រាជបណ្ឌិត្យសភាកម្ពុជា
Royal Academy of Cambodia
Royal Academy of Cambodia
ថ្ងៃព្រហស្បតិ៍, 17 តុលា 2019 ម៉ោង 03:12 PM
ព្រឹកថ្ងៃទី១៧ ខែតុលា ឆ្នាំ២០១៩ នៅសាលប្រជុំវិទ្យាស្ថានខុងជឺ នៃរាជបណ្ឌិត្យសភាកម្ពុជា មានរៀបចំសិក្ខាសាលាមួយស្តីពី «វិសិដ្ឋកម្មកម្មវិធីអូស៊ីអខ្មែរ Khmer Intelligent OCR software Update » ដោយ ក្រុមការងារគម្រោងស្រាវជ្រាវរបស់វិទ្យាស្ថានវិទ្យាសាស្រ្តនិងបច្ចេកវិទ្យា នៃរាជបណ្ឌិត្យសភាកម្ពុជា ក្នុងនោះមានការអញ្ជើញចូលរួមជាកិត្តិយសបើកកម្មវិធី ដោយ ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជាក្នុងនាមឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងមានវាគ្មិនសំខាន់ៗចំនួន២រូបដែលបានអញ្ជើញចូលរួមធ្វើបទបង្ហាញ រួមមាន ឯកឧត្តមបណ្ឌិត ឈិត វណ្ណឫទ្ធិ និង លោក លឹម សេងឌី ជាប្រធាន និងអនុប្រធាននៃគម្រោងស្រាវជ្រាវទាក់ទងនឹង អូស៊ីអខ្មែរ។
ថ្លែងនៅក្នុងកម្មវិធីបើកក្នុងចំណោម អ្នកចូលរួមជាច្រើន មានអ្នកស្រាវជ្រាវ សិស្ស-និស្សិត បណ្ឌិត បញ្ញវ័ន្តនានាដែលបានអញ្ជើញមកពីតាមវិទ្យាស្ថាន ស្ថាប័នជាតិ និងតាមសាលា ឬសាកលវិទ្យាល័យនានានៅរាជធានីភ្នំពេញ ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជាបានថ្លែងថា ក្នុងនាមថ្នាក់ដឹកនាំនិងមន្ត្រីរាជការនៃរាជបណ្ឌិត្យសភាកម្ពុជា សូមថ្លែងអំណរគុណចំពោះរាជរដ្ឋាភិបាលកម្ពុជា ដែលបានឧបត្ថម្ភដល់គម្រោងស្រាវជ្រាវដល់រាជបណ្ឌិត្យសភាកម្ពុជា និងបានរៀបចំសិក្ខាសាលាស្តីពី«វិសិដ្ឋកម្មកម្មវិធីអូស៊ីអខ្មែរ»នេះឡើង ដោយ ឯកឧត្តមបណ្ឌិតបានលើកឡើងថា «វិសិដ្ឋកម្មកម្មវិធីអូស៊ីអខ្មែរ» គឺជាប្រធានបទមួយដ៏សំខាន់និងចាំបាច់ និងមានលក្ខណៈវិទ្យាសាស្រ្តនិងបច្ចុប្បន្នភាព ដើម្បីពង្រីកនិងពង្រឹងភាសាអក្សរខ្មែរក្នុងវិស័យវិទ្យាសាស្រ្ត ជាពិសេសវិស័យបច្ចេកវិទ្យាព័ត៌មាន និងក៏ដូចជាដើម្បីរួមចំណែកបំពេញតម្រូវការចាំបាច់របស់អ្នកប្រើប្រាស់កុំព្យូទ័រជាភាសាខ្មែរ តាមរយៈការបង្កើតកម្មវិធីអូស៊ីអខ្មែរសម្រាប់ស្គែនពុម្ពអក្សរខ្មែរសម័យទំនើប។
ពុម្ពអក្សរខ្មែរសម័យទំនើបមានការបង្កើតនិងប្រើក្ដារចុចយូនីកូដរួចហើយ ប៉ុន្តែបញ្ហាត្រង់ថា នាពេលបច្ចុប្បន្ន អ្នកប្រើកុំព្យូទ័រជាភាសាខ្មែរបានជួបបញ្ហាលំបាកជាញឹកញាប់ក្នុងការសរសេរអត្ថបទភាសាខ្មែរឡើងវិញចំពោះឯកសារដែលបានបោះពុម្ពលើក្រដាស។ នេះដោយសារកម្ពុជាពុំទាន់មានសុសវែរម្យ៉ាង ឈ្មោះថា អូស៊ីអ (OCR) (ឬមានហើយ តែ សុក្រិតភាពលទ្ធផលពុំអាចទទួលយកបាន) ដែលមានលទ្ធភាពបំប្លែងអត្ថបទក្នុងទម្រង់ជារូបភាពឬ pdf ទៅជាទម្រង់មួយដែលអាចកែសម្រួលខ្លឹមសារអត្ថបទបាន ហើយដើម្បីដោះស្រាយបញ្ហានេះវិទ្យាស្ថានវិទ្យាសាស្រ្តនិងបច្ចេកវិទ្យានៃរាជបណ្ឌិត្យសភាកម្ពុជាបានបង្កើតកម្មវិធីអូស៊ីអខ្មែរថ្មីមួយ ដែលមានសមត្ថភាពស្គែនរូបភាពអត្ថបទភាសាខ្មែរទៅជាទម្រង់មួយដែលអាចកែសម្រួលខ្លឹមសារបានប្រកបដោយសុក្រឹតភាពខ្ពស់ប្រហែល ៨០%។
ចុងបញ្ចប់នៃចំណាប់អារម្មណ៍ប្រកាសបើកឱ្យកម្មវិធីមានដំណើរការនោះ ឯកឧត្តមបណ្ឌិតអគ្គលេខាធិការ ក៏បានសម្តែងអំណរគុណយ៉ាងជ្រាលជ្រៅ ចំពោះមហាជនដែលបានចូលរួម ព្រមទាំងបានបញ្ជាក់បន្ថែមម្តងទៀងនូវសេចក្តីសាទរចំពោះរាជរដ្ឋាភិបាលកម្ពុជាក្នុងការឧបត្ថម្ភគាំទ្រដល់វិស័យសិក្សាស្រាវជ្រាវជាន់ខ្ពស់នៅព្រះរាជាណាចក្រកម្ពុជា ជាពិសេសនៅរាជបណ្ឌិត្យសភាកម្ពុជាដែលតែងតែមានការគាំទ្រក្នុងគម្រោងស្រាវជ្រាវជាច្រើនតែងប្រកបបានដោយផ្លែផ្កា។
RAC Media | ស៊ាង រ៉ូហ្សាត
កាលពីព្រឹកថ្ងៃអង្គារ និងរសៀលថ្ងៃអង្គារ ១២រោច ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២១ ខែមករា ឆ្នាំ២០២០ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារីបានបើកកិច្ចប្រជុំដើម្បីពិនិ...
ថ្ងៃពុធ, 22 មករា 2020 ម៉ោង 11:00 AM
(រាជធានីភ្នំពេញ)៖ ដោយបានទ្រង់យល់សេចក្តីក្រាបបង្គំទូលថ្វាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្...
ថ្ងៃអង្គារ, 21 មករា 2020 ម៉ោង 03:56 PM
ថ្ងៃអង្គារ, 21 មករា 2020 ម៉ោង 09:51 AM
(រាជបណ្ឌិត្យសភាកម្ពុជា)៖ ថ្លែងក្នុងកិច្ចពិភាក្សាដែលមានការផ្សាយផ្ទាល់តាមបណ្តាញសង្គមហ្វេសប៊ុកពីរាជបណ្ឌិត្យសភាកម្ពុជា នៅវេលា ម៉ោង៦ល្ងាចថ្ងៃទី២០ ខែមករា ឆ្នាំ២០២០នេះ ឯកឧត្តមបណ្ឌិតសភាចារ្យ សុខ ទូច ប្រធានរាជ...
ថ្ងៃចន្ទ, 20 មករា 2020 ម៉ោង 09:49 PM
(ភ្នំគូលេន)៖ ថ្ងៃទី១៧ ខែមករា ឆ្នាំ២០២០ ឯកឧត្តមបណ្ឌិត យង់ ពៅ អគ្គលេខធិការនៃរាជបណ្ឌិត្យសភាកម្ពុជាបានបន្តដឹកនាំក្រុមការងារស្រាវជ្រាវនៅស្រះដំរី នៅមហេន្ទ្របរព័ត (ភ្នំគូលេន ) ដើម្បីសិក្សាស្វែងយល់អំពី...
ថ្ងៃសៅរ៍, 18 មករា 2020 ម៉ោង 12:03 PM
ភ្នំពេញ៖ នៅល្ងាចថ្ងៃព្រហស្បតិ៍ ៧រោច ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៦ ខែមករា ឆ្នាំ២០២០ នេះ នៅវិទ្យាស្ថានខុងជឺ នៃរាជបណ្ឌិត្យសភាកម្ពុជា មានរៀបចំកម្មវិធីអបអរពិធីបុណ្យចូលឆ្នាំប្រពៃណីចិន ដែ...
ថ្ងៃព្រហស្បតិ៍, 16 មករា 2020 ម៉ោង 08:02 PM
