ព័ត៌មាន

ឯកឧត្តមបណ្ឌិត យង់ ពៅ និងសហការីអញ្ជើញចូលរួមអង្គកឋិនទាននៅវត្តពោធិ៍ដុះ

2020-10-26 07:28:23 ថ្ងៃចន្ទ, 26 តុលា 2020 ម៉ោង 02:28 PM
អ្នកមើល 11669
post_detail

(ខេត្តតាកែវ)៖ នៅព្រឹកថ្ងៃចន្ទ ១០កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៦ ខែតុលា ឆ្នាំ២០២០ ឯកឧត្តមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានឃំុត្រពាំងឃំុខាងជើងអមដំណើរដោយឯកឧត្តមបណ្ឌិត អស់លោក លោកស្រីដែលជាអនុប្រធាន សមាជិក និងសមាជិកាក្រុមការងាររាជរដ្ឋាភិបាលចុះមូលដ្ឋានឃំុត្រពាំងធំខាងជើងបានអញ្ជើញចូលរួមអង្គកឋិនទានមួយដែលជាការរួមសាមគ្គីគ្នារបស់ថ្នាក់ដឹកនាំ និងមន្ត្រីរាជការនៃរាជបណ្ឌិត្យសភាកម្ពុជាជាមួយពុទ្ធបរិស័ទជិតឆ្ងាយតាមពិធីព្រះពុទ្ធសាសនានាវត្តពោធិ៍ដុះ ស្ថិតក្នុងភូមិពោធិ៍ដុះ ឃំុត្រពាំងធំខាងជើង ស្រុកត្រាំកក់ ខេត្តតាកែវ។

ក្នុងឱកាសពិធីដង្ហែអង្គកឋិនទាននេះ ឯកឧត្តមបណ្ឌិតប្រធាន ឯកឧត្តមបណ្ឌិត អស់លោក លោកស្រីដែលជាអនុប្រធាន សមាជិក និងសមាជិកាក្រុមការងាររាជរដ្ឋាភិបាលចុះមូលដ្ឋានឃំុត្រពាំងធំខាងជើងបាននាំបច្ច័យបុណ្យសរុបចំនួន ៧,២០០,០០០រៀលប្រគេនព្រះចៅអធិការវត្តពោធិ៍ដុះ ដើម្បីរួមចំណែកថ្លៃថ្លាដល់ការលើកតម្កើងព្រះពុទ្ធសាសនា និងជាគុណប្រយោជន៍ក្នុងការថែរក្សាប្រពៃរបស់ជាតិ ការកសាងសមិទ្ធផលក្នុងទីអារាម ព្រមទាំងឧទ្ទិសកុសលផលបុណ្យដល់បុព្វការីជនទាំងឡាយដែលមានសគុណចំពោះគ្រួសារ និងសង្គមជាតិ។

ក្រៅពីចូលរួមអង្គកឋិនទាននៅក្នុងវត្តពោធិ៍ដុះ ឯកឧត្តមបណ្ឌិតប្រធាន ឯកឧត្តមបណ្ឌិតអនុប្រធាន អស់លោកសមាជិកក្រុមការងាររាជរដ្ឋាភិបាលចុះមូលដ្ឋានឃំុត្រពាំងធំខាងជើងបាននាំបច្ច័យចំនួន ១,០០០,០០០រៀលប្រគេនព្រះអធិការវត្តសិរីដំណាក់ផងដែរ។

ឆ្លៀតក្នុងឱកាសចូលរួមអង្គកឋិនទានខាងលើ ឯកឧត្តមបណ្ឌិតប្រធានដឹកនាំកិច្ចប្រជំុក្រុមការងាររាជរដ្ឋាភិបាលឃំុត្រពាំងធំខាងជើងដោយមានសមាសភាពចូលរួមឯកឧត្តមប្រធាន ឯកឧត្តមអនុប្រធាន សមាជិក សមាជិកាក្រុមការងាររាជរដ្ឋាភិបាលចុះមូលដ្ឋានឃំុត្រពាំងធំខាងជើង លោកប្រធានក្រុមប្រឹក្សាឃំុ និងលោកប្រធានភូមិ ដើម្បីស្តាប់ភាពការណ៍ការផ្តល់សេវាទូទៅ ស្ថានភាពជំងឺកូវីដ ១៩ និងបញ្ហាគ្រោះធម្មជាតិជំនន់ទឹកភ្លៀងនៅក្នុងមូលដ្ឋានឃំុត្រពាំងធំខាងជើងផងដែរ។

ថ្នាក់ដឹកនាំ និងមន្ត្រីរាជការនៃរាជបណ្ឌិត្យសភាកម្ពុជាជាមួយពុទ្ធបរិស័ទជិតឆ្ងាយដែលបានចូលរួមទាំងអស់សុទ្ធតែទទួលបាននូវអានិសង្សនិងមនុញ្ញផលដែលកើតឡើងពីអង្គកឋិនទាននេះ ទៅតាមសទ្ធាជ្រះថ្លារៀងៗខ្លួន៕

RAC Media


អត្ថបទទាក់ទង

«ឥទ្ធិពលនៃសង្គ្រាមពាណិជ្ជកម្មរវាងចិន និងសហរដ្ឋអាម៉េរិក» ដោយបណ្ឌិត ឈឹម ផាន់ណា នាយកដ្ឋានសេដ្ឋកិច្ចអន្តរជាតិ វិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា

ជម្លោះពាណិជ្ជកម្មរវាងប្រទេសចិននិងសហរដ្ឋអាម៉េរិក បានចាប់ផ្ទុះឡើងមុនដំបូងនៅដើមឆ្នាំ២០១៨។ សង្រ្គាមពាណិជ្ជកម្មវាងប្រទេសមហាអំណាចទាំងពីរនេះ បានអូសបន្លាយជាច្រើនខែដែលអាចជះឥទ្ធិពលដ៏ខ្លាំងក្លាមួយបណ្តាលឱ្យប៉ះពាល...

2020-03-03 04:44:18   ថ្ងៃអង្គារ, 03 មីនា 2020 ម៉ោង 11:44 AM
«ទិវាវប្បធម៌ជាតិ៣មីនា» ដោយ៖ លោកស្រីបណ្ឌិត ជា វណ្ណី

RAC Mediaប្រភព៖ វិទ្យាស្ថានមនុស្សសាស្ត្រ និងវិទ្យាសាស្ត្រសង្គម

2020-03-03 04:38:13   ថ្ងៃអង្គារ, 03 មីនា 2020 ម៉ោង 11:38 AM
«ផែនការសន្តិភាពមជ្ឈឹមបូព៌ា» ដោយ៖ ធន ឆាយពិសិដ្ឋ មន្រ្តីស្រាវជ្រាវនៃនាយកដ្ឋាននយោបាយនិងសន្តិសុខអន្តរជាតិ

ផែនការសន្តិភាពដែលមានកម្រាស់៨០ទំព័រនេះ មានខ្លឹមសារប្រមាណ៥០ទំព័រទាក់ទងនឹងការដោះស្រាយបញ្ហា «រដ្ឋពីរ» អ៊ីស្រាអែលនិងប៉ាឡេស្ទីន ដែលមានការប៉ះទង្គិចគ្នារ៉ាំរ៉ៃជាច្រើនទសវត្សរ៍មកហើយ។ នៅក្នុងផែនការនេះ ប្រធា​នាធិ...

2020-03-03 03:08:49   ថ្ងៃអង្គារ, 03 មីនា 2020 ម៉ោង 10:08 AM
ទំនាក់ទំនងរវាងរុស្ស៊ីនិងតួកគីក្នុងបរិបទវិបត្តិនៅស៊ីរី ដោយ៖ លោក ហ៊ាន ស្រស់ នាយកដ្ឋានសិក្សាអឺរ៉ុបនិងរុស្ស៊ី/ វិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា

ចាប់ពីចុងសតវត្សរ៍ទី១៦ រហូតដល់ដើមសតវត្សរ៍ទី២០ ទំនាក់ទំនងរវាងចក្រភពអូតូម៉ង់(តួកគី)និងចក្រភពរុស្ស៊ី ជាធម្មតាមានលក្ខណៈមិនល្អនិងមានអរិភាពនឹងគ្នា។ ប្រទេសទាំងពីរបានធ្វើសង្គ្រាមជាច្រើនលើកច្រើនសារ ហើយប្រទេសរុស...

2020-03-03 02:19:53   ថ្ងៃអង្គារ, 03 មីនា 2020 ម៉ោង 09:19 AM
បេក្ខជន ៤៧នាក់ ជាប់វិញ្ញាសាសរសេរ និងត្រៀមប្រឡងវិញ្ញាសាផ្ទាល់មាត់ថ្ងៃស្អែកនេះ

 ក្រុមការងារគណៈកម្មការរៀបចំការប្រឡង នៃរាជបណ្ឌិត្យសភាកម្ពុជា ជាមួយវត្តមានតំណាងមកពីទីស្តីការគណៈរដ្ឋមន្ត្រី និង ក្រសួងមុខងារសាធារណៈ រាជបណ្ឌិត្យសភាកម្ពុជា សូមប្រកាសលទ្ធផលវិញ្ញាសាសរសេរ សម័យប្រឡង ថ្ងៃទ...

2020-02-27 10:53:17   ថ្ងៃព្រហស្បតិ៍, 27 កុម្ភៈ 2020 ម៉ោង 05:53 PM
«ឯកឧត្តមបណ្ឌិតសភាចារ្យ សុខ ទូច អញ្ជើញបើកវិញ្ញាសាប្រឡងជ្រើសរើសមន្ត្រីរាជការថ្មីចំនួន១៧នាក់ ក្នុងក្របខណ្ឌទីស្តីការគណៈរដ្ឋមន្ត្រី» ដោយ៖ រឿន ភារុន

(រាជបណ្ឌិត្យសភាកម្ពុជា)៖ នៅព្រឹកថ្ងៃទី២៦ ខែកុម្ភៈ ឆ្នាំ២០២០នេះ ឯកឧត្តមបណ្ឌិតសភាចារ្យ សុខ ទូច អនុប្រធានប្រចាំការក្រុមប្រឹក្សាបណ្ឌិតសភាចារ្យ និងជាប្រធានរាជបណ្ឌិត្យសភាកម្ពុជាបានអញ្ជើញជាអធិបតីបើកវិញ្ញាសាប...

2020-02-26 01:54:12   ថ្ងៃពុធ, 26 កុម្ភៈ 2020 ម៉ោង 08:54 AM

សេចក្តីប្រកាស