ព័ត៌មាន

បណ្ឌិតសភាចារ្យ សុខ ទូច៖ «វាដល់ពេលហើយ ដែលមន្ត្រីរាជការនៃរាជបណ្ឌិត្យសភាកម្ពុជា ត្រូវចាប់ផ្ដើមជួយជាតិ និងស្ថាប័នឱ្យបានកាន់តែច្រើនបន្ថែមទៀត» ដោយ៖ លឹម សុវណ្ណរិទ្ធ

2019-07-24 09:38:58 ថ្ងៃពុធ, 24 កក្កដា 2019 ម៉ោង 04:38 PM
អ្នកមើល 10151
post_detail

ភ្នំពេញ៖ នៅព្រឹកថ្ងៃទី២៤ ខែកក្កដា ឆ្នាំ២០១៩ នេះ រាជបណ្ឌិត្យសភាកម្ពុជាបានរៀបចំកិច្ចប្រជុំរួមមួយរវាងថ្នាក់ដឹកនាំរាជបណ្ឌិត្យសភាកម្ពុជា និងថ្នាក់ដឹកនាំនិងមន្ត្រីរាជការតាមវិទ្យាស្ថាននិងស្ថាប័នឧបសម្ព័ន្ធនានានៃរាជ​បណ្ឌិត្យ​សភាកម្ពុជា ក្រោមអធិបតីភាពរបស់ឯកឧត្ដមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងជាអនុប្រធានប្រចាំការក្រុមប្រឹក្សាបណ្ឌិតសភាចារ្យ នៃរាជបណ្ឌិត្យសភាកម្ពុជា។ កិច្ចប្រជុំរួមនេះ ធ្វើឡើងក្នុងគោលបំណងប្រមូលនិងទទួលយកទស្សនៈ និងគំនិតថ្មីៗ របស់ថ្នាក់ដឹកនាំ និងមន្ត្រីរាជការ នៃរាជបណ្ឌិត្យសភាកម្ពុជាទាំងអស់ ដើម្បីរួមគ្នាជំរុញដល់វឌ្ឍនភាពនៃដំណើការប្រព្រឹត្តទៅរបស់ស្ថាប័នស្រាវជ្រាវជាតិខ្ពស់ជាតិមួយនេះ។

ឯកឧត្ដមបណ្ឌិតសភាចារ្យប្រធានរាជបណ្ឌិត្យសភាកម្ពុជា បានថ្លែងណែនាំឱ្យមានការជជែកនិងលើកឡើងនូវទស្សនៈ និងការយល់ឃើញរបស់មន្ត្រីរាជការ និងថ្នាក់ដឹកនាំគ្រប់លំដាប់ថ្នាក់ ឱ្យបានទូលំទូលាយ ដើម្បីជាការចូលរួមចំណែកជាទស្សនទានថ្មីក្នុងដំណើរការស្រាវជ្រាវ បណ្ដុះបណ្ដាល និងការអភិវឌ្ឍស្ថាប័ន។

ក្នុងនោះផងដែរ ឯកឧត្ដមបណ្ឌិតសភាចារ្យប្រធាន បានជំរុញឱ្យមន្ត្រីរាជការទាំងអស់នៃរាជបណ្ឌិត្យសភាកម្ពុជា ត្រូវខិតខំប្រឹងប្រែងបង្កើនសមត្ថភាព និងឆន្ទៈនៅក្នុងការបំពេញការងាររបស់ខ្លួន ដើម្បីបុព្វហេតុប្រទេសជាតិ និងស្ថាប័នស្រាវជ្រាវជាន់ខ្ពស់ជាតិមួយនេះ។ ឯកឧត្ដមបណ្ឌិតសភាចារ្យ បានមានប្រសាសន៍ថា៖ «វាដល់ពេលហើយ ដែលមន្ត្រីរាជការនៃរាជបណ្ឌិត្យសភាកម្ពុជា ត្រូវចាប់ផ្ដើមជួយជាតិ និងស្ថាប័នឱ្យបានកាន់តែច្រើនថែមទៀត។»

លើសពីនេះទៅទៀត ឯកឧត្ដមបណ្ឌិតសភាចារ្យ សុខ ទូច បានព្រមាននឹងចាត់រាល់វិធានការទាំងឡាយ ចំពោះរាល់មន្ត្រីដែលអសកម្ម ឬអសមត្ថភាពនៅក្នុងរាជបណ្ឌិត្យសភាកម្ពុជា ដែលអាចធ្វើឱ្យរាំងស្ទះដំណើរការប្រព្រឹត្តឆ្ពោះទៅមុខរបស់ស្ថាប័ន។ ឯកឧត្ដមបណ្ឌិតសភាចារ្យ បានសង្កត់ធ្ងន់ថា៖

«សម្រាប់មន្ត្រីដែលអសមត្ថភាព មិនថាប្រធានវិទ្យាស្ថាន ឬប្រធានរាជបណ្ឌិត្យសភាកម្ពុជាទេ គឺមានសិទ្ធិក្នុងការចាត់វិធានការ និងអារកាត់ ដើម្បីឱ្យការងាររបស់ស្ថាប័នដំណើរការទៅប្រកបដោយប្រសិទ្ធភាព។»

គួរបញ្ជាក់ផងដែរថា ក្រោយពីបានឡើងកាន់តំណែងជាប្រធានរាជបណ្ឌិត្យសភាកម្ពុជា ឯកឧត្ដមបណ្ឌិតសភាចារ្យ សុខ ទូច ធ្លាប់បានប្រកាសចាត់វិធានការយ៉ាងម៉ឺងម៉ាត់ ចំពោះរាល់មន្ត្រីដែលអវត្តមានច្រើននៅក្នុងស្ថាប័ន ពិសេសមន្ត្រីដែលមានតួនាទី ត្រូវតែប្រើប្រាស់សមត្ថភាពរបស់ខ្លួនឱ្យអស់ពីលទ្ធភាព ដើម្បីចូលរួមចំណែកអភិវឌ្ឍផ្នែកដែលខ្លួនទទួលខុសត្រូវ និងវិទ្យាស្ថានដែលខ្លួនកំពុងបំពេញការងារ។ ក្នុងនោះដែរ ឯកឧត្ដមបណ្ឌិតសភាចារ្យ ក៏បានក្រើនរំឭកម្ដងហើយម្ដងទៀតថា វត្តមាននៅកន្លែងធ្វើការ គឺជាតម្រូវការចាំបាច់ផ្នែករដ្ឋបាល ប៉ុន្តែក្នុងនាមជាមន្ត្រីដែលបម្រើការងារក្នុងស្ថាប័នស្រាវជ្រាវជាន់ខ្ពស់របស់ជាតិ ស្នាដៃស្រាវជ្រាវ គឺជាម៉ែត្រដ៏សំខាន់សម្រាប់វាស់វែងសមត្ថភាពការងាររបស់មន្ត្រី៕

RAC Media | លឹម សុវណ្ណរិទ្ធ


អត្ថបទទាក់ទង

«ផលប្រយោជន៍ដែលកម្ពុជាអាចទទួលបានពីកិច្ចប្រជុំកំពូល ASEM» ដោយ៖ បណ្ឌិត កា ម៉ាធុល វិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា

កិច្ចប្រជុំអាស៊ី-អឺរ៉ុប (ASEM) គឺជាកិច្ចពិភាក្សានៃដំណើរការផ្លូវការមួយ និងកិច្ចសហប្រតិបត្តិការរវាងសមាជិកសហភាពអឺរ៉ុបទាំង៣០ប្រទេស និងអាស៊ីចំនួន២១ប្រទេស ព្រមទាំងលេខាធិការអាស៊ានផងដែរ។ កិច្ចពិភាក្សា ASEM លើ...

2020-03-16 03:04:12   ថ្ងៃចន្ទ, 16 មីនា 2020 ម៉ោង 10:04 AM
«ឯកឧត្តមបណ្ឌិត យង់ ពៅ អញ្ជើញដឹកនាំកិច្ចប្រជុំផ្សព្វផ្សាយគោលការណ៍បទបញ្ជាផ្ទៃក្នុងរបស់រាជបណ្ឌិត្យសភាកម្ពុជាដល់មន្ត្រីថ្មី»

(រាជបណ្ឌិត្យសភាកម្ពុជា)៖ ដើម្បីជំរុញប្រសិទ្ធភាព និងប្រសិទ្ធផលការងារវិទ្យាសាស្ត្រ នៅព្រឹកថ្ងៃសុក្រ ៥រោច ខែ ផល្គុន ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៣ ខែមីនា ឆ្នាំ២០២០ ឯកឧត្តមបណ្ឌិត យង់ ពៅ អគ្គលេខ...

2020-03-13 09:01:57   ថ្ងៃសុក្រ, 13 មីនា 2020 ម៉ោង 04:01 PM
គ្រោះរាំងស្ងួត៖ បញ្ហាប្រវត្តិសាស្ត្រដែលប្រឈមនឹងកិច្ចសហប្រតិបត្តិការមេគង្គ-ឡានឆាង ដោយ៖ លោក អ៊ុច លាង នាយកដ្ឋានសិក្សាអាស៊ី អាហ្វ្រិក និងមជ្ឍិមបូព៌ានៃវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិត្យសភាកម្ពុជា

យោងតាមការសិក្សាស្រាវជ្រាវរបស់គណៈកម្មការទន្លេមេគង្គ នាពេលថ្មីៗនេះ គ្រោះរាំងស្ងួត តែងតែ កើតមានឡើងជាញឹកញាប់ នៅទូទាំងអាងទន្លេមេគង្គ និងមានការកើនឡើងឥតឈប់ឈរក្នុងរយៈពេលប៉ុន្មានទសវត្សរ៍ចុងក្រោយនេះ។ ផ្នែកខាងលើ...

2020-03-12 07:31:12   ថ្ងៃព្រហស្បតិ៍, 12 មីនា 2020 ម៉ោង 02:31 PM
‌«ទីផ្សារកំពុងដាំក្បាលចុះ, វីរុសកូរ៉ូណាកំពុងរាតត្បាត ឯលោក Donald Trump កំពុងវាយប្រហារ​លោក Joe Biden និងប្រព័ន្ធផ្សព្វផ្សាយ» ប្រែសម្រួល៖ ដោយ លោក ជា ធារិទ្ធ នាយកដ្ឋានសិក្សាអាម៉េរិក អាម៉េរិកឡាទីន និងអូសេអានី

លោកប្រធានាធិបតី Donald Trump ដែលរដ្ឋបាលរបស់លោកកំពុងស្ថិតនៅក្រោមសម្ពាធ និងទទួលរងនូវការរិះគន់កាន់តែខ្លាំងចំពោះការឆ្លើយតបរបស់ខ្លួនទៅនឹងការរាលដាលមេរោគកូរ៉ូណា បានផ្ទុះឡើងនៅលើប្រព័ន្ធផ្សព្វផ្សាយធ្វីតធ័រកាលព...

2020-03-11 10:12:51   ថ្ងៃពុធ, 11 មីនា 2020 ម៉ោង 05:12 PM
«ឯកឧត្តមបណ្ឌិត យង់ ពៅ លើកទឹកចិត្តមន្ត្រីរាជបណ្ឌិត្យសភាកម្ពុជាគោរពវិន័យ និងប្រឹងប្រែងបំពេញការងារ បន្សល់ស្នាដៃ និងកេរ្តិ៍ឈ្មោះក្នុងស្ថាប័ន និងសង្គមជាតិ»

(រាជបណ្ឌិត្យសភាកម្ពុជា)៖ ឯកឧត្តមបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជាបានលើកទឹកចិត្តមន្ត្រីរាជបណ្ឌិត្យសភាកម្ពុជាទាំងអស់ត្រូវគោរពវិន័យ និងប្រឹងប្រែងបំពេញការងារ ដើម្បីបន្សល់ស្នាដៃ និងកេរ្តិ៍ឈ្...

2020-03-11 06:29:20   ថ្ងៃពុធ, 11 មីនា 2020 ម៉ោង 01:29 PM
ប្រធានរាជបណ្ឌិត្យសភាកម្ពុជា៖ មន្ត្រីរាជការដែលប្រឡងជាប់ថ្មី ត្រូវធ្វើខ្លួនឱ្យក្លាយទៅជាអ្នកបន្តវេនជាអ្នកធានានូវសុចរិត តម្លាភាព និងយុត្តិធម៌

(រាជបណ្ឌិត្យសភាកម្ពុជា)៖ កាលពីព្រឹកថ្ងៃអង្គារ៍ ២រោច ខែផល្គុន ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១០ ខែមីនា ឆ្នាំ២០២០ នេះ ក្នុងកិច្ចប្រជុំរួមនៃរាជបណ្ឌិត្យសភាកម្ពុជា ដែលបានចាប់ផ្ដើមពីម៉ោង ៩:០០ នាទីព...

2020-03-11 06:23:56   ថ្ងៃពុធ, 11 មីនា 2020 ម៉ោង 01:23 PM

សេចក្តីប្រកាស