រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃអង្គារ, 05 វិច្ឆិកា 2019 ម៉ោង 01:39 PM
(រាជបណ្ឌិត្យសភាកម្ពុជា)៖ នៅថ្ងៃអង្គារ ៩កើត ខែកត្តិក ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៥ ខែវិច្ឆិកា ឆ្នាំ២០១៩ វិទ្យាស្ថានមនុស្សសាស្រ្ត និងវិទ្យាសាស្រ្តសង្គម នៃរាជបណ្ឌិត្យសភាកម្ពុជាបានរៀបចំសិក្ខាសាលាស្តីពី លំហូរពលករទេសន្តរប្រវេសន៍កម្ពុជា៖ ផលប្រយោជន៍ និងបញ្ហាប្រឈម ដើម្បីធ្វើការបង្ហាញពីលទ្ធសិក្សាស្រាវជ្រាវលើប្រធានបទ លំហូរពលករទេសន្តរប្រវេសន៍កម្ពុជា៖ ផលប្រយោជន៍ និងបញ្ហាប្រឈម នៅកម្ពុជា ដោយសមាសភាពចូលរួមឯកឧត្តមបណ្ឌិតសភាចារ្យ ឯកឧត្តម អស់លោក លោកស្រី អ្នកនាង និងកញ្ញា និស្សិត ដែលជាតំណាង រាជបណ្ឌិត្យសភាកម្ពុជា តំណាងក្រសួង ការងារ និងបណ្តុះបណ្តាលវិជ្ជាជីវៈ តំណាងអង្គការពលកម្មអន្តរជាតិ តំណាងមន្ទីការងារ និងបណ្តុះបណ្តាលវិជ្ជាជីវៈខេត្តប៉ៃលិន កំពង់ចាម ព្រៃវែង និងតាកែវ ព្រមទាំងតំណាងក្រុមហ៊ុននាំពលករទៅធ្វើការនៅបរទេស សរុបចំនួនប្រមាណ ៨២រូប។
ថ្លែងក្នុងពិធីបើកសិក្ខាសាលាដែលប្រព្រឹត្តទៅនៅក្នុងសាលប្រជុំវិទ្យាស្ថាន ខុងជឺ នៃរាជបណ្ឌិត្យសភាកម្ពុជា លោកបណ្ឌិត ឆេង វណ្ណារិទ្ធ ប្រធានស្តីទី វិទ្យាស្ថានមនុស្សសាស្រ្ត និងវិទ្យាសាស្រ្តសង្គម នៃរាជបណ្ឌិត្យសភាកម្ពុជា បានមានប្រសាសន៍ឱ្យដឹងថា ការធ្វើទេសន្តរប្រវេសន៍ការងារអន្តរជាតិ គឺជាព្រឹត្តិការណ៍ដែលកើតមានតាំងពីយូរមកហើយបានបន្តកើតមានរហូតដល់ពេលបច្ចុប្បន្ន។ ចំពោះស្ថានភាពជាក់ស្តែងនៅប្រទេសកម្ពុជា លោកបណ្ឌិតបានស្រាវជ្រាវឃើញថា កត្តាចម្បងនៃចំណាកស្រុកឆ្លងដែនពីប្រទេសកម្ពុជា គឺដោយសារភាពក្រីក្រ ភាពអត់ការងារធ្វើ ឬមានការងារធ្វើមិនពេញលេញ និងមិនច្បាស់លាស់ និងកង្វះការទទួលបានការអប់រំ ព្រមទាំងសេវាសង្គមផ្សេងៗមួយចំនួនទៀត។
លើសពីនេះ បណ្ឌិត ឆេង វណ្ណារិទ្ធ បានមានប្រសាសន៍បន្ថែមថា បើទោះបីជាប្រទេសកម្ពុជាមានកំណើនសេដ្ឋកិច្ចជាមធ្យមប្រចាំឆ្នាំ ៧ភាគរយក្នុងរយៈជាងកន្លះទសវត្សរ៍កន្លងមកក៏ដោយ ក៏ភាពនៅមានកម្រិតនៃការអភិវឌ្ឍសេដ្ឋកិច្ចសង្គមនៅតែជាចំណោទបញ្ហាសំខាន់នៅឡើយ។ ផ្អែកតាមលទ្ធផលស្រាវជ្រាវ លោកបណ្ឌិតបានបង្ហាញឱ្យដឹងថា ប្រទេសគោលដៅនៃពលករចំណាកស្រុករបស់កម្ពុជា គឺប្រទេសថៃ ម៉ាឡេស៊ី កូរ៉េខាងត្បូង សិង្ហបុរី ជប៉ុន និងមជ្ឈិមបូព៌ា ក្នុងចំណោមនេះប្រទេសថៃ គឺជាប្រទេសដែលពលករចំណាកស្រុកពីប្រទេសកម្ពុជាទៅច្រើនជាងគេ។
ដើម្បីរកដោះស្រាយបញ្ហាប្រឈមការធ្វើចំណាកស្រុក និងឆ្លងដែនទៅធ្វើការនៅបរទេសរបស់ប្រជាពលករខែ្មរ និងការខាតបង់សេដ្ឋកិច្ចជាតិ លោកបណ្ឌិត ឆេង វណ្ណារិទ្ធ បានធ្វើការសិក្សាស្រាវជ្រាវ លំហូរពលករទេសន្តរប្រវេសន៍កម្ពុជា៖ ផលប្រយោជន៍ និងបញ្ហាប្រឈម អស់រយៈពេលចំនួន ៨ខែ ចាប់ពីខែមីនា រហូតដល់ដំណាច់ខែតុលា ឆ្នាំ២០១៩កន្លងមកនេះ។ លោកបណ្ឌិតបានមានប្រសាសន៍បញ្ជាក់ថា ការរៀបចំសិក្ខាសាលានាពេលនេះ មានគោលបំណងផ្តល់ឱកាសដល់ភាគីពាក់ព័ន្ធទាំងអស់ពិភាក្សាផ្ទៀងផ្ទាត់ទិន្នន័យឱ្យមានសង្គតិភាព ប្រសិទ្ធភាព និងប្រសិទ្ធផលសិក្សាស្រាវជ្រាវ ដើម្បីធ្វើជាធាតុចូលដ៏សំខាន់ជូនក្រសួង ស្ថាប័នពាក់ព័ន្ធ។
ឱកាសនេះដែរ ឯកឧត្តមបណ្ឌិតសភាចារ្យ ច័ន្ទ សំណព្វ អនុប្រធានរាជបណ្ឌិត្យសភាកម្ពុជា បានមានប្រសាសន៍ថា លំហូរពលករទេសន្តរប្រវេសន៍កម្ពុជាទៅធ្វើការនៅបរទេស និងក្រោយពេលធ្វើមាតុភូមិនិវត្តន៍នៅតែជាប្រធានបទមួយដែលត្រូវដោះស្រាយក្នុងក្របខណ្ឌគោលនយោបាយជាតិ ហើយតម្រូវឱ្យគ្រប់ក្រសួង ស្ថាប័ន អង្គភាព អាជ្ញាធរ និងសមត្ថកិច្ចគ្រប់ជាន់ថ្នាក់ទាំងអស់រួមគ្នាដោះស្រាយ ដើម្បីបន្តធានាថា ពលករខ្មែរម្នាក់ៗបានចូលធ្វើការងារណាមួយ និងនៅប្រទេសណាមួយដោយស្របច្បាប់ ហើយទទួលបាននូវការការពារសុវត្ថិភាពទាំងផ្លូវកាយ និងផ្លូវចិត្ត ជាមួយនឹងផលប្រយោជន៍សម្រាប់ខ្លួនឯង ក្រុមគ្រួសារផ្ទាល់ ប្រទេសជាតិផងដែរ និងប្រកបដោយកិត្តិយស និងសេចក្តីថ្លៃថ្នូរ តាមរយៈអនុក្រឹត្យលេខ ១៩០ អនក្រ.បក ចុះថ្ងៃទី១៧ ខែសីហា ឆ្នាំ២០១១ ស្តីពី ការគ្រប់គ្រងលើការបញ្ជូនពលករខ្មែរទៅធ្វើការនៅបរទេស តាមរយៈទីភ្នាក់ងារជ្រើសរើសឯកជន៕
RAC Media
ថ្មីៗនេះមានសាធារណជនមួយចំនួនតូចហាក់នៅមិនទាន់យល់ច្បាស់ពីតួនាទីនិងភារកិច្ចរបស់រាជបណ្ឌិត្យសភាកម្ពុជា ជាពិសេសចម្ងល់ចំពោះរាជបណ្ឌិត្យសភាកម្ពុជាពាក់ព័ន្ធនឹងជំងឺកូវីដ-១៩ ក្រុមការងារ RAC Media បានទាក់ទងសុំការបំ...
ថ្ងៃអាទិត្យ, 05 មេសា 2020 ម៉ោង 01:19 PM
នៅក្នុងពេលបច្ចុប្បន្ននេះ កម្ពុជាក៏ដូចជាពិភពលោកទាំងមូលកំពុងប្រឈមនឹងការរីករាលដាលនៃជំងឺបង្កដោយវីរុសកូវីដ១៩ដែលបានបណ្ដាលឱ្យមានមនុស្សឆ្លងកើនដល់ជាង ១លាននាក់ និងមានមនុស្សស្លាប់ដោយសារជំងឺនេះជាង ៥០ ០០០នាក់។ នៅក...
ថ្ងៃសៅរ៍, 04 មេសា 2020 ម៉ោង 02:46 PM
(រាជបណ្ឌិត្យសភាកម្ពុជា)៖ ថ្លែងក្នុងឱកាសអញ្ជើញដឹកនាំកិច្ចប្រជុំនៅព្រឹកថ្ងៃសុក្រ ១១កើត ខែចេត្រ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៣ ខែមេសា ឆ្នាំ២០២០នេះ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្...
ថ្ងៃសុក្រ, 03 មេសា 2020 ម៉ោង 01:09 PM
យន្តការកិច្ចសហប្រតិបត្តិការ មេគង្គ - ឡានឆាង (Mekong-Lancang Cooperation-MLC) គឺជាយន្តការសហប្រតិបត្តិការស្របតាមនិន្នាការបច្ចុប្បន្ននៃសាកលភាវូបនីយកម្ម និងសមាហរណកម្ម។មេគង្គ-ឡានឆាង(MLC) មានគោលបំណងលើកកម្...
ថ្ងៃពុធ, 01 មេសា 2020 ម៉ោង 04:05 PM
ថ្ងៃអង្គារ, 31 មីនា 2020 ម៉ោង 09:11 PM
ឆ្លងកាត់បាតុភូតធម្មជាតិ និងបាតុភូតសង្គមរាប់មិនអស់ ទាំងល្អ ទាំងអាក្រក់ នាពេលកន្លងមក ខ្ញុំបានមើលឃើញថាអត្ថិភាព ការរស់នៅ ជីវិត ឬវាសនារបស់ប្រជាជាតិឬរដ្ឋនីមួយៗនៅលើពិភពលោកនេះ ពិតជាជាប់ទាក់ទងគ្នាដោយមិនអាចប្រក...
ថ្ងៃអង្គារ, 31 មីនា 2020 ម៉ោង 05:05 PM
