រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃអង្គារ, 14 មេសា 2020, 09:21 AM
នាឱកាសបុណ្យចូលឆ្នាំថ្មីប្រពៃណីជាតិ ឆ្នាំជូត ទោស័ក ព.ស ២៥៦៤ គ.ស.២០២០ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងអនុប្រធានប្រចាំការក្រុមប្រឹក្សាបណ្ឌិតសភាចារ្យ និងសហការីបានអញ្ជើញទៅសួរសុខទុក្ខ និងជូនពរលោកជំទាវបណ្ឌិតសភាចារ្យ ខ្លូត ធីតា ដែលជាអតីតប្រធានរាជបណ្ឌិត្យសភាកម្ពុជា ជំនាន់ទីពីរ។
នៅក្នុងឱកាសនេះ ឯកឧត្តមបណ្ឌិតសភាចារ្យ សុខ ទូច បានមានប្រសាសន៍ថា លោកចង់ឱ្យមានការចងចាំដល់អ្នកដែលបានផ្តួចផ្តើមឡើងដំបូងពីអ្នកបន្តវេន។ រាជបណ្ឌិត្យសភាកម្ពុជា នឹងមិនមានថ្ងៃនេះនោះទេ បើសិនជាគ្មានការខិតខំប្រឹងប្រែងរបស់អតីតបណ្ឌិតសភាចារ្យប្រធានរាជបណ្ឌិត្យសភាកម្ពុជាគ្រប់ៗរូប និងក្រុមការងារដែលបានឈ្មុសឈ្មុលប្រមែប្រមូលបញ្ញវន្តកម្ពុជា ដើម្បីរៀបចំស្ថាប័ននេះឡើងតាំងពីបាតដៃទទេ ដោយមានការលើកទឹកចិត្តពីសម្តេចនាយករដ្ឋមន្ត្រី។
ឆ្លៀតឱកាសនេះដែរ ឯកឧត្តមបណ្ឌិតសភាចារ្យ សុខ ទូច ក្នុងនាមជាប្រធានជំនាន់ទី៣ នៃរាជបណ្ឌិត្យ សភាកម្ពុជា ក៏បានជម្រាបជូនលោកជំទាវបណ្ឌិតសភាចារ្យ ខ្លូត ធីតា ដែលជាអតីតប្រធានរាជបណ្ឌិត្យសភាកម្ពុជាទីពីរពីវឌ្ឍនភាពនៃស្ថាប័នស្រាវជ្រាវនេះ គិតចាប់ពីពេលដែលឯកឧត្តម បណ្ឌិតសភាចារ្យ បានទទួលសេចក្តីទុកចិត្តពីថ្នាក់ដឹកនាំតែងតាំងជាប្រធានរាជបណ្ឌិត្យសភាកម្ពុជា តាំងពីថ្ងៃទី១១ ខែសីហា ឆ្នាំ២០១៧ មក។
លោកជំទាវបណ្ឌិតសភាចារ្យ ខ្លូត ធីតា បានបង្ហាញពីទឹកចិត្តរីករាយដោយបានឃើញអ្នកបន្តវេនពីរូបលោកជំទាវ និងសហការីបានអញ្ជើញមកសួរសុខទុក្ខ និងជូនពរសម្រាប់ឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំជូត ទោស័ក ព.ស ២៥៦៤ គ.ស.២០២០។
ការសំណេះសំណាលរវាងរៀមច្បងនិងអ្នកបន្តវេន បានប្រព្រឹត្តទៅដោយក្តីសោមនស្ស នារសៀលថ្ងៃទី១៤ ខែមេសា ឆ្នាំ២០២០នេះ ក្នុងគេហដ្ឋានរបស់លោកជំទាវបណ្ឌិតសភាចារ្យ ខ្លូត ធីតា។ ឱកាសនេះ ឯកឧត្តមបណ្ឌិតសភាចារ្យ និងលោកជំទាវបណ្ឌិតសភាចារ្យបានមានប្រសាសន៍លើកឡើងពីរំលែកនូវបទពិសោធន៍ការងារ ពីប្រវត្តិនៃការផ្តួចផ្តើម រៀបចំបង្កើតស្ថាប័ន និងវឌ្ឍនភាពបច្ចុប្បន្នរបស់ស្ថាប័ន។
សូមជម្រាបជូនថា លោកជំទាវបណ្ឌិតសភាចារ្យ ខ្លូត ធីតា ជាអតីតប្រធានរាជបណ្ឌិត្យសភាកម្ពុជា ជំនាន់ទីពីរ ចាប់តាំងពីឆ្នាំ២០០៩ ដល់ឆ្នាំ២០១៧៕
RAC Media | រឿន ភារុន
...
Thu, 13,05,2021, 08:04 AM
RAC Media
Thu, 13,05,2021, 05:07 AM
RAC Mediaប្រភព៖ វិទ្យាស្ថានសិក្សាចិន
Wed, 12,05,2021, 04:29 AM
By Seun Sam After the coup d'état committed by Myanmar’s military on February 1, 2021, countries all over the world were paying close attention to the situation in that country. The reactions of the...
Fri, 30,04,2021, 10:44 AM
សម្តេចតេជោនាយករដ្ឋមន្ត្រី ហ៊ុន សែន អញ្ជើញចូលរួមកិច្ចប្រជុំកំពូលនៃសមាគមប្រជាជាតិអាស៊ីអាគ្នេយ៍ (អាស៊ាន) លើកទី ៣៦ តាមរយៈប្រព័ន្ធវីដេអូ នៅរាជធានីភ្នំពេញ ប្រទេសកម្ពុជា នាថ្ងៃទី២៦ ខែមិថុនា ឆ្នាំ២០២០(អត្ថបទដ...
Fri, 30,04,2021, 09:59 AM
Fri, 30,04,2021, 09:22 AM
