ព័ត៌មាន

លោកបណ្ឌិត ឈុន ពហុ៖ ការសិក្សានៅក្រោយឧត្ដមសិក្សា នឹងអនុញ្ញាតឱ្យអ្នកសិក្សាឈានទៅដោះស្រាយបញ្ហា ស្របតាមជំនាញ ឯកទេសជាក់លាក់របស់ខ្លួន

ថ្ងៃពុធ, 14 តុលា 2020, 06:13 AM

(រាជបណ្ឌិត្យសភាកម្ពុជា)៖ នៅក្នុងកិច្ចពិភាក្សាតុមូល ស្ដីពី «សារៈសំខាន់នៃការសិក្សាក្រោយឧត្ដមសិក្សា» ដែលត្រូវបានរៀបចំឡើងនៅព្រឹកថ្ងៃអង្គារ ១១កើត ខែអស្សុជ ឆ្នាំជូត ព.ស. ២៥៦៤ ត្រូវនឹងថ្ងៃទី១៣ ខែតុលា ឆ្នាំ២០២០ នៅរាជបណ្ឌិត្យសភាកម្ពុជា លោកបណ្ឌិត ឈុន ពហុ បានមានប្រសាសន៍លើកឡើងថា «ការសិក្សានៅក្រោយឧត្ដមសិក្សា នឹងអនុញ្ញាតឱ្យអ្នកសិក្សាឈានទៅដោះស្រាយបញ្ហា ស្របតាមជំនាញ ឯកទេសជាក់លាក់របស់ខ្លួន»។

លោកបណ្ឌិត ឈុន ពហុ បានគូសបញ្ជាក់ជូនអ្នកចូលរួមក្នុងកិច្ចពិភាក្សាខាងលើនេះថា ការសិក្សាថ្នាក់ក្រោយឧត្តមសិក្សា សំដៅលើការបណ្តុះបណ្តាលជំនាញក្នុងកម្រិតឯកទេស ឬវិជ្ជាជីវៈខ្ពង់ខ្ពស់ ដែលមានលក្ខណៈបណ្តុះបណ្តាលជាប្រព័ន្ធជាមួយនឹងការសិក្សាលើផ្នែកទ្រឹស្តី និងការអនុវត្ត និងអនុញ្ញាតឱ្យអ្នកសិក្សាអាចឈានទៅដល់ការដោះស្រាយបញ្ហានានាស្របតាមជំនាញឯកទេសជាក់លាក់របស់ខ្លួន។ លោកបណ្ឌិតបានបន្តថា គេត្រូវមានការលះបង់នៅក្នុងចាប់យកឱកាសបន្តការសិក្សានៅថ្នាក់ក្រោយឧត្ដមសិក្សា ដូចជាការលះបង់ពេលវេលាក្នុងការធ្វើទំនាក់ទំនងផ្សេងៗ កម្សាន្តឬចួបជុំជាមួយគ្រួសារនិងមិត្តភក្តិជាដើម។ ក្រៅពីនេះ គេត្រូវតែពិនិត្យមើលថាតើខ្លួនចង់ក្លាយជាអ្វី និងអ្វីដែលខ្លួនមានទេពកោសល្ល និងឧបនិស្ស័យ ដើម្បីអាចប្រើប្រាស់ជំនាញដែលខ្លួនចាប់យកនោះប្រកបដោយប្រសិទ្ធភាព គុណភាព និងបំពេញការងារបានប្រសិទ្ធផល។ នេះជាការបញ្ជាក់របស់លោកបណ្ឌិត ឈុន ពហុ។

នៅចុងបញ្ចប់នៃបទបង្ហាញ លោកបណ្ឌិត ឈុន ពហុ បានមានប្រសាសន៍បន្ថែមថា ការសិក្សានៅថ្នាក់ក្រោយឧត្ដមសិក្សា នឹងនាំមកនូវឱកាសក្នុងការទទួលបាននូវជីវិតថ្មី ឱកាសក្នុងការធ្វើទំនាក់ទំនងជាមួយបុគ្គលដែលមានលំដាប់ឬកម្រិតខ្ពស់ជាងមុននៅក្នុងសង្គម ហើយដែលទំនាក់ទំនងល្អ គឺជាគ្រឹះនៅក្នុងការចាប់ផ្ដើមឈានទៅជីវិតប្រសើរជាងមុន៕

RAC Media | លឹម សុវណ្ណរិទ្ធ

អត្ថបទទាក់ទង

កិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុជាប្រចាំឆ្នាំ២០២០

នាព្រឹកថ្ងៃពុធ ២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែធ្នូ ឆ្នាំ២០២០ វិទ្យាស្ថានខុងជឺនៃរាជបណ្ឌិត្យសភាកម្ពុជា បានរៀបចំកិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុ...

Wed, 16,12,2020, 08:37 AM

តម្លៃអច្ចន្តបរមាក្នុងសំណុំទិន្នន័យមួយអថេរ Outliers in Univariate Data ដោយ៖ បណ្ឌិត ម៉ុង ម៉ារ៉ា វិទ្យាស្ថានវិទ្យាសាស្ត្រនិងបច្ចេកវិទ្យា, រាជបណ្ឌិត្យសភាកម្ពុជា

Tue, 15,12,2020, 04:56 AM

ប្រព័ន្ធធារាសាស្ត្រនៅតំបន់ភាគខាងកើតបន្ទាយលង្វែក ក្នុងឃុំកំពង់ហ្លួង ស្រុកពញាឮ ខេត្តកណ្ដាល ដោយ៖ ផុន កសិកា, ឡេង វិទូ, តាកេត ស័កដា និង សួ ប៉ុណ្ណារ៉ាត់

RAC Media

Sat, 12,12,2020, 04:10 AM

បឹងពិតត្រង់ និង កំណាត់ដើមឈើរយឆ្នាំ ដោយ៖ អ្នកស្រី ម៉ិល វាសនា មន្ត្រីស្រាវជ្រាវនៃវិទ្យាស្ថានវប្បធម៌និងវិចិត្រសិល្បៈ រាជបណ្ឌិត្យសភាកម្ពុជា

RAC Mediaប្រភព៖ វិទ្យាស្ថានវប្បធម៌ និងវិចិត្រសិល្បៈ

Wed, 09,12,2020, 07:22 AM

ព្រះលោកេសូរប្រែកាយជាព្រះនរាយណ៍ ដោយ៖ បណ្ឌិត ផុន កសិកា ប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គម

RAC Mediaប្រភព៖ វិទ្យាស្ថានមនុស្សសាស្ត្រនិងវិទ្យាសាស្ត្រសង្គម

Wed, 02,12,2020, 04:01 AM

យុទ្ធសាស្រ្តសេដ្ឋកិច្ចចិននៅក្នុងសម័យកូវីដ-១៩ ដោយ៖ លោក ផាញ់ សារឿន មន្ត្រីនៃវិទ្យាស្ថានសិក្សាចិននៃរាជបណ្ឌិត្យសភាកម្ពុជា

ប្រភព៖ វិទ្យាស្ថានសិក្សាចិន

Mon, 30,11,2020, 03:28 AM

រាជបណ្ឌិត្យសភាកម្ពុជា

ព័ត៌មាន

អត្ថបទទាក់ទង

កិច្ចប្រជុំក្រុមប្រឹក្សាភិបាលវិទ្យាស្ថានខុងជឺនៃរាជបណ្ឌិត្យសភាកម្ពុជាប្រចាំឆ្នាំ២០២០

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម