Royal Academy of Cambodia
(ភ្នំពេញ)៖ នាថ្ងៃទី២០ ខែវិច្ឆិកា ឆ្នាំ២០១៩ ម៉ោង៤:០០នាទីរសៀល ឯកឧត្តមបណ្ឌិត្យសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងឯកឧត្តម ថោង ខុន រដ្ឋមន្រ្តីក្រសួងទេសចរណ៍បានជួបប្រជុំពិភាក្សាគ្នា នៅទីស្តីការក្រសួងទេសចរណ៍។
ដើម្បីលើកកម្ពស់វិស័យទេសចរណ៍នៅកម្ពុជាឱ្យកាន់តែប្រសើរឡើង ភាគីទាំងពីរបានឯកភាពគ្នាសហការលើចំណុច៤ (បួន)៖
១) រៀបចំប្រព័ន្ធផ្សព្វផ្សាយតាមគ្រប់រូបភាព សំខាន់គឺប្រព័ន្ធឌីជីថល
២) ការរៀបចំការបណ្តុះបណ្តាលជំនាញវិជ្ជាជីវៈ ដល់អ្នកបម្រើសេវាកម្មទេសចរណ៍ទាំងពីរ ការធ្វើបដិសណ្ឋារកិច្ច ម្ហូបអាហារ និងការស្នាក់នៅ
៣) ការរៀបចំផែនទីទីតាំងរមណីយដ្ឋាន និងប្រាសាទនានា និង
៤) ការរៀបចំសៀវភៅផ្នត់ស្តីពី ទេសចរណ៍នៅកម្ពុជា
ជាទីបញ្ចប់ រាជបណ្ឌិត្យសភាកម្ពុជា និងក្រសួងទេសចរណ៍បានឯកភាពគ្នារៀបចំផែនការ យុទ្ធសាស្រ្ត សម្រាប់អភិវឌ្ឍន៍វិស័យទេសចរណ៍។
កិច្ចប្រជុំបានបញ្ចប់នៅម៉ោង ៥៖៤៥នាទីរសៀលក្នុងថ្ងៃខែឆ្នាំដដែល ដោយបរិយាកាសរីករាយ និង ជោគជ័យ៕
RAC Media
RAC Mediaប្រភព៖ វិទ្យាស្ថានទំនាក់ទំនងអន្តរជាតិនៃកម្ពុជា រូបភាព៖ AP News, Fresh news.
បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៅពេលសម្លឹងទៅអតីតកាលជាង ១០០០ឆ្នាំមុន ប្រជារាស្ត្រខ្មែរតែងមានមោទនភាពចំពោះជាតិខ្លួនដែលធ្លាប់ជាចក្រភពដ៏ខ្លាំងពូកែមួយនៅអាស៊ីអាគ្នេយ៍ មានទឹកដីធំ...