ព័ត៌មាន

«គណៈប្រតិភូនៃរាជបណ្ឌិត្យសភាកម្ពុជាអញ្ជើញចូលរួម វេទិកាបញ្ញាជន ឡានឆាង-មេគង្គ លើកទី២...!»

2018-09-25 02:39:55 ថ្ងៃអង្គារ, 25 កញ្ញា 2018 ម៉ោង 09:39 AM
អ្នកមើល 8671
post_detail

វេទិកានេះ បានអញ្ជើញ អ្នកស្រាវជ្រាវទាំងរដ្ឋនិងឯកជនជួបគ្នានៅសាកលវិទ្យាល័យយូណាន ពីថ្ងៃ២៥-២៨ ខែកញ្ញា។ កម្មវិធីនេះ ធ្វើឡើងក្នុងឱកាសខួបលើកទី១៥ នៃទំនាក់ដៃគូជាយុទ្ធសាស្ត្ររវាង ចិន-អាស៊ាន និងជាឆ្នាំសំខាន់សម្រាប់ជម្រុញកិច្ចសហប្រតិបត្តិការ ឡានឆាង-មេគង្គ ជាពិសេសលើកកំពស់កិច្ចសហប្រតិបត្តិការ និងលើកកំពស់គំនិតផ្តួចផ្តើម «ផ្លូវមួយ ខ្សែក្រវ៉ាត់មួយ» នៅក្រុង ដាលី Dali ខេត្តយូណាន សាធារណរដ្ឋប្រជាមានិតចិន ចាប់ពីថ្ងៃទី២៥ ដល់ថ្ងៃទី ២៨ ខែកញ្ញា ឆ្នាំ២០១៨។ 

សមាសភាពអ្នកចូលរួម ជាអ្នកស្រាវជ្រាវមកពីបណ្តាប្រទេសក្នុងតំបន់អាស៊ាន ក្នុងនេះដែរ ថ្នាក់ដឹកនាំនិងមន្ត្រីរាជបណ្ឌិត្យសភាកម្ពុជា ពីររូប៖ ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា និង លោក ហេង វីរិទ្ធិ ប្រធានលេខាធិការដ្ឋានក្រុមប្រឹក្សាបណ្ឌិតសភាចារ្យ នឹងអញ្ជើញចូលរួមក្នុងវេទិកាអន្តរជាតិ «The 9th Southwest Forum & the 2nd Lancang-Mekong Cooperation Think Tank Forum» នេះ តបតាមការអញ្ជើញរបស់សាកលវិទ្យាល័យយូណាន នៅក្រុងដាលី ខេត្តយូណាន នៃសាធារណរដ្ឋប្រជាមានិតចិន។

ឆ្លៀតក្នុងឱកាសនេះ ក្នុងនាម រាជបណ្ឌិត្យសភាកម្ពុជា យើងនឹងមានប្រជុំចង្អៀតជាមួយសាកលវិទ្យាល័យយូណាន់ តាមរបៀបវារៈ៖ 

១. ការពិនិត្យលទ្ធភាព កិច្ចសហប្រតិបត្តិការស្រាវជ្រាវរួមគ្នា លើការរៀបចំយុទ្ធសាស្ត្រនយោបាយអន្តរជាតិសម្រាប់ប្រទេសយើងទាំងពីរ។

២. ការពិនិត្យលទ្ធភាព កិច្ចសហប្រតិបត្តិការស្រាវជ្រាវរួមគ្នា លើការករណីជនជាតិចិននៅកំពង់សោម។

៣. ផ្សេងៗ។

គួរបញ្ជាក់ដែរថា នៅក្នុងវេទិកាអន្តរជាតិលើកទី៩ ប្រធានបទសំខាន់សម្រាប់កិច្ចពិភាក្សាក្នុងវេទិកានេះ គឺ«សហគមន៍ដែលមានអនាគតរួមគា្នរវាងចិននិងអាស៊ាន និង កិច្ចសហប្រតិបត្តិការទន្លេមេគង្គ-ឡានឆាង» របៀបវារៈនៃការពិភាក្សា នឹងផ្តោតលើបញ្ហាដូចខាងក្រោម៖

១. សហគមន៍ដែលមានអនាគតរួមគា្ន សម្រាប់មនុស្សជាតិ និង សហគមន៍ដែលមានអនាគតរួមគា្ន សម្រាប់ចិន-អាស៊ាន

២. ទំនាក់ទំនងអន្តរជាតិតាមរបៀបថ្មីមួយ និង ទំនាក់ទំនងជាប្រទេសជិតខាងតាមរបៀបថ្មីមួយ

៣. កិច្ចសហប្រតិបត្តិការទន្លេមេគង្គ-ឡានឆាង ចាប់ពីដំណាក់កាលផ្តួចផ្តើមដំបូង រហូតដល់ដំណាក់កាលចាស់ទុំ

៤. ច្រកសេដ្ឋកិច្ច និង ច្រកអភិវឌ្ឍទន្លេមេគង្គ-ឡានឆាង

៥. ការទូតជាប្រទេសជិតខាងរបស់ចិន និង ការបើកចំហក្នុងតំបន់

៦. សំណង់ស្នូលរបស់ខេត្តយូណាន និង ការចូលរួមរបស់ក្រុងដាលី៕


២៥ កញ្ញា ២០១៨RAC Media

អត្ថបទទាក់ទង

«ការសិក្សាប្លង់មេអភិវឌ្ឍឧទ្យានឫស្សីត្រឹប»

ដោយមានកិច្ចសហការរវាងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប នៃរាជបណ្ឌិត្យសភាកម្ពុជា ជាមួយនឹងវិទ្យាស្ថានបរិស្ថានកូរ៉េ (KEI) សិក្ខាសាលាពិគ្រោះយោបល់ស្តីពី «ការសិក្សាបឋមដើម្បីរៀបចំផែនការមេក្នុងឧទ្យ...

2018-07-02 16:16:56   ថ្ងៃចន្ទ, 02 កក្កដា 2018 ម៉ោង 11:16 PM
ឥស្សរជន និងបញ្ញវន្តជាន់ខ្ពស់របស់ជាតិចំនួន៨រូប ទទួលបានការតែងតាំង គោរមងារវិទ្យាសាស្ត្រ និងគោរមងារកិត្តិយសនៃរាជបណ្ឌិត្យសភាកម្ពុជា

វិមានសន្តិភាព៖ នៅថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨ នៅវិមានសន្តិភាព នៃទីស្តីការគណៈរដ្ឋមន្រ្តី មានរៀបចំពិធីប្រកាសគោរមងារវិទ្យាសាស្ត្រ និងគោរមងារកិ...

2018-06-23 17:51:27   ថ្ងៃសៅរ៍, 23 មិថុនា 2018 ម៉ោង 12:51 AM
សិក្ខាសាលាអន្តរជាតិស្តីពីការប្រើប្រាស់ជីគីមី និងថ្នាំកសិកម្មក្នុងវិស័យកសិកម្មនៅប្រទេសអាស៊ាន

នៅព្រឹកថ្ងៃព្រហស្បតិ៍ ៩រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៧ ខែមិថុនា ឆ្នាំ២០១៨ សណ្ឋាគារអង្គរសិនជូរី ខេត្តសៀមរាប។ សិក្ខាសាលាអន្តរជាតិនេះ សហការរៀបចំដោយវិទ្យាស្ថានជីវសាស្ត្រ វេជ្ជសាស្ត...

2018-06-07 05:07:59   ថ្ងៃព្រហស្បតិ៍, 07 មិថុនា 2018 ម៉ោង 12:07 PM
កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយ

កម្មវិធីកិច្ចពិភាក្សាតុមូលស្តីពីកម្មវិធីនយោបាយរបស់គណបក្សនយោបាយនៅថ្ងៃស្អែកនេះគឺ៖ ពេលព្រឹក៖ គណបក្សយុវជនកម្ពុជា Vs គណបក្សខ្មែររួបរួមជាតិពេលរសៀល៖ គណបក្សខ្មែរតែមួយ Vs គណបក្សឆន្ទៈខ្មែរសាធារណជន អាចចូលរួមស្ត...

2018-05-29 16:38:02   ថ្ងៃអង្គារ, 29 ឧសភា 2018 ម៉ោង 11:38 PM
«កិច្ចសហប្រតិបត្តិការលើវិស័យស្រាវជ្រាវនិងអប់រំ»

នៅថ្ងៃចន្ទ ១៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែឧសភា ឆ្នាំ២០១៨ វេលាម៉ោង៩:៣០ព្រឹក នៅសាលនាងនួននៃរាជបណ្ឌិត្យកម្ពុជា បានរៀបចំ អង្គជំនួបមួយជាមួយប្រតិភូឥណ្ឌាស្តីពី «កិច្ចសហប្រតិបត្តិ...

2018-05-28 10:04:19   ថ្ងៃចន្ទ, 28 ឧសភា 2018 ម៉ោង 05:04 PM
«ពិធីការពារ និក្ខេបទសាកល្បង ថ្នាក់បណ្ឌិត ជំនាន់ទី២ វគ្គ១ នៃរាជបណ្ឌិត្យសភាកម្ពុជា»

នៅរសៀលថ្ងៃសុក្រ ១១កើត ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៥ ខែឧសភា ឆ្នាំ២០១៨ ផ្នែកបណ្តុះបណ្តាល និងស្រាវជ្រាវ នៃរាជបណ្ឌិត្យសភាកម្ពុជា មានរៀបចំកម្មវិធីការពារសាកល្បងនិក្ខេបបទ បេក្ខជនបណ្ឌិ...

2018-05-26 01:57:43   ថ្ងៃសៅរ៍, 26 ឧសភា 2018 ម៉ោង 08:57 AM

សេចក្តីប្រកាស