Royal Academy of Cambodia
(រាជបណ្ឌិត្យសភាកម្ពុជា)៖ នៅវេលាម៉ោង១០:០០នាទីព្រឹកថ្ងៃសុក្រ ១១កើត ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៥ ខែធ្នូ ឆ្នាំ២០២០ នេះ រាជបណ្ឌិត្យសភាកម្ពុជា និងក្រុមហ៊ុនឱកាសរីគ្រូតម៉ិន & ត្រេនិងស្គូល បានចុះអនុស្សរណៈយោគយល់គ្នា ដែលពិធីនេះបានប្រព្រឹត្តទៅនៅអគារឥន្ទ្រទេវី នៃរាជបណ្ឌិត្យសភាកម្ពុជា។
ពិធីចុះអនុស្សរណៈយោគយល់គ្នារវាងរាជបណ្ឌិត្យសភាកម្ពុជានិងក្រុមហ៊ុនឱកាសរីគ្រូតម៉ិន & ត្រេនិងស្គូលនាព្រឹកនេះ ត្រូវបានប្រព្រឹត្តទៅក្រោមអធិបតីភាពឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងលោកជំទាវឧកញ៉ា ភួង មរកត នាយិកាក្រុមហ៊ុនឱកាសរីគ្រូតម៉ិន & ត្រេនិងស្គូល និងមានការអញ្ជើញចូលរួម និងសម្ដែងការសាទរពីសំណាក់ថ្នាក់ដឹកនាំស្ថាប័នចំណុះនិងអង្គភាពឧបសម្ព័ន្ធនៃរាជបណ្ឌិត្យសភាកម្ពុជា មន្ត្រីរាជការទទួលបន្ទុកនាយកដ្ឋាននិងការិយាល័យជំនាញនានានៃរាជបណ្ឌិត្យសភាកម្ពុជា ព្រមទាំងប្រតិភូនៃក្រុមហ៊ុនឱកាសរីគ្រូតម៉ិន & ត្រេនិងស្គូលជាច្រើនរូបទៀត។
គួរបញ្ជាក់ថា ដោយស្ថាប័នទាំងពីរមានទស្សនវិស័យ និងបានពិនិត្យមើលទៅលើសារៈសំខាន់នៃការបណ្ដុះបណ្ដាលធនធានមនុស្ស លើវិស័យទេសចរណ៍ នៅកម្ពុជា រាជបណ្ឌិត្យសភាកម្ពុជា និងក្រុមហ៊ុនឱកាសរីគ្រូតម៉ិន & ត្រេនិងស្គូល បានឯកភាពគ្នារៀបចំអនុស្សរណៈយោគយល់គ្នា លើកិច្ចសហប្រតិបត្តិការបណ្ដុះបណ្ដាលធនធានមនុស្សលើវិស័យទេសចរណ៍ ក្នុងគោលបំណងជំរុញបង្កើនធនធានមនុស្សរបស់កម្ពុជាក្នុងជំនាញទេសចរណ៍ ដែលប្រកបដោយលក្ខណៈស្តង់ដា និងមានការទទួលស្គាល់ទាំងក្នុងនិងក្រៅស្រុក។
ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានបង្ហាញការរំពឹងទុកថា តាមរយៈអនុស្សរណៈយោគយល់រវាងស្ថាប័នទាំងពីរដែលត្រូវបានចុះហត្ថលេខារួមគ្នានាព្រឹកនេះ ភាគីទាំងពីរនឹងក្លាយជាការចូលរួមចំណែក ជំរុញបង្កើនចំនួនកម្លាំងពលកម្មក្នុងវិស័យទេសចរណ៍ ដែលប្រកបដោយចំណេះដឹង មានជំនាញច្បាស់លាស់ និងមានក្រមសីលធម៌វិជ្ជាជីវៈ៕
RAC Media | លឹម សុវណ្ណរិទ្ធ
(រាជបណ្ឌិត្យសភាកម្ពុជា)៖ នៅរសៀលថ្ងៃពុធ ១២រោច ខែផល្គុន ឆ្នាំជូត ទោស័ក ព.ស. ២៤៦៤ ត្រូវនឹងថ្ងៃទី១០ ខែមីនា ឆ្នាំ២០២១ នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្...
(រាជបណ្ឌិត្យសភាកម្ពុជា)៖ ថ្នាក់ដឹកនាំរាជបណ្ឌិត្យសភាកម្ពុជានិងថ្នាក់ដឹកនាំក្រុមប្រឹក្សាជាតិសម្រាប់សេដ្ឋកិច្ច មនុស្សសាស្ត្រ និងវិទ្យាសាស្ត្រសង្គមសាធារណរដ្ឋកូរ៉េដែលជាធនាគារខួរក្បាលរបស់ជាតិទាំងពីរបានសម្រេ...
(រាជបណ្ឌិត្យសភាកម្ពុជា)៖ ក្នុងឱកាសអញ្ជើញចូលជួប និងពិភាក្សាការងារជាមួយឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជ...
(រាជបណ្ឌិត្យសភាកម្ពុជា)៖ នៅព្រឹកថ្ងៃចន្ទ ១១កើត ខែផល្គុន ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២២ ខែកុម្ភៈ ឆ្នាំ២០២១ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានដឹកនាំថ្នាក់ដឹកនាំ ព្រ...
រយៈពេល២សប្ដាហ៍ក្រោយការធ្វើរដ្ឋប្រហារយោធា ពីសំណាក់ឧត្ដមសេនីយ៍យោធាមីយ៉ាន់ម៉ា ពេលនេះ ប្រទេស មីយ៉ាន់ម៉ាកំពុងប្រឈមនឹងប្រតិកម្ម និងការដាក់សម្ពាធពីមជ្ឈដ្ឋាននានា ពិសេសពីបណ្ដាប្រទេសមហាអំណាចលោកខាងលិច និងសហរដ្ឋអ...