្ទ, 06 ឧសភា 2024 ម៉ោង 03:36 PM

អ្នកមើល 18673

(ខេត្តព្រះវិហារ)៖ កាលពីថ្ងៃទី៥ ខែឧសភា ឆ្នាំ២០២៤ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំថ្នាក់ដឹកនាំ និងមន្ត្រីរាជការនៃរាជបណ្ឌិត្យសភាកម្ពុជា ព្រមទាំងនិស្សិតថា្នក់បណ្ឌិតនៃរាជបណ្ឌិត្យសភាកម្ពុជា ចូលរួមពិធីបើកការដ្ឋានជីកប្រឡាយព្រំដីនៅឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប ដែលមានទីតាំងនៅក្នុងឃុំឆែប ១ និងឃុំឆែប២ ស្រុកឆែប ខេត្តព្រះវិហារ។

គួររំលឹកផងដែរថា នៅក្នុងឱកាសនេះផងដែរ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានគូសបញ្ជាក់និងសង្កត់ធ្ងន់អំពីសារៈប្រយោជន៍នៃការជីកប្រឡាយព្រំដីជំវិញឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ដែលខ្លឹមសារសង្ខេបដូចខាងក្រោម៖

ការជីកប្រឡាយព្រំដីមានទិដ្ឋភាពសំខាន់ៗចំនួន៧ដូចតទៅ៖

១. រក្សាព្រំដីនៃឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ដែលមានប្រវែងសរុប ៥២គីឡូម៉ែត

២. រក្សាប្រភពទឹកសម្រាប់ប្រើប្រាស់សម្រាប់ដំណាំ និងជាពិសេសសម្រាប់សត្វព្រៃទាំងឡាយដែលរស់នៅក្នុងឧទ្យាន

៣. អភិរក្សទីតាំងកេរ្ត៍ដំណែលប្រវត្តិសាស្រ្ត ដែលមានដូចជាទីតាំងឡស្លដែកសម័យអង្គរ និងសម្បត្តិវប្បធម៌អរូបីជាច្រើនទៀត

៤. អភិរក្សព្រៃឈើដែលនៅក្នុងឧទ្យានដើម្បីបរិស្ថាន និងជីវចំរុះទាំងអស់ដែលមាននៅក្នុងទីតាំងឧទ្យាន

៥. អភិរក្សសត្វព្រៃនានា ទាំងសត្វកម្រ ទាំងសត្វជិតផុតពូជ ដែលមានវត្តមាននៅឧទ្យាន

៦. បង្កើតជាទីតាំងទេសចរណ៍បរិស្ថាន ដើម្បីលើកទឹកចិត្តដល់ប្រជាពលរដ្ឋមូលដ្ឋានឱ្យចេះស្រឡាញ់បរិស្ថាន និងជាពិសេសបង្កើតឱកាសការងារនិងលើកស្ទួយជីវភាពប្រចាំថ្ងៃរបស់ពួកគាត់

៧. បន្សល់ទុកជាមេរៀននិងគម្រូប្រវត្តិសាស្រ្ត សម្រាប់កូនចៅជំនាន់ក្រោយឱ្យចេះស្រឡាញ់ព្រៃឈើនិងសត្វព្រៃ ជាពិសេសសម្បត្តិវប្បធម៌ជាតិ។

ជាការពិតណាស់ ស្មារតីនៃការជីកប្រឡាយព្រំដីនៅឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប នៅតែបន្ត។ ក្នុងន័យនេះ ប្រសិនជាឯកឧត្តម លោកជំទាវលោក លោកស្រី អ្នកនាង កញ្ញា បេក្ខជនបណ្ឌិត និងនិស្សិតទាំងអស់ ដែលមានបំណងចូលរួមចំណែកលើការអភិរក្សធនធានធម្មជាតិ សម្បត្តិវប្បធម៌ដ៏មានតម្លៃនៅក្នុងឧទ្យាន សូម ឯកឧត្តម លោកជំទាវលោក លោកស្រី អ្នកនាង កញ្ញា បេក្ខជនបណ្ឌិត និងនិស្សិតទាំងអស់ អញ្ជើញចូលរួមជាវិភាគទានតាមការគួរ ក្នុងការជីកប្រឡាយនេះដើម្បីគុណតម្លៃសម្រាប់ពេលបច្ចុប្បន្ននិងទៅថ្ងៃអនាគត តាមរយៈQR Codeនិង លេខកុងធនាគារខាងក្រោម។

តាមរយៈការចូលរួមវិភាគទានលើការជីកប្រឡាយព្រំដីដ៏សស្រាក់សស្រាំពីសំណាក់ឥស្សរជនជាន់ខ្ពស់ ថ្នាក់ដឹកនាំ មន្រ្តីរាជាការ បេក្ខជនបណ្ឌិត និស្សិត និងមហាជននេះ ពិតជាបានឆ្លុះបញ្ចាំងអំពីស្មារតីស្រឡាញ់យកចិត្តទុកដាក់លើបរិស្ថានរបស់ខេមរបុត្រ និងការួមសាមគ្គីដើម្បីសម្បត្តិធម្មជាតិនិងវប្បធម៌ សម្រាប់មនុស្សជាតិនាពេលបច្ចុប្បន្ននិងកូនចៅជំនាន់ក្រោយនៅថ្ងៃអនាគត។

សូមគោរពអរគុណ និងអរគុណ

អត្ថបទទាក់ទង

ឯកឧត្តមបណ្ឌិត យង់ ពៅ អញ្ជើញប្រគល់កូនឈើដល់រដ្ឋបាលឃុំអណ្ដូងពោធិ៍ ប្រគេនកូនឈើដល់វត្តហេមវន្តព្រះនិព្វាន និងដាំកូនឈើ នៅបឹងទំនប់ជីវភាព

(ខេត្តកំពង់ធំ)៖ នាព្រឹកថ្ងៃអាទិត្យ ១៣ កើត ខែជេស្ឋ ឆ្នាំម្សាញ់ សប្ដស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែមិថុនា ឆ្នាំ២០២៥ ឯកឧត្តមបណ្ឌិត យង់ ពៅ អនុប្រធានទី១ ក្រុមការងាររាជរដ្ឋាភិបាលចុះមូលដ្ឋានឃុំអណ្ដូងព...

ថ្ងៃអាទិត្យ, 08 មិថុនា 2025 ម៉ោង 01:04 PM

Why can’t two neighbouring Buddhist Kingdoms co-exist peacefully?

By Kin Phea, PhD Director General of the International Relations Institute of Cambodia Cambodia and Thailand are predominantly Buddhist neighbouring kingdoms that share deep historical, cult...

ថ្ងៃសៅរ៍, 07 មិថុនា 2025 ម៉ោង 09:33 PM

បណ្ឌិត យង់ ពៅ៖ កម្ពុជាត្រូវប្រើយន្តការ ICJ ដើម្បីការពារអធិបតេយ្យភាពជាតិ និងបញ្ចប់ចេតនាទុច្ចរឹតដែលថៃតែងតែប្រើផែនទីឯកតោភាគីដើម្បីឈ្លានពានទឹកដីកម្ពុជា

ជាថ្មីម្ដងទៀត នៅក្នុងសមាជលើកទីមួយរវាងរដ្ឋសភានិងព្រឹទ្ធសភា ប្រមុខរាជរដ្ឋាភិបាលកម្ពុជាបានបង្ហាញឆន្ទៈយ៉ាងច្បាស់លាស់ នៅក្នុងការដោះស្រាយបញ្ហាព្រំដែនជាមួយនឹងប្រទេសថៃ នៅត្រង់ចំណុចប្រាសាទតាមាន់តូច ប្រាសាទតាមា...

ថ្ងៃពុធ, 04 មិថុនា 2025 ម៉ោង 01:53 PM

បណ្ឌិត យង់ ពៅ៖ កម្ពុជាពិតជាត្រូវការប្រើប្រាស់យន្តការផ្លូវច្បាប់ ការទូត និងយោធា ដើម្បីបញ្ចប់មហិច្ឆតារំលោភអធិបតេយ្យភាពពីអ្នកនយោបាយជ្រុលនិយម និងយោធានិយមរបស់ថៃ

ពាក់ព័ន្ធនឹងការរំលោភអធិបតេយ្យភាពកម្ពុជា ពីសំណាក់ប្រទេសថៃ ជាបន្តបន្ទាប់តាំងពីអតីតកាលរហូតមកដល់ពេលថ្មីៗនេះ បានបង្ហាញឱ្យឃើញថា មិនខុសពីសៀមនោះទេ ពិសេសអ្នកនយោបាយជាតិនិយមនិងយោធានិយមថៃ នៅតែបន្តចេតនាទុច្ចរឹតរប...

ថ្ងៃចន្ទ, 02 មិថុនា 2025 ម៉ោង 04:13 PM

បណ្ឌិត យង់ ពៅ៖ កម្ពុជាត្រូវតែបន្តពង្រឹងសមត្ថភាពជាតិ និងអភិវឌ្ឍសមត្ថភាពយោធាដើម្បីការពារអធិបតេយ្យភាពជាតិកម្ពុជា

រូបថតបណ្ឌិត យង់ ពៅ នៅថ្ងៃទី២៩ ខែកក្កដា ឆ្នាំ២០០៨ នៅផ្សារជើងប្រាសាទព្រះវិហារ ដែលក្រោយមកត្រូវទាហាថៃបាញ់ដុតកម្ទេច ហេតុការណ៍ឈ្លានពាន និងបាញ់ប្រហារពីសំណាក់កងទ័ពថៃមកលើកងទ័ពកម្ពុជា នៅព្រឹកថ្ងៃទី២៨ ខែឧសភា ឆ្...

ថ្ងៃសុក្រ, 30 ឧសភា 2025 ម៉ោង 05:10 PM

បណ្ឌិត យង់ ពៅ៖ ផ្អែកលើច្បាប់អន្តរជាតិ និងប្រវត្តិសាស្ត្រ តំបន់មុំ៣នៃព្រំដែនកម្ពុជា-ថៃ មិនមានតំបន់សទេ ហើយមជ្ឈដ្ឋាននយោបាយថៃមិនគួរបន្តយកបញ្ហាព្រំដែន បង្កើតជារបៀបវារៈនយោបាយឡើយ

នៅព្រឹកព្រលឹមថ្ងៃទី២៨ ខែឧសភា ឆ្នាំ២០២៥ កងទ័ពកម្ពុជា-ថៃ បានប៉ះទង្គិចអាវុធគ្នានៅព្រឹកថ្ងៃទី២៨ ខែឧសភា ឆ្នាំ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ដែលកងទ័ពថៃបានធ្វើការបាញ់ប្រហារមុនមកល...