រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃសុក្រ, 22 វិច្ឆិកា 2019 ម៉ោង 02:48 PM
(ភ្នំពេញ)៖ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារឥន្ទ្រទេវី នៃរាជបណ្ឌិត្យសភាកម្ពុជា នៅក្នុងឱកាសខួប២០ឆ្នាំនៃការបង្កើតរាជបណ្ឌិត្យសភាកម្ពុជា ជាមួយនឹងពិធីប្រកាសគោរមងារកិត្តិយសជូនដល់គោរមវន្តចំនួន៦រូប នាព្រឹកថ្ងៃព្រហស្បតិ៍ ១០រោច ខែកត្ដិក ឆ្នាំកុរ ឯកស័ក ព.ស. ២៥៦៣ ត្រូវថ្ងៃទី២១ ខែវិច្ឆិកា ឆ្នាំ២០១៩ នេះ សម្ដេចអគ្គមហាសេនាបតីតេជោបណ្ឌិតសភាចារ្យ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសយល់ព្រមតាមសំណើសុំរបស់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ដែលបានស្នើសុំមន្ទីរពិសោធន៍កម្រិតស្តង់ដារមួយសម្រាប់រាជបណ្ឌិត្យសភាកម្ពុជា។ ជាមួយគ្នានេះដែរ សម្ដេចក៏បានឯកភាព ផ្ដល់ភារកិច្ចពីរដល់រាជបណ្ឌិត្យសភាកម្ពុជា ក្នុងការបកប្រែឯកសារនិងស្នាដៃស្រាវជ្រាវពីភាសាបរទេសមកជាភាសាខ្មែរ និងគម្រោងបណ្ដុះបណ្ដាលវិជ្ជាជីវៈទេសចរណ៍។
សម្ដេចអគ្គមហាសេនាបតីតេជោបណ្ឌិតសភាចារ្យ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសផ្ដល់ជូនដល់រាជបណ្ឌិត្យសភាកម្ពុជានូវមន្ទីរពិសោធន៍កម្រិតស្តង់ដារមួយ ដែលមានតម្លៃ ២០ម៉ឺនដុល្លារ ដល់រាជបណ្ឌិត្យសភាកម្ពុជា តាមសំណើសុំរបស់ឯកឧត្ដមបណ្ឌិតសភាចារ្យ សុខ ទូច ក្នុងគោលបំណងបម្រើជាប្រយោជន៍ដល់ការពិសោធន៍បែបវិទ្យាសាស្ត្រនានាទាំងនៅក្នុងរាជបណ្ឌិត្យសភាកម្ពុជា និងការពិសោធន៍ស្រាវជ្រាវនៅក្នុងប្រទេសកម្ពុជា។
ជាមួយគ្នានេះផងដែរ សម្ដេចតេជោប្រមុខរាជរដ្ឋាភិបាល ក៏បានសម្រេចឯកភាពនូវសំណើរបស់ឯកឧត្ដមបណ្ឌិត្យសភាចារ្យ អំពីគោលបំណង របស់រាជបណ្ឌិត្យសភាកម្ពុជាក្នុងការសុំសិទ្ធិបកប្រែឯកសារជាភាសាបរទេសទាំងឡាយមកជាភាសាខ្មែរ ដោយត្រូវមានក្រុមបកប្រែជំនាញ ដើម្បីបង្កភាពងាយស្រួលដល់សាធារណជន ពិសេសសិស្ស និស្សិត ក្នុងសិក្សាស្រាវជ្រាវឱ្យបានកាន់តែទូលំទូលាយ និងស៊ីជម្រៅបន្ថែមទៀតផងដែរ។ បន្ថែមពីលើនេះ សម្ដេចតេជោបណ្ឌិតសភាចារ្យ ក៏បានមានប្រសាសន៍ជម្រុញឱ្យរាជបណ្ឌិត្យសភាកម្ពុជា សហការជាមួយនឹងក្រសួងទេសចរណ៍ ក្នុងការបណ្ដុះបណ្ដាលជំនាញវិជ្ជាជីវៈនៅក្នុងវិស័យទេសចរណ៍។
គួរបញ្ជាក់ផងដែរថា សម្ដេចបណ្ឌិតសភាចារ្យបានជំរុញឱ្យរាជបណ្ឌិត្យសភាកម្ពុជាដែលជាធនាគារខួរក្បាលរបស់ជាតិ ត្រូវបន្តពង្រឹងការសិក្សាស្រាវជ្រាវរបស់ខ្លួនដើម្បីស្វែងធាតុចូលជូនដល់រាជរដ្ឋាភិបាល និងស្ថាប័នដែលពាក់ព័ន្ធ ហើយត្រូវធ្វើយ៉ាងណាកំណត់ឱ្យបានច្បាស់លាស់បន្តទៀតនូវការសិក្សាស្រាវជ្រាវណាដែលចាំបាច់និងបន្ទាន់ ដោយត្រូវសហការឱ្យបានជិតស្និទ្ធជាមួយនឹងស្ថាប័នដែលអនុវត្ត ដើម្បីឱ្យលទ្ធផលនៃការសិក្សាស្រាវជ្រាវ អាចយកទៅអនុវត្តបាន៕
RAC Media | លឹម សុវណ្ណរិទ្ធ
កាលពីថ្ងៃអង្គារ ទី២៨ ខែឧសភា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ប៊ី សុខគង់ បានបន្តដឹកនាំប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការអក្សរសិល្ប៍ បានចំនួន០៣ពាក្យ ដូ...
ថ្ងៃពុធ, 29 ឧសភា 2019 ម៉ោង 09:48 AM
ថ្ងៃចន្ទ ៩រោច ខែពិសាខ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៧ ខែឧសភា ឆ្នាំ២០១៩ វេលាម៉ោង ៨៖៣០ នាទីព្រឹក នៅអគារE ផ្នែកបណ្តុះបណ្តាលនិងស្រាវជ្រាវនៃរាជបណ្ឌិត្យសភាកម្ពុជាបានរៀបចំ ពិធីការពារគម្រោងបណ្តោះអាស...
ថ្ងៃចន្ទ, 27 ឧសភា 2019 ម៉ោង 03:27 PM
អ្នកទៅចូលរួមក្នុងពិធីសម្ពោធ «វិមានរំឭកដល់អ្នកស្លាប់ក្នុងសង្គ្រាមលោកលើកទី១» (https://i.pinimg.com/originals/fe/53/31)នៅក្នុងភាគទី៧ វគ្គទី៤ ដែលជាវគ្គបញ្ចប់នៃសុន្ទរកថារបស់លោករេស៊ីដង់ជាន់ខ្ពស់បារាំងនេះ យើ...
ថ្ងៃចន្ទ, 27 ឧសភា 2019 ម៉ោង 02:18 PM
«នេះជាលើកទី១ ហើយសម្រាប់រាជបណ្ឌិត្យសភាកម្ពុជា ក្នុងការនាំគោទឹកដោះចូលនៅថ្ងៃស្អែកនេះ។ យើងបានរៀបចំតាមបច្ចេកវិទ្យាគោអឺរ៉ុប តាំងពីចំណីអាហារ ទឹកផឹក និងកន្លែងដេក ។ ដើម្បីធ្វើការសិក្សាស្រាវជ្រាវ រួចចែករំលែកដល...
ថ្ងៃចន្ទ, 27 ឧសភា 2019 ម៉ោង 11:57 AM
តាមការសន្និដ្ឋានជាបឋមរបស់ក្រុមអ្នកស្រាវជ្រាវកំណាយស្ថានីយ៍ស្រែអំពិល របស់វិទ្យាវប្បធម៌និងវិចិត្រសិល្បៈ នៃរាជបណ្ឌិត្យសភាកម្ពុជា បានឱ្យដឹងថា ការធ្វើកំណាយស្រាវជ្រាវនៅស្ថានីយស្រែអំពិល ជាក់ស្តែង បានរកឃើញថ...
ថ្ងៃសៅរ៍, 25 ឧសភា 2019 ម៉ោង 11:05 PM
(ផែនទីបន្ទាយលង្វែក និងទួលបាយក្អែក)បួនសតវត្សរ៍បន្ទាប់ពីសម័យអង្គររុងរឿង គឺជាសម័យមួយដែលគេហៅថា សម័យកណ្តាល។ សម័យនេះមិនសូវបានគេចងក្រងទុកក្នុងប្រវត្តិសាស្រ្តកម្ពុជាទេ ជាពិសេសការសិក្សាស្រាវជ្រាវខាងវិស័យបុរាណវ...
ថ្ងៃសុក្រ, 24 ឧសភា 2019 ម៉ោង 10:32 PM
