ព័ត៌មាន

«ជា សុផារ៉ា៖ ដើម្បីរៀបចំទីក្រុងមួយឱ្យមាននិរន្តរភាពត្រូវផ្ដោតលើចំណុចអាទិភាព៥»

ថ្ងៃសុក្រ, 28 កញ្ញា 2018, 01:49 PM

ធ្លាប់ជាអភិបាលរាជធានីភ្នំពេញនិងបច្ចុប្បន្ននេះជារដ្ឋមន្ត្រីក្រសួង រៀបចំដែនដីនគររូបនីយកម្មនិងសំណង់ ឯកឧត្តម ជា សុផារ៉ា បាន លើកឡើងថា ការរៀបចំទីក្រុងមួយឱ្យបាននិរន្តរភាពនិងអាច រក្សាអត្តសញ្ញាណជាតិចាំបាច់ត្រូវផ្ដោតលើការងារសំខាន់និងអាទិភាពចំនួន៥ ចំណុច។

១.រៀបចំផែនការប្រើប្រាស់ដី ថ្លែងក្នុងឱកាសសំណេះសំណាលជាមួយប្រតិភូយុវជនកម្ពុជានៃកម្មវិធីនាវាយុវជនអាស៊ីអាគ្នេយ៍ និង ជប៉ុន (SSEAYP)លើកទី៤៥កាលពីថ្ងៃទី ២០ ខែ កញ្ញា ឆ្នាំ២០១៨ ឯកឧត្តមឧបនាយករដ្ឋមន្រ្ដី បានលើកឡើងថា ការកសាងហេដ្ឋារចនាសម្ព័ន្ធគ្រប់បែបយ៉ាងនៅក្នុងទីក្រុងមានជាអាទិ៍ តំបន់រដ្ឋបាល តំបន់ សាធារណៈ ឧស្សាហ៍កម្ម តំបន់ពាណិជ្ជកម្ម តំបន់ទេសចរណ៍ និង លំនៅឋានជាដើម ចាំបាច់ត្រូវមានផែនការរៀបចំផែនការប្រើប្រាស់ ដី ជាមុនសិន។លោកថា ការរៀបចំខ្សែក្រវ៉ាត់បៃតង គួរធ្វើនៅខាងក្រៅក្រុង ចំណែកឯការរៀបចំផ្សារដែលមិនគួរ រុញមកកន្លែងតែមួយនោះទេ ព្រោះវាជា ហេតុដែលបង្កឱ្យមានការកកស្ទះចរាចរណ៍។

២.ប្រព័ន្ធលូនិងបង្ហូរទឹកកខ្វក់ ការរៀបនូវហេដ្ឋារចនាសម្ព័ន្ធប្រព័ន្ធលូ និងបង្ហូរទឹកកខ្វក់ នេះ គឺជាគោលដៅចម្បងក្នុងការធានាឱ្យបាននូវ ការអភិវឌ្ឍប្រកបដោយនិរន្តរភាព។ ករណីកង្វះខាតអនាម័យ ប្រព័ន្ធ គ្រប់គ្រងទឹកកខ្វក់អាច ប៉ះពាល់សុខភាពដែលជាឧបសគ្គដល់ការអភិវឌ្ឍហើយ យើងមិនអាចនឹងមើលរំលងបានទេ។ ឯកឧត្តម បាន រំលឹកឡើងវិញកាលលោកនៅកាន់តំណែងជាអភិបាល រាជធានី ភ្នំពេញទឹកកខ្វក់ត្រូវបានបង្ហូរតាមប្រឡាយស្ទឹងមានជ័យធ្លាក់ទៅបឹង ទំពុន។ រៀបចំប្រព័ន្ធទំនប់កប់ស្រូវ ដើម្បីបូមទឹកកខ្វក់ចេញពីក្រុងភ្នំពេញ។

៣. ការមើលទិសខ្យល់ ការរៀបចំទីក្រុងមួយក៏ចាំបាច់ត្រូវសិក្សាលើ ទិសខ្យល់។ បុព្វបុរសខ្មែរកសាងរាជធានីអង្គរមិនត្រឹមសិក្សាទិសខ្យល់ បក់ទេ ប៉ុន្តែក៏បានសិក្សាដល់ប្រព័ន្ធពន្លឺ និងទិសដៅរបស់ ព្រះអាទិត្យ ផងដែរ។ ទីក្រុងពិតណាស់ជាកន្លែងមានមនុស្សរស់នៅច្រើន ដូច្នេះ ការសាងសង់រោងចក្រ និងឧស្សាហ៍កម្មធំៗ ដែលមានបង្ហុយផ្សែង ពុលត្រូវសិក្សាពីរបបខ្យល់បក់តើអាចហុយចូលមកទីក្រុងដែរ ឬទេ?

៤. ប្រភពទឹកស្អាតប្រភពទឹកស្អាតគឺជាតម្រូវ ការចាំបាច់បំផុតសម្រាប់ ប្រជាពលរដ្ឋទូទៅប្រើប្រាស់ប្រចាំថ្ងៃ។ បច្ចុប្បន្ននេះទឹកស្អាតដែលផ្គត់ ផ្គង់នៅរាជធានីភ្នំពេញមានប្រភពពីទឹកទន្លេ។ ទឹកទន្លេប្រែប្រួលទៅ តាមរដូវទឹកឡើងនិងទឹកស្រក។ តួយ៉ាងដូចជាប្រភពទឹកទន្លេបាសាក់ នៅរដូវវស្សានឹងហូរចូលទន្លេសាប ប៉ុន្តែពេលទឹកស្រកវិញនឹងធ្វើឱ្យ ទឹកទន្លេសាបឡើងល្អក់។ ពេលទឹកល្អក់ខ្លាំងអ្នកជំនាញត្រូវប្រើប្រាស់ ក្លរច្រើនដើម្បីសម្លាប់មេរោគ ។ ដូច្នេះយើងត្រូវលើកផែនការបូមទឹក ទន្លេមេគង្គវិញដោយសារទឹកហូរមិនសូវល្អក់ខ្លាំង។

៥. សំណង់ស្ថាបត្យកម្មមានលក្ខណៈជាខ្មែររចនាបថសំណង់អាគារខ្ពស់ៗក្នុងទីក្រុងត្រូវបញ្ចូលគំនិតស្ថាបត្យកម្មខ្មែរដើម្បីរក្សាបានអត្តសញ្ញាណជាតិនិងការទាក់ទាញភ្ញៀវទេសចរ។ ឯកឧត្តមបានលើកឡើងថាវិស័យសំណង់នៅក្នុងប្រទេសកម្ពុជាកំពុងមានការរីកចម្រើន ក្រសួងរៀបចំដែនដីកន្លងមកក៏បានលើកទឹកចិត្តឱ្យជួយចូលរួមលើក កម្ពស់ តម្លៃស្ថាបត្យកម្មខ្មែរនាសម័យមុន តាមរយៈការរចនា ប្លង់សំណង់ទាំងខាងក្នុងអគារនិងក្រៅអគារឱ្យមានលក្ខណៈ ជាស្ថាបត្យកម្មខ្មែរផងដែរ ដោយឯកឧត្តមបានបញ្ជាក់ថា ក្រសួងរៀបចំដែនដី នគររូបនីយកម្ម និង សំណង់កំពុងរៀបចំធ្វើផែនការគោលរៀបចំទីក្រុងនិងទីប្រជុំជនខណៈ បច្ចុប្បន្នធ្វើបាននៅខេត្តព្រះសីហនុ ខេត្ត សៀមរា និ រាជធានី ភ្នំពេញ៕

ប្រភព:ខ្លីខ្លី

RAC Media | ហេង សុភី

អត្ថបទទាក់ទង

«គម្រោងជីកប្រឡាយទឹកជាព្រំប្រទល់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប»

ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ត្រូវបានបង្កើតនិងទទួលស្គាល់ ដោយព្រះរាជក្រឹត្យលេខ នស/រកត/០៤១៤/៤៣៦ ចុះថ្ងៃទី៨ ខែមេសា ឆ្នាំ២០១៤ មានទំហំ ផ្ទៃដី១១ ៤៣៥ហិកតា មានទីតាំងស្ថិតក្នុងឃុំឆែបមួយ និង ឃ...

Thu, 29,02,2024, 03:52 AM

«ការអប់រំពីតម្លៃនៃមនុស្ស»

អត្ថបទដោយ៖ បណ្ឌិត ទុយ យូឃីម និង បណ្ឌិត ជា វណ្ណី, វិទ្យាស្ថានមនុស្សសាស្រ្តនិងវិទ្យាសាស្រ្តសង្គម, រាជបណ្ឌិត្យសភាកម្ពុជាការអប់រំពីតម្លៃនៃមនុស្ស មានឥទ្ធិពល លើគ្រប់ទិដ្ឋភាពនៃជីវិត វាប៉ះពាល់យ៉ាងខ្លាំង...

Thu, 29,02,2024, 03:20 AM

ឆ្នាំទី៣នៃសង្រ្គាមរវាងរុស្ស៊ីនិងអ៊ុយក្រែន ៖ តើសង្គ្រាមនេះនឹងចប់ពេលណា?

ដោយ ៖ លោក ធន ឆាយពិសិដ្ឋ អនុប្រធានពិសិដ្ឋអនុប្រធាននាយកដ្ឋាននយោបាយនិងច្បាប់អន្តរជាតិ នៃវិទ្យាស្ថានទំនាក់ទំនងអន្តរជាតិនៃកម្ពុជាគិតមកដល់មកដល់ពេលនេះ សង្រ្គាមរវាងរុស្ស៊ីនិងអ៊ុយក្រែនបានចូលឆ្នាំទីបីដោយគ្មានតម...

Thu, 29,02,2024, 02:07 AM

Diplomatic Strategies for Strengthening ASEAN Unity

Mr. Peou Sedara, Official of the Department of International Law and Diplomacy, International Relations Institute of Cambodia (IRIC)The Association of Southeast Asian Nations (ASEAN) has been a corner...

Thu, 29,02,2024, 01:53 AM

ការបង្កើតតំបន់សេដ្ឋកិច្ចពិសេសនៅកម្ពុជា ដោយ៖ បណ្ឌិត ឈឿន ប៊ុនឆា មន្ត្រីជំនួយការបណ្ឌិតសភាចារ្យ លេខាធិការដ្ឋានក្រុមប្រឹក្សាបណ្ឌិតសភាចារ្យ និងជាលេខាធិការមជ្ឈមណ្ឌលស្រាវជ្រាវអាស៊ីនៃរាជបណ្ឌិត្យសភាកម្ពុជា

រាជរដ្ឋាភិបាលកម្ពុជាមានមហិច្ឆតាក្នុងការផ្លាស់ប្ដូរពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងឆ្នាំ២០៣០ ហើយបន្តក្លាយជាប្រទេសអភិវឌ្ឍនូវកំណើនសេដ្ឋកិច្ច និងការប្រកួតប្រជែង...

Mon, 26,02,2024, 08:16 AM

ទស្សនវិទូនិយមការសិក្សាស្រាវជ្រាវដោះស្រាយបញ្ហាកំពុងកើតឡើង (Pragmatism) ដោយ៖ បណ្ឌិត វង់ សំអូន ជំនួយការខុទ្ទកាល័យរាជបណ្ឌិត្យសភាកម្ពុជា

ទស្សនវិទូក្រុមនេះបានប្រើប្រាស់គោលវិធីសិក្សាស្រាវជ្រាវតាមបែបចម្រុះតែប៉ុណ្ណោះ ក្នុងការសិក្សាស្វែងរកចម្លើយ ឬដោះស្រាយបញ្ហាទាំងឡាយណាដែលបានកើតមានឡើងចេញពីសកម្មភាពណាមួយដែលត្រូវបានគេអនុវត្ត ឬប្រព្រឹត្តនៅក្នុងស...

Fri, 23,02,2024, 09:04 AM

រាជបណ្ឌិត្យសភាកម្ពុជា

ព័ត៌មាន

«ជា សុផារ៉ា៖ ដើម្បីរៀបចំទីក្រុងមួយឱ្យមាននិរន្តរភាពត្រូវផ្ដោតលើចំណុចអាទិភាព៥»

អត្ថបទទាក់ទង

«គម្រោងជីកប្រឡាយទឹកជាព្រំប្រទល់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប»

«ការអប់រំពីតម្លៃនៃមនុស្ស»

ឆ្នាំទី៣នៃសង្រ្គាមរវាងរុស្ស៊ីនិងអ៊ុយក្រែន ៖ តើសង្គ្រាមនេះនឹងចប់ពេលណា?

Diplomatic Strategies for Strengthening ASEAN Unity

សេចក្តីប្រកាស

ទំនាក់ទំនង

មាតិកា

ដៃគូរសហការ

បណ្ដាញសង្គម