ព័ត៌មាន

ឯកឧត្ដមបណ្ឌិត សឹង រេត៖ មុខរបរដែលពាក់ព័ន្ធនឹងបច្ចេកវិទ្យានឹងមានទីផ្សារកាន់តែច្រើន ក្នុងសម័យបដិវត្តឧស្សាហកម្មជំនាន់ទី៤

2020-09-30 04:10:11 ថ្ងៃពុធ, 30 កញ្ញា 2020 ម៉ោង 11:10 AM
អ្នកមើល 13012
post_detail

(រាជបណ្ឌិត្យសភាកម្ពុជា)៖ ក្នុងឱកាសចូលរួមជាវាគ្មិនកិត្តិយសក្នុងកិច្ចពិភាក្សាតុមូល ស្ដីពី «សារៈសំខាន់នៃការជ្រើស រើសមុខជំនាញសិក្សានៅឧត្ដមសិក្សានិងក្រោយឧត្ដមសិក្សា» ដែលប្រព្រឹត្តទៅនៅព្រឹកថ្ងៃអង្គារ ១២កើត ខែអស្សុជ ឆ្នាំជូត ព.ស. ២៥៦៤ ត្រូវនឹងថ្ងៃទី២៩ ខែកញ្ញា ឆ្នាំ២០២០ ឯកឧត្ដមបណ្ឌិត សឹង រេត សមាជិកបម្រុងនៃរាជ បណ្ឌិត្យសភាកម្ពុជា បានមានប្រសាសន៍លើកឡើងអំពីកំណើនតម្រូវការទីផ្សារការងារសម្រាប់អ្នកដែលមានមុខជំនាញពាក់ព័ន្ធនឹងបច្ចេកវិទ្យាទំនើបនាពេលបច្ចុប្បន្ន។

នៅក្នុងការធ្វើបទបង្ហាញជូនដល់អ្នកចូលរួមក្នុងកិច្ចពិភាក្សាតុមូល និងជាការគូសបញ្ជាក់ជូនដល់យុវជនកម្ពុជា ឯកឧត្ដមបណ្ឌិត សឹង រេត បានគូសបញ្ជាក់ថា មុននឹងជ្រើសរើសមុខជំនាញសិក្សា យើងត្រូវជ្រើសរើសជាមុន សិន ថាតើយើងចង់ជ្រើសរើសក្លាយទៅជាអ្វី។ ឯកឧត្ដមបណ្ឌិតមានប្រសាសន៍បន្តថា «ជាបទពិសោធក្នុងការជ្រើស រើសមុខជំនាញសិក្សានៅឧត្ដមសិក្សា និងក្រោយឧត្ដមសិក្សា ដែលយើងត្រូវគិតថាប្អូនគួរតែរៀនអ្វី? ប៉ុន្តែអ្វីដែលសំខាន់យើងត្រូវពិចារណានោះគឺ យើងត្រូវពិនិត្យមើលថា តើទីផ្សារការងារត្រូវការមុខជំនាញអ្វី? និងអ្វីដែលយើងមានសមត្ថភាពក្នុងការសិក្សាជំនាញនោះ»។ នេះជាជាការបញ្ជាក់បន្ថែមរបស់ឯកឧត្ដមបណ្ឌិត សឹង រេត។

បន្ថែមពីលើនេះ ឯកឧត្ដមបណ្ឌិត ក៏បានលើកឡើងផងដែរថា បច្ចុប្បន្ន កម្ពុជាកំពុងខ្វះខាតនូវធនធានមនុសុ្សជំនាញវិជ្ជាជីវៈ ហើយយុវជនជាច្រើនបានជ្រើសរើសការសិក្សានៅឧត្ដមសិក្សា ដោយសារតែអាចបំពេញការងារនៅក្នុងការិយាល័យ និងស្លៀកពាក់ឯកសណ្ឋានសមរម្យ។ ឯកឧត្ដមបណ្ឌិតបានមានប្រសាសន៍ក្រើនរំឭកបន្ថែមដល់យុវជនយ៉ាងដូច្នេះថា «យើងឃើញការងារនៅក្នុងការិយាល័យមើលទៅស្លៀកពាក់ឡូយ ប៉ុន្តែប្រាក់ខែ មិនប្រាកដថាប្រាក់ ខែឡូយនោះទេ»។

នៅចុងបញ្ចប់នៃបទបង្ហាញ ឯកឧត្ដមបណ្ឌិតបានផ្ដល់ជាអនុសាសន៍ជូនដល់យុវជនទាំងអស់ថា មិនថារៀនមុខជំនាញនៅឧត្ដមសិក្សា ឬជំនាញវិជ្ជាជីវៈផ្សេងៗទេ ការតាំងចិត្តគឺជារឿងសំខាន់ ហើយភាពជោគជ័យនៃការសិក្សារបស់យើង គឺអាស្រ័យធនធានគាំទ្រការសិក្សាដែលយើងមាន ដូចជាសៀវភៅនិងឯកសារជាដើម។ ក្រៅពីនេះ ឯកឧត្ដមបណ្ឌិតក៏បានលើកទឹកចិត្តដល់យុវជន ឱ្យចូលរួមក្នុងវេទិកាដែលពាក់ព័ន្ធនឹងជំនាញ និងសិក្សាបន្ថែមទៅលើជំនាញគាំទ្រជាច្រើនទៀត ដែលពាក់ព័ន្ធជំនាញស្នូលរបស់ខ្លួនផងដែរ៕

RAC Media | លឹម សុវណ្ណរិទ្ធ


អត្ថបទទាក់ទង

សហរដ្ឋអាម៉េរិកនិងចិនសាចទឹកដាក់គ្នារឿង COVID-19 ដោយ៖បណ្ឌិត ឈត ប៊ុនថង វិទ្យាស្ថានទំនាក់ទំនអន្តរជាតិកម្ពុជា នៃរាជបណ្ឌិត្យសភាកម្ពុជា

គិតមកដល់ពេលនេះ COVID-19 បានវាយលុកចូលដល់ប្រទេសនិងដែនដីសរុបជាង ១៧០ ហើយ នៅ ទូទាំងសកលលោក។ ជំងឺរាតត្បាតដ៏កាចសាហាវមួយនេះ វាបានចម្លងទៅមនុស្សសរុបចំនួនជាង ២០០, ០០០ នាក់ ក្នុងនោះអ្នកស្លាប់មានជិត១០,០០០នាក់ និងជា...

2020-03-20 02:22:27   ថ្ងៃសុក្រ, 20 មីនា 2020 ម៉ោង 09:22 AM
បណ្ឌិត គិន ភា៖ សូមបងប្អូនខ្មែរឥស្លាមទាំងអស់រឹងប៉ឹងឡើងនិងរួមគ្នាប្រយុទ្ធប្រឆាំងនឹងការរីករាលដាលនៃជំងឺកូវីត-១៩ ទាំងអស់គ្នា

ខណៈពេលបងប្អូនខ្មែរឥស្លាមសរុបចំនួន ២៤នាក់មានផ្ទុកជំងឺកូវីដ-១៩ (Covid-19) ដែលកំពុងមានការរាតត្បាតជាសកល ឯកឧត្តមបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជាបានផ្ញើសារលើក...

2020-03-19 23:16:01   ថ្ងៃព្រហស្បតិ៍, 19 មីនា 2020 ម៉ោង 06:16 AM
ផលប៉ះពាល់នៃការរីករាលដាលកូវីដ១៩ ចំពោះសេដ្ឋកិច្ចពិភពលោក ដោយ៖ ជឹម សុជាតិ មន្ត្រីផ្នែកសេដ្ឋកិច្ចនៃមជ្ឈមណ្ឌលសិក្សាចិន នៃរាជបណ្ឌិត្យសភាកម្ពុជា

ចំពោះប្រវត្តិវិបត្តិសេដ្ឋកិច្ចពិភពលោក ដែលយើងធ្លាប់ជួបមាន មហាវិបត្តិសេដ្ឋកិច្ច (The Great Depression) (១៩២៩-១៩៣៩) ដែលកើតនៅសហរដ្ឋអាមេរិក ហើយរីករាលដាលដល់អឺរ៉ុប មហាវិបត្តិហិរញ្ញវត្ថុ ឆ្នាំ ២០០៨ និងនាពេលនេ...

2020-03-19 14:41:32   ថ្ងៃព្រហស្បតិ៍, 19 មីនា 2020 ម៉ោង 09:41 PM
សារៈសំខាន់នៃការសិក្សាមុខវិជ្ជាភាសាវិទ្យានៅរាជបណ្ឌិត្យសភាកម្ពុជា ដោយ៖ បណ្ឌិត វង្ស មេង អនុប្រធានវិទ្យាស្ថានភាសាជាតិ

ភាសាវិទ្យាគឺជាវិទ្យាសាស្ត្រដែលសិក្សាអំពីភាសា អំពីរបៀបដែលភាសាដំណើរការ អំពីរបៀបដែលភាសាទទួល និង អំពីរបៀបដែលមនុស្សប្រើប្រាស់ដើម្បីទាក់ទងគ្នា ។ ភាសាវិទ្យា គឺជាមុខវិជ្ជាវិទ្យាសាស្ត្រ ហើយ មុខវិជ្ជានេះ មានទាំ...

2020-03-19 14:24:27   ថ្ងៃព្រហស្បតិ៍, 19 មីនា 2020 ម៉ោង 09:24 PM
«វិធីសាស្ត្រកាត់បន្ថយអារម្មណ៍តានតឹងអំឡុងពេលនៃការរាតត្បាតជំងឺកូវីដ ១៩ (Covid-19)»

នៅពេលនេះ ជំងឺរលាកផ្លូដង្ហើមប្រភេទថ្មី ឬ Coronavirus Disease-19 (Covid-19) កំពុងរាតត្បាតស្ទើរពេសពេញពិភពលោក (Pandemic)។ ស្ថិតក្នុងស្ថានការណ៍បច្ចុប្បន្ននេះ ថ្នាក់ដឹកនាំប្រទេស អង្គការជាតិ អន្តរជាតិនានាទូទ...

2020-03-19 09:43:05   ថ្ងៃព្រហស្បតិ៍, 19 មីនា 2020 ម៉ោង 04:43 PM
«កម្លាំងចម្រុះចុះបង្ក្រាបការកាប់បំផ្លាញព្រៃឈើខុសច្បាប់ ជាច្រើនកន្លែង នៅក្នុងឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប»

(ខេត្តព្រះវិហារ)៖ ដោយទទួលបានសំណើសុំឱ្យជួយអន្តរាគមន៍ពីឧទ្យានរាជបណ្ឌិតសភាកម្ពុជា តេជោសែន ឫស្សីត្រឹប នៅថ្ងៃទី១៩ មីនា ឆ្នាំ២០២០ ឯកឧត្តមនាយឧត្តមសេនីយ៍ សៅ សុខា ប្រធានគណៈកម្មការជាតិ ដើម្បីទប់ស្កាត់ និងបង្ក្រ...

2020-03-19 09:00:37   ថ្ងៃព្រហស្បតិ៍, 19 មីនា 2020 ម៉ោង 04:00 PM

សេចក្តីប្រកាស