ព័ត៌មាន

«សម្តេចតេជោនាយករដ្ឋមន្ត្រីអញ្ជើញទៅដល់បុរីញូវយ៉កសហរដ្ឋអាម៉េរិកប្រកបដោយសុវត្ថិភាពនៅម៉ោងជិត៤ទាបភ្លឺថ្ងៃទី២៨កញ្ញានេះ...»

ថ្ងៃសុក្រ, 28 កញ្ញា 2018 ម៉ោង 03:20 PM

អ្នកមើល 5080

ថ្ងៃសុក្រ ទី២៨ ខែកញ្ញា ឆ្នាំ២០១៨

មហាសន្និបាតរបស់អង្គការសហប្រជាជាតិលើកនេះនឹងប្រព្រឹត្តទៅក្រោមមូលបទ «ធ្វើឱ្យអង្គការសហប្រជាជាតិមានសារសំខាន់ពាក់ព័ន្ធជាមួយប្រជាជនទាំងអស់ ភាពជាអ្នកដឹកនាំសកលនិងការទទួលខុសត្រូវរួមសម្រាប់សង្គមប្រកបដោយសន្តិភាព សមធម៌ និងនិរន្តរភាព»។

នៅក្នុងរបៀបវារៈដ៏មានសារសំខាន់នោះសម្តេចតេជោនាយករដ្ឋមន្ត្រី នឹងធ្វើសេចក្តីថ្លែងការណ៍ផ្តោតលើការវិវឌ្ឍនាពេលថ្មីៗ និងសមិទ្ធផលសំខាន់ៗដែលរាជរដ្ឋាភិបាលកម្ពុជាសម្រេចបានទាក់ទងបញ្ហាតំបន់ និងអន្តរជាតិ ដែលជាការព្រួយបារម្ភរួម។

ក្នុងឱកាសនៃការអញ្ជើញចូលរួមក្នុងមហាសន្និបាតអង្គការសហប្រជាជាតិលើកទី៧៣ ក្នុងឆ្នាំ២០១៨ នេះ សម្តេចតេជោ នាយករដ្ឋមន្ត្រី នឹងជួបពិភាក្សាទ្វេភាគីដាច់ដោយឡែកពីគ្នាជាមួយ លោក អង់តូនីញ៉ូ ហ្គូតេរ៉េស (António Guterres)អគ្គលេខាធិការអង្គការសហប្រជាជាតិ ,លោក បូយកូ បូរីស្សូវ (Boyko Borissov) នាយករដ្ឋមន្ត្រីប៊ុលហ្គារី លោក ខាដហ្កា ប្រ៉ាសាទ ស្សាម៉ា អូលី (Khadga Prasad Sharma Oli) នាយករដ្ឋមន្ត្រីនេប៉ាល់ និងជួបពិភាក្សាដោយមិត្តភាពជាមួយប្រមុខរដ្ឋ និងរដ្ឋាភិបាលនៃប្រទេសមួយចំនួនទៀត។

ក្នុងអំឡុងពេលស្នាក់នៅបុរីញូវយ៉កនោះដែរសម្តេចតេជោនាយករដ្ឋមន្ត្រី ក៏នឹងជួបជាមួយសហគមន៍ខ្មែរដែលរស់នៅសហរដ្ឋអាម៉េរិក និងកាណាដា។

សម្តេចតេជោនាយករដ្ឋមន្ត្រីគ្រោងនឹងវិលត្រឡប់មកដល់មាតុប្រទេសវិញនៅល្ងាចថ្ងៃទី១ ខែតុលា ខាងមុខនេះ៕

ដកស្រង់៖ រស្មីកម្ពុជា

RAC Media | ផាញ់ សារឿន

អត្ថបទទាក់ទង

«មេរៀនពីសង្គ្រាមនៅអ៊ុយក្រែន» ដោយ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា រាជបណ្ឌិត្យសភាកម្ពុជា

(ប្រធានាធិបតីអ៊ុយក្រែន៖ «មានតែយើងខ្លួនឯងប៉ុណ្ណោះ ដែលត្រូវការពារជាតិរបស់យើង។ តើមាននរណាដែលត្រៀមប្រយុទ្ធជាមួយយើង? ខ្ញុំមិនបានមើលឃើញនរណាម្នាក់នោះទេ»)មេរៀនពីសង្គ្រាមនៅអ៊ុយក្រែន ក៏ដូចជាមេរៀននៅកម្ពុជាឆ...

ថ្ងៃចន្ទ, 28 កុម្ភៈ 2022 ម៉ោង 11:14 AM

សៀវភៅ តក្កវិទ្យា (Logic) ដោយ៖ លោក យឹម អាយុវឌ្ឍនៈវិជ្ជា- វិទ្យាស្ថានវិទ្យាសាស្ត្រ និងបច្ចេកវិទ្យានៃរាជបណ្ឌិត្យសភាកម្ពុជា

ការរីកចម្រើននៃបច្ចេកវិទ្យា តម្រូវឱ្យមនុស្សខិតខំស្វែងរក នូវចំណេះដឹងថ្មីៗ ដើម្បីគ្រប់គ្រងនិងប្រើប្រាស់នូវបច្ចេកវិទ្យាទាំង អស់នោះឱ្យបានប្រសើរឡើង។ ក្នុងនោះដែរ មុខជំនាញគណិតវិទ្យា ដើរតួនាទីយ៉ាងសំខាន់នៅក្នុង...