Royal Academy of Cambodia
(រាជបណ្ឌិត្យសភាកម្ពុជា)៖ នៅក្នុងកិច្ចពិភាក្សាតុមូល ស្ដីពី «សារៈសំខាន់នៃការជ្រើសរើសមុខជំនាញសិក្សានៅឧត្ដមសិក្សា និងក្រោយឧត្ដមសិក្សា» ដែលប្រព្រឹត្តទៅនៅព្រឹកថ្ងៃអង្គារ ១២កើត ខែអស្សុជ ឆ្នាំជូត ព.ស. ២៥៦៤ ត្រូវនឹងថ្ងៃទី២៩ ខែកញ្ញា ឆ្នាំ២០២០ ឯកឧត្ដមបណ្ឌិត សយ រាសី សមាជិកបម្រុងនៃរាជបណ្ឌិត្យសភាកម្ពុជា បានចែក រំលែកទស្សនៈដល់អ្នកចូលរួមក្នុងកិច្ចពិភាក្សាតុមូល និងយុវជនដែលនឹងត្រូវសម្រេចចិត្តជ្រើសរើសមុខជំនាញសិក្សានៅឧត្ដមសិក្សា នាពេលខាងមុខនេះថា «គ្រប់មុខជំនាញទាំងអស់សុទ្ធតែមានសារៈសំខាន់ តែត្រូវជ្រើសរើសមុខជំនាញដែលខ្លួនពេញចិត្តនិងអាចបន្តឆ្ពោះទៅកាន់អនាគតដែលខ្លួនចង់បាន»។
ឯកឧត្ដមបណ្ឌិត សយ រាសី ដែលមានជំនាញរដ្ឋបាលសាធារណៈ បានមានប្រសាសន៍ថា ដើម្បីជ្រើសរើសមុខជំនាញសម្រាប់សិក្សាបានត្រឹមត្រូវ គេអាចពិនិត្យមើលទៅលើសមត្ថភាព និងជំនាញរបស់ខ្លួន ក៏ដូចជាតម្រូវការទីផ្សារការ ងារផងដែរ ប៉ុន្តែការជំរុញទឹកចិត្តឱ្យយើងសម្រេចបានជោគជ័យបន្ថែមទៀតលើការសិក្សាមុខជំនាញនោះ គឺត្រូវផ្ដោត លើអ្វីដែលខ្លួនចង់រៀន និងមានលទ្ធភាពអាចរៀនមុខជំនាញនោះទៅបាន ដោយមិនមែនផ្អែកទាំងស្រុងទៅតាមការផ្ដល់យោបល់ពីអ្នកដទៃនោះឡើយ។
ឯកឧត្ដមបណ្ឌិត បានគូសបញ្ជាក់បន្ថែមទៀតថា ការសម្រេចជ្រើសរើសរៀនមុខជំនាញអ្វីក៏សំខាន់ដែរ ប៉ុន្តែយុវជនត្រូវចោទសួរខ្លួនឯងវិញថា តើជំនាញនោះយើងអាចយកមកប្រើប្រាស់បានដែរឬទេ? ឯកឧត្ដមបណ្ឌិតបានមានប្រសាសន៍បន្ថែមថា យុវជនត្រូវចងចាំថា ការសិក្សារៀនសូត្រគឺដើម្បីជោគជ័យ ដែលភាពជោគជ័យនិងសេចក្ដីសុខរបស់ខ្លួន គឺប្រែប្រួលទៅតាមបុគ្គលខ្លួនឯងជាអ្នកកំណត់ថាត្រូវដើរទៅតាមផ្លូវណាមួយ និងការវិវត្តរបស់បុគ្គលខ្លួនដែលផ្លាស់ប្ដូរទៅតាមកាលៈទេសៈ៕
RAC Media | លឹម សុវណ្ណរិទ្ធ
រាជបណ្ឌិត្យសភាកម្ពុជា៖ នាព្រឹកថ្ងៃពុធ ២ រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១២ ខែតុលា ឆ្នាំ២០២២ លោកបណ្ឌិត ម៉ម សារិត អ្នកជំនាញវិស្វកម្មបរិស្ថាននិងសំណង់ស៊ីវិល នៃនាយកដ្ឋានបច្ចេកវិទ្យា...
«ការទូតដើមឫស្សី–Bamboo Diplomacy» ជាសិល្បៈការទូតមួយបែប ដែលបានព្យាយាម ចាក់ប្ញសគល់ យ៉ាងរឹងមាំ និងអាចបទបែនទៅបានគ្រប់ទិសទី ទៅតាមបរិបទនៃនយោបាយ ដែលប្រៀបបានទៅហ្នឹងដើមឫស្សី មួយគុម្ពដែលមានប្រសគល់យ៉ាងរឹងមាំ បើទ...
សមាគមប្រជាជាតិអាស៊ីអាគ្នេយ៍ (The Association of Southeast Asian Nations) ដែលហៅកាត់ថា «អាស៊ាន» (ASEAN) បង្កើតឡើងនៅថ្ងៃទី៨ ខែសីហា ឆ្នាំ១៩៦៧ ដោយប្រទេសស្ថាបនិកចំនួន៥។ ក្រោយមកទើបសមាជិកថ្មីៗចូលជាបន្តបន្ទាប់...
ឧទ្យានរាជបណ្ឌិត្យសភាកម្ពុជា តេជោ សែនឫស្សីត្រឹប៖ ការអភិរក្ស និងអភិវឌ្ឍនៅក្នុងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប គឺជារឿងចាំបាច់បំផុតដែលថ្នាក់ដឹកនាំ រាជបណ្ឌិត្យសភាកម្ពុជា ក៏ដូចជាថ្នាក់ដឹកនាំក...