ព័ត៌មាន

«អភិក្រមទាំង៥ត្រូវបានយកមកអនុវត្ដជាលើកដំបូងសម្រាប់រាជបណ្ឌិត្យសភាកម្ពុជា»

2018-09-04 05:17:50 ថ្ងៃអង្គារ, 04 កញ្ញា 2018 ម៉ោង 12:17 PM
អ្នកមើល 18214
post_detail

រាជបណ្ឌិត្យសភាកម្ពុជា បាននឹងកំពុងយកអភិក្រមទាំង៥ មកអនុវត្ដនៅក្នុងស្ថាប័នរបស់ខ្លួនដើម្បីជំរុញកំណើនការងារ សមធម៌ និងប្រសិទ្ធភាពការងាររបស់មន្ដ្រីរាជការនានា។ សំខាន់ គឺដើម្បីជំរុញឱ្យស្ថាប័នមានការអភិវឌ្ឍ ក៏ដូចជាការស្វែងរកធាតុចូលបន្ថែមឱ្យកាន់តែមានប្រសិទ្ធភាពជូនរាជរដ្ឋាភិបាលកម្ពុជា។

អ្វីទៅជាអភិក្រមទាំង៥?

១. ឆ្លុះកញ្ចក់ គឺត្រូវចេះស្វ័យទិតៀន ឬដាក់ខ្លួនឱ្យមហាជនរិះគន់រាល់ចំណុចអវិជ្ជមាននានា។

២. ងូតទឹក គឺត្រូវសម្អាតកាយ វាចា និងចិត្ដ ពោលគឺ រៀបចំការស្លៀកពាក់សមរម្យឱ្យសក្ដិសមជាមន្ដ្រីរាជការ និយាយស្ដីពីពីរោះពិសាជាមួយមិត្ដរួមការងារ ក៏ដូចជាមហាជនទូទៅ មិនត្រូវឈ្នានីស ប្រកាន់ ច្រណែន ខឹង ស្អប់ ព្យាបាទ។

៣. ដុសក្អែល គឺត្រូវលុបបំបាត់នូវទម្លាប់អាក្រក់ និងទង្វើអសកម្មទាំងឡាយដូចជាអំពើពុករលួយ បក្សពួកនិយម។

៤. ព្យាបាល គឺត្រូវដាក់វិន័យរាល់កំហុសឆ្គង ចេះកែប្រែឥរិយាបថរបស់ខ្លួនដែលឆ្គាំឆ្គង ដើម្បីជាគំរូផង និងជួយដាស់តឿនមនុស្សជុំវិញខ្លួនផងដែរ។

៥. វះកាត់ 

គួររំលឹកដែរថា វិទ្យាស្ថានវប្បធម៌ និងវិចិត្រសិល្បៈ គឺជាវិទ្យាស្ថានទី១ ដែលឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានកោះប្រជុំកាលពីព្រឹកម៉ិញនេះ ដើម្បីធ្វើការត្រួតពិនិត្យ និងតាម​ដាន​ការងារបច្ចុប្បន្នភាពរបស់វិទ្យាស្ថាន។ 

សូមជម្រាបថាវិទ្យាស្ថាននេះមានផ្នែកចំនួន៥រួមមាន៖ ផ្នែកវប្បធម៌វិទ្យា ផ្នែកសិល្បៈនិងឥស្សរិយយស ផ្នែកស្ថាបត្យកម្ម ផ្នែកបុរាណវិទ្យា និងផ្នែកទស្សនីយភាព។ សម្រាប់ឆ្នាំ២០១៨នេះ វិទ្យាស្ថានបានទទួលនៅគម្រោង​ស្រាវជ្រាវ​មួយ គឺគម្រោងសម្បត្ដិបេតិកភណ្ឌវប្បធម៌អរូបី និងអរូបីនៅឧទ្យានរាជបណ្ឌិត្យសភាកម្ពុជាតេជោសែន ឫស្សីត្រឹប ដែលមានទីតាំងនៅស្រុកឆែប ខេត្តព្រះវិហារ។

ក្នុងកិច្ចប្រជុំនេះឯកឧត្ដមបណ្ឌិតសភាចារ្យប្រធានរាជបណ្ឌិត្យសភាកម្ពុជាបានផ្ដល់អនុសាសន៍ ដល់វិទ្យាស្ថានថា៖

១. សូមមន្ដ្រីកុំដេកលក់ទាំងអស់គ្នា។

២. សូមកុំទម្លាប់អាក្រក់ ហែកកេរ្តិ៍គ្នា និយាយដើម។ល។

៣. ការរកឃើញអ្វីមួយ ត្រូវតែបង្ហាញដល់សាធារណជនទូទៅ ដើម្បីធ្វើការបង្ហាញដល់ពលរដ្ឋជំនាន់ក្រោយ សូមកុំយកទុកក្នុងបន្ទប់។

ជាលទ្ធផលនៃកិច្ចប្រជុំ ថ្ងៃទី៤ ខែកញ្ញា ឆ្នាំ២០១៨នេះ វិទ្យាស្ថានវប្បធម៌ និងវិចិត្រសិល្បៈនៃរាជបណ្ឌិត្យសភាកម្ពុជា បានសន្យានឹងប្រធានរាជបណ្ឌិត្យសភាកម្ពុជាថា នៅឆ្នាំក្រោយវិទ្យាស្ថាននឹងបង្កើតឱ្យមានការសម្ដែង​សិល្បៈ វប្បធម៌ ដែលជាសមិទ្ធផលបានមកពីការស្រាវជ្រាវរបស់វិទ្យាស្ថាន៕

RAC Media

អត្ថបទទាក់ទង

«ទឹកភ្លៀងជាដំណោះស្រាយសម្រាប់ការផ្គត់ផ្គង់ទឹកនៅតំបន់ជនបទ»

ដោយមានកិច្ចសហការល្អរវាងរាជបណ្ឌិត្យសភាកម្ពុជា និងសាកលវិទ្យាល័យជាតិសេអ៊ូលនៃសាធារណរដ្ឋកូរ៉េ នាព្រឹកថ្ងៃសុក្រ ៥កើត ខែជេស្ឋ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី៧ ខែមិថុនា ឆ្នាំ២០១៩ រាជបណ្ឌិត្យសភាកម្ពុ...

2019-06-07 09:10:17   ថ្ងៃសុក្រ, 07 មិថុនា 2019 ម៉ោង 04:10 PM
«ប្រជុំពិនិត្យ ពិភាក្សា និង អនុម័តបច្ចេកសព្ទរបស់ គណៈកម្មការគីមីវិទ្យា និងរូបវិទ្យា»

នៅរសៀល ថ្ងៃពុធ ទី០៥ ខែមិថុនា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ហ៊ាន សុខុម បានពិនិត្យ ពិភាក្សា និង អនុម័តបច្ចេកសព្ទរបស់ គណៈកម្មការគីមីវិទ្យា និងរូបវិទ្យា បានចំនួន០១ពាក្...

2019-06-06 03:00:29   ថ្ងៃព្រហស្បតិ៍, 06 មិថុនា 2019 ម៉ោង 10:00 AM
«ប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការអក្សរសិល្ប៍»

ថ្ងៃអង្គារ ទី៤ ខែមិថុនា ឆ្នាំ២០១៩ ក្រុមប្រឹក្សាជាតិភាសាខ្មែរ ក្រោមអធិបតីភាពឯកឧត្តមបណ្ឌិត ប៊ី សុខគង់ បានបន្តដឹកនាំប្រជុំពិនិត្យ ពិភាក្សា និង អនុម័តបច្ចេកសព្ទគណ:កម្មការអក្សរសិល្ប៍ បានចំនួន០៤ពាក្យ ដូចខា...

2019-06-05 02:00:49   ថ្ងៃពុធ, 05 មិថុនា 2019 ម៉ោង 09:00 AM
«វិមានរំឭកដល់អ្នកស្លាប់ក្នុងសង្គ្រាមលោកលើកទី១» ភាគទី៧ - វគ្គទី៥ ដោយ៖ លោកស្រី ស៊ន ច័ន្ទអមរា មន្ត្រីលេខាធិការដ្ឋាននៃក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជា

ពិធីសម្ពោធ«វិមានរំឭកដល់អ្នកស្លាប់ក្នុងសង្គ្រាមលោកលើកទី១» ក្រោមអធិបតីភាពព្រះបាទសម្តេចស៊ីសុវត្ថិ និងរេស៊ីដង់ជាន់ខ្ពស់បារាំងhttp://rac.gov.kh/royal-academy/research/attachments/original/115.pdf?155962142...

2019-06-04 04:30:57   ថ្ងៃអង្គារ, 04 មិថុនា 2019 ម៉ោង 11:30 AM
«ប្រធានរាជបណ្ឌិត្យសភាកម្ពុជាធ្វើបទបង្ហាញដល់បងប្អូនពលករខ្មែរក្នុងប្រទេសកូរ៉េខាងត្បូង»

ក្រោមកិច្ចសហការរបស់ឯកឧត្តមឡុងឌី ម៉ង់ ឯកអគ្គរាជទូតព្រះរាជណាចក្រកម្ពុជាប្រចាំប្រទេសកូរ៉េ និងមជ្ឈមណ្ឌលបណ្តុះបណ្តាលវិជ្ជាជីវៈថេគូ ឯកឧត្តមបណ្ឌិត្យសភាចារ្យសុខ ទូច បានធ្វើបទបង្ហាញស្តីពី «ដំណើរប្រព្រឹត្តទៅរបស...

2019-06-03 07:33:11   ថ្ងៃចន្ទ, 03 មិថុនា 2019 ម៉ោង 02:33 PM
«ឯកឧត្តម សុខ ទូច ដឹកនាំប្រតិភូរាជបណ្ឌិត្យសភាកម្ពុជាទស្សនកិច្ចនៅវិទ្យាស្ថានកែច្នៃទឹកដោះគោ Imsil ក្នុងខេត្តក្វាងជូ សាធារណរដ្ឋកូរ៉េ»

 ក្រោមកិច្ចសហប្រតិបត្តិការរវាងរាជបណ្ឌិត្យសភាកម្ពុជា នៃព្រះរាជាណាចក្រកម្ពុជានិងក្រុមប្រឹក្សាជាតិស្រាវជ្រាវសេដ្ឋកិច្ច មនុស្សសាស្ត្រ និងវិទ្យាសាស្ត្រសង្គម នៃសាធារណរដ្ឋកូរ៉េ  ឯកឧត្តមសុខ ទូចប្រធានរាជបណ្ឌិត...

2019-06-03 07:16:39   ថ្ងៃចន្ទ, 03 មិថុនា 2019 ម៉ោង 02:16 PM

សេចក្តីប្រកាស