Royal Academy of Cambodia
ព្រឹកថ្ងៃពុធ ៥កើត ខែមាឃ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៩ ខែមករា ឆ្នាំ២០២០ ឯកឧត្តម បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា ដឹកនាំកិច្ចប្រជុំ ប្រចាំ សប្តាហ៍របស់វិទ្យាស្ថាន ដើម្បីពិភាក្សានិងបែងចែកភារកិច្ចដល់ថ្នាក់ដឹកនាំនិងមន្ត្រីនៃវិទ្យាស្ថាន ដើម្បីឱ្យកាន់តែមាន ប្រសិទ្ធភាពក្នុងការងារ និងដើម្បីឆ្លើយតបទៅនឹងការកែសម្រួលរចនាសម្ព័ន្ធថ្មីរបស់វិទ្យាស្ថាន ដែលមាននាយកដ្ឋាន ជំនាញដែលជាសេនាធិការចំនួន៧៖
១- នាយកដ្ឋានកិច្ចការទូទៅ
២- នាយកដ្ឋាននយោបាយនិងសន្តិសុខអន្តរជាតិ
៣- នាយកដ្ឋានច្បាប់អន្តរជាតិនិងការទូត
៤- នាយកដ្ឋានសេដ្ឋកិច្ចអន្តរជាតិ
៥- នាយកដ្ឋានសិក្សាអាស៊ីនិងអាហ្រ្វ៊ិក
៦- នាយកដ្ឋានសិក្សាអឺរ៉ុបនិងរុស្ស៊ី
៧- នាយកដ្ឋានសិក្សាអាម៉េរិក អាម៉េរិកឡាទីន និងអូសេអានី។
មន្ត្រីតាមនាយកដ្ឋានជំនាញនីមួយៗ មានភារកិច្ចតាមដាន ធ្វើរបាយការណ៍ និងវិភាគ រាល់ព្រឹត្តិការណ៍សំខាន់ៗដែលកើតមានទាក់ទងនឹងបញ្ហាទំនាក់ទងការបរទេស បញ្ហាសន្តិសុខ និងបញ្ហាពាណិជ្ជកម្ម របស់បណ្តាអង្គការឬប្រទេស ដែលស្ថិតនៅក្នុងនាយកដ្ឋានជំនាញរបស់ខ្លួន។ មន្ត្រីម្នាក់ៗត្រូវធ្វើរបាយការណ៍បច្ចុប្បន្នភាពព័ត៌មានប្រចាំថ្ងៃ ដែលស្ថិតក្រោមការទទួលខុសត្រូវរបស់ខ្លួន មកកាន់ប្រធានវិទ្យាស្ថាននៅរៀងរាល់ម៉ោង ៤:០០ រសៀល និងផ្ញើចូលក្នុងតេឡេក្រាមផ្លូវការរបស់វិទ្យាស្ថានផង។
ទន្ទឹមនឹងនោះមន្ត្រីម្នាក់ៗត្រូវធ្វើរបាយការណ៍បូកសរុបព័ត៌មានប្រចាំសប្តាហ៍ រួចព្រីនចេញនិងមានចុះហត្ថលេខារបស់ខ្លួនផងដាក់ជូនប្រធានវិទ្យាស្ថានពិនិត្យ និងផ្តល់មតិណែនាំ នៅរៀងរាល់ថ្ងៃសុក្រនៃសប្តាហ៍ ហើយត្រូវសរសេរអត្ថបទបែបវិភាគចំនួនមួយអត្ថបទ (Commentary) ដែលមានកម្រាស់ចាប់ពី ២(ពីរ)ទំព័រឡើងទៅ ក្នុងមួយសប្តាហ៍។
ក្នុងករណីយល់ឃើញថា មានព័ត៌មានសំខាន់ បច្ចុប្បន្នភាព និងអាទិភាព ដែលត្រូវធ្វើឯកសារជំនួយស្មារតីជូនឯកឧត្តមបណ្ឌិតសភាចារ្យប្រធានរាជបណ្ឌិត្យសភាកម្ពុជា ពិនិត្យនិងផ្តល់មតិណែនាំ ប្រធានវិទ្យាស្ថាននឹងកោះប្រជុំបន្ទាន់ដើម្បីធ្វើកិច្ចការនេះ។
RAC Media
ប្រភព៖ អ៊ុច លាង
តាមខ្លឹមសារនៃសេចក្ដីជូនដំណឹងលេខ ១១១៩/១៨ សជណ ចុះថ្ងៃទី១៦ ខែតុលា ឆ្នាំ២០១៨ របស់រដ្ឋបាលខេត្តសៀមរាប ដែលចុះហត្ថលេខាដោយលោក ពិន ប្រាកដ អភិបាលរងខេត្តសៀមរាប បានសម្រេចដាក់ឈ្មោះផ្លូវ ៦០ម៉ែត្រ ចាប់ពីចំណុចកែ...
នៅថ្ងៃព្រហស្បតិ៍ ១រោច ខែអស្សុជ ឆ្នាំច សំរឺទ្ធិស័ក ព.ស. ២៥៦២ ត្រូវនឹងថ្ងៃទី២៥ ខែតុលា ឆ្នាំ២០១៨ វេលាម៉ោង ២៖៣០ នាទីរសៀល នៅសាលនាងនួន រាជបណ្ឌិត្យសភាកម្ពុជាបានរៀបចំកម្មវិធីការពារបញ្ចប់និក្ខេបបទថ្នាក់បណ្ឌិតជ...
វិទ្យាស្ថានវប្បធម៌ និងវិចិត្រសិល្បៈ៖ នៅរសៀលថ្ងៃព្រហស្បតិ៍ ១រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៥ ខែតុលា ឆ្នាំ២០១៨ នាសាលប្រជុំនៃវិទ្យាស្ថានវប្បធម៌ និងវិចិត្រសិល្បៈ នៃរាជបណ្ឌិត្យស...
នាព្រឹកថ្ងៃព្រហស្បតិ៍ ១រោច ខែអស្សុជ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៥ ខែតុលា ឆ្នាំ២០១៨សាលប្រជុំវិទ្យាស្ថានជីវសាស្ត្រ វេជ្ជសាស្ត្រ និងកសិកម្ម នៃរាជបណ្ឌិត្យសភាកម្ពុជា បានបើកកិច្ចប្រជុំវិសាម...
នាព្រឹកថ្ងៃទី២៥ខែតុលាឆ្នាំ២០១៨ នៅសាលប្រជុំវិទ្យាស្ថានមនុស្សសាស្រ្ត និងវិទ្យាសាស្រ្តសង្គម (វ.ម.វ.ស.) នៃរាជបណ្ឌិត្យសភាកម្ពុជា បានបើកកិច្ចប្រជុំស្តីពី ការរៀបចំរចនាសម្ព័ន្ធរបស់វិទ្យាស្ថាន សមិទ្ធផលកា...
ថ្ងៃពុធ ១៥កើត ខែភទ្របទ ឆ្នាំច សំរឹទ្ធិស័ក ព.ស. ២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានប្រជុំពិនិត្យ ពិភាក្សា និងអនុម័តបច្ចេកសព្ទគណៈកម្មការគីមីវិទ្យា និង រូបវិទ្យា បា...