រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ, 28 កញ្ញា 2018 ម៉ោង 09:49 AM
ថ្ងៃសុក្រ ទី២៨ ឆ្នាំ២០១៨
នៅទូទាំងអាម៉េរិក ទាំងគណបក្សសាធារណរដ្ឋនិងគណបក្សប្រជាធិបតេយ្យបានធ្វើឬនឹងធ្វើការបោះឆ្នោតបឋមដើម្បីជ្រើសរើសបេក្ខជនរបស់ខ្លួនដែលនឹងត្រូវប្រកួតប្រជែងគ្នានៅក្នុងការបោះឆ្នោតសភានៅថ្ងៃទី៦ ខែវិច្ឆិកាខាងមុខនេះ។ លោកប្រធានាធិបតី ដូណាល់ ត្រាំបានធ្វើយុទ្ធនាការខ្លាំងក្លាមួយតំណាងឱ្យគណបក្សសាធារណរដ្ឋក្នុងក្ដីសង្ឃឹមដើម្បី ប្រឆាំងនឹងក្ដីរំពឹងទុកនៃការគាំទ្រដែលគណបក្សប្រជាធិបតេយ្យទទួលបាន។លោក ដូណាល់ ត្រាំបាននិយាយថា៖ «សហរដ្ឋអាម៉េរិកត្រូវបានគេគោរពឡើងវិញហើយ ហើយសហរដ្ឋអាម៉េរិកឈ្នះឡើងវិញហើយដោយសារតែយើងផ្ដល់ទិភាពឱ្យសហរដ្ឋអាម៉េរិកជាមុន»។
ខាងក្រោមនេះជាការព្យាយាមទាញសន្លឹកឆ្នោត និងការបញ្ជាក់ពីគោលនយោបាយការបរទេសរបស់លោក ដូណា់ ត្រាំ៖
១-នៅថ្ងៃទី២៦ ខែកញ្ញា ឆ្នាំ២០១៨ លោក ដូណាល់ ត្រាំ លើកឡើងបែបនេះ នៅក្នុងសន្និសីទសារព័ត៌មានមួយ ថ្ងៃ ពុធសប្ដាហ៍នេះ(ម៉ោងក្នុងទីក្រុងញូយ៉ក)។ ថ្លែងនាឱកាសនោះ ប្រធានាធិបតីអាម៉េរិករូបនេះបានគូសបញ្ជាក់យ៉ាងដូច្នេះថា «អតីតប្រធានាធិបតី លោក អូបាម៉ា ធ្លាប់ជិតឈានដល់ការបំផ្ទុះសង្រ្គាម ជាមួយកូរ៉េខាងជើងទៅហើយ។ សង្រ្គាមនេះមិនមែនត្រឹមនឹងសម្លាប់មនុស្សរាប់ពាន់នាក់នោះទេ ពោលបើវាផ្ទុះឡើង មនុស្សរាប់លាននាក់នឹងត្រូវរងការកាប់សម្លាប់ ហើយវាអាចនឹងបង្កជាសង្រ្គាមលោកថ្មីមួយក៏ថាបាន...ប៉ុន្តែសំណាងល្អដែលខ្ញុំបានជាប់ឆ្នោតជាប្រធានាធិបតីអាម៉េរិកនឹងប្រើប្រាស់ទំនាក់ទំនងជាមួយលោក គីម ជុងអ៊ុនដើម្បីទប់ស្កាត់សង្រ្គាមមិនឱ្យផ្ទុះឡើង» ។
២-លោកដូណាល់ ត្រាំ បានថ្លែងប្រាប់នៅកិច្ចប្រជុំរបស់ក្រុមប្រឹក្សាសន្តិសុខអង្គការសហប្រជាជាតិថា«ចិនបាននិងកំពុងប៉ុនប៉ងចូលជ្រៀតជ្រែកនៅក្នុងការបោះឆ្នោតឆ្នាំ២០១៨នាពេលខាងមុខរបស់យើង។ប្រឆាំងនឹងរដ្ឋាភិបាលរបស់ខ្ញុំ»។ ប៉ុន្តែភ្លាមៗប្រមុខការទូតចិន លោកវ៉ាងយី បានប្រាប់ក្រុមប្រឹក្សាថា« យើងមិនបាន ហើយក៏នឹងមិនជ្រៀតជ្រែកកិច្ចការផ្ទៃក្នុងរបស់ប្រទេសណាមួយដែរ។យើងមិនទទួលយកការចោទប្រកាន់គ្មានការទទួលខុសត្រូវប្រឆាំងចិនឡើយ»។
៣- នៅថ្ងៃមហាសន្និបាតអង្គការសហប្រជាជាតិនាថ្ងៃ ២៥ ខែកញ្ញា ដដែរប្រធានាធិបតីអាមេរិក ដូណាល់ ត្រាំ ថា សង្គ្រាមជាមួយកូរ៉េខាងជើងអាចនឹងផ្ទុះឡើង បើសិនជាខ្លួនមិនជាប់ឆ្នោតជាប្រធានាធិបតីសហរដ្ឋអាម៉េរិក។លោក ដូណាល់ ត្រាំ បានគូសបញ្ជាក់ថា រដ្ឋបាលនៃអតីតប្រធានាធិបតីអាម៉េរិកលោក បារ៉ាក់ អូបាម៉ា ជិតឈានដល់ការបំផ្ទុះសង្រ្គាមជាមួយកូរ៉េខាងជើងនៅក្នុងអាណត្តិរបស់ខ្លួន ហើយថា បើលោកមិនបានជាប់ឆ្នោតជាប្រធានាធិបតីអាម៉េរិកទេនោះ ម្ល៉េះសង្រ្គាមនេះ ផ្ទុះឡើងបាត់ទៅហើយ។
៤-ប្រធានាធិបតីអាម៉េរិក ដូណាល់ ត្រាំ បានពន្យល់ប្រាប់អង្គមហាសន្និបាតអង្គការសហប្រជាជាតិនាថ្ងៃ ២៥ ខែកញ្ញាថា«ខ្ញុំឱ្យតម្លៃលើសិទ្ធិរបស់ប្រជាជាតិនីមួយៗក្នុងសាលប្រជុំនេះក្នុងការការពារទំនៀមទម្លាប់ ជំនឿ និងប្រពៃណីរបស់ខ្លួន។អាម៉េរិកមិនទៅប្រាប់អ្នកពីរបៀបនៃការរស់នៅធ្វើការឬគោរពប្រណិប័តន៍អ្វីឡើយ។ យើងសុំមកវិញត្រឹមតែអ្នកគោរពអធិបតេយ្យរបស់យើងប៉ុណ្ណោះ»។ លោក ត្រាំក៏បានលើកឡើងជាថ្មីទៀតដែរថា គោលនយោបាយការបរទេសអាម៉េរិកគឺដើរតាមគោលគំនិត«ប្រាកដនិយមជាគោលការណ៍(Principled Realism)» ដែលផ្អែកលើលទ្ធផលនិងស្ថានភាពជាក់ស្តែង មិនមែនផ្អែកលើទ្រឹស្តីឬមនោគមន៍វិជា្ជឡើយ។ ត្រង់នេះបញ្ជាក់ថាអាមេរិកនឹងមិនបង្រៀនគេឯង ឬបង្ខំឱ្យគេឯងធ្វើតាមខ្លួនជុំវិញបញ្ហាសិទ្ធិមនុស្ស និងប្រជាធិបតេយ្យឡើយ។
ដកស្រង់៖ khmer.voanews, Fresh news, apsaracentral រស្មីកម្ពុជា និងថ្មីៗ
RAC Mediea, ផាញ់ សារឿន
ដោយមានកិច្ចសហការជាមួយ វិទ្យាស្ថានបរិស្ថានកូរ៉េ (KEI) និង ក្រុមប្រឹក្សាជាតិអភិវឌ្ឍន៍ដោយចីរភាព (NCSD) រាជបណ្ឌិត្យសភាកម្ពុជា នឹងរៀបចំកម្មវិធីសិក្ខាសាលាមួយ ស្តីពី «បញ្ហាប្រឈមនៃបរិស្ថានរបស់កម្ពុជា និ...
ថ្ងៃសុក្រ, 13 កញ្ញា 2019 ម៉ោង 06:41 AM
កិច្ចប្រជុំប្រចាំសប្តាហ៍របស់វិទ្យាស្ថានទំនាក់ទំនងអន្តរជាតិកម្ពុជា ក្រោមអធិបតីភាពឯកឧត្តមបណ្ឌិត គិន ភា ប្រធានវិទ្យាស្ថាន និងមន្ត្រីក្រោមឱវាទចំនួន១១រូប កាលពីព្រឹកថ្ងៃពុធ ១៣ កើត ខែភទ្របទ ឆ្នាំកុរ ឯកស័ក ពុ...
ថ្ងៃព្រហស្បតិ៍, 12 កញ្ញា 2019 ម៉ោង 11:11 AM
ក្នុងនាមឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានអញ្ជើញជាអធិបតីក្នុងពិធីចុះអនុស្សរណៈយោគយល់រវាងវិទ្យាស្ថានខុងជឺនៃរាជបណ្ឌិត...
ថ្ងៃចន្ទ, 09 កញ្ញា 2019 ម៉ោង 08:21 PM
ភ្នំពេញ៖ នៅព្រឹកថ្ងៃទីចន្ទ ១១កើត ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៩ ខែកញ្ញា ឆ្នាំ២០១៩ នេះ រាជបណ្ឌិត្យសភាកម្ពុជា បានរៀបចំពិធីសិតរូបបដិមាព្រះនាងឥន្ទ្រទេវី ដែលស្ថិតនៅមុខអគារឥន្ទ្រីទេវីនៃរា...
ថ្ងៃចន្ទ, 09 កញ្ញា 2019 ម៉ោង 11:46 AM
ភ្នំពេញ៖ នៅព្រឹកថ្ងៃចន្ទ ១១កើត ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៩ ខែកញ្ញា ឆ្នាំ២០១៩ នេះ ក្នុងពិធីសិតរូបបដិមាព្រះនាងឥន្ទ្រទេវីនៅរាជបណ្ឌិត្យសភាកម្ពុជា ឯកឧត្ដមបណ្ឌិតសភាចារ្យ សុខ ទូច ប្រធាន...
ថ្ងៃចន្ទ, 09 កញ្ញា 2019 ម៉ោង 10:34 AM
នៅរសៀលថ្ងៃសុក្រ ទី៦ ខែកញ្ញា ឆ្នាំ២០១៩នេះ ឯកឧត្តមបណ្ឌិតសភាចារ្យសុខ ទូច ប្រធានរាជបណ្ឌិត្យសភាកម្ពុជា អញ្ជើញចុះអនុស្សរណៈយោគយល់គ្នា រវាងសាកលវិទ្យាល័យត្រាវិញ ខេត្តត្រាវិញប្រទេសវៀតណាមដើម្បីធ្វើកិច្ចសហប្រតិបត...
ថ្ងៃសៅរ៍, 07 កញ្ញា 2019 ម៉ោង 12:47 PM
