ព័ត៌មាន

«គម្រោងការចិញ្ចឹមគោយកទឹកដោះ ឈានដល់ដំណាក់កាលសំខាន់»

ថ្ងៃសៅរ៍, 08 កញ្ញា 2018, 09:59 AM

អស់រយៈពេលជិត១ឆ្នាំកន្លងមកហើយដែលរាជបណ្ឌិត្យសភាកម្ពុជា បានដាក់ចេញនូវគោលដៅរៀបចំគម្រោងសិក្សាពីលទ្ធភាពនៃការចិញ្ចឹមគោយកទឹកដោះនៅក្នុងព្រះរាជាណាចក្រកម្ពុជាយើង។ គម្រោងការនេះ ជាចំណែកមួយដែលថ្នាក់ដឹកនាំនៃស្ថាប័នស្រាវជ្រាវរបស់ជាតិមួយនេះ បានប្តេជ្ញាក្នុងការធ្វើកំណែទម្រង់រាប់តាំងពីរដ្ឋបាលការងារផ្ទៃក្នុង ដើម្បីជំរុញប្រសិទ្ធភាពការងារ ជាពិសេសការងារស្រាវជ្រាវនៅតាមវិទ្យាស្ថានជំនាញទាំង៦ នៃរាជបណ្ឌិត្យសភាកម្ពុជា។

សូមរំឭកជូនថា កាលពីថ្ងៃទី១៨ ឧសភា ឆ្នាំ២០១៨ កន្លងទៅនេះ នៅក្នុងពិធីដាំដើឈើនៅឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានជួយឧបត្ថម្ភទឹកប្រាក់ក្នុងការចិញ្ចឹមគោយកទឹកដោះនេះ ចំនួន ១០ ម៉ឺនដុល្លារអាម៉េរិក និងមានការចូលរួមពីមន្ត្រីរាជការ និងសប្បុរសជននានាជាច្រើនទៀត ដែលសរុបទឹកប្រាក់ទាំងអស់ជាង ១៧ ម៉ឺនដុល្លារអាម៉េរិក។ ដោយមានការលើកទឹកចិត្តពីថ្នាក់ដឹកនាំរាជបណ្ឌិត្យសភាកម្ពុជា បានកំណត់គោលដៅយ៉ាងច្បាស់ថានឹងបង្កើតគម្រោងការចិញ្ចឹមគោយកទឹកដោះ ហើយកម្ពុជានឹងមានទឹកដោះគោស្រស់ដែល សមិទ្ធផលរបស់ស្ថាប័នរដ្ឋយើងនៅឆ្នាំក្រោយនេះ។

មកដល់ពេលនេះ គម្រោងសិក្សានិងចិញ្ចឹមគោយកទឹកដោះនៅឧទ្យានឫស្សីត្រឹប បានឈានដល់ដំណាក់កាលសំខាន់មួយ ហើយក៏ជាដំណាក់កាលសិក្សាចុងក្រោយ មុននឹងបន្តកិច្ចសហការជំហ៊ានបន្ទាប់ជាមួយដៃគូពីកសិដ្ឋានចិញ្ចឹមគោទឹកដោះនៅខេត្តស្រះកែវ។

ការសិក្សាចុងក្រោយអំពីបច្ចេកទេសចិញ្ចឹមគោយកទឹកដោះ ការថែទាំ និងការកែច្នៃទឹកដោះគោស្រស់ទៅជាផលិតផលសម្រេច ជាគោលបំណងនៃដំណើរទស្សនកិច្ចរបស់ក្រុមស្រាវជ្រាវរាជបណ្ឌិត្យសភាកម្ពុជាទៅកាន់ សហគមន៍ចិញ្ចឹមគោយកទឹកដោះ វ៉ាងណាំយិន ស្ថិតក្នុងខេត្តស្រះកែវ ប្រទេសថៃ នៅថ្ងៃសុក្រ១២រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៧ ខែកញ្ញា ឆ្នាំ២០១៨នេះ។ ដំណើរទស្សនកិច្ចនេះ ដឹកនាំដោយឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា។

ឯកឧត្តមប្រធានរាជបណ្ឌិត្យសភាកម្ពុជា បានបង្ហាញនូវទស្សនៈជាវិជ្ជមានពីដំណើរទស្សនកិច្ចសិក្សាមួយ នៅកសិដ្ឋានគោទឹកដោះនៅខេត្តស្រះកែវ តាមទំព័រហ្វេសប៊ុគ ថា «ថ្ងៃនេះខ្ញុំបានមកដល់ខេត្តស្រះកែវក្នុងប្រទេសថៃ ដើម្បីសិក្សាចុងក្រោយ ក្នុងការយកគោទឹកដោះទៅចិញ្ចឹមនៅប្រទេសកម្ពុជាយើង ហើយធ្វើការសរសេរជាសៀវភៅក៏ដូចជាចេញវីដេអូខ្លីៗសម្រាប់ប្រជាកសិករអាចយកទៅចិញ្ចឹមបន្តទៅទៀត ដើម្បីបង្កើនប្រាក់ចំណូលក្នុងគ្រួសារ»។

នេះជាការសិក្សាដំណាក់កាលចុងបញ្ចប់លើបច្ចេកទេសចិញ្ចឹមគោយកទឹកដោះរបស់ក្រុមការងារស្រាវជ្រាវនៃរាជបណ្ឌិត្យសភាកម្ពុជា ត្បិតនៅចុងឆ្នាំ២០១៨នេះ រាជបណ្ឌិត្យសភាកម្ពុជា នឹងនាំយកគោទឹកដោះចំនួន១០០ក្បាល មកចិញ្ចឹមនៅឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប ក្នុងខេត្តព្រះវិហារ។ ការចិញ្ចឹមនៅដំណាក់កាលដំបូង ជាការសិក្សា និងពិសោធន៍ដោយក្រុមការងារស្រាវជ្រាវរាជបណ្ឌិត្យសភាកម្ពុជា បន្ទាប់មកក្រុមការងារស្រាវជ្រាវ នឹងចងក្រងជាឯកសារ និងជាវីដេអូ ដើម្បីចែកចាយពីបច្ចេកទេស និងរបៀបថែទាំគោ របៀបបូមយកទឹកដោះគោ របៀបដាំស្មៅ ក៏ដូចជារបៀបរៀបចំអាហារបំប៉ន សម្រាប់ផ្សព្វផ្សាយជូនដល់ប្រជាកសិករខ្មែរយើងដែលមានបំណងបង្កើនប្រាក់ចំណូលតាមរយៈការចិញ្ចឹមគោយកទឹកដោះនេះ។

គួររំឭកថា ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានផ្តួចផ្តើមគម្រោងការចិញ្ចឹមគោយកទឹកដោះ ក្នុងគោលបំណងសំខាន់បង្កើតការងារថ្មីសម្រាប់អ្នកស្រាវជ្រាវ រៀបចំចងក្រងនូវឯកសារសម្រាប់អ្នកចិញ្ចឹមគ្រប់គ្នា។ រាជបណ្ឌិត្យសភាកម្ពុជា មិនត្រឹមតែផលិតនូវឯកសារជាសៀវភៅប៉ុណ្ណោះទេ គឺរៀបចំផលិតទាំងឯកសារជាវីដេអូខ្លី ជារូបភាពផ្សេងពាក់ព័ន្ធនឹងវិស័យកសិកម្ម សម្រាប់ធ្វើជាជំនួយដល់អ្នកសិក្សា និងកសិករ ដែលមានចំណាប់អារម្មណ៍ក្នុងវិស័យកសិកម្ម។ ក្រៅពីគម្រោងការចិញ្ចឹមគោយកទឹកដោះនេះ នៅមានគម្រោងជាច្រើននឹងអនុវត្តនៅឧទ្យានរាជបណ្ឌិត្យសភាកម្ពុជាតេជោសែនឫស្សីត្រឹប ដូចជា គម្រោងការបង្កើតសួនសត្វសាហ្វារី គម្រោងបង្កើតកសិដ្ឋានចិញ្ចឹមដង្កូវនាង ជាដើម ហើយគម្រោងការទាំងនេះ សុទ្ធតែមានគោលដៅបង្កើតការងារជូនប្រជាពលរដ្ឋដែលរស់នៅជុំវិញតំបន់ឧទ្យានឫស្សីត្រឹប ដែលនឹងក្លាយជាចំណែកមួយជួយបង្កើនប្រាក់ចំណូលប្រចាំគ្រួសារ និងជួយកាត់បន្ថយការអាស្រ័យលើអនុផលព្រៃឈើ ដូចជា ការកាប់ឈើ ការរានដីព្រៃ និងការប្រមាញ់សត្វព្រៃ ជាដើម។ រាជបណ្ឌិត្យសភាកម្ពុជា មានគោលដៅចូលរួមចំណែកស្រាវជ្រាវរករបកគំហើញថ្មីៗបន្ថែមទៀត ដើម្បីជូនដល់រាជរដ្ឋាភិបាល និងប្រជាជនកម្ពុជា សំដៅលើកកម្ពស់កម្រិតជីវភាពរបស់កសិករយើងឱ្យស្របនឹងគោលនយោបាយជាតិដែលបានកំណត់ថា នៅឆ្នាំ២០៣០ កម្ពុជានឹងក្លាយជាប្រទេសមានចំណូលមធ្យមកម្រិតខ្ពស់ និងក្នុងឆ្នាំ២០៥០ កម្ពុជានឹងក្លាយទៅជាប្រទេសមានចំណូលខ្ពស់៕

ខាងក្រោមនេះ ជារូបភាពពីដំណើរទស្សនកិច្ចនៅកសិដ្ឋានចិញ្ចឹមគោទឹកដោះនៅខេត្តស្រះកែវ របស់ថ្នាក់ដឹកនាំរាជបណ្ឌិត្យសភាកម្ពុជា៖

RAC Media

អត្ថបទទាក់ទង

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណ:កម្មការអក្សរសិល្ប៍»

ថ្ងៃអង្គា ១០កេីត ខែបុស្ស ឆ្នាំច សំរឹទ្ធិស័ក ព.ស.២៥៦២ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ជួរ គារី បានបន្តដឹកនាំប្រជុំពិនិត្យ ពិភាក្សា និងអនុម័តបច្ចេកសព្ទគណ:កម្មការអក្សរសិល្ប៍បានចំនួ...

Wed, 16,01,2019, 08:29 AM

«ជំនួបជាមួយប្រតិភូមកពីប្រទេសស៊ុយអែត » ដោយ៖ ស៊ឺន សម

ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានជួបជាមួយលោក Love Englund ដែលជាអ្នកជំនួញ និងជាអ្នកម្ចាស់ក្រុមហ៊ុន The Room Design Studio នៅព្រះរាជាណាចក្រកម្ពុជា និងនៅប្រទេសស៊ុយអែត កាលពីថ្...

Tue, 15,01,2019, 04:38 AM

«ដើមកំណើតនិងស្ថានភាពល្ខោនយីកេក្នុងសង្គមខ្មែរបច្ចុប្បន្ន» ដោយ៖ សរ សិលា

Mon, 14,01,2019, 04:51 AM

«អ្វីទៅជាគណិតវិទ្យាទ្រឹស្តី?» ដោយ៖ កៅ មុយសាន និង ភួង តារារិន្ទ

RAC Media

Sat, 12,01,2019, 04:10 AM

«យុវជន គួរងាកទៅសម្លឹងជំនាញតម្បាញហូល/ផាមួង ជាជាងការធ្វើចំណាកស្រុកឬធ្វើការងាររោងចក្រ» ដោយ៖ ម៉ៅ សុគន្ធា

« ក្មេងៗសម័យនេះ ទៅធ្វើការរោងចក្រ ឬ ទៅធ្វើការស្រុកផ្សេងអស់ហើយ ព្រោះពួកគេមិនចង់អង្គុយត្បាញនៅមួយកន្លែង សម្ងំតែក្នុងផ្ទះបែបនេះទេ។ ប៉ុន្តែ បើធៀបតម្លៃពលកម្ម ការងាររោងចក្របានច្រើនណាស់ ត្រឹម តែ៣០០ ដុល្លារប៉ុណ...

Sat, 12,01,2019, 03:32 AM

«ដំណើរទស្សនកិច្ចសាកលវិទ្យាធិការនៃ Southwest University នៅរាជបណ្ឌិត្យសភាកម្ពុជា»

ឯកឧត្តមបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា ក្នុងនាមតំណាងឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានទទួលជួបជាមួយលោកសាស្ត្រាចារ្យ Liu Meng និងគណៈប្រតិភូនៃសាកលវិទ្យាល័យ S...

Fri, 11,01,2019, 04:39 AM

រាជបណ្ឌិត្យសភាកម្ពុជា

ព័ត៌មាន

«គម្រោងការចិញ្ចឹមគោយកទឹកដោះ ឈានដល់ដំណាក់កាលសំខាន់»

អត្ថបទទាក់ទង

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណ:កម្មការអក្សរសិល្ប៍»

«ជំនួបជាមួយប្រតិភូមកពីប្រទេសស៊ុយអែត » ដោយ៖ ស៊ឺន សម

«ដើមកំណើតនិងស្ថានភាពល្ខោនយីកេក្នុងសង្គមខ្មែរបច្ចុប្បន្ន» ដោយ៖ សរ សិលា

«អ្វីទៅជាគណិតវិទ្យាទ្រឹស្តី?» ដោយ៖ កៅ មុយសាន និង ភួង តារារិន្ទ

«យុវជន គួរងាកទៅសម្លឹងជំនាញតម្បាញហូល/ផាមួង ជាជាងការធ្វើចំណាកស្រុកឬធ្វើការងាររោងចក្រ» ដោយ៖ ម៉ៅ សុគន្ធា

«ដំណើរទស្សនកិច្ចសាកលវិទ្យាធិការនៃ Southwest University នៅរាជបណ្ឌិត្យសភាកម្ពុជា»

សេចក្តីប្រកាស

ទំនាក់ទំនង

មាតិកា

ដៃគូរសហការ

បណ្ដាញសង្គម

រាជបណ្ឌិត្យសភាកម្ពុជា

ព័ត៌មាន

«គម្រោងការចិញ្ចឹមគោយកទឹកដោះ ឈានដល់ដំណាក់កាលសំខាន់»

អត្ថបទទាក់ទង

«កិច្ចប្រជុំពិនិត្យ ពិភាក្សា និងអនុម័តបច្ចេកសព្ទគណ:កម្មការអក្សរសិល្ប៍»

«ជំនួបជាមួយប្រតិភូមកពីប្រទេសស៊ុយអែត » ដោយ៖ ស៊ឺន សម​

«ដើមកំណើតនិងស្ថានភាពល្ខោនយីកេក្នុងសង្គមខ្មែរបច្ចុប្បន្ន» ដោយ៖ សរ សិលា

«អ្វីទៅជាគណិតវិទ្យាទ្រឹស្តី?» ដោយ៖ កៅ មុយសាន និង ភួង តារារិន្ទ

«យុវជន គួរងាកទៅសម្លឹងជំនាញតម្បាញហូល/ផាមួង ជាជាងការធ្វើចំណាកស្រុកឬធ្វើការងាររោងចក្រ» ដោយ៖ ម៉ៅ សុគន្ធា

«ដំណើរទស្សនកិច្ចសាកលវិទ្យាធិការនៃ Southwest University នៅរាជបណ្ឌិត្យសភាកម្ពុជា»

សេចក្តីប្រកាស

ទំនាក់ទំនង

មាតិកា

ដៃគូរសហការ

បណ្ដាញសង្គម

«ជំនួបជាមួយប្រតិភូមកពីប្រទេសស៊ុយអែត » ដោយ៖ ស៊ឺន សម