ព័ត៌មាន

«ជា សុផារ៉ា៖ ដើម្បីរៀបចំទីក្រុងមួយឱ្យមាននិរន្តរភាពត្រូវផ្ដោតលើចំណុចអាទិភាព៥»

ថ្ងៃសុក្រ, 28 កញ្ញា 2018, 01:49 PM

ធ្លាប់ជាអភិបាលរាជធានីភ្នំពេញនិងបច្ចុប្បន្ននេះជារដ្ឋមន្ត្រីក្រសួង រៀបចំដែនដីនគររូបនីយកម្មនិងសំណង់ ឯកឧត្តម ជា សុផារ៉ា បាន លើកឡើងថា ការរៀបចំទីក្រុងមួយឱ្យបាននិរន្តរភាពនិងអាច រក្សាអត្តសញ្ញាណជាតិចាំបាច់ត្រូវផ្ដោតលើការងារសំខាន់និងអាទិភាពចំនួន៥ ចំណុច។

១.រៀបចំផែនការប្រើប្រាស់ដី ថ្លែងក្នុងឱកាសសំណេះសំណាលជាមួយប្រតិភូយុវជនកម្ពុជានៃកម្មវិធីនាវាយុវជនអាស៊ីអាគ្នេយ៍ និង ជប៉ុន (SSEAYP)លើកទី៤៥កាលពីថ្ងៃទី ២០ ខែ កញ្ញា ឆ្នាំ២០១៨ ឯកឧត្តមឧបនាយករដ្ឋមន្រ្ដី បានលើកឡើងថា ការកសាងហេដ្ឋារចនាសម្ព័ន្ធគ្រប់បែបយ៉ាងនៅក្នុងទីក្រុងមានជាអាទិ៍ តំបន់រដ្ឋបាល តំបន់ សាធារណៈ ឧស្សាហ៍កម្ម តំបន់ពាណិជ្ជកម្ម តំបន់ទេសចរណ៍ និង លំនៅឋានជាដើម ចាំបាច់ត្រូវមានផែនការរៀបចំផែនការប្រើប្រាស់ ដី ជាមុនសិន។លោកថា ការរៀបចំខ្សែក្រវ៉ាត់បៃតង គួរធ្វើនៅខាងក្រៅក្រុង ចំណែកឯការរៀបចំផ្សារដែលមិនគួរ រុញមកកន្លែងតែមួយនោះទេ ព្រោះវាជា ហេតុដែលបង្កឱ្យមានការកកស្ទះចរាចរណ៍។

២.ប្រព័ន្ធលូនិងបង្ហូរទឹកកខ្វក់ ការរៀបនូវហេដ្ឋារចនាសម្ព័ន្ធប្រព័ន្ធលូ និងបង្ហូរទឹកកខ្វក់ នេះ គឺជាគោលដៅចម្បងក្នុងការធានាឱ្យបាននូវ ការអភិវឌ្ឍប្រកបដោយនិរន្តរភាព។ ករណីកង្វះខាតអនាម័យ ប្រព័ន្ធ គ្រប់គ្រងទឹកកខ្វក់អាច ប៉ះពាល់សុខភាពដែលជាឧបសគ្គដល់ការអភិវឌ្ឍហើយ យើងមិនអាចនឹងមើលរំលងបានទេ។ ឯកឧត្តម បាន រំលឹកឡើងវិញកាលលោកនៅកាន់តំណែងជាអភិបាល រាជធានី ភ្នំពេញទឹកកខ្វក់ត្រូវបានបង្ហូរតាមប្រឡាយស្ទឹងមានជ័យធ្លាក់ទៅបឹង ទំពុន។ រៀបចំប្រព័ន្ធទំនប់កប់ស្រូវ ដើម្បីបូមទឹកកខ្វក់ចេញពីក្រុងភ្នំពេញ។

៣. ការមើលទិសខ្យល់ ការរៀបចំទីក្រុងមួយក៏ចាំបាច់ត្រូវសិក្សាលើ ទិសខ្យល់។ បុព្វបុរសខ្មែរកសាងរាជធានីអង្គរមិនត្រឹមសិក្សាទិសខ្យល់ បក់ទេ ប៉ុន្តែក៏បានសិក្សាដល់ប្រព័ន្ធពន្លឺ និងទិសដៅរបស់ ព្រះអាទិត្យ ផងដែរ។ ទីក្រុងពិតណាស់ជាកន្លែងមានមនុស្សរស់នៅច្រើន ដូច្នេះ ការសាងសង់រោងចក្រ និងឧស្សាហ៍កម្មធំៗ ដែលមានបង្ហុយផ្សែង ពុលត្រូវសិក្សាពីរបបខ្យល់បក់តើអាចហុយចូលមកទីក្រុងដែរ ឬទេ?

៤. ប្រភពទឹកស្អាតប្រភពទឹកស្អាតគឺជាតម្រូវ ការចាំបាច់បំផុតសម្រាប់ ប្រជាពលរដ្ឋទូទៅប្រើប្រាស់ប្រចាំថ្ងៃ។ បច្ចុប្បន្ននេះទឹកស្អាតដែលផ្គត់ ផ្គង់នៅរាជធានីភ្នំពេញមានប្រភពពីទឹកទន្លេ។ ទឹកទន្លេប្រែប្រួលទៅ តាមរដូវទឹកឡើងនិងទឹកស្រក។ តួយ៉ាងដូចជាប្រភពទឹកទន្លេបាសាក់ នៅរដូវវស្សានឹងហូរចូលទន្លេសាប ប៉ុន្តែពេលទឹកស្រកវិញនឹងធ្វើឱ្យ ទឹកទន្លេសាបឡើងល្អក់។ ពេលទឹកល្អក់ខ្លាំងអ្នកជំនាញត្រូវប្រើប្រាស់ ក្លរច្រើនដើម្បីសម្លាប់មេរោគ ។ ដូច្នេះយើងត្រូវលើកផែនការបូមទឹក ទន្លេមេគង្គវិញដោយសារទឹកហូរមិនសូវល្អក់ខ្លាំង។

៥. សំណង់ស្ថាបត្យកម្មមានលក្ខណៈជាខ្មែររចនាបថសំណង់អាគារខ្ពស់ៗក្នុងទីក្រុងត្រូវបញ្ចូលគំនិតស្ថាបត្យកម្មខ្មែរដើម្បីរក្សាបានអត្តសញ្ញាណជាតិនិងការទាក់ទាញភ្ញៀវទេសចរ។ ឯកឧត្តមបានលើកឡើងថាវិស័យសំណង់នៅក្នុងប្រទេសកម្ពុជាកំពុងមានការរីកចម្រើន ក្រសួងរៀបចំដែនដីកន្លងមកក៏បានលើកទឹកចិត្តឱ្យជួយចូលរួមលើក កម្ពស់ តម្លៃស្ថាបត្យកម្មខ្មែរនាសម័យមុន តាមរយៈការរចនា ប្លង់សំណង់ទាំងខាងក្នុងអគារនិងក្រៅអគារឱ្យមានលក្ខណៈ ជាស្ថាបត្យកម្មខ្មែរផងដែរ ដោយឯកឧត្តមបានបញ្ជាក់ថា ក្រសួងរៀបចំដែនដី នគររូបនីយកម្ម និង សំណង់កំពុងរៀបចំធ្វើផែនការគោលរៀបចំទីក្រុងនិងទីប្រជុំជនខណៈ បច្ចុប្បន្នធ្វើបាននៅខេត្តព្រះសីហនុ ខេត្ត សៀមរា និ រាជធានី ភ្នំពេញ៕

ប្រភព:ខ្លីខ្លី

RAC Media | ហេង សុភី

អត្ថបទទាក់ទង

ការប្រកាសដំណើរការនីតិវិធីព្យួរ EBA ពីកម្ពុជា ជាឱកាសសម្រាប់កម្ពុជា

ភ្នំពេញ៖ នៅរសៀលថ្ងៃទី១៥ ខែកុម្ភៈ ឆ្នាំ២០១៩ នេះ រាជបណ្ឌិត្យសភាកម្ពុជា សហការជាមួយនឹងក្រសួងពាណិជ្ជកម្ម បានរៀបចំកិច្ចពិភាក្សាតុមូលមួយស្ដីពី «សេចក្ដីសម្រេចរបស់គណៈកម្មការអឺរ៉ុប ស្ដីពីការប្រកាសដំណើរការនីតិវិ...

Fri, 15,02,2019, 03:45 PM

កម្មវិធីកិច្ចពិភាក្សាតុមូល ស្តីពី «សេចក្តីសម្រេចរបស់គណៈកម្មការអឺរ៉ុបស្តីពីការប្រកាសដំណើរការនីតិវិធីព្យួរជាបណ្តោះអាសន្ននូវ EBA ពីកម្ពុជា»

រៀបចំសហការណ៍ដោយ៖ រាជបណ្ឌិត្យសភាកម្ពុជា និងក្រសួងពាណិជ្ជកម្ម សាលនាងនួន អគារ F រាជបណ្ឌិត្យសភាកម្ពុជា ថ្ងៃសុក្រ ១១កើត ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៥ ខែកុម្ភៈ ឆ្នាំ២០១៩។

Thu, 14,02,2019, 09:35 AM

«ឥទ្ធិពលនៃបុណ្យនៃសេចក្ដីស្រឡាញ់ (Valentine's Day)» ដោយ បណ្ឌិត ឈត ប៊ុនថង ប្រធានផ្នែកទំនាក់ទំនងវប្បធម៌ អប់រំ និងទេសចរណ៍ នៃវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា

ភ្នំពេញ៖ មកដល់ពេលនេះ អត្ថន័យនិងប្រតិកម្មចំពោះបុណ្យនៃសេចក្ដីស្រឡាញ់ (Valentine's Day) ត្រូវបានគេយល់ដឹងនិងមើលឃើញស្ទើរតែគ្រប់គ្នាក្នុងសង្គមខ្មែរ។ ប្រតិកម្ម ឬការឆ្លើយតបខ្លះ មានលក្ខណៈគួរឱ្យសរសើរ ឯប្...

Thu, 14,02,2019, 08:41 AM

ឯកឧត្តមបណ្ឌិត យង់ ពៅ អញ្ជើញជាអធិបតីបើកកម្មវិធីបង្ហាញលទ្ធផលស្រាវជ្រាវ ស្តីពី «ការគាំទ្របច្ចេកវិទ្យាផលិតនិងប្រើប្រាស់បាយអូឆា(BIOCHARS) ដើម្បីបង្កើនទិន្នផលកសិកម្មនៅកម្ពុជា»

នាព្រឹក ថ្ងៃព្រហស្បតិ៍១០ កើត ខែមាឃ ឆ្នាំច សំរឺទ្ធិស័ក ព.ស.២៥៦២ត្រូវនឹងថ្ងៃ ទី១៤ ខែកុម្ភៈ ឆ្នាំ២០១៩ ឯក ឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជាបានអញ្ជើញជាអធិបតីបើកកម្មវិធីបង្ហាញលទ្ធផលស្រ...

Thu, 14,02,2019, 04:11 AM

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និង រូបវិទ្យា »

ថ្ងៃពុធ ៨កើត ខែមាឃ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរ បានបន្តប្រជុំពិនិត្យ ពិភាក្សា និងអនុម័តបច្ចេកសព្ទគណៈកម...

Wed, 13,02,2019, 03:50 PM

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្បិ៍»

ថ្ងៃអង្គារ ៨កើត ខែមាឃ ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធបតីភាពឯកឧត្តមបណ្ឌិត ជួរ គារី បានបន្តដឹកនាំប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្បិ៍ បានចំនួន...

Tue, 12,02,2019, 04:27 PM

រាជបណ្ឌិត្យសភាកម្ពុជា

ព័ត៌មាន

«ជា សុផារ៉ា៖ ដើម្បីរៀបចំទីក្រុងមួយឱ្យមាននិរន្តរភាពត្រូវផ្ដោតលើចំណុចអាទិភាព៥»

អត្ថបទទាក់ទង

ការប្រកាសដំណើរការនីតិវិធីព្យួរ EBA ពីកម្ពុជា ជាឱកាសសម្រាប់កម្ពុជា

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និង រូបវិទ្យា »

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការអក្សរសិល្បិ៍»

សេចក្តីប្រកាស

ទំនាក់ទំនង

មាតិកា

ដៃគូរសហការ

បណ្ដាញសង្គម