ព័ត៌មាន

«សាកលវិទ្យាល័យវ៉ាសេដា Waseda ប្រទេសជប៉ុន មានបំណងក្នុងការសហការជាមួយរាជបណ្ឌិត្យសភាកម្ពុជា»

2020-12-28 10:50:22 ថ្ងៃច័ន្ទ, 28 ធ្នូ 2020, 10:50 AM
post_detail

នារសៀលថ្ងៃចន្ទ ទី២៨ ខែធ្នូ ឆ្នា២០២០ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានទទួលជួបពិភាក្សាការងារជាមួយ លោកបណ្ឌិត តាបាតា (Dr. Yukitsugu TABATA) ដែលលោកជា ប្រធានវិទ្យាស្ថានបេតិកភណ្ឌវប្បធម៌ នៃសាកលវិទ្យាល័យវ៉ាសេដា Waseda, ប្រទេសជប៉ុន។

នៅក្នុងជំនួបនោះ លោកបណ្ឌិត តាបាតា មានប្រសាសន៍ថា លោកមានសេចក្តីរីករាយ ក្នុងការធ្វើកិច្ចសហការជាមួយរាជបណ្ឌិត្យសភាកម្ពុជាដែលជាស្ថាប័នកំពូលមួយរបស់កម្ពុជា ដែលផ្តោតជាសំខាន់លើការស្រាវជ្រាវនិងបណ្តុះបណ្តាល ហើយលោកបានបន្តថា សកម្មភាពនេះជាការរួមចំណែកមួយក្នុងបង្កើននៃការរឹតចំណងរវាងស្ថាប័នសិក្សានិងស្រាវជ្រាវនៃប្រទេសទាំងពីរគឺកម្ពុជា ជប៉ុន ។

ជាងនេះទៅទៀត លោកក៏មានគោលបំណង ធ្វើកិច្ចសហការណ៍បែបគរុសភាជាមួយរាជបណ្ឌិត្យសភាកម្ពុជា ដែលរួមមានការសិក្សាស្រាវជ្រាវលើវិស័យបុរាណវត្ថុវិទ្យា, ប្រវត្តិសាស្ត្រ, គ្រប់គ្រងបេតិកភណ្ឌវប្បធម៌, ជាតិពន្ធុវិទ្យា និងប្រវត្តិសិល្បៈ ជាដើម។

ជាការឆ្លើយតប ឯកឧត្តមបណ្ឌិតសភាចារ្យ សុខ ទូច បានថ្លែងអំណរគុណនិងស្វាគមន៍ចំពោះសំណើររបស់លោកបណ្ឌិត តាបាតា ហើយភាគីទាំងពីរយល់ស្របគ្នាក្នុងការសិក្សាលទ្ធភាពដើម្បីចុះកិច្ចព្រមព្រៀងMOUជាមួយគ្នានាពេលខាងមុខ ត្បិតស្ថាប័នទាំង២មានទិសដៅរួមគ្នា។

ឯកឧត្តមបណ្ឌិតសភាចារ្យប្រធាន រាជបណ្ឌិត្យសភាកម្ពុជា ក៏បានលើកឡើងផងដែរថា៖ « ជំនួបនេះ ជាចំណុចផ្តើមមួយយ៉ាងសំខាន់ក្នុងការនាំស្ថាប័នយើងទាំងពីរឆ្ពោះទៅរកភាពរីកចម្រើនជាមួយគ្នាលើការស្រាវជ្រាវនិងបណ្តុះបណ្តាល» ហើយឯកឧត្តមបណ្ឌិតសភាចារ្យ ក៏បានស្នើឱ្យភាគីជប៉ុនបើកថ្នាក់បណ្តុះបណ្តាល ភាសាជប៉ុននៅរាជបណ្ឌិត្យសភាកម្ពុជាផងដែរ។

ពាក់ព័ន្ធនឹងការសិក្សាស្រាវជ្រាវពីបុរេប្រវត្តិ ឯកឧត្តមបណ្ឌិតសភាចារ្យបានលើកឡើងថា ចំណុចនេះជាផ្នែកមួយនៃគម្រោងដែលរាជបណ្ឌិត្យសភាកម្ពុជា បាននឹងកំពុងរៀបចំសិក្សាចងក្រងអំពីប្រវត្តិសាស្ត្រប្រទេសកម្ពុជា ដែលបែងចែកជា៥សម័យកាលធំៗគឺ៖

១- សម័យបុរេប្រវត្តិ

២- សម័យមុនអង្គរ

៣-សម័យអង្គរ

៤- សម័យក្រោយអង្គរ និង

៥- សម័យទំនើប

សូមជម្រាបជូនថា លោក តាបាតា ធ្លាប់បានធ្វើការសិក្សាស្រាវជ្រាវបុរាណវត្ថុវិទ្យា គ្រប់គ្រងបេតិកភណ្ឌវប្បធម៌ ជាតិពន្ធុវិទ្យា ប្រវត្តិសិល្បៈនិងវិទ្យាសាស្រ្ត អភិរក្សនៅតំបន់អង្គរ ខេត្តសៀមរាប អស់ជាច្រើនឆ្នាំ។ លោកបានរកឃើញទីតាំងផលិតកុលាលភាជន៍សម្រាប់អាណាចក្រអង្គរ ដែលមានទីតាំងឡក្នុងតំបន់អង្គរ និងមានអាយុកាលចាប់ពីសតវត្សទី១០ ដល់ទី១៣។

RAC Media | តាកេត ស័កដា

អត្ថបទទាក់ទង

ឥស្សរជនជាតិ ចំនួន ៥រូប ទទួលបានគោរមងារជា«បណ្ឌិតសភាចារ្យ»

ដោយយោងតាមព្រះរាជក្រឹត្យលេខ នស/រកត/០៧២០/៧៥៩ ចុះថ្ងៃទី១៨ ខែកក្កដា ឆ្នាំ២០២០ ស្ដីពីការតែងតាំងសមាជិកពេញសិទ្ធិនៃរាជបណ្ឌិត្យសភាកម្ពុជា ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរ...

2020-07-24 07:58:07   Fri, 24,07,2020, 07:58 AM
កម្មវិធីកិច្ចពិភាក្សាតុមូល នៅថ្ងៃអង្គារសប្ដាហ៍ក្រោយ!

ដោយមានកិច្ចសហការជាមួយក្រសួងពាណិជ្ជកម្ម រាជបណ្ឌិត្យសភាកម្ពុជា គ្រោងនឹងរៀបចំកម្មវិធីតុមូលមួយនៅរសៀលម៉ោង១៥:០០នាទី ថ្ងៃអង្គារ ទី២៨ ខែកក្កដា ឆ្នាំ២០២០ នៅសាលមរតកសិល្បៈខ្មែរ ក្រោមប្រធានបទ៖ «តើអ្វីជាសារប្...

2020-07-24 02:47:15   Fri, 24,07,2020, 02:47 AM
«ឯកឧត្តមបណ្ឌិតសភាចារ្យ សុខ ទូច និងឯកអគ្គរាជទូតថៃ ឯកឧត្តម Panyarak Poolthup ឯកភាពជំរុញកិច្ចសហប្រតិបត្តិការស្រាវជ្រាវរួមគ្នា»

ថ្ងៃព្រហស្បតិ៍ ៣កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៣ ខែកក្កដា ឆ្នាំ២០២០នេះ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងឯកឧត្តម Panyarak Poolthup ឯកអគ្គរាជទូត​វិសាមញ្ញន...

2020-07-23 10:03:07   Thu, 23,07,2020, 10:03 AM
កិច្ចប្រជុំដើម្បីពិនិត្យ ពិភាក្សា និងអនុម័តបច្ចេកសព្ទរបស់គណៈកម្មការកសិកម្ម

កាលពីរសៀលថ្ងៃពុធ ២កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២២ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើកកិច្ចប្រជុំដើម្បីពិនិត្យ ពិភាក្សា និ...

2020-07-23 05:06:53   Thu, 23,07,2020, 05:06 AM
កិច្ចប្រជុំដើម្បីពិនិត្យ ពិភាក្សានិងអនុម័តបច្ចេកសព្ទរបស់គណ: កម្មការភាសាវិទ្យា

កាលពីរសៀលថ្ងៃអង្គារ ១កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២១ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបើកកិច្ចប្រជុំដើម្បីពិនិត្យ ពិភាក្សានិ...

2020-07-23 05:02:29   Thu, 23,07,2020, 05:02 AM
បណ្ឌិតសភាចារ្យ សុខ ទូច៖ រាជបណ្ឌិត្យសភាកម្ពុជាបើកបេះដូងទូលាយចំពោះអ្នកមានសមត្ថភាពពីគ្រប់ទិសទី

(រាជបណ្ឌិត្យសភាកម្ពុជា)៖ រាជបណ្ឌិត្យសភាកម្ពុជាបើកបេះដូងទូលាយចំពោះអ្នកមានសមត្ថភាពពីគ្រប់ទិសទី នេះជាប្រសាសន៍របស់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការនៃក្រុមប្...

2020-07-22 05:07:45   Wed, 22,07,2020, 05:07 AM

សេចក្តីប្រកាស