Royal Academy of Cambodia
(រាជបណ្ឌិត្យសភាកម្ពុជា)៖ នៅរសៀលនេះ ថ្ងៃសុក្រ ៥កើត ខែកត្តិក ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១ ខែវិច្ឆិកា ឆ្នាំ២០១៩ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានអនុញ្ញាតឱ្យលោក Mori Nobuo លេខាទី១នៃស្ថានទូតជប៉ុនប្រចាំព្រះរាជាណាចក្រកម្ពុជា ចូលជួបពិភាក្សាការងារ នៅក្នុងសាលប្រជុំស្លឹករឹត នៃរាជបណ្ឌិត្យសភាកម្ពុជា ដើម្បីពិភាក្សាកិច្ចសហប្រតិបត្តិការងាររវាងរាជបណ្ឌិត្យសភាកម្ពុជា និងស្ថាប័នស្រាវជ្រាវរបស់ជប៉ុន។
នៅក្នុងជំនួបពិភាក្សាការងារ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានមានប្រសាសន៍ស្វាគមន៍លោក Mori Nobuo លេខាទី១នៃស្ថានទូតជប៉ុនប្រចាំព្រះរាជាណាចក្រកម្ពុជា ដែលបានអញ្ជើញមកកាន់រាជបណ្ឌិត្យសភាកម្ពុជាដែលជាស្ថាប័នបណ្តុះបណ្តាល និងស្រាវជ្រាវជាន់ខ្ពស់ជាតិខ្មែរ។
ឯកឧត្តមបណ្ឌិតសភាចារ្យបានមានប្រសាសន៍លើកឡើងអំពី ចំណុចវិជ្ជមានជាច្រើនដែលប្រជាជនជប៉ុនមានក្នុងនោះ រួមមាន ទម្លាប់រស់នៅប្រចាំថ្ងៃស្អាត មានសីលធម៌ សុជីវធម៌ និងការគោរពគ្នាទៅវិញទៅមក ជាពិសេសគឺ ជប៉ុនផលិតផលិតផលមានគុណភាពខ្ពស់។ ឯកឧត្តមបណ្ឌិតសភាចារ្យបានមានប្រសាសន៍ថា អំឡុងពេលឯកឧត្តមបណ្ឌិតសភាចារ្យបានអញ្ជើញទៅទស្សនកិច្ចនៅប្រទេសជប៉ុន នាពេលកន្លងមក ឯកឧត្តមបណ្ឌិតសភាចារ្យបានចាប់អារម្មណ៍សង្កេតឃើញថា ជនជាតិជប៉ុនជាជនជាតិដែលមានទម្លាប់រស់នៅស្អាត គោរពច្បាប់ចរាចរណ៍ និងផលិតផលិតផលមានគុណភាពខ្ពស់។
ជាមួយគ្នានេះ លោក Mori Nobuo លេខាទី១នៃស្ថានទូតជប៉ុនប្រចាំព្រះរាជាណាចក្រកម្ពុជា បានថ្លែងអំណរគុណឯកឧត្តបណ្ឌិតសភាចារ្យដែលបានអនុញ្ញាតឱ្យលោកចូលជួបពិភាក្សាការងារ។ តំណាងស្ថានទូតជប៉ុន លោក Mori Nobuo បានអញ្ជើញឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា ដើម្បីធ្វើជាវាគ្មិន និងទស្សនកិច្ចសិក្សាស្វែងយល់ការងារសំខាន់ៗនៅប្រទេសជប៉ុននៅដើមឆ្នាំ២០២០ ដូចខាងក្រោម៖
១. សិក្សាអំពីលទ្ធភាពសហប្រតិបត្តិការគ្នាលើការចិញ្ចឹមគោយកទឹកដោះ ខណៈពេលរាជបណ្ឌិត្យសភាកម្ពុជាបាន និងកំពុងសិក្សាស្រាវជ្រាវផលិតទឹកដោះគោស្រស់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ស្រាប់
២. សិក្សាអំពីលទ្ធភាពសហប្រតិបត្តិការគ្នាលើការបង្កាត់ពូជដើមឈើ និងផ្កាគ្រប់ប្រភេទ
៣. សិក្សាស្វែងយល់អំពី កិច្ចការងារទំនាក់ទងអន្តរជាតិ និងការទូតរបស់ជប៉ុន
៤. សិក្សាស្វែងយល់អំពី វិស័យអប់រំបណ្តុះបណ្តាល និងស្រាវជ្រាវតាមគ្រឹះស្ថានឧត្តមសិក្សារបស់ជប៉ុន
៤. សិក្សាស្វែងយល់អំពី កិច្ចការព្រំដែនរបស់ជប៉ុន
៥. សិក្សាស្វែងយល់អំពី គោលនយោបាយភូមិមួយផលិតផលមួយរបស់ជប៉ុន និង
៦. សិក្សាស្វែងយល់អំពី ការធ្វើវិស័យកសិកម្មបែបទំនើបរបស់ជប៉ុន ជាដើម។
ជាការឆ្លើយតបនឹងការអញ្ជើញរបស់ភាគីជប៉ុន ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានថ្លែងអំណរគុណភាគីជប៉ុនដែលបានអញ្ជើញឯកឧត្ដមបណ្ឌិតសភាចារ្យ នាពេលនេះ។ ឯកឧត្តមបណ្ឌិតសភាចារ្យបានមានប្រសាសន៍សង្ឃឹមថា ដំណើរទស្សនកិច្ចសហប្រតិបត្តិការនឹងក្លាយជាធាតុចូលដ៏សំខាន់ ដើម្បីនាំផលប្រយោជន៍ជាច្រើនជូនរាជរដ្ឋាភិបាល និងប្រជាជនទាំងពីរ៕
RAC Media
(រាជបណ្ឌិត្យសភាកម្ពុជា)៖ ថ្លែងពីកិច្ចពិភាក្សាតុមូលស្តីពី សារៈសំខាន់នៃការស្រាវជ្រាវ ឯកឧត្តមបណ្ឌិត បេងហុង សុជាតិខេមរ៉ូ អគ្គនាយកនៃអគ្គនាយកដ្ឋានលំនៅឋាននៃក្រសួងរៀបចំដែនដី នគរូបនីយកម្ម និងសំណង់ និងជាសមាជិក...
(រាជបណ្ឌិត្យសភាកម្ពុជា)៖ ក្នុងនាមអ្នកស្រាវជ្រាវដែលមានបទពិសោធន៍ការងាររយៈពេលជិត១០ឆ្នាំ លោកស្រីបណ្ឌិត អេង នេត្រា នាយកស្រាវជ្រាវនៃវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) បានចាត់...
(រាជបណ្ឌិត្យសភាកម្ពុជា)៖ ឯកឧត្តមបណ្ឌិតសភាចារ្យ នេត បារ៉ុម សមាជិកពេញសិទ្ធិនៃរាជបណ្ឌិត្យសភាកម្ពុជាបានមើលឃើញថា ប្រទេសដែលមានការអភិវឌ្ឍជឿនលឿនទាំងអស់នៅលើពិភពលោក ដ្បិតពឹងអាស្រ័យលើការស្រាវជ្រាវបែបវិទ្យាសាស្រ្...
បក្សកុម្មុយនីស្តវៀតណាម ប្រារព្ធសមាជជាតិលើកទី១៣របស់ខ្លួននៅទីក្រុងហាណូយ ចាប់ពីថ្ងៃទី២៥ ខែមករា ដល់ថ្ងៃទី២ ខែកុម្ភៈ ឆ្នាំ២០២១។ សេចក្តីសម្រេចនេះត្រូវបានធ្វើឡើងដោយគណៈកម្មាធិការមជ្ឈិមបក្ស ក្នុងអំឡុងពេលនៃកិច្...
(ព្រះវិហារ)៖ នៅវេលាម៉ោង ៨:១០នាទីយប់ថ្ងៃពុធ ទី២៧ ខែមករា ឆ្នាំ២០២០នេះ ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានដឹកនាំក្រុមការងារឧទ្យានុរក្សនៃឧទ្យានរាជបណ្ឌិត្យសភាកម្ពុជា តេជោសែន ឫស្សី...
ក្រោយពីប្រសាសន៍របស់ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជាបានថ្លែងនៅក្នុងសន្និសីទសារព័ត៌មាន ស្ដីពីការអភិរក្សព្រៃឈើនៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ដែលរៀបចំដោយអង្គភាព...