ព័ត៌មាន

«បញ្ហា និងចំណុចសំខាន់ៗ ដែលលោកដូណាល់ ត្រាំថ្លែងក្នុងមហាសន្និបាតអង្គការសហប្រជាជាតិ UN...»

ថ្ងៃពុធ, 26 កញ្ញា 2018 ម៉ោង 09:03 PM

អ្នកមើល 5781

ថ្លែងក្នុងវេទិកាមហាសន្និបាតអង្គការសហប្រជាជាតិប្រមាណជាង៣០នាទីនាថ្ងៃទី២៥ ខែកញ្ញា ឆ្នាំ២០១៨ របស់ប្រធានាធិបតីអាម៉េរិក លោក ដូណាល់ ត្រាំ មានចំណុចសំខាន់ៗជាច្រើនត្រូវបានលើកឡើង ក្នុងនោះមាន៖

អ៊ីរ៉ង់៖លោកត្រាំបានបន្ទោសចំៗដាក់ប្រធានាធិបតីអ៊ីរ៉ង់ ពីការបង្កចលាចលការសម្លាប់មនុស្សនិងការបំផ្លិចបំផ្លាញនានា។ លោកថាអ៊ីរ៉ង់មិនបានគោរពដល់ប្រទេសជិតខាង ឬសិទ្ធិសេរីភាពជាតិសាសន៍ដទៃឡើយ។ ផ្ទុយទៅវិញមេដឹកនាំអ៊ីរ៉ង់បានរឹបអូសទ្រព្យសម្បត្ដិជាតិ ដើម្បីផលប្រយោជន៍ផ្ទាល់ខ្លួន ធ្វើឲ្យខ្លួនឯងក្លាយជាបុគ្គលដែលមានឥទ្ធិពលនៅទូទាំងតំបន់មជ្ឈិមបូព៌ានិងនៅទូទាំងពិភពលោក។លោកថាការដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់ ពិតជារឿងត្រឹមត្រូវ។
កូរ៉េខាងជើង៖ លោកត្រាំអរគុណដល់មេដឹកនាំកូរ៉េខាងជើងលោកគីម ជុងអ៊ុន សម្រាប់កិច្ចខិតខំប្រឹងប្រែងកន្លងមក ទោះបីជាមានរឿងជាច្រើនត្រូវធ្វើបន្ដក្ដី។ យ៉ាងណាមិញទណ្ឌកម្មលើកូរ៉េខាងជើង នៅតែមានប្រសិទ្ធភាពដដែល លុះត្រាតែកូរ៉េខាងជើងសម្រេចបានការរំលាយនុយក្លេអ៊ែរ។
ចិន៖ លោកត្រាំសង្កត់ធ្ងន់ពីសង្គ្រាមពាណិជ្ជជាមួយចិន។ រដ្ឋបាលអាម៉េរិកនឹងមិនអត់ធ្មត់ចំពោះសកម្មភាពបង្កហេតុពីចិនឡើយ។ លោកបានចោទប្រកាន់ចិនដែលធ្វើពាណិជ្ជកម្មគ្មានតុល្យភាពជាមួយអាមេរិក បានលួចកម្មសិទ្ធិបញ្ញាអាមេរិក នាំឲ្យមានឱនភាពពាណិជ្ជកម្មដ៏ធំកើតឡើង។ អាម៉េរិកក៏បានដំឡើងពន្ធលើទំនិញចិនមានតម្លៃរាប់ពាន់លានដុល្លារផងដែរ។
ចំពោះមុខមេដឹកនាំបណ្ដាប្រទេសតូចធំក្នុងកិច្ចប្រជុំលើកទី៧៣ មហាសន្និបាតអង្គការសហប្រជាជាតិប្រធានាធិបតីអាម៉េរិក ដូណាល់ ត្រាំ បានគំរាមផ្ដាច់ជំនួយឲ្យប្រទេសណាដែលមិនជួយអាម៉េរិកវិញ។ លោកថា «យើងនឹងគិតគូរអ្វីដែលបានផល អ្វីដែលមិនបានផលហើយថា តើប្រទេសដែលទទួលលុយដុល្លាររបស់យើង និងការការពាររបស់យើង មានបានគិតគូរពីប្រយោជន៍របស់យើងក្នុងបេះដូងពួកគេឬទេ។»

ដកស្រង៖ ១- វាយោ ២- ថ្មីៗ ៣- Fresh News

RAC Media, ផាញ់ សារឿន

អត្ថបទទាក់ទង

គ្រោះរាំងស្ងួត៖ បញ្ហាប្រវត្តិសាស្ត្រដែលប្រឈមនឹងកិច្ចសហប្រតិបត្តិការមេគង្គ-ឡានឆាង ដោយ៖ លោក អ៊ុច លាង នាយកដ្ឋានសិក្សាអាស៊ី អាហ្វ្រិក និងមជ្ឍិមបូព៌ានៃវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា

យោងតាមការសិក្សាស្រាវជ្រាវរបស់គណៈកម្មការទន្លេមេគង្គ នាពេលថ្មីៗនេះ គ្រោះរាំងស្ងួត តែងតែ កើតមានឡើងជាញឹកញាប់ នៅទូទាំងអាងទន្លេមេគង្គ និងមានការកើនឡើងឥតឈប់ឈរក្នុងរយៈពេលប៉ុន្មានទសវត្សរ៍ចុងក្រោយនេះ។ ផ្នែកខាងលើ...

ថ្ងៃព្រហស្បតិ៍, 12 មីនា 2020 ម៉ោង 02:31 PM

‌«ទីផ្សារកំពុងដាំក្បាលចុះ, វីរុសកូរ៉ូណាកំពុងរាតត្បាត ឯលោក Donald Trump កំពុងវាយប្រហារលោក Joe Biden និងប្រព័ន្ធផ្សព្វផ្សាយ» ប្រែសម្រួល៖ ដោយ លោក ជា ធារិទ្ធ នាយកដ្ឋានសិក្សាអាម៉េរិក អាម៉េរិកឡាទីន និងអូសេអានី

លោកប្រធានាធិបតី Donald Trump ដែលរដ្ឋបាលរបស់លោកកំពុងស្ថិតនៅក្រោមសម្ពាធ និងទទួលរងនូវការរិះគន់កាន់តែខ្លាំងចំពោះការឆ្លើយតបរបស់ខ្លួនទៅនឹងការរាលដាលមេរោគកូរ៉ូណា បានផ្ទុះឡើងនៅលើប្រព័ន្ធផ្សព្វផ្សាយធ្វីតធ័រកាលព...

ថ្ងៃពុធ, 11 មីនា 2020 ម៉ោង 05:12 PM

«ឯកឧត្តមបណ្ឌិត យង់ ពៅ លើកទឹកចិត្តមន្ត្រីរាជបណ្ឌិត្យសភាកម្ពុជាគោរពវិន័យ និងប្រឹងប្រែងបំពេញការងារ បន្សល់ស្នាដៃ និងកេរ្តិ៍ឈ្មោះក្នុងស្ថាប័ន និងសង្គមជាតិ»

(រាជបណ្ឌិត្យសភាកម្ពុជា)៖ ឯកឧត្តមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជាបានលើកទឹកចិត្តមន្ត្រីរាជបណ្ឌិត្យសភាកម្ពុជាទាំងអស់ត្រូវគោរពវិន័យ និងប្រឹងប្រែងបំពេញការងារ ដើម្បីបន្សល់ស្នាដៃ និងកេរ្តិ៍ឈ្...

ថ្ងៃពុធ, 11 មីនា 2020 ម៉ោង 01:29 PM

ប្រធានរាជបណ្ឌិត្យសភាកម្ពុជា៖ មន្ត្រីរាជការដែលប្រឡងជាប់ថ្មី ត្រូវធ្វើខ្លួនឱ្យក្លាយទៅជាអ្នកបន្តវេនជាអ្នកធានានូវសុចរិត តម្លាភាព និងយុត្តិធម៌

(រាជបណ្ឌិត្យសភាកម្ពុជា)៖ កាលពីព្រឹកថ្ងៃអង្គារ៍ ២រោច ខែផល្គុន ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១០ ខែមីនា ឆ្នាំ២០២០ នេះ ក្នុងកិច្ចប្រជុំរួមនៃរាជបណ្ឌិត្យសភាកម្ពុជា ដែលបានចាប់ផ្ដើមពីម៉ោង ៩:០០ នាទីព...

ថ្ងៃពុធ, 11 មីនា 2020 ម៉ោង 01:23 PM

«ទំនាក់ទំនងត្រីកោណ តួកគី-រុស្ស៊ី-សហរដ្ឋអាម៉េរិក ក្នុងសង្គ្រាមស៊ីវិលនៅស៊ីរី» ដោយ៖ លោក ហ៊ាន ស្រស់ នាយកដ្ឋានសិក្សាអឺរ៉ុបនិងរុស្ស៊ី នៃវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា

បញ្ហាទំនាក់ទំនងអន្តរជាតិរបស់ប្រទេសនីមួយៗ ពិតជាស្មុគស្មាញមិនថា ប្រទេសតូច ឬប្រទេសធំទេ សុទ្ធតែប្រកាន់ជំហរការពារអធិបតេយ្យភាពរបស់ជាតិរៀងៗខ្លួន និងចង់កសាងក៏ដូចជាពង្រឹងឥទ្ធិពលរបស់ខ្លួននៅក្នុងតំបន់និងពិភពលោ...

ថ្ងៃពុធ, 11 មីនា 2020 ម៉ោង 12:42 PM

«ស្ថានភាពនយោបាយនៅម៉ាឡេស៊ីក្រោយការចាកចេញរបស់មហាធៀរ មហាម៉ាត់» ដោយ៖ លោក អ៊ុច លាង នាយកដ្ឋានសិក្សាអាស៊ី អាហ្វ្រិក និងមជ្ឍិមបូព៌ា នៃវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា

ការលាលែងពីតំណែងជានាយករដ្ឋមន្ត្រីរបស់លោក មហាធៀរ មហាម៉ាត់ កាលពីចុងខែកុម្ភៈ ឆ្នាំ២០២០ បានធ្វើឱ្យស្ថានភាពនយោបាយនៅម៉ាឡេស៊ីមានភាពមិនច្បាស់លាស់។ វិបត្តិគ្មានគណៈរដ្ឋមន្ត្រីរយៈពេលខ្លីរបស់ម៉ាឡើស៊ីនេះនាំឱ្យមានក...

ថ្ងៃអង្គារ, 10 មីនា 2020 ម៉ោង 04:40 PM

រាជបណ្ឌិត្យសភាកម្ពុជា

ព័ត៌មាន

«បញ្ហា និងចំណុចសំខាន់ៗ ដែលលោកដូណាល់ ត្រាំថ្លែងក្នុងមហាសន្និបាតអង្គការសហប្រជាជាតិ UN...»

អត្ថបទទាក់ទង

សេចក្តីប្រកាស

ទំនាក់ទំនង

មាតិកា

ដៃគូសហការ

បណ្ដាញសង្គម