ព័ត៌មាន

ផលប៉ះពាល់ជំនន់ទឹកភ្លៀងដល់សង្គម-សេដ្ឋកិច្ចកម្ពុជា ដោយ៖ សោ សុន្ទរ៍ធារី និស្សិតសិក្សាថ្នាក់បណ្ឌិតនៅរាជបណ្ឌិត្យសភាកម្ពុជា

2020-10-21 03:03:03 ថ្ងៃពុធ, 21 តុលា 2020, 03:03 AM
post_detail

១-ជំនន់ទឹកភ្លៀងឆ្នាំ២០២០

ចាប់តាំងពីថ្ងៃ១ដល់ថ្ងៃទី១៩ ខែតុលា ឆ្នាំ២០២០នេះ ប្រទេសកម្ពុជាបានទទួលរងនូវជំនន់ទឹកភ្លៀងដែលធ្វើឱ្យប៉ះពាល់​​ដល់១៩រាជធានី-ខេត្ត ក្រុង ស្មើ៩១ខណ្ឌ-ស្រុក។ ប្រជាជនកម្ពុជាប្រមាណ៧៨,០៥៦គ្រួសារ ស្មើប្រមាណ ៣១​២,២២៤នាក់ ក្នុងនោះប្រជាពលរដ្ឋចំនួន២៥នាក់បានស្លាប់ ហេដ្ឋារចនាសម្ពន្ធ័មួយចំនួនដូចជា ផ្លូវថ្នល់ ប្រពន្ធ័ធារាសាស្រ្ត សាលារៀន មន្ទីរពេទ្យ រោងចក្រ ទេសចរណ៍បានទទួលរងនូវផលប៉ះពាល់ពីជំនន់ទឹកភ្លៀងដ៏ធំនាឆ្នាំ​២០២០​​នេះ។

រាជរដ្ឋាភិបាលកម្ពុជាទទួលបានជំនួយថវិកាសរុបប្រមាណ៧១៦៣,៥៧៣ដុល្លារសហរដ្ឋអាមេរិកនិងការបន្តជួយជាសម្ភារៈ ថវិកា បច្ចេកទេសពីសប្បុរសជននានា(ប្រសាសន៍សម្តេចតេជោ នាយករដ្ឋមន្រ្តីនៃព្រះរាជាណាចក្រកម្ពុជា ថ្ងៃទី១៩តុលាឆ្នាំ២០២០)(1)។

២-ផលប៉ះពាល់ផ្ទាល់ដល់សង្គម-សេដ្ឋកិច្ចនាពេលបច្ចុប្បន្ន

ប្រជាពលរដ្ឋនៅតាមតំបន់រងគ្រោះទាំងនោះ ជាពិសេសប្រជាពលរដ្ឋក្រីក្រនិងជនងាយរងគ្រោះរួមមានចាស់ជរា ជនពិការនិងកុមារទទួលរងផលប៉ះពាល់ផ្ទាល់ខ្លាំងជាងគេ។ ផ្ទះសម្បែង សាលារៀន មន្ទីរពេទ្យ ផ្លូវថ្នល់និងប្រព័ន្ធគមនា​គមន៍ត្រូវរអាក់រអួលក្នុងអំឡុងពេលជំនន់ទឹកភ្លៀង។ជីវភាពរស់នៅប្រចាំថ្ងៃ ការរកចំណូលចិញ្ចឹមគ្រួសារ សុខមាលភាពប្រជាពលរដ្ឋ ការស្វែងរកសេវាសាធារណ: សាលារៀន មន្ទីរពេទ្យ សាលាឃុំ។ល។ត្រូវបានរំខាន។

ខាងក្រោមនេះគឺជាទិន្នន័យនៃការទទួលរងផលប៉ះពាល់ផ្ទាល់ដែលគណ:កម្មាធិការជាតិគ្រប់គ្រងគ្រោះមហន្តរាយ​(2)បានផ្សព្ធផ្សាយថ្ងៃទី១៩ ខែតុលា ឆ្នាំ២០២០៖

-ប៉ះពាល់១៩ រាជធានី ខេត្ត ក្រុង

-ប៉ះពាល់ប្រជាជនប្រមាណ៧៨,០៥៦គ្រួសារ ស្មើប្រមាណ៣១២,២២៤នាក់

-ជម្លៀសចេញ៩៣៤៩គ្រួសារស្មើ៣៧,៣៩៦នាក់

-មនុស្សស្លាប់២៥នាក់

-ប៉ះពាល់ផ្ទះ៧៣,៧២០ ខូចខាត៥៦ខ្នង

-សាលារៀនលិចទឹក៥៦៨កន្លែង

-ផ្លូវជាតិ ផ្លូវខេត្ត ប្រមាណ៣៩៣គ.មនិងផ្លូវលំជនបទប្រមាណ១៤៦៧គ.ម

-ប្រពន្ធ័ធារាសាស្រ្តនានា-ទំនប់២៤គ.ម,ប្រឡាយមេ១៩៧,៣គ.ម,ប្រឡាយរង១៤៩,៦គ.ម, ប្រឡាយស្រោចស្រព​៨៥,៩គ.ម

-ស្រូវលិចទឹក២១៣,២៨៩ហិចតា

-ដំណាំរួមផ្សំផ្សេងៗ៧៩,៨៨៨ហិចតា។ល។

តាមទិន្នន័យខាងលើ យើងឃើញថាផលប៉ះពាល់ដល់សង្គម-សេដ្ឋកិច្ចមានទំហំធំធេងដែលជាបញ្ហាការអភិវឌ្ឍថ្មីបន្ថែមដល់ការទទួលខុសត្រូវរបស់ប្រជាពលរដ្ឋ រាជរដ្ឋាភិបាល វិស័យឯកជននិងដៃគូអភិវឌ្ឍន៍នានាក្នុងពេលបច្ចុប្បន្ន។

                                                            រូបថត:ក្រសួងធនធានទឹក

៣-ផលប៉ះពាល់ដល់សង្គម-សេដ្ឋកិច្ចនាពេលអនាគត

បន្ទាប់ពីមានគ្រោះមហន្តរាយធម្មជាតិម្តងៗ កម្ពុជាបានប្រើប្រាស់នូវថវិកាជាតិដែលបានមកពីចំណូលពន្ធគយ ចំណូលពន្ធដារនិងជំនួយបច្ចេកទេស សម្ភារ: ថវិកាពីដៃគូអភិវឌ្ឍន៍ វិសយ័ឯកជននិងសប្បុរសជននានាដើម្បីស្តារហេដ្ឋារចនា​សម្ពន្ធ័សារវន្ត័និងសង្គម-សេដ្ឋកិច្ចឡើងវិញ។

ជំនន់ទឹកភ្លៀងឆ្នាំ២០២០នេះជាបន្ទុកដ៍ធ្ងន់ធ្ងរមួយទៀតបន្ថែមពីលើបញ្ហាជំងឺកូវីដ-១៩ដែលកម្ពុជាកំពុងរងផលប៉ះពាល់ដោយផ្ទាល់និងប្រយោលរួចស្រេចទៅហើយ(យោងតាមការវាយតម្លៃពីបច្ចុប្បន្នភាពនៃសេដ្ឋកិច្ចកម្ពុជានាឆ្នាំ​២០២០​ពីរាជរដ្ឋាភិបាលកម្ពុជា(-១,៩%)ធនាគារអភិវឌ្ឍន៍អាសីADB(-៤%)មូលនិធិរូបិយវត្ថុអន្តរជាតិ​IMF​(-២,៨%)​និងធនាគារពិភពលោកWB(-២%)ដែលបណ្តាលមកពីជំងឺកូវីដ-១៩)(3)។

មុនពេលជំនន់ទឹកភ្លៀងយើងមានសុទិដ្ធិនិយមថាវិសយ័កសិកម្ម(ការប្រើប្រាស់កសិផលក្នុងស្រុកនិងការនាំចេញ)​វិស័យ​ទេសចរណ៍(ការធ្វើដំណើរកំសាន្តក្នុងស្រុក)និងវិសយ័សំណង់-អចលនទ្រព្យ(គម្រោងសំណង់ធំៗ​នៅដំណើរការនិងតម្រូវការអតិថិជនក្នុងស្រុក)។ល។អាចជួយសេដ្ឋកិច្ចកម្ពុជាបានខ្លះនាឆ្នាំ២០២០និងឆ្នាំបន្ទាប់ តែវិស័យទាំងនេះក៍កំពុងទទួលរងផលប៉ះពាល់ដោយសារជំនន់ទឹកភ្លៀងផងដែរ។សេដ្ឋកិច្ចកម្ពុជាដែលធ្លាប់ពឹងផ្អែកលើវិសយ័កសិកម្ម វិសយ័ទេសចរណ៍និងវាយនភណ្ឌក៍ទទួលរងផលប៉ះពាល់ដោយផ្ទាល់និងប្រយោល។ប្រជាពលរដ្ឋកម្ពុជាដែលប្រកប​របរក្នុងវិសយ័ទេសចរណ៍ រោងចក្រ-វាយនភណ្ឌ សំណង់និងកសិកម្ម ទទួលរងផលប៉ះពាល់ ចំណូលសេដ្ឋកិច្ចគ្រួសារធ្លាក់ចុះ អត្រាភាពក្រីក្រកើនឡើងវិញ សុខភាពផ្លូវចិត្ត ផ្លូវកាយ មានអំពើហិង្សាក្នុងគ្រួសារនិងសង្គម។

ការសម្រេចគោលដៅរបស់កម្ពុជានា២០៣០ទៅជាប្រទេសមានចំណូលមធ្យមកម្រិតខ្ពស់និងការធានាស្ថិរភាពម៉ាក្រូសេដ្ឋកិច្ចក្នុងរង្វង់៧%ក្នុងមួយឆ្នាំ ផែនការអភិវឌ្ឍជាតិនានាត្រូវជួបការរាំងស្ទះ។ចំណូលនិងចំណាយថវិកាជាតិមួយផ្នែក​ធំនឹងត្រូវផ្តោតលើការស្តារហេដ្ឋារចនាសម្ពន្ធ័សារវន្ត័ឡើងវិញ។

ទោះបីយ៉ាងក៍ដោយ ក៍យើងនៅតែមានសុទិដ្ធិនិយមថានាពេលអនាគត តាមរយ:ការស្ថាបនាឡើងវិញកាន់តែប្រសើរ​(Building Back Better-BBB)ពីគ្រោះជំនន់ទឹកភ្លៀងរបស់រាជរដ្ឋាភិបាល

កម្ពុជា ដៃគូអភិវឌ្ឍន៍និងវិសយ័ឯកជន ការកែទម្រង់ផ្ទៃក្នុង ការធ្វើពិពិដ្ធកម្មសេដ្ឋកិច្ចនិងការអភិវឌ្ឍប្រកបដោយបរិយា​បន្ន័ ស្ថិរភាពនិងនិរន្តរ៍ភាពជាតិ។

                                                                      រូបថត:Facebook

....................................

១-ប្រសាសន៍របស់សម្តេចតេជោ នាយករដ្ឋមន្រ្តីនៃព្រះរាជាណាចក្រកម្ពុជានិងFresh News ថ្ងៃទី១៩ តុលាឆ្នាំ​២០២០                           

២-គណ:កម្មាធិការជាតិគ្រប់គ្រងគ្រោះមហន្តរាយ ថ្ងៃទី១៩ ខែតុលា ឆ្នាំ២០២0

៣-ឯកសារក្រសួងសេដ្ឋកិច្ច-ហិរញ្ញវត្ថុ, ធនាគារអភិវឌ្ឍន៍អាសីADB,មូលនិធិរូបិយវត្ថុអន្តរជាតិIMFនិងធនាគារពិភពលោក WB ឆ្នាំ២០២០

(សូមបញ្ជាក់ថា អត្ថបទនេះ គឺជាទស្សនៈផ្ទាល់របស់និស្សិតកំពុងសិក្សាថ្នាក់បណ្ឌិតនៅរាជបណ្ឌិត្យសភាកម្ពុជា)


អត្ថបទទាក់ទង

ជំនួបគោរមវន្តកិត្តិយស កសាងគុណកថា កិត្តិនីតិកោសលបណ្ឌិត ទី បូរ៉ាស៊ី

លោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការទី៥ នៃព្រឹទ្ធសភា បានអនុញ្ញាតឱ្យក្រុមការងារលេខាធិការដ្ឋាននៃក្រុមប្រឹក្សាបណ្ឌិតសភាចារ្យ តាមការចាត់តាំងរបស់ឯកឧត្ដមបណ្ឌិតសភាចារ្យ សុខ ទូច ប្រធានរាជ...

2022-05-10 14:52:10   Tue, 10,05,2022, 02:52 PM
ជំនួបគោរមវន្តកិត្តិយស កសាងគុណកថា កិត្តិសេដ្ឋាបណ្ឌិត ជា ជេដ្ឋ

ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានគណៈកម្មការទី៧ នៃព្រឹទ្ធសភា បានអនុញ្ញាតឱ្យក្រុមការងារលេខាធិការដ្ឋាននៃក្រុមប្រឹក្សាបណ្ឌិតសភាចារ្យ តាមការចាត់តាំងរបស់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត...

2022-05-10 14:45:48   Tue, 10,05,2022, 02:45 PM
រាជបណ្ឌិត្យសភាកម្ពុជា បង្កើនកិច្ចសហការជាមួយទីម័រឡេស្តេ

នាព្រឹកថ្ងៃទី១០ ខែឧសភា ឆ្នាំ២០២២ នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងថ្នាក់ដឹកនាំនៃរាជបណ្ឌិត្យសភាកម្ពុជា បានទទួលស្វាគមន៍យ៉ាងកក់ក្តៅ ចំពោះវត្ដមានឯកឧត្ដម Agio Pereira ទេសរដ្...

2022-05-10 14:37:35   Tue, 10,05,2022, 02:37 PM
កិច្ចប្រជុំកំពូលពិសេសអាស៊ាន-អាម៉េរិក និងផលប្រយោជន៍ជាយុទ្ធសាស្ត្រ ដោយ៖ លោក អ៊ុច លាង អ្នកសិក្សាស្រាវជ្រាវនៃវិទ្យាស្ថានទំនាក់ទំនងអន្តរជាតិនៃកម្ពុជានៃរាជបណ្ឌិត្យសភាកម្ពុជា

កិច្ចប្រជុំកំពូលពិសេសអាស៊ាន-អាម៉េរិក ដែលនឹងត្រូវរៀបចំឡើងនៅថ្ងៃទី១២-១៣ ឧសភាខាងមុខនេះ នាទីក្រុងវ៉ាស៊ីនតោន សហរដ្ឋអាម៉េរិក ជាការជួបមុខគ្នាដោយផ្ទាល់ រវាងប្រមុខមេដឹក នាំអាស៊ាន ជាមួយនឹងលោក ចូ បៃឌិន ប្រធានាធិ...

2022-04-28 08:31:36   Thu, 28,04,2022, 08:31 AM
កម្ពុជានិងការប្រកួតប្រជែងភូមិសាស្ត្រនយោបាយរវាងចិន-សហរដ្ឋអាម៉េរិក ដោយ៖ លោក អ៊ុច លាង អ្នកសិក្សាស្រាវជ្រាវនៃនាយកដ្ឋានសិក្សាអាស៊ី អាហ្វ្រិក និងមជ្ឈិមបូព៌ា នៃវិទ្យាស្ថានទំនាក់ទំនងអន្តរជាតិនៃកម្ពុជា

RAC Mediaប្រភព៖ វិទ្យាស្ថានទំនាក់ទំនងអន្តរជាតិនៃកម្ពុជា

2022-04-21 14:03:58   Thu, 21,04,2022, 02:03 PM
សមិទ្ធផលថ្មី ៖ “កាលិកបត្រស្រាវជ្រាវមនុស្សសាស្រ្តនិងវិទ្យាសាស្រ្តសង្គម” (Cambodia Journal of Humanities and Social Sciences)

ថ្មីៗនេះ វិទ្យាស្ថានមនុស្សសាស្ត្រនិងវិទ្យាសាស្ត្រសង្គមនៃរាជបណ្ឌិត្យសភាកម្ពុជា បានបង្កើតនូវសមិទ្ធផលថ្មីមួយ ដែលជាចំណែកមួយនៃការលើកកម្ពស់វិស័យស្រាវជ្រាវនៃរាជបណ្ឌិត្យសភាកម្ពុជា។ បើតាមការបង្ហាញរបស់ឯកឧត្ដមបណ...

2022-04-07 05:03:14   Thu, 07,04,2022, 05:03 AM

សេចក្តីប្រកាស