Royal Academy of Cambodia
(ភ្នំពេញ)៖ នាថ្ងៃទី២០ ខែវិច្ឆិកា ឆ្នាំ២០១៩ ម៉ោង៤:០០នាទីរសៀល ឯកឧត្តមបណ្ឌិត្យសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងឯកឧត្តម ថោង ខុន រដ្ឋមន្រ្តីក្រសួងទេសចរណ៍បានជួបប្រជុំពិភាក្សាគ្នា នៅទីស្តីការក្រសួងទេសចរណ៍។
ដើម្បីលើកកម្ពស់វិស័យទេសចរណ៍នៅកម្ពុជាឱ្យកាន់តែប្រសើរឡើង ភាគីទាំងពីរបានឯកភាពគ្នាសហការលើចំណុច៤ (បួន)៖
១) រៀបចំប្រព័ន្ធផ្សព្វផ្សាយតាមគ្រប់រូបភាព សំខាន់គឺប្រព័ន្ធឌីជីថល
២) ការរៀបចំការបណ្តុះបណ្តាលជំនាញវិជ្ជាជីវៈ ដល់អ្នកបម្រើសេវាកម្មទេសចរណ៍ទាំងពីរ ការធ្វើបដិសណ្ឋារកិច្ច ម្ហូបអាហារ និងការស្នាក់នៅ
៣) ការរៀបចំផែនទីទីតាំងរមណីយដ្ឋាន និងប្រាសាទនានា និង
៤) ការរៀបចំសៀវភៅផ្នត់ស្តីពី ទេសចរណ៍នៅកម្ពុជា
ជាទីបញ្ចប់ រាជបណ្ឌិត្យសភាកម្ពុជា និងក្រសួងទេសចរណ៍បានឯកភាពគ្នារៀបចំផែនការ យុទ្ធសាស្រ្ត សម្រាប់អភិវឌ្ឍន៍វិស័យទេសចរណ៍។
កិច្ចប្រជុំបានបញ្ចប់នៅម៉ោង ៥៖៤៥នាទីរសៀលក្នុងថ្ងៃខែឆ្នាំដដែល ដោយបរិយាកាសរីករាយ និង ជោគជ័យ៕
RAC Media
ភ្នំពេញ៖ នៅព្រឹកថ្ងៃចន្ទ ១១កើត ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៩ ខែកញ្ញា ឆ្នាំ២០១៩ នេះ ក្នុងពិធីសិតរូបបដិមាព្រះនាងឥន្ទ្រទេវីនៅរាជបណ្ឌិត្យសភាកម្ពុជា ឯកឧត្ដមបណ្ឌិតសភាចារ្យ សុខ ទូច ប្រធាន...
កាលពីរសៀល ថ្ងៃពុធ ទី០៤ ខែកញ្ញា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានដឹកនាំប្រជុំដើម្បីពិនិត្យ ពិភាក្សា និង អនុម័តបច្ចេកសព្ទ គណ:កម្មការគីមីវិទ្យា និងរូបវិទ្យា...