ព័ត៌មាន

«ក្រុមហ៊ុនអាម៉េរិកជាង ១០ កំពុងសម្លឹងមើល ឱកាសវិនិយោគនៅក្នុងវិស័យកសិកម្មរបស់ប្រទេសកម្ពុជា»

2018-09-28 02:22:00 ថ្ងៃសុក្រ, 28 កញ្ញា 2018, 02:22 AM
post_detail

ថ្ងៃសុក្រ ទី២៨ ឆ្នាំ២០១៨

បើតាមសារព័ត៌មាន ភ្នំពេញប៉ុស្តិ៍ បានផ្សាយគឺ ក្រុមហ៊ុនអាម៉េរិកជាង ១០ ក្រុមហ៊ុនដែលបានប្រមូលផ្ដុំគ្នានៅរាជធានីភ្នំពេញកំពុងសម្លឹងមើលឱកាសវិនិយោគនៅក្នុងវិស័យកសិកម្មរបស់ប្រទេសកម្ពុជា។ ចាប់ពីថ្ងៃទី២៦ ដល់ថ្ងៃទី ២៧ ខែកញ្ញា ឆ្នាំ២០១៨ សភាពាណិជ្ជកម្មអាម៉េរិកនៅកម្ពុជាក្នុងទីក្រុងភ្នំពេញដោយមានការសម្របសម្រួលជាមួយនឹងស្ថានទូតអាម៉េរិក គឺលោក William Heidt ឯកអគ្គរដ្ឋទូតអាម៉េរិកប្រចាំនៅកម្ពុជា បានឱ្យដឹងនៅក្នុងអំឡុង សន្និសីទនេះថា វាជាឱកាសដ៏ល្អមួយ និងជាពេលវេលាត្រឹមត្រូវសម្រាប់ការជួបជុំគ្នាជាមួយគណៈប្រតិភូពាណិជ្ជកម្ម ដើម្បីជួបជាមួយក្រុមហ៊ុនកសិកម្មក្នុងស្រុកដែលល្បីឈ្មោះនៅក្នុងវិស័យនេះអស់រយៈពេលជាង​១០ឆ្នាំ​ មកហើយ។លោកបានថ្លែងថា៖ «វាជាលើកដំបូងដែលយើងរៀបចំព្រឹត្តិការណ៍ពាណិជ្ជកម្មមួយ នៅក្នុងវិស័យកសិកម្ម»។លោកបន្តថា៖ «ការងាររបស់យើង រវាងពេលនេះ និងបន្ទាប់ គឺជីកកកាយរកសក្ដានុពលកំណើនរបស់វិស័យកសិកម្ម កម្ពុជា»។ ក្រុមហ៊ុនទាំងនោះមានដូចជា៖ ក្រុមហ៊ុន Absolute Packaging ក្រុមហ៊ុន Archer Daniels Midland ក្រុមហ៊ុន Cargill ក្រុមហ៊ុន Humate USA ក្រុមហ៊ុន Hydro Thermal ក្រុមហ៊ុន John Deere ក្រុមហ៊ុន Sripipat Engineering ក្រុមហ៊ុន Syngenta និងក្រុមហ៊ុន Walmart។

សូមបញ្ជាក់ផងដែរថា នៅព្រឹកថ្ងៃទី២៧ ខែកញ្ញា ក្នុងវេទិកាសន្ទនាដៃគូវិស័យសាធារណៈ និងឯកជន ស្តីពី «ការអភិវឌ្ឍសាកវប្បកម្ម និងស្វាយចន្ទី» នាសណ្ឋាគារ Raffles Le Royal Phnom Penh អាម៉េរិកគ្រោងផ្តល់ជំនួយជាង២៣លានដុល្លាសហរដ្ឋអាម៉េរិកដើម្បីគាំទ្រវិស័យវារីវប្បកម្មនៅកម្ពុជា លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទបានបង្ហើបប្រាប់ថា តាមរយៈ USDA (United State Department of Agriculture) សហរដ្ឋអាម៉េរិកគ្រោងផ្តល់ជំនួយជាង២៣លានដុល្លារអាមេរិក សម្រាប់គាំទ្រវិស័យវារីវប្បកម្មនៅក្នុងប្រទេស កម្ពុជា។ លោកបន្ថែមថា គម្រោងនេះ មានរយៈពេល៥ឆ្នាំ ដែលអាចចាប់ផ្តើមដំណើរការនៅតាមបណ្តាខេត្តជាប់នឹង បឹងទន្លេសាប។នេះបើយោងតាមការផ្សាយរបស់វាយោ។

ដកស្រង់៖ ភ្នំពេញប៉ុស្តិ៍, វាយោ

RAC Media, ផាញ់ សារឿន




អត្ថបទទាក់ទង

«បណ្ឌិតសភាចារ្យ សុខ ទូច៖ កម្ពុជា និងអាម៉េរិកមានស្នាមញញឹមដូចគ្នា ស្រឡាញ់សន្តិភាពដូចគ្នា...»

(រាជបណ្ឌិត្យសភាកម្ពុជា)៖ នៅថ្ងៃសៅរ៍ ៦រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១១ ខែកក្កដា ឆ្នាំ២០២០ រាជបណ្ឌិត្យសភាកម្ពុជាសហការជាមួយស្ថានទូតសហរដ្ឋអាម៉េរិកប្រចាំកម្ពុជាបានរៀបចំវេទិកាវិទ្យាសាស្ត...

2020-07-11 09:59:19   Sat, 11,07,2020, 09:59 AM
«ប្រជុំដើម្បីពិនិត្យ ពិភាក្សា និងអនុម័តបច្ចេកសព្ទរបស់គណៈកម្មការកសិកម្ម»

កាលពីរសៀលថ្ងៃពុធ ៣រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៨ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើកកិច្ចប្រជុំដើម្បីពិនិត្យ ពិភាក្សា និងអន...

2020-07-09 03:58:13   Thu, 09,07,2020, 03:58 AM
«កិច្ចប្រជុំដើម្បីពិនិត្យ ពិភាក្សានិងអនុម័តបច្ចេកសព្ទរបស់គណ:កម្មការភាសាវិទ្យា»

កាលពីរសៀលថ្ងៃអង្គារ ២រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៧ ខែកក្កដា ឆ្នាំ២០២០ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបើកកិច្ចប្រជុំដើម្បីពិនិត្យ ពិភាក្សានិងអនុ...

2020-07-07 23:53:33   Tue, 07,07,2020, 11:53 PM
កិច្ចប្រជុំស្ដីពីការរៀបចំជំនួបពិភាក្សាស្ដីពី «បទពិសោធនិងបញ្ហាគោលការណ៍ក្នុងការប្រើ អក្សរឡាតាំងសម្រាប់កត់សូរភាសាខ្មែរ»

កាលពីព្រឹក ថ្ងៃអង្គារ ២រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៧ ខែកក្កដា ឆ្នាំ២០២០ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានបើកកិច្ចប្រជុំស្ដីពីការរៀបចំជំនួបពិ...

2020-07-07 23:45:09   Tue, 07,07,2020, 11:45 PM
ជីធម្មជាតិក្នុងតម្រូវការដាំដុះបន្លែ ដោយ៖ យិន ពោ

RAC Mediaប្រភព៖ ក្រុមការងារស្រាវជ្រាវនៃវិទ្យាស្ថានមនុស្សសាស្ត្រនិងវិទ្យាសាស្ត្រសង្គម

2020-07-07 12:03:55   Tue, 07,07,2020, 12:03 PM
ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា អញ្ជើញគោរពវិញ្ញាណក្ខន្ធសពព្រឹទ្ធាចារ្យ ឡោ សាន

ភ្នំពេញ៖ នាវេលាម៉ោង១១:៣០នាទី ព្រឹកថ្ងៃអង្គារ៍ ២រោច ខែអាសាឍ ឆ្នាំជូត ព.ស. ២៥៦៤ ត្រូវនឹងថ្ងៃទី៧ ខែកក្កដា ឆ្នាំ២០២០ នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្...

2020-07-07 08:41:55   Tue, 07,07,2020, 08:41 AM

សេចក្តីប្រកាស