រាជបណ្ឌិត្យសភាកម្ពុជា

Royal Academy of Cambodia

ព័ត៌មាន

«ជា សុផារ៉ា៖ ដើម្បីរៀបចំទីក្រុងមួយឱ្យមាននិរន្តរភាពត្រូវផ្ដោតលើចំណុចអាទិភាព៥»

2018-09-28 13:49:26 ថ្ងៃសុក្រ, 28 កញ្ញា 2018, 01:49 PM
post_detail

ធ្លាប់ជាអភិបាលរាជធានីភ្នំពេញនិងបច្ចុប្បន្ននេះជារដ្ឋមន្ត្រីក្រសួង រៀបចំដែនដីនគររូបនីយកម្មនិងសំណង់ ឯកឧត្តម​ ជា សុផារ៉ា បាន លើកឡើងថា ការរៀបចំទីក្រុងមួយឱ្យបាននិរន្តរភាពនិងអាច រក្សាអត្តសញ្ញាណជាតិចាំបាច់ត្រូវផ្ដោតលើការងារសំខាន់និងអាទិភាពចំនួន៥ ចំណុច។
១.រៀបចំផែនការប្រើប្រាស់ដី ថ្លែងក្នុងឱកាសសំណេះសំណាលជាមួយប្រតិភូយុវជនកម្ពុជានៃកម្មវិធីនាវាយុវជនអាស៊ីអាគ្នេយ៍ និង ជប៉ុន (SSEAYP)លើកទី៤៥កាលពីថ្ងៃទី ២០ ខែ កញ្ញា ឆ្នាំ២០១៨ ឯកឧត្តមឧបនាយករដ្ឋមន្រ្ដី បានលើកឡើងថា ការកសាងហេដ្ឋារចនាសម្ព័ន្ធគ្រប់បែបយ៉ាងនៅក្នុងទីក្រុងមានជាអាទិ៍ តំបន់រដ្ឋបាល តំបន់ សាធារ​ណៈ ឧស្សាហ៍កម្ម តំបន់ពាណិជ្ជកម្ម តំបន់ទេសចរណ៍ និង លំនៅឋានជាដើម ចាំបាច់ត្រូវមានផែនការរៀបចំ​ផែនការប្រើប្រាស់ ដី ជាមុនសិន។លោកថា ការរៀបចំខ្សែក្រវ៉ាត់បៃតង គួរធ្វើនៅខាងក្រៅក្រុង ចំណែកឯការរៀបចំផ្សារដែលមិនគួរ រុញមកកន្លែងតែមួយនោះទេ ព្រោះវាជា ហេតុដែលបង្កឱ្យមានការកកស្ទះចរាចរណ៍។
២.ប្រព័ន្ធលូនិងបង្ហូរទឹកកខ្វក់ ការរៀបនូវហេដ្ឋារចនាសម្ព័ន្ធប្រព័ន្ធលូ និងបង្ហូរទឹកកខ្វក់ នេះ គឺជាគោលដៅចម្បងក្នុងការធានាឱ្យបាននូវ ការអភិវឌ្ឍប្រកបដោយនិរន្តរភាព។ ករណីកង្វះខាតអនាម័យ ប្រព័ន្ធ គ្រប់គ្រងទឹកកខ្វក់អាច ប៉ះ​ពាល់សុខភាពដែលជាឧបសគ្គដល់ការអភិវឌ្ឍហើយ យើងមិនអាចនឹងមើលរំលងបានទេ។ ឯកឧត្តម បាន រំលឹកឡើងវិញកាលលោកនៅកាន់តំណែងជាអភិបាល រាជធានី ភ្នំពេញទឹកកខ្វក់ត្រូវបានបង្ហូរតាមប្រឡាយស្ទឹងមានជ័យធ្លាក់ទៅបឹង ទំពុន។ រៀបចំប្រព័ន្ធទំនប់កប់ស្រូវ ដើម្បីបូមទឹកកខ្វក់ចេញពីក្រុងភ្នំពេញ។
៣. ការមើលទិសខ្យល់ ការរៀបចំទីក្រុងមួយក៏ចាំបាច់ត្រូវសិក្សាលើ ទិសខ្យល់។ បុព្វបុរសខ្មែរកសាងរាជធានីអង្គរមិនត្រឹមសិក្សាទិសខ្យល់ បក់ទេ ប៉ុន្តែក៏បានសិក្សាដល់ប្រព័ន្ធពន្លឺ និងទិសដៅរបស់ ព្រះអាទិត្យ ផងដែរ។ ទីក្រុងពិតណាស់ជាកន្លែងមានមនុស្សរស់នៅច្រើន ដូច្នេះ ការសាងសង់រោងចក្រ និងឧស្សាហ៍កម្មធំៗ ដែលមានបង្ហុយផ្សែង ពុលត្រូវសិក្សាពីរបបខ្យល់បក់តើអាចហុយចូលមកទីក្រុងដែរ ឬទេ?
៤. ប្រភពទឹកស្អាតប្រភពទឹកស្អាតគឺជាតម្រូវ ការចាំបាច់បំផុតសម្រាប់ ប្រជាពលរដ្ឋទូទៅប្រើប្រាស់ប្រចាំថ្ងៃ។ បច្ចុប្បន្ននេះទឹកស្អាតដែលផ្គត់ ផ្គង់នៅរាជធានីភ្នំពេញមានប្រភពពីទឹកទន្លេ។ ទឹកទន្លេប្រែប្រួលទៅ តាមរដូវទឹកឡើងនិងទឹកស្រក។ តួយ៉ាងដូចជាប្រភពទឹកទន្លេបាសាក់ នៅរដូវវស្សានឹងហូរចូលទន្លេសាប ប៉ុន្តែពេលទឹកស្រកវិញនឹងធ្វើឱ្យ ទឹកទន្លេសាបឡើងល្អក់។ ពេលទឹកល្អក់ខ្លាំងអ្នកជំនាញត្រូវប្រើប្រាស់ ក្លរច្រើនដើម្បីសម្លាប់មេរោគ ។ ដូច្នេះយើងត្រូវលើកផែនការបូមទឹក ទន្លេមេគង្គវិញដោយសារទឹកហូរមិនសូវល្អក់ខ្លាំង។
៥. សំណង់ស្ថាបត្យកម្មមានលក្ខណៈជាខ្មែររចនាបថសំណង់អាគារខ្ពស់ៗក្នុងទីក្រុងត្រូវបញ្ចូលគំនិតស្ថាបត្យកម្មខ្មែរដើម្បីរក្សាបានអត្តសញ្ញាណជាតិនិងការទាក់ទាញភ្ញៀវទេសចរ​។ ឯកឧត្តមបានលើកឡើងថាវិស័យសំណង់នៅក្នុងប្រទេសកម្ពុជាកំពុងមានការរីកចម្រើន ក្រសួងរៀបចំដែនដីកន្លងមកក៏បានលើកទឹកចិត្តឱ្យជួយចូលរួមលើក កម្ពស់ តម្លៃស្ថាបត្យកម្មខ្មែរនាសម័យមុន តាមរយៈការរចនា ប្លង់សំណង់ទាំងខាងក្នុងអគារនិងក្រៅអគារឱ្យមានលក្ខណៈ ជាស្ថាបត្យកម្មខ្មែរផងដែរ ដោយឯកឧត្តមបានបញ្ជាក់ថា ក្រសួងរៀបចំដែនដី នគររូបនីយកម្ម និង សំណង់កំពុងរៀបចំធ្វើផែនការគោលរៀបចំទីក្រុងនិងទីប្រជុំជនខណៈ បច្ចុប្បន្នធ្វើបាននៅខេត្តព្រះសីហនុ ខេត្ត សៀមរា និ រាជធានី ភ្នំពេញ៕
ប្រភព:ខ្លីខ្លី 
RAC Media | ហេង​ សុភី



អត្ថបទទាក់ទង

«កម្ពុជានឹងមានជ្ឍមណ្ឌលវិទ្យាសាស្ត្រនិងបច្ចេកវិទ្យានុយក្លេអ៊ែរ...»
«កម្ពុជានឹងមានជ្ឍមណ្ឌលវិទ្យាសាស្ត្រនិងបច្ចេកវិទ្យានុយក្លេអ៊ែរ...»

កាលព្រឹកថ្ងៃអង្គារ ២រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ត្រូវនឹងថ្ងៃទី២៨ ខែសីហា ឆ្នាំ២០១៨ នៅទីស្តីការក្រសួងបរិស្ថាន អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព (ក.ជ.អ.ច.) បានរៀបចំកិច្ចប...

2018-08-29 11:05:46   Wed, 29,08,2018, 11:05 AM
កិច្ចសហប្រតិបត្តិការថ្មីមួយជាមួយមជ្ឈមណ្ឌលអភិវឌ្ឍពាណិជ្ជកម្មអេឡិចត្រូនិកខេត្តយូណាន
កិច្ចសហប្រតិបត្តិការថ្មីមួយជាមួយមជ្ឈមណ្ឌលអភិវឌ្ឍពាណិជ្ជកម្មអេឡិចត្រូនិកខេត្តយូណាន

ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានទទួលជួបជាមួយមជ្ឈមណ្ឌលអភិវឌ្ឍពាណិជ្ជកម្មអេឡិចត្រូនិកខេត្តយូណាន់ ទីក្រុងគុនមីង នៃសាធារណៈរដ្ឋប្រជាមានិតចិន ដើម្បីពិភាក្សាអំពីលទ្ធភាពនៃការនាំផល...

2018-08-26 11:23:36   Sun, 26,08,2018, 11:23 AM
សមិទ្ធផលធំមួយទៀត៖ «ពិធីសែនក្រុងពាលី អគារឥន្ទ្រទេវី» ចាប់ផ្តើមជាផ្លូវការ!
សមិទ្ធផលធំមួយទៀត៖ «ពិធីសែនក្រុងពាលី អគារឥន្ទ្រទេវី» ចាប់ផ្តើមជាផ្លូវការ!

កាលពីឆ្នាំកន្លង រាជបណ្ឌិត្យសភាកម្ពុជា បានរៀបធ្វើពិធីក្រុងពាលីសាងសង់«អគារខេមរវិទូ»កំពស់៤ជាន់មួយ នៅក្នុងបរិវេណរាជបណ្ឌិត្យសភាកម្ពុជា ចំណែកនៅឆ្នាំនេះ រាជបណ្ឌិត្យសភាកម្ពុជា  បានរៀបចំពិធី «សែនក្រុងពាលីបុកគ្...

2018-08-26 10:53:57   Sun, 26,08,2018, 10:53 AM
«រាជបណ្ឌិត្យសភាកម្ពុជា កំពុងរួមចំណែករៀបចំសេចក្តីព្រាងកិច្ចព្រមព្រៀងសាងសង់មជ្ឈមណ្ឌលស្រាវជ្រាវវិទ្យាសាស្រ្តនិងបច្ចេកទេសនុយក្លេអ៊ែរនៅកម្ពុជា»
«រាជបណ្ឌិត្យសភាកម្ពុជា កំពុងរួមចំណែករៀបចំសេចក្តីព្រាងកិច្ចព្រមព្រៀងសាងសង់មជ្ឈមណ្ឌលស្រាវជ្រាវវិទ្យាសាស្រ្តនិងបច្ចេកទេសនុយក្លេអ៊ែរនៅកម្ពុជា»

រហូតមកទល់ពេលនេះ កិច្ចពិភាក្សា និងពិនិត្យលើសេចក្តីព្រាងនៃកិច្ចកិច្ចព្រមព្រៀងរវាង​រាជរដ្ឋាភិបាល​កម្ពុជា និងរដ្ឋាភិបាល​សហព័ន្ធរុស្សី ស្តីពីកិច្ចសហប្រតិបត្តិការក្នុងការសាងសង់មជ្ឈមណ្ឌលស្រាវជ្រាវវិទ្យាសាស្រ...

2018-08-24 10:07:33   Fri, 24,08,2018, 10:07 AM
«ប្រសាសន៍សំខាន់ៗរបស់ឯកឧត្តមបណ្ឌិតសភាចារ្យ ប្រធានរាជបណ្ឌិត្យសភាកម្ពុជា» ក្នុងកម្មវិធីបាឋកថាស្ដីពី «គោលនយោបាយការបរទេសសហរដ្ឋអាម៉េរិកក្រោមរដ្ឋបាលរបស់លោក Donald Trump និងអត្ថន័យចំពោះអាស៊ី» នាព្រឹកថ្ងៃ២៣ ខែសីហា ឆ្នាំ២០១៨
«ប្រសាសន៍សំខាន់ៗរបស់ឯកឧត្តមបណ្ឌិតសភាចារ្យ ប្រធានរាជបណ្ឌិត្យសភាកម្ពុជា» ក្នុងកម្មវិធីបាឋកថាស្ដីពី «គោលនយោបាយការបរទេសសហរដ្ឋអាម៉េរិកក្រោមរដ្ឋបាលរបស់លោក Donald Trump និងអត្ថន័យចំពោះអាស៊ី» នាព្រឹកថ្ងៃ២៣ ខែសីហា ឆ្នាំ២០១៨

នៅក្នុងបទបាឋកថារបស់លោកសាស្ត្រចារ្យបណ្ឌិត​ ដាវីដ ឡែមតុន (David M. Lampton) រៀបចំឡើង​នៅ​រាជ​បណ្ឌិត្យ​សភា​កម្ពុជា កាល​ពី​ព្រឹកម៉ិញនេះ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភា​កម្ពុជា បានបង្ហាញ​...

2018-08-23 05:43:11   Thu, 23,08,2018, 05:43 AM
«ជំនួបរវាងថ្នាក់ដឹកនាំនៃរាជបណ្ឌិត្យសភាកម្ពុជានិងគណៈប្រតិភូសាកលវិទ្យាល័យត្រាវិញ»
«ជំនួបរវាងថ្នាក់ដឹកនាំនៃរាជបណ្ឌិត្យសភាកម្ពុជានិងគណៈប្រតិភូសាកលវិទ្យាល័យត្រាវិញ»

រាជបណ្ឌិត្យសភាកម្ពុជា ជាស្ថាប័ន ស្រាវជ្រាវជាន់ខ្ពស់ និងប្រមូលផ្តុំដោយអ្នកសិក្សាស្រាវជ្រាវ លើជំនាញវិស័យ ផ្សេងៗពីគ្នា ហើយក៏កំពុងព្យាយាមក្នុងការពង្រីកវិសាលភាពរបស់ខ្លួន ក្នុងឆាកអន្តរជាតិតាមរយៈការភ្ជាប់កិច...

2018-08-21 09:41:03   Tue, 21,08,2018, 09:41 AM

សេចក្តីប្រកាស

ទំនាក់ទំនង
  • ទូរស័ព្ទ / ទូរសារ:
  • សារអទ្បិចត្រូនិច: info@rac.gov.kh
  • អាសយដ្ធាន​: មហាវិថីសហព័ន្ធរុស្សី សង្កាត់អូរបែកក្អម ខណ្ឌសែនសុខ រាជធានីភ្នំពេញ ព្រះរាជាណាចក្រកម្ពុជា Tel/Fax: (855) 23 890 180; www.rac.gov.kh; E-mail: info@rac.gov.kh; P.O.Box 531 Phnom Penh, Cambodia.
    • មាតិកា
  •   (Rac application)
  • ទំព័រដើម
  • ព័ត៌មាន
  • ស្រាវជ្រាវ និងបណ្តុះបណ្តាល
  • បណ្ណាល័យ
  • បណ្ឌិតសភាចារ្យ
  • វិទ្យាស្ថាន
  • ឧទ្យានរាជបណ្ឌិត្យសភាកម្ពុជា តេជោសែនប្ញស្សីត្រឹប
  • ភាសាខ្មែរ
  • អំពីយើង
    • ដៃគូរសហការ
    បណ្ដាញសង្គម
  •   facebook
  •   youtube

    • @២០២៤​-រក្សាសិទ្ធគ្រប់យ៉ាងដោយ​​ រាជបណ្ឌិត្យសភាកម្ពុជា​

    អភិវឌ្ឍដោយ ការិយាល័យឌីជីថល នៃរាជបណ្ឌិត្យសភាកម្ពុជា