Royal Academy of Cambodia
ភ្នំពេញ៖ ក្នុងសន្និសីទអន្តរជាតិលើកទី១៥ ស្ដីពី «តម្លៃវប្បធម៌អាស៊ីប៉ាស៊ីហ្វិក៖ បញ្ហាប្រឈមនៃវប្បធម៌ ក្នុងយុគសម័យបច្ចេកវិទ្យា» ព្រឹទ្ធាចារ្យ ឡោ សាន សាស្ត្រាចារ្យនៃសាកលវិទ្យាល័យភូមិន្ទវិចិត្រសិល្បៈ បានថ្លែងថា ពិភពលោកស្គាល់កម្ពុជាបំផុតនៅពេលដែលកម្ពុជាមានសុខភាពល្អ ចាប់ពីសតវត្សរ៍ទី៩ ដល់សតវត្សរ៍ទី១៣។
លោកព្រឹទ្ធាចារ្យបានលើកឡើងថា នៅឆ្នាំ១៩០៨ លោក ហ្សង់ កូម៉ៃ ដែលជាប្រធានក្រុមអភិរក្សអង្គរ បានចាប់ផ្ដើមគិតគូរការងារអភិរក្សប្រាសាទបុរាណខ្មែរ ហើយក្រោយមកលោក ហង់ រីម៉ាស្សាល់ ជាប្រធានទី២នៃក្រុមអភិរក្សអង្គរ ក៏បានរុករកទៅក្នុងព្រៃ និងបានជួបប្រាសាទបន្ទាយស្រី ដែលជាប្រាសាទដំបូងគេត្រូវបានយកចិត្តទុកដាក់អភិរក្ស។
ក្រុមអភិរក្សអង្គរបានចាប់ផ្ដើមធ្វើការងារអភិរក្សប្រាសាទបន្ទាយស្រី លើកទីមួយចាប់ពី ឆ្នាំ១៩៣១ដល់ឆ្នាំ១៩៣៦, លើកទី២នៅឆ្នាំ១៩៥២ និងលើកទី៣ នៅឆ្នាំ១៩៩៤-២០០០។ លោកព្រឹទ្ធាចារ្យបានបន្តថា ទិដ្ឋភាពនៃប្រាសាទបន្ទាយស្រី ក៏មានភាពស្រដៀងគ្នានឹងប្រាសាទបាគោ នៅរលួសផងដែរ។
លោកព្រឹទ្ធាចារ្យបានគូសបញ្ជាក់បន្ថែមថា ថ្មភក់នៅប្រាសាទបន្ទាយស្រីគឺជាថ្មដែលល្អជាងនៅប្រាសាទអង្គរវត្ត ព្រោះជាថ្មភក់ដែលមានពណ៌ផ្កាឈូកក្រហម។ បើតាមលោកព្រឹទ្ធាចារ្យ ប្រាសាទបន្ទាយស្រី បានបង្ហាញពីភាពអស្ចារ្យរបស់មេដឹកនាំខ្មែរគឺទៅលើ វប្បធម៌នយោបាយ វប្បធម៌បច្ចេកទេស និងវប្បធម៌សេដ្ឋកិច្ច។
RAC Media | លឹម សុវណ្ណរិទ្ធ
នៅថ្ងៃទី១៤ ខែកុម្ភៈ ឆ្នាំ២០២១ ឯកឧត្តមបណ្ឌិត ផុន កសិកា ប្រធានវិទ្យាស្ថាន និងក្រុមការងារស្រាវជ្រាវនៃវិទ្យាស្ថានមនុស្សសាស្ត្រនិងវិទ្យាសាស្ត្រសង្គម បានចុះសិក្សាស្រាវជ្រាវស្វែងយល់បន្ថែមអំពី «ប្រព័ន្ធធារាសា...
នៅព្រឹកថ្ងៃទី១ ខែកុម្ភៈ ឆ្នាំ២០២១នេះ យោធាមីយ៉ាន់ម៉ា បានចាប់ឃុំខ្លួនទីប្រឹក្សារដ្ឋលោកស្រី អ៊ុង សាន ស៊ូជី និងប្រធានាធិបតី ព្រមទាំងមន្រ្តីជាន់ខ្ពស់ជាច្រើននាក់។ យ៉ាងណាមិញ មុនរដ្ឋប្រហារនេះកើតឡើង អគ្គមេបញ្ជ...
នៅដើមឆ្នាំ ២០២១នេះ ប្រទេសភូមា ឬមីយ៉ាន់ម៉ា គឺជាប្រទេសមួយដែលមានភាពល្បីល្បាញ និងបានទាក់ទាញការចាប់អារម្មណ៍ជាអន្តរជាតិ ដោយសារតែប្រទេសនេះមានរដ្ឋប្រហារមួយដែលបានទំលាក់រដ្ឋាភិបាលរបស់លោកស្រី អ៊ុង សានស៊ូជី និងសម...